A.billi t-tijakloprid huwa ingredjent attiv fl-insettiċidi li jintużaw l-aktar fuq il-qoton, il-frott taż-żerriegħa, il-ħaxix, u l-patata;

B.billi l-approvazzjoni tas-sustanza attiva tijakloprid skadiet fit-3 ta’ Frar 2020, u ma ġietx imġedda skont ir-Regolament ta’ Implimentazzjoni tal-Kummissjoni (UE) 2020/23 Ir-Regolament ta’ Implimentazzjoni tal-Kummissjoni (UE) 2020/23 tat-13 ta’ Jannar 2020 li jikkonċerna n-nuqqas ta’ tiġdid tal-approvazzjoni tas-sustanza attiva thiacloprid, f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 8, 14.1.2020, p. 8).; billi l-perjodu ta’ grazzja għall-prodotti għall-protezzjoni tal-pjanti li fihom it-tijakloprid skada fit-3 ta’ Frar 2021;

C.billi l-approvazzjoni tas-sustanza attiva tijakloprid ma ġietx imġedda peress li ma setax jiġi stabbiliy fir-rigward ta’ użu rappreżentattiv wieħed jew aktar ta’ mill-inqas prodott wieħed għall-protezzjoni tal-pjanti li ġew issodisfati l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009; billi, b’mod partikolari, l-EFSA identifikat żewġ oqsma kritiċi ta’ tħassib; billi l-ewwel qasam kritiku ta’ tħassib kien relatat mal-indikazzjoni tal-kontaminazzjoni tal-ilma ta’ taħt l-art b’diversi metaboliti rilevanti ta’ tijakloprid li l-potenzjal karċinoġenu tagħhom ma setax jiġi eskluż (M30, M34 u M46) ’il fuq mil-limitu parametriku tal-ilma tax-xorb ta’ 0,1 µg/l għall-użi rappreżentattivi kollha Il-konklużjoni tal-EFSA tas-17 ta’ Jannar 2019.; billi t-tieni qasam kritiku ta’ tħassib kien relatat mal-klassifikazzjoni armonizzata mill-ECHA tat-tijakloprid peress li ġie preżunt li jagħmel ħsara lill-fertilità u lit-tarbija li għadha fil-ġuf (tossiku għar-riproduzzjoni tal-kategorija 1B) f’konformità mar-Regolament (KE) Nru 1272/2008 tal-Parlament Ewropew u tal-Kunsill Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1). li tagħmel it-tijakloprid “sustanza ta’ limitu” f’konformità mal-Artikolu 4(1) tar-Regolament (KE) Nru 1107/2009;

D.billi l-EFSA kkonkludiet ukoll li l-valutazzjoni tar-riskji għan-naħal u għall-pjanti terrestri mhux fil-mira ma setgħetx tiġi ffinalizzata;

E.billi t-tijakloprid huwa kklassifikat ukoll f’konformità mar-Regolament (KE) Nru 1272/2008 peress li ġie suspettat li jikkawża l-kanċer (kategorija karċinoġenika 2), tossiku ħafna għall-ħajja akkwatika (akut akkwatiku 1), u tossiku ħafna għall-ħajja akkwatika b’effett fit-tul (kroniku akkwatiku 1);

F.billi l-Kumitat Permanenti dwar il-Pjanti, l-Annimali, l-Ikel u l-Għalf (il-Kumitat PAFF) ma tax opinjoni dwar il-proposta għal regolament tal-Kunsill; billi, matul il-laqgħa tal-Kumitat tal-PAFF li saret bejn it-18 u d-19 ta’ Settembru 2023, “tmien Membri ma appoġġjawx l-abbozz tar-Regolament. Sitta minnhom semmew l-ewwel u qabel kollox it-tħassib tagħhom dwar iż-żamma tas-CXL u t-tolleranzi tal-importazzjoni għal sustanza mhux approvata li tissodisfa wieħed mill-kriterji ta’ limitu skont ir-Regolament (KE) Nru 1107/2009 (tossiku għar-riproduzzjoni). Barra minn hekk, Stat Membru wieħed li ma appoġġjax l-abbozz tar-Regolament kellu tħassib li l-EFSA kienet indikat qabżiet tad-doża ta’ referenza akuta għal xi prodotti f’ċerti ċirkostanzi mhux standard, ieħor semma d-diskriminazzjoni fil-konfront tal-bdiewa tal-UE li ma jistgħux jibqgħu jużaw prodotti għall-protezzjoni tal-pjanti li fihom din is-sustanza attiva, filwaqt li l-bdiewa f’pajjiżi terzi xorta jistgħu jagħmlu dan, u b’hekk dan iwassal għal kompetizzjoni inġusta” Rapport fil-qosor tal-laqgħa tal-Kumitat tal-PAFF bejn it-18 u d-19 ta’ Settembru 2023, https://ec.europa.eu/transparency/comitology-register/screen/documents/092486/1/consult?lang=mt.;

