P9_TA(2023)0449Údarú lena gcumhachtaítear an Fhrainc chun comhaontú déthaobhach a chaibidliú leis an Ailgéir i ndáil le hábhair a bhaineann le comhar breithiúnach in ábhair dlí teaghlaighRún reachtach ó Pharlaimint na hEorpa an 12 Nollaig 2023 ar an togra le haghaidh Cinneadh ón gComhairle maidir le húdarú atá dírithe ar an bhFrainc chun comhaontú déthaobhach a chaibidliú leis an Ailgéir i ndáil le hábhair a bhaineann le comhar breithiúnach in ábhair dlí teaghlaigh (COM(2023)0064 – C9-0026/2023 – 2023/0027(CNS))(An gnáthnós imeachta reachtach – comhairliúchán)Tá Parlaimint na hEorpa,

–ag féachaint don togra ón gCoimisiún chuig an gComhairle (COM(2023)0064),

–ag féachaint d’Airteagal 2(1) agus d’Airteagal 81(3) den Chonradh ar Fheidhmiú an Aontais Eorpaigh, ar dá bhun a chuaigh an Chomhairle i gcomhairle le Parlaimint na hEorpa (C9-0026/2023),

–ag féachaint do Riail 82 dá Rialacha Nós Imeachta,

–ag féachaint don tuarascáil ón gCoiste um Ghnóthaí Dlíthiúla (A9-0355/2023)

1.ag formheas an togra ón gCoimisiún arna leasú;

2.á iarraidh ar an gCoimisiún a thogra a athrú dá réir, i gcomhréir le hAirteagal 293(2) den Chonradh ar Fheidhmiú an Aontais Eorpaigh;

3.á iarraidh ar an gComhairle fógra a thabhairt do Pharlaimint na hEorpa má tá sé ar intinn aici imeacht ón téacs atá formheasta ag Parlaimint na hEorpa;

4.á iarraidh ar an gComhairle dul i gcomhairle le Parlaimint na hEorpa arís má tá sé ar intinn aici an togra ón gCoimisiún a leasú go substaintiúil;

5.á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Téacs arna mholadh ag an gCoimisiúnLeasúLeasú 1Togra le haghaidh cinnidhAithris 2

(2) Sholáthair an Fhrainc faisnéis a léiríonn go bhfuil leas ar leith aici sa dréacht-chomhaontú a tarchuireadh chuig an gCoimisiún a chaibidliú, mar gheall ar na naisc eisceachtúla eacnamaíocha, chultúrtha, stairiúla, shóisialta agus pholaitiúla idir an Fhrainc agus an Ailgéir.

(2) Sholáthair an Fhrainc faisnéis a léiríonn, mar gheall ar na naisc eisceachtúla eacnamaíocha, chultúrtha, stairiúla, shóisialta agus pholaitiúla idir an Fhrainc agus an Ailgéir, go bhfuil leas ar leith ag an bhFrainc comhaontú déthaobhach a chaibidliú leis an Ailgéir, ar tarchuireadh an dréacht de chuig an gCoimisiún.

Leasú 2Togra le haghaidh cinnidhAithris 8

(8) Bíonn tionchar ag an gcuid is mó de na hábhair a ndéileálfar leo sa dréacht-chomhaontú idir an Fhrainc agus an Ailgéir ar acquis an Aontais, go háirithe reachtaíocht an Aontais maidir le hábhair dlí teaghlaigh. Dá réir sin, tagann na hábhair a chumhdaítear leis na gealltanais idirnáisiúnta sin faoi inniúlacht eachtrach eisiach an Aontais. Ní fhéadfaidh na Ballstáit gealltanais den sórt sin a chaibidliú ná a ghlacadh orthu féin ach amháin má thugann an tAontas de chumhacht dóibh déanamh amhlaidh i gcomhréir le hAirteagal 2(1) den Chonradh ar Fheidhmiú an Aontais Eorpaigh (CFAE) i gcomhar le bunús dlí substainteach Airteagal 81(3) CFAE.

(8) Bíonn tionchar ag roinnt de na hábhair a ndéileálfar leo sa dréacht-chomhaontú idir an Fhrainc agus an Ailgéir ar acquis ábhartha an Aontais maidir le hábhair dlí teaghlaigh. Dá réir sin, tagann na hábhair a chumhdaítear leis na gealltanais idirnáisiúnta sin faoi inniúlacht eachtrach eisiach an Aontais. Ní fhéadfaidh na Ballstáit na gealltanais sin a chaibidliú ná a ghlacadh orthu féin ach amháin má thugtar cumhacht dóibh ó reachtóir an Aontais déanamh amhlaidh faoi Airteagal 2(1) den Chonradh ar Fheidhmiú an Aontais Eorpaigh (CFAE), i gcomhréir leis an nós imeachta reachtach dá dtagraítear in Airteagal 81(3) CFAE.

