P9_TA(2023)0449Awtorizzazzjoni li tagħti s-setgħa lil Franza biex tinnegozja ftehim bilaterali mal-Alġerija rigward il-kooperazzjoni ġudizzjarja 'materji ċivili relatati mal-liġi tal-familjaRiżoluzzjoni leġiżlattiva tal-Parlament Ewropew tat-12 ta’ Diċembru 2023 dwar il-proposta għal deċiżjoni tal-Kunsill dwar awtorizzazzjoni indirizzata lil Franza biex tinnegozja ftehim bilaterali mal-Alġerija dwar materji relatati mal-kooperazzjoni ġudizzjarja f’materji tal-liġi tal-familja (COM(2023)0064 – C9-0026/2023 – 2023/0027(CNS))(Proċedura leġiżlattiva speċjali – konsultazzjoni)Il-Parlament Ewropew,

–wara li kkunsidra l-proposta tal-Kummissjoni lill-Kunsill (COM(2023)0064),

–wara li kkunsidra l-Artikolu 2(1) u l-Artikolu 81(3) tat-Trattat dwar il-Funzjonament tal-Unjoni Ewropea, skont liema artikoli ġie kkonsultat mill-Kunsill (C9-0026/2023),

–wara li kkunsidra l-Artikolu 82 tar-Regoli ta’ Proċedura tiegħu,

–wara li kkunsidra r-rapport tal-Kumitat għall-Affarijiet Legali (A9-0355/2023),

1.Japprova l-proposta tal-Kummissjoni kif emendata;

2.Jistieden lill-Kummissjoni timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

4.Jitlob lill-Kunsill jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali.

Test propost mill-KummissjoniEmendaEmenda 1Proposta għal deċiżjoniPremessa 2

(2)Franza pprovdiet informazzjoni li turi li għandha interess speċifiku li tinnegozja l-abbozz ta’ ftehim mibgħut lill-Kummissjoni, minħabba r-rabtiet ekonomiċi, kulturali, storiċi, soċjali u politiċi eċċezzjonali bejn Franza u l-Alġerija.

(2)Franza pprovdiet informazzjoni li turi li minħabba r-rabtiet ekonomiċi, kulturali, storiċi, soċjali u politiċi eċċezzjonali bejn Franza u l-Alġerija, Franza għandha interess speċifiku li tinnegozja ftehim bilaterali mal-Alġerija, li l-abbozz tiegħu ntbagħat lill-Kummissjoni.

Emenda 2Proposta għal deċiżjoniPremessa 8

(8)Il-biċċa l-kbira tal-materji li għandhom jiġu ttrattati fl-abbozz ta’ ftehim bejn Franza u l-Alġerija jaffettwaw l-acquis tal-UE, b’mod partikolari l-leġiżlazzjoni tal-UE li tikkonċerna materji tal-liġi tal-familja. Konsegwentement, il-materji koperti minn tali impenji internazzjonali jaqgħu fi ħdan il-kompetenza esterna esklużiva tal-Unjoni. L-Istati Membri jistgħu jinnegozjaw tali impenji, jew jidħlu għalihom, biss jekk jingħataw is-setgħa mill-Unjoni biex jagħmlu dan f’konformità mal-Artikolu 2(1) tat-Trattat dwar il-Funzjonament tal-Unjoni Ewropea (TFUE) flimkien mal-bażi ġuridika sostantiva tal-Artikolu 81(3) TFUE.

(8)Uħud mill-materji li għandhom jiġu ttrattati fl-abbozz ta’ ftehim bejn Franza u l-Alġerija jaffettwaw l-acquis rilevanti tal-UE relatat ma’ materji tal-liġi tal-familja. Konsegwentement, il-materji koperti minn tali impenji internazzjonali jaqgħu fi ħdan il-kompetenza esterna esklużiva tal-Unjoni. L-Istati Membri jistgħu jinnegozjaw tali impenji, jew jidħlu għalihom, biss jekk jingħataw setgħa skont l-Artikolu 2(1) tat-Trattat dwar il-Funzjonament tal-Unjoni Ewropea (TFUE) mil-leġiżlatur tal-Unjoni biex jagħmlu dan, f’konformità mal-proċedura leġiżlattiva msemmija fl-Artikolu 81(3) tat-TFUE.