G.billi l-Ġermanja talbet li d-dikjarazzjoni li ġejja tiġi inkluża fir-rapport sommarju tal-laqgħa tal-Kumitat tal-PAFF li saret bejn it-18u d-19 ta’ Settembru 2023: “It-tijakloprid huwa sustanza attiva ta’ limitu skont ir-Regolament (KE) Nru 1107/2009. Matul il-proċedura ta’ approvazzjoni mill-ġdid tas-sustanza attiva, ġie ddeterminat li din tissodisfa l-kriterji ta’ limitu peress li għandha klassifikazzjoni bħala tossika għar-riproduzzjoni 1B. Għaldaqstant, is-sustanza attiva ma ġietx approvata mill-ġdid. B’mod ġenerali, il-Ġermanja ma tappoġġjax l-istabbiliment ta’ [limiti massimi ta’ residwi (MRLs)] għal sustanzi attivi li mhumiex approvati fl-UE minħabba tħassib dwar is-saħħa. Il-fattur deċiżiv hawnhekk huwa li l-kriterji ta’ limitu ġew stabbiliti fil-qafas tal-proċedura ta’ approvazzjoni (mill-ġdid) ta’ sustanza attiva skont ir-Regolament (KE) Nru 1107/2009” Ibid.;

H.billi għalhekk huwa xieraq li jitħassru l-MRLs eżistenti stabbiliti għat-tijakloprid fl-Anness II tar-Regolament (KE) Nru 396/2005 f’konformità mal-Artikolu 17 ta’ dak ir-Regolament flimkien mal-Artikolu 14(1), il-punt (a), tiegħu.

I.billi, fil-proposta għal regolament tal-Kunsill, madankollu, il-Kummissjoni qed tipproponi li żżomm l-MRLs għat-tijakloprid ’il fuq mil-limitu ta’ determinazzjoni għall-użu fuq aktar minn 30 prodott għal finijiet ta’ importazzjoni abbażi tal-opinjoni motivata tal-EFSA Opinjoni motivata tal-EFSA tad-9 ta’ Frar 2023.;

J.billi l-użi li għalihom l-MRLs ‘il fuq mil-limitu ta’ determinazzjoni jitqiesu bħala sikuri jinkludu l-użi tat-tijakloprid fil-papaja, it-tè, il-ġewż tas-siġar, l-isfarġel, in-naspli/naspli tal-Ġappun, il-berquq, iċ-ċiras (ħelu), l-għanbaqar, il-frawli, it-tut, it-tut salvaġġ, frott żgħir ieħor u l-frott artab, il-kiwi, il-patata, it-tadam, il-brunġiel, il-bettieħ, id-dulliegħ, ir-ross, il-qamħ, il-prodotti tal-annimali (il-ħnieżer, l-annimali bovini, in-nagħaġ, iż-żwiemel, il-pollam, u annimali terrestri mrobbijin oħrajn) mit-tessuti (il-muskoli, il-fwied, il-kliewi u l-ġewwieni li jittiekel), il-ħalib u l-bajd, il-lampun, il-ħjar, iz-zukkini, il-lift/iż-żerriegħa tal-kanola, iż-żerriegħa tal-mustarda u ż-żerriegħa tal-qoton; billi l-MRLs proposti għal dawk l-użi jvarjaw minn darbtejn il-limitu ta’ determinazzjoni sa elf darba l-limitu ta’ determinazzjoni (għall-użu fuq tejiet);

K.billi, għall-kuntrarju, it-talba għat-tolleranzi tal-importazzjoni ġiet miċħuda biss għal żewġ użi (fuq il-ħawħ u l-bżar ħelu) peress li ma jistax jiġi eskluż il-qbiż tad-doża akuta ta’ referenza u għalhekk il-Kummissjoni pproponiet li l-MRLs għat-tijakloprid jitnaqqsu għal-limitu ta’ determinazzjoni biss għal dawk l-użi;