Leasú 3Togra le haghaidh cinnidhAirteagal 1 – mír 1 – fleasc 1

— an Ailgéir a chur ar an eolas go nglacfaidh an Coimisiún Eorpach páirt sa chaibidlíocht mar bhreathnóir agus go gcuirfear ar an eolas é maidir le haon dul chun cinn agus toradh a bhainfear amach le linn chéimeanna éagsúla na caibidlíochta;

— an Ailgéir a chur ar an eolas go bhféadfaidh an Coimisiún Eorpach páirt a ghlacadh sa chaibidlíocht mar bhreathnóir agus go gcuirfear ar an eolas é maidir le haon dul chun cinn agus toradh a bhainfear amach le linn chéimeanna éagsúla na caibidlíochta;

Leasú 4Togra le haghaidh cinnidhAirteagal 1 – mír 1 – fleasc 2

— an Ailgéir a spreagadh chun machnamh a dhéanamh aontú do na Croíchoinbhinsiúin a bhaineann leis an dlí teaghlaigh a d’fhorbair Comhdháil na Háige um an Dlí Idirnáisiúnta Príobháideach agus tús a chur le diananailís ar na cúiseanna a chuir cosc ar an Ailgéir déanamh amhlaidh go dtí seo;

— an Ailgéir a spreagadh chun machnamh a dhéanamh aontú do na croí-Choinbhinsiúin a bhaineann leis an dlí teaghlaigh a d’fhorbair Comhdháil na Háige um an Dlí Idirnáisiúnta Príobháideach agus tús a chur le anailís ar na modhanna is iomchuí deireadh a chur le bacainní lenar cuireadh cosc ar an Ailgéir déanamh amhlaidh go dtí seo;

Leasú 5Togra le haghaidh cinnidhAirteagal 1 – mír 1 – fleasc 3

— an Ailgéir a chur ar an eolas go bhfuil údarú ó Chomhairle an Aontais Eorpaigh ag teastáil, tar éis na caibidlíochta a thabhairt i gcrích, sula gceadófar do na Páirtithe an comhaontú a thabhairt i gcrích;

— an Ailgéir a chur ar an eolas go bhfuil údarú ó Chomhairle an Aontais Eorpaigh ag teastáil, tar éis na caibidlíochta a thabhairt i gcrích, sula gceadófar don Fhrainc an comhaontú a thabhairt i gcrích;

Leasú 6Togra le haghaidh cinnidhAirteagal 1 – mír 1 – fleasc 4

— an Ailgéir a chur ar an eolas go bhféadfar foráil a dhéanamh leis an údarú ó Chomhairle an Aontais Eorpaigh chun an comhaontú a thabhairt i gcrích, tar éis togra ón gCoimisiún, go bhféadfadh bailíocht theoranta ama (mar shampla, 5 bliana) a bheith ag gabháil leis an gcomhaontú agus go bhféadfadh sé gur ghá athbhreithniú a dhéanamh air ina dhiaidh sin;

— an Ailgéir a chur ar an eolas go bhféadfar foráil a dhéanamh leis an údarú ó Chomhairle an Aontais Eorpaigh chun an comhaontú a thabhairt i gcrích, tar éis togra ón gCoimisiún, go bhféadfadh bailíocht theoranta ama a bheith ag an gcomhaontú, b’fhéidir le córas athnuachana intuigthe atá le léiriú i gcinneadh ó Pharlaimint na hEorpa agus ón gComhairle maidir le tabhairt i gcrích an chomhaontaithe;

Leasú 7Togra le haghaidh cinnidhAirteagal 1 – mír 1 – fleasc 4 a (nua)

— foráil a chur isteach lena leagtar amach séanadh iomlán nó páirteach an chomhaontaithe nó athsholáthar díreach forálacha ábhartha an chomhaontaithe i gcás ina dtugtar comhaontú dá éis sin i gcrích idir an tAontas, nó idir an tAontas agus a Bhallstáit, ar thaobh amháin, agus an Ailgéir, ar an taobh eile, nó aontachas an Ailgéir le Coinbhinsiúin ábhartha na Háige;

Leasú 8Togra le haghaidh cinnidhAirteagal 1 – mír 1 – fleasc 5

— foráil a chur isteach nach féidir na cinntí a aithnítear sa Fhrainc faoin gcomhaontú seo a scaipeadh ina dhiaidh sin i mBallstáit eile an Aontais;

— foráil a chur isteach nach féidir na cinntí a aithnítear sa Fhrainc faoin gcomhaontú seo a scaipeadh dá éis sin i mBallstáit eile an Aontais faoi dhlí an Aontais;

Leasú 9Togra le haghaidh cinnidhAirteagal 1 – mír 1 – fleasc 6

— a áirithiú go ndéanfar na forálacha a bhaineann leis an gceart chun seirbheáil doiciméad a dhiúltú a ailíniú le forálacha Airteagal 12(3) den Rialachán athmhúnlaithe maidir le Doiciméid a Sheirbheáil, rud a chiallaíonn go bhféadfaidh an seolaí seirbheáil doiciméad a dhiúltú tráth na seirbheála nó laistigh de choicís ó thráth na seirbheála;

— a áirithiú go gcomhlíonfaidh forálacha an chomhaontaithe a caibidlíodh leis an Ailgéir acquis ábhartha an Aontais agus Coinbhinsiúin na Háige;