(1)L-iżgurar ta’ tassazzjoni ġusta fis-suq intern u l-funzjonament tajjeb tal-Unjoni tas-Swieq Kapitali (CMU) huma prijoritajiet politiċi għall-Unjoni Ewropea (UE). F’dan il-kuntest, it-tneħħija tal-ostakli għall-investiment transfruntier, waqt il-ġlieda kontra l-frodi u l-abbuż tat-taxxa, hija kritika. Dawn l-ostakli jeżistu, pereżempju, permezz ta’ proċeduri ineffiċjenti u ta’ piż sproporzjonat biex jinħelsu t-taxxi f’ras il-għajn eċċessivi fuq id-dividendi jew fuq l-introjtu mill-imgħax imħallas fuq ishma jew bonds innegozjati pubblikament ma’ investituri mhux residenti. Ostakli bħal dawn joħolqu sfida partikolari għall-investituri fil-livell tal-konsumatur. Barra minn hekk, l-istatus quo wera li ma huwiex adegwat fil-prevenzjoni ta’ riskji rikorrenti ta’ frodi, evażjoni u evitar tat-taxxa, kif muri mill-iskandli riċenti Cum/Ex u Cum/Cum. Din il-proposta tfittex li tagħmel il-proċeduri tat-taxxa f’ras il-għajn tal-UE aktar effiċjenti, filwaqt li ssaħħaħhom kontra r-riskju ta’ frodi u abbuż tat-taxxa. Hija tibbaża fuq azzjonijiet preċedenti rilevanti fil-livell tal-UE u internazzjonali, bħar-Rakkomandazzjoni tal-Kummissjoni tal-2009 dwar is-simplifikazzjoni tal-proċeduri tat-taxxa f’ras il-għajn u l-inizjattiva tal-OECD għall-Ħelsien mit-Taxxa skont it-Trattati u għat-Tisħiħ tal-Konformità (TRACE)28.

_________________

28 Ir-Rakkomandazzjoni tal-Kummissjoni tad-19 ta’ Ottubru 2009 dwar proċeduri għall-ħelsien mit-taxxa minn ras il-għajn (Test b’rilevanza għaż-ŻEE) (ĠU L 279, 24.10.2009, p. 8).

(2)Sabiex tissaħħaħ il-kapaċità tal-Istati Membri li jipprevjenu u jiġġieldu kontra l-frodi jew l-abbuż potenzjali, li bħalissa hija mfixkla mill-frammentazzjoni u minn nuqqas ġenerali ta’ informazzjoni affidabbli u f’waqtha dwar l-investituri, huwa għalhekk meħtieġ li jiġi stabbilit qafas komuni għall-ħelsien mit-taxxa f’ras il-għajn eċċessiva fuq investimenti transfruntiera f’titoli li huma reżiljenti għal riskju ta’ frodi jew abbuż tat-taxxa. Dan il-qafas jenħtieġ li jwassal għal konverġenza fost id-diversi proċeduri ta’ ħelsien applikati fl-UE filwaqt li jiżgura t-trasparenza u ċ-ċertezza dwar l-identità tal-investituri għall-emittenti tat-titoli, għall-aġenti tat-taxxa f’ras il-għajn, għall-intermedjarji finanzjarji u għall-Istati Membri, skont il-każ. Għal dan il-għan, il-qafas jenħtieġ li jibbaża fuq proċeduri awtomatizzati, bħad-diġitalizzazzjoni taċ-ċertifikat ta’ residenza tat-taxxa (f’termini ta’ proċedura u ta’ forma), li huwa prerekwiżit biex l-investituri jkollhom aċċess għal kwalunkwe proċedura ta’ ħelsien jew ta’ rifużjoni. Tali qafas jenħtieġ li jkun flessibbli biżżejjed biex iqis kif xieraq id-diversi sistemi applikabbli fi Stati Membri differenti filwaqt li jiżgura konverġenza akbar u jipprovdi għodod xierqa kontra l-abbuż biex jittaffew ir-riskji ta’ frodi, ta’ evażjoni u ta’ evitar tat-taxxa. Għas-suċċess ta’ din id-Direttiva, huwa meħtieġ li l-Istati Membri jgħammru lill-amministrazzjonijiet tat-taxxa b’għodod biex jittrattaw il-proċeduri ta’ rifużjoni/ħelsien f’ras il-għajn b’mod sigur u f’waqtu u jżidu l-isforzi tagħhom biex jipprovdu karatteristiċi ewlenin diġitalizzati, awtomatizzati u kkoordinati aħjar. Għal dan il-għan, huwa meħtieġ