L.billi l-premessa (5) tar-Regolament (KE) Nru 396/2005 tistipula li r-residwi ma għandhomx ikunu preżenti f’livelli li joħolqu riskju inaċċettabbli għall-bnedmin u, fejn rilevanti, għall-annimali;

M.billi l-Artikolu 4(2), il-punt (a), tar-Regolament (KE) Nru 1107/2009 jistipula li r-residwi tal-prodotti għall-protezzjoni tal-pjanti ma għandu jkollhom l-ebda effett ta’ ħsara fuq is-saħħa tal-bniedem, inkluż dak ta’ gruppi vulnerabbli, jew fuq is-saħħa tal-annimali, filwaqt li jitqiesu l-effetti kumulattivi u sinerġetiċi magħrufa; billi l-punt 3.6.4 tal-Anness II ta’ dak ir-Regolament jipprevedi li sustanza attiva klassifikata, f’konformità mar-Regolament (KE) Nru 1272/2008, bħala tossika għar-riproduzzjoni tal-kategorija 1A jew 1B, ma għandhiex tiġi approvata sakemm ir-“residwi tas-sustanza attiva [...] ikkonċernati fuq ikel u għalf ma jeċċedux il-valur prestabbilit f’konformità mal-Artikolu 18(1)(b) tar-Regolament (KE) Nru 396/2005 tal-Parlament Ewropew u tal-Kunsill”; billi l-Artikolu 18(1), il-punt (b), tar-Regolament (KE) Nru 396/2005 jistabbilixxi valur prestabbilit ta’ 0,01 mg/kg;

N.billi l-Artikolu 3(2), il-punt (g), tar-Regolament (KE) Nru 396/2005 jistipula li t-tolleranza fuq l-importazzjoni hija MRL stabbilit għall-prodotti importati meta “l-użu tas-sustanza attiva fi prodott għall-protezzjoni tal-pjanti fuq xi prodott speċifiku mhuwiex awtorizzat fil-Komunità għal raġunijiet minbarra raġunijiet ta’ saħħa pubblika għall-prodott speċifiku u l-użu speċifiku”; billi t-tijakloprid ma jissodisfax dawk il-kriterji peress li ġie pprojbita għal raġunijiet ta’ saħħa, minħabba li huwa kklassifikat bħala tossiku għar-riproduzzjoni tal-kategorija 1B;

O.billi l-Artikolu 5(1) tar-Regolament (KE) Nru 178/2002 jistipula li l-liġi dwar l-ikel għandha ssegwi wieħed jew aktar mill-objettivi ġenerali ta’ livell għoli ta’ protezzjoni tal-ħajja u s-saħħa tal-bniedem u l-protezzjoni tal-interessi tal-konsumaturi, inklużi prattiki ġusti fil-kummerċ tal-ikel, b’kunsiderazzjoni, fejn xieraq, tal-protezzjoni tas-saħħa u t-trattament xieraq tal-annimali, is-saħħa tal-pjanti u l-ambjent;

P.billi l-kriżi attwali tad-dakkara hija waħda mit-theddidiet ewlenin għall-bijodiversità u għas-sigurtà tal-ikel globali u lokali; billi dik il-kriżi tista’ taggrava l-problemi tal-ġuħ moħbi, iddgħajjef ir-reżiljenza tal-ekosistema, u tista’ tiddestabbilizza l-ekosistemi li jiffurmaw is-sistema li tagħtina l-ħajja van der Sluijs, J.P., Vaage, N.S., “Pollinators and Global Food Security: the Need for Holistic Global Stewardship” (Id-Dakkara u s-Sigurtà Globali tal-Ikel: il-Ħtieġa ta’ Tmexxija Globali Olistika), L-etika tal-ikel 1, 75–91 (2016), https://doi.org/10.1007/s41055-016-0003-z.;

Q.billi l-Kummissjoni fil-komunikazzjoni tagħha tal-20 ta’ Mejju 2020 dwar “Strateġija Mill-Għalqa sal-Platt għal sistema tal-ikel ġusta, tajba għas-saħħa u favur l-ambjent” COM(2020)0381. ħabbret li “l-UE se tappoġġa t-tranżizzjoni dinjija lejn sistemi sostenibbli ta’ ikel agrikolu, f’konformità mal-objettivi ta’ din l-istrateġija u mal-SDGs”, u li “l-UE tista’ taqdi rwol ewlieni fl-istabbiliment ta’ standards dinjija b’din l-istrateġija”; billi l-Kummissjoni ddikjarat b’mod espliċitu fl-istrateġija li “sistema tal-ikel tal-UE aktar sostenibbli tirrikjedi wkoll prattiki dejjem aktar sostenibbli mis-sħab kummerċjali tagħna. Sabiex tippromwovi mossa gradwali lejn l-użu ta’ prodotti aktar sikuri għall-protezzjoni tal-pjanti, l-UE se tqis, f’konformità mar-regoli tad-WTO u wara valutazzjoni tar-riskju, li tirrieżamina t-tolleranzi tal-importazzjoni għal sustanzi li jissodisfaw il-“kriterji ta’ limitu” u tippreżenta livell għoli ta’ riskju għas-saħħa tal-bniedem”;

