–wara li kkunsidra t-talba għat-tneħħija tal-immunità ta’ Georgios Kyrtsos mill-Prosekutur Pubbliku fil-Qorti tal-Prim’Istanza ta’ Ateni b’rabta mal-proċedimenti kriminali, trażmessa mill-Viċi Prosekutur tal-Qorti Suprema tal-Greċja permezz ta’ ittra datata s-27 ta’ Ġunju 2023 u mħabbra fil-plenarja fl-10 ta’ Lulju 2023,
–wara li sema’ lil Georgios Kyrtsos, f’konformità mal-Artikolu 9(6) tar-Regoli ta’ Proċedura tiegħu,
–wara li kkunsidra l-Artikoli 8 u 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea kif ukoll l-Artikolu 6(2) tal-Att dwar l-elezzjoni tal-Membri tal-Parlament Ewropew b’suffraġju universali dirett, tal-20 ta’ Settembru 1976,
–wara li kkunsidra s-sentenzi mogħtija mill-Qorti tal-Ġustizzja tal-Unjoni Ewropea fil-21 ta’ Ottubru 2008, fid-19 ta’ Marzu 2010, fis-6 ta’ Settembru 2011, fis-17 ta’ Jannar 2013 u fid-19 ta’ Diċembru 2019 Is-sentenza tal-Qorti tal-Ġustizzja tal-21 ta’ Ottubru 2008, Marra vs De Gregorio u Clemente, C 200/07 u C-201/07, ECLI:EU:C:2008:579; Is-sentenza tal-Qorti Ġenerali tad-19 ta’ Marzu 2010, Gollnisch vs il-Parlament, T-42/06, ECLI:EU:T:2010:102; Is-sentenza tal-Qorti tal-Ġustizzja tas-6 ta’ Settembru 2011, Patriciello, C-163/10, ECLI: EU:C:2011:543; Is-sentenza tal-Qorti Ġenerali tas-17 ta’ Jannar 2013, Gollnisch vs il-Parlament, T-346/11 u T-347/11, ECLI:EU:T:2013:23; Is-sentenza tal-Qorti tal-Ġustizzja tad-19 ta’ Diċembru 2019, Junqueras Vies, C-502/19, ECLI:EU:C:2019:1115.,
–wara li kkunsidra l-Artikolu 62 tal-Kostituzzjoni tar-Repubblika Ellenika,
–wara li kkunsidra l-Artikolu 5(2), l-Artikolu 6(1) u l-Artikolu 9 tar-Regoli ta’ Proċedura tiegħu,
–wara li kkunsidra r-rapport tal-Kumitat għall-Affarijiet Legali (A9-0028/2024),
A.billi l-Prosekutur tal-Qorti tal-Prim’ Istanza ta’ Ateni talab it-tneħħija tal-immunità ta’ Georgios Kyrtsos, Membru tal-Parlament Ewropew elett għall-Greċja, b’rabta mal-proċedimenti kriminali li għandhom jitressqu kontrih għan-nuqqas ta’ ħlas ta’ ċertu ammont dovut lill-Istat Grieg;
B.billi Georgios Kyrtsos, fil-kapaċità tiegħu bħala viċi direttur tal-kumpanija KMP Ekdotiki Anonimi Etaireia [KMP Publishing plc], huwa akkużat li naqas milli jħallas ċertu ammont dovut lill-Istat Grieg;
C.billi l-att allegatament imwettaq minn Georgios Kyrtsos jikkostitwixxi reat ta’ nuqqas ta’ ħlas ta’ djun lill-Istat skont l-Artikolu 25(1)(b) tal-Liġi Griega Nru 1882/90, kif sostitwit bl-Artikolu 23(1) tal-Liġi Griega 2523/97, kif emendata bl-Artikolu 18(2) u 28 (2–4) tal-Liġi Griega Nru 2948/01, kif issupplimentata bl-Artikolu 34 tal-Liġi Griega Nru 3016/02, bl-Artikolu 34(1) tal-Liġi Griega Nru 3220/04 u bl-Artikolu 3(1) tal-Liġi Griega Nru 3943/11, kif sostitwita bl-Artikolu 20 tal-Liġi Griega Nru 4321/15, kif emendata bl-Artikolu 71(2) tal-Liġi Griega Nru 4174/13, li ġiet miżjuda mal-Artikolu 8 tal-Liġi Griega Nru 4337/15 u kif issupplimentata bl-Artikolu 469 tal-Liġi Griega Nru 4619/19;
