P9_TA(2024)0101Indikazzjonijiet Ġeografiċi għall-inbid, ix-xorb spirituż u l-prodotti agrikoliRiżoluzzjoni leġiżlattiva tal-Parlament Ewropew tat-28 ta' Frar 2024 dwar il-proposta għal regolament tal-Parlament Ewropew u tal-Kunsill dwar Indikazzjonijiet Ġeografiċi tal-Unjoni Ewropea għall-inbid, ix-xorb spirituż u l-prodotti agrikoli, u l-iskemi tal-kwalità għall-prodotti agrikoli, li jemenda r-Regolamenti (UE) Nru 1308/2013, (UE) 2017/1001 u (UE) 2019/787 u li jħassar ir-Regolament (UE) Nru 1151/2012 (COM(2022)0134 – C9-0130/2022 – 2022/0089(COD))(Proċedura leġiżlattiva ordinarja: l-ewwel qari)Il-Parlament Ewropew,

–wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2022)0134),

–wara li kkunsidra l-Artikolu 294(2) u l-Artikoli 43(2) u 118(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C9‑0130/2022),

–wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–wara li kkunsidra l-opinjoni tal-Kumitat Ekonomiku u Soċjali Ewropew tat-13 ta’ Lulju 2022 ĠU C 443, 22.11.2022, p. 116.,

–wara li kkunsidra l-opinjoni tal-Kumitat tar-Reġjuni tat-30 ta’ Novembru 2022 ĠU C 79, 2.3.2023, p. 74.,

–wara li kkunsidra l-ftehim proviżorju approvat mill-kumitat(i) responsabbli fis-sens tal-Artikolu 74(4) tar-Regoli ta' Proċedura tiegħu u l-impenn meħud mir-rappreżentant tal-Kunsill, permezz tal-ittra tas-27 ta' Novembru 2023, li japprova l-pożizzjoni tal-Parlament, skont l-Artikolu 294(4) tat-Trattat dwar il-Funzjonament tal-Unjoni Ewropea,

–wara li kkunsidra l-Artikolu 59 tar-Regoli ta’ Proċedura tiegħu,

–wara li kkunsidra l-opinjonijiet tal-Kumitat għall-Affarijiet Legali u tal-Kumitat għall-Kummerċ Internazzjonali,

–wara li kkunsidra r-rapport tal-Kumitat għall-Agrikoltura u l-Iżvilupp Rurali (A9-0173/2023),

1.Jadotta l-pożizzjoni fl-ewwel qari li tidher hawn taħt Din il-pożizzjoni tissostitwixxi l-emendi adottati fl-1 ta' Ġunju 2023 (Testi adottati, P9_TA(2023)0210).;

2.Japprova d-dikjarazzjoni konġunta tal-Parlament Ewropew u tal-Kunsill annessa ma' din ir-riżoluzzjoni,

3.Jitlob lill-Kummissjoni terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali;

4.Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

P9_TC1-COD(2022)0089Pożizzjoni tal-Parlament Ewropew adottata fl-ewwel qari tat-28 ta' Frar 2024 bil-ħsieb tal-adozzjoni tar-Regolament (UE) 2024/... tal-Parlament Ewropew u tal-Kunsill dwar indikazzjonijiet ġeografiċi għall-inbid, ix-xorb spirituż u l-prodotti agrikoli, kif ukoll l-ispeċjalitajiet tradizzjonali garantiti u t-termini tal-kwalità mhux obbligatorji għall-prodotti agrikoli, li jemenda r-Regolamenti (UE) Nru 1308/2013, (UE) 2019/787 u (UE) 2019/1753 u li jħassar ir-Regolament (UE) Nru 1151/2012(Peress li ntlaħaq ftehim bejn il-Parlament u l-Kunsill, il-pożizzjoni tal-Parlament taqbel mal-att leġiżlattiv finali, ir-Regolament (UE) 2024/1143.)ANNESS GĦAR-RIŻOLUZZJONI LEĠIŻLATTIVADikjarazzjoni konġunta mill-Parlament Ewropew u l-Kunsill fl-okkażjoni tal-adozzjoni tar-Regolament (UE) 2024/1143 ĠU L, 2024/1143, 23.4.2024, ELI: http://data.europa.eu/eli/reg/2024/1143/oj.

Il-Parlament Ewropew u l-Kunsill jissottolinjaw li l-proċeduri kollha relatati mal-indikazzjonijiet ġeografiċi rregolati minn dan ir-Regolament għandhom jibqgħu taħt ir-responsabbiltà unika tal‑Kummissjoni.

Il-Parlament Ewropew u l-Kunsill jinnotaw li l-Kummissjoni tista' tiġi assistita, biss fir-rigward tal‑eżekuzzjoni ta' kompiti amministrattivi, jekk u sa fejn dan ikun possibbli taħt il-qafas legali eżistenti.

Għall-fini tat-trasparenza, il-Kummissjoni hija mħeġġa tinforma kull sena lill-Parlament Ewropew u lill-Kunsill dwar l-assistenza riċevuta fl-eżerċizzju ta' dawk il-kompiti.