R.billi, fl-2022, il-Kummissjoni baxxiet Ir-Regolament tal-Kummissjoni (UE) 2023/334 tat-2 ta’ Frar 2023 li jemenda l-Annessi II u V tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-klotijanidin u t-tijametossam f’ċerti prodotti jew fuqhom (ĠU L 47, 15.2.2023, p. 29). l-MRLs għal żewġ neonikotinojdi li joħolqu riskju għoli għad-dakkara għall-aktar livell baxx li jista’ jitkejjel bl-aħħar teknoloġiji, biex b’hekk il-prodotti importati ma jistax ikun fihom aktar residwi ta’ klotijanidin u tijametossam;

S.billi, f’dak ir-rigward, il-Kummissjoni sostniet li “filwaqt li jitqiesu l-fatturi kollha rilevanti għall-kwistjoni f’konformità mal-Artikolu 14(2), moqri fid-dawl tal-Artikolu 11 tat-Trattat dwar il-Funzjonament tal-Unjoni Ewropea, li jirrikjedi li “l-ħtiġijiet għall-ħarsien tal-ambjent għandhom ikunu integrati fid-definizzjoni u l-implimentazzjoni tal-politiki u l-attivitajiet tal-Unjoni, partikolarment bl-għan li jinkoraġġixxu żvilupp sostenibbli”, l-MRLs kollha attwali għall-klotijanidin u/jew għat-tijametossam kif stabbilit bir-Regolament (KE) Nru 396/2005 jenħtieġ li jitnaqqsu għal-Limitu ta’ Determinazzjoni (LODs)” Ibid.;

T.billi fil-Kumitat tal-PAFF li sar bejn l-10 u l-11 ta’ Mejju 2023, “il-Kummissjoni fakkret li t-tijakloprid jappartjeni għall-grupp ta’ sustanzi tan-neonikotinini attivi [iżda li] peress li għandu proprjetajiet differenti mill-klotijanidina u t-tijametossam, bħalissa mhuwiex previst li jsegwi l-istess approċċ bħal dak għall-klotijanidina u t-tijametossam li jimplimenta l-Istrateġija mill-Għalqa sal-Platt billi jitnaqqsu l-MRLs kollha għal-LOQ” Rapport fil-qosor tal-laqgħa tal-Kumitat tal-PAFF bejn l-10 u l-11 ta’ Mejju 2023, https://ec.europa.eu/transparency/comitology-register/screen/documents/090500/1/consult?lang=mt.;

U.billi l-fatt li t-tijakloprid ikollu proprjetajiet differenti minn neonikotinojdi oħra huwa kkontestat fil-letteratura xjentifika, b’riżultati li juru li “l-immaġni tat-tijakloprid bħala neonikotinojde relattivament benign issa għandha tiġi kkontestata” Ellis, C., Park, K.J., Whitehorn, P., David, A., Goulson, D., “The Neonicotinoid Insecticide Thiacloprid Impacts upon Bumblebee Colony Development under Field Conditions” (L-Insettiċida Neonikotinojde Tijakloprid iħalli Impatt fuq l-Iżvilupp tal-Kolonja tal-Bagħal f’Kundizzjonijiet tal-Għelieqi), Ix-Xjenza u t-Teknoloġija Ambjentali 2017, 51, 3, 1727–1732, https://pubs.acs.org/doi/10.1021/acs.est.6b04791.;