Emenda 3Proposta għal deċiżjoniArtikolu 1 – paragrafu 1 – inċiż 1

—tinforma lill-Alġerija li l-Kummissjoni Ewropea se tieħu sehem fin-negozjati bħala osservatur u se tiġi infurmata dwar kwalunkwe progress u riżultat miksuba matul id-diversi stadji tan-negozjati;

—tinforma lill-Alġerija li l-Kummissjoni Ewropea tista’ tieħu sehem fin-negozjati bħala osservatur u se tiġi infurmata dwar kwalunkwe progress u riżultat miksuba matul id-diversi stadji tan-negozjati;

Emenda 4Proposta għal deċiżjoniArtikolu 1 – paragrafu 1 – inċiż 2

—tħeġġeġ lill-Alġerija tikkunsidra l-adeżjoni mal-Konvenzjonijiet ewlenin li jikkonċernaw materji tal-liġi tal-familja żviluppati mill-Konferenza tal-Aja dwar id-Dritt Internazzjonali Privat u tibda analiżi serja tar-raġunijiet li żammew lill-Alġerija milli tagħmel dan għalissa;

—tħeġġeġ lill-Alġerija tikkunsidra l-adeżjoni mal-Konvenzjonijiet ewlenin li jikkonċernaw materji tal-liġi tal-familja żviluppati mill-Konferenza tal-Aja dwar id-Dritt Internazzjonali Privat u tibda analiżi tal-aktar mezzi xierqa biex jitneħħew l-ostakli li għalissa lill-Alġerija żammewha milli tagħmel dan;

Emenda 5Proposta għal deċiżjoniArtikolu 1 – paragrafu 1 – inċiż 3

—tinforma lill-Alġerija li, wara l-konklużjoni tan-negozjati, tkun meħtieġa awtorizzazzjoni mill-Kunsill tal-Unjoni Ewropea qabel ma l-Partijiet jitħallew jikkonkludu l-ftehim;

—tinforma lill-Alġerija li, wara l-konklużjoni tan-negozjati, tkun meħtieġa awtorizzazzjoni mill-Kunsill tal-Unjoni Ewropea qabel ma Franza titħalla tikkonkludi l-ftehim;

Emenda 6Proposta għal deċiżjoniArtikolu 1 – paragrafu 1 – inċiż 4

—tinforma lill-Alġerija li l-awtorizzazzjoni mill-Kunsill tal-Unjoni Ewropea għall-konklużjoni tal-ftehim, wara proposta mill-Kummissjoni, jaf tkun tipprevedi li l-ftehim ikollu validità limitata fiż-żmien (pereżempju, ħames snin) u jaf ikollu jiġi kkunsidrat mill-ġdid wara dan iż-żmien;

—tinforma lill-Alġerija li l-awtorizzazzjoni mill-Kunsill tal-Unjoni Ewropea għall-konklużjoni tal-ftehim, wara proposta mill-Kummissjoni, jaf tkun tipprevedi li l-ftehim jista’ jkollu validità limitata fiż-żmien, possibilment b’sistema ta’ tiġdid taċitu li jrid jiġi indikat fid-deċiżjoni tal-Parlament Ewropew u tal-Kunsill dwar il-konklużjoni tal-ftehim;

Emenda 7Proposta għal deċiżjoniArtikolu 1 – paragrafu 1 – inċiż 4a (ġdid)

–iddaħħal dispożizzjoni li tipprevedi denunzja sħiħa jew parzjali tal-ftehim jew sostituzzjoni diretta tad-dispożizzjonijiet rilevanti fil-ftehim fil-każ tal-konklużjoni ta’ ftehim sussegwenti bejn l-Unjoni jew l-Unjoni u l-Istati Membri tagħha, minn naħa waħda, u l-Alġerija, min-naħa l-oħra, jew l-adeżjoni tal-Alġerija għall-Konvenzjonijiet rilevanti tal-Aja;

Emenda 8Proposta għal deċiżjoniArtikolu 1 – paragrafu 1 – inċiż 5

—iddaħħal dispożizzjoni li tgħid li d-deċiżjonijiet rikonoxxuti fi Franza skont dan il-ftehim ma jistgħux sussegwentement jiċċirkolaw fi Stati Membri oħra tal-UE;

—iddaħħal dispożizzjoni li tgħid li d-deċiżjonijiet rikonoxxuti fi Franza skont dan il-ftehim ma jistgħux sussegwentement jiċċirkolaw fi Stati Membri oħra tal-UE skont id-dritt tal-Unjoni;

Emenda 9Proposta għal deċiżjoniArtikolu 1 – paragrafu 1 – inċiż 6

—tiżgura li d-dispożizzjonijiet li jikkonċernaw id-dritt li tiġi rrifjutata n-notifika ta’ dokumenti jkunu allinjati mad-dispożizzjonijiet tal-Artikolu 12(3) tar-Regolament riformulat dwar in-Notifika ta’ Dokumenti, li jfisser li d-destinatarju jista’ jirrifjuta n-notifika ta’ dokumenti fil-ħin tan-notifika jew inkella fi żmien ġimagħtejn minn meta ssir in-notifika;

—tiżgura li d-dispożizzjonijiet tal-ftehim innegozjat mal-Alġerija jikkonformaw mal-acquis rilevanti tal-Unjoni u mal-Konvenzjonijiet tal-Aja;