D.billi l-għan tal-immunità parlamentari huwa li tipproteġi lill-Parlament u lill-Membri tiegħu minn proċedimenti ġudizzjarji relatati ma’ attivitajiet imwettqa fil-qadi tad-dmirijiet parlamentari u li huma inseparabbli minn dawn l-attivitajiet; billi huwa ċar li l-allegat reat ma għandu l-ebda rabta diretta mal-attivitajiet ta’ Georgios Kyrtsos bħala Membru tal-Parlament Ewropew, iżda minflok jirrigwarda l-pożizzjoni tiegħu bħala maniġer tal-kumpanija tal-gazzetti tiegħu;
E.billi r-reat allegat ma jikkostitwixxi l-ebda opinjoni espressa jew vot mitfugħ fil-qadi tad-dmirijiet ta’ Georgios Kyrtsos bħala Membru tal-Parlament Ewropew fit-tifsira tal-Artikolu 8 tal-Protokoll Nru 7 dwar il-Privileġġi u l-Immunitajiet tal-Unjoni Ewropea;
F.billi f’konformità mal-Artikolu 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea, il-Membri tal-Parlament Ewropew għandhom igawdu, fit-territorju tal-Istat tagħhom stess, l-immunitajiet mogħtija lill-Membri tal-parlament tagħhom, u fit-territorju ta’ kull Stat Membru ieħor, l-immunità minn kull tip ta’ detenzjoni jew proċeduri legali; billi l-immunità ma tistax tintalab meta Membru jinqabad fil-fatt ta’ reat u ma tipprekludix lill-Parlament Ewropew milli jeżerċita d-dritt tiegħu li jirrinunzja għall-immunità ta’ xi wieħed mill-Membri tiegħu;
G.billi l-Artikolu 62 tal-Kostituzzjoni tar-Repubblika Ellenika jistipula li, matul il-mandat parlamentari tagħhom, il-membri tal-parlament ma jistgħux jiġu akkużati, arrestati, mixħuta l-ħabs jew ristretti bi kwalunkwe mod ieħor mingħajr permess minn qabel mogħti mill-parlament;
H.billi f’dan il-każ, il-Parlament ma sab l-ebda evidenza ta’ fumus persecutionis, li tfisser elementi fattwali li jindikaw li l-investigazzjoni ġudizzjarja inkwistjoni kienet mibdija bl-intenzjoni li ssir ħsara lill-attività politika tal-Membru fil-kapaċità tiegħu bħala Membru tal-Parlament Ewropew;
I.billi huwa l-Parlament waħdu li jiddeċiedi, f’każ partikolari, jekk ineħħix l-immunità jew le; billi l-Parlament jista’ b’mod raġonevoli jqis il-pożizzjoni tal-Membru meta jiddeċiedi jekk ineħħix jew le l-immunità ta’ tali Membru Is-sentenza tal-Qorti Ġenerali tal-15 ta’ Ottubru 2008, Mote vs il-Parlament, T-345/05, ECLI:EU:T:2008:440, paragrafu 28;; billi, waqt is-seduta ta’ smigħ tiegħu, Georgios Kyrtsos iddikjara li ma kienx qed joġġezzjona għat-tneħħija tal-immunità parlamentari tiegħu;
J.billi, minn naħa, il-Parlament ma jistax jitqies bħala qorti u, min-naħa l-oħra, il-Membru ma jistax, fil-kuntest ta’ proċedura għat-tneħħija tal-immunità, jitqies bħala “akkużat” Is-sentenza tal-Qorti Ġenerali tat-30 ta’ April 2019, Briois vs il-Parlament, T-214/18, ECLI:EU:T:2019:266.;