V.billi, b’mod partikolari, instab li l-kolonji tal-bagħal esposti għat-tijakloprid huma aktar probabbli li jmutu qabel iż-żmien, u dawk li baqgħu ħajjin huma aktar probabbli li jbatu minn effetti subletali Ibid.; billi nstab ukoll li t-tijakloprid taffettwa l-imġiba u s-sistema immuni tan-naħal tal-għasel bl-istess mod bħall-imidakloprid, il-klotijanidina u t-tijametossam Brandt, A., Gorenflo, A., Siede, R., Meixner, M., Büchler, R., “The neonicotinoids thiacloprid, imidacloprid, and clothianidin affect the immunocompetence of honey bees (Apis mellifera L.)” (In-neonikotinojdi tijakloprid, imidakloprid, klotijanidina jaffettwaw l-immunokompetenza tan-naħal tal-għasel (Apis mellifera L.)), Il-Ġurnal tal-Fiżjoloġija tal-Insetti, Volum 86, Marzu 2016, Paġni 40-47, https://www.sciencedirect.com/science/article/pii/S0022191016300014., Tison, L., Hahn, M.-L., Holtz, S., Rößner A., Greggers, U., Bischoff, G., and Menzel, R., “Honey Bees’ Behavior Is Impaired by Chronic Exposure to the Neonicotinoid Thiacloprid in the Field” (L-Imġiba tan-Naħal tal-Għasel hija Mxekkla minn Esponiment Kroniku għan-Neonikotinojde Tijakloprid fl-Għelieqi), Ix-Xjenza u t-Teknoloġija Ambjentali 2016, 50, 13, 7218–7227, https://pubs.acs.org/doi/full/10.1021/acs.est.6b02658.;

W.billi hemm evidenza dejjem akbar li l-użu tat-tijakloprid għandu impatt devastanti fuq il-bijodiversità u, b’mod partikolari, fuq in-naħal u dakkara oħra Pisa, L., Goulson, D., Yang, E.C., et al., “An update of the Worldwide Integrated Assessment (WIA) on systemic insecticides. Part 2: impacts on organisms and ecosystems”, (Aġġornament tal-Valutazzjoni Integrata Madwar id-Dinja (WIA) fuq l-insettiċidi sistemiċi. Parti 2: l-impatti fuq l-organiżmi u l-ekosistemi), Ix-Xjenza Ambjentali u r-Riċerka dwar it-Tniġġis 28, 11749–11797 (2021), https://doi.org/10.1007/s11356-017-0341-3.;

X.billi, fir-rapport tagħha ta’ nuqqas ta’ tiġdid tat-22 ta’ Ottubru 2019 https://ec.europa.eu/food/plant/pesticides/eu-pesticides-database/start/screen/active-substances/details/841, l-EFSA kkonkludiet li “l-informazzjoni disponibbli mhijiex biżżejjed biex tissodisfa r-rekwiżiti stabbiliti fl-Artikolu 4(1) sa (3) tar-Regolament (KE) Nru 1107/2009”, u b’mod partikolari li “l-valutazzjoni tar-riskju għan-naħal ma setgħetx tiġi ffinalizzata”;

Y.billi għalhekk, it-tijakloprid għandu jkun soġġett għall-istess raġunament u regoli li ġew applikati għall-klotijanidina u għat-tijametossam;

Z.billi l-Kummissjoni jeħtiġilha tipproteġi l-ambjent u ċ-ċittadini Ewropej abbażi tal-informazzjoni xjentifika disponibbli, bl-użu tal-obbligi u l-possibbiltajiet legali li r-Regolament (KE) Nru 396/2005 u r-Regolament (KE) Nru 178/2002 jipprevedu biex jiżguraw livell għoli ta’ protezzjoni tas-saħħa tal-bniedem u tal-annimali u tal-ambjent;

AA.billi l-MRLs proposti ma jipproteġux is-saħħa taċ-ċittadini fl-Unjoni u ma jiżgurawx livell għoli ta’ protezzjoni għan-naħal u għal dakkara oħra, u b’hekk imorru kontra r-Regolamenti (KE) Nru 396/2005 u (KE) Nru 178/2002;

AB.billi l-MRLs ma għandhomx jiġu stabbiliti għal sustanzi attivi li mhumiex approvati fl-Unjoni minħabba tħassib dwar is-saħħa; billi, għalhekk, ma għandha tiġi stabbilita l-ebda tolleranza fuq l-importazzjoni għat-tijakloprid peress li hija kklassifikata bħala tossika għar-riproduzzjoni tal-kategorija 1B; billi, barra minn hekk, il-klassifikazzjoni tat-tijakloprid bħala tossiċi għar-riproduzzjoni tal-kategorija 1B kellha tkun raġuni biżżejjed biex il-Kummissjoni tirrifjuta t-talbiet għal tolleranzi tal-importazzjoni b’referenza għar-riskji għas-saħħa taċ-ċittadini f’pajjiżi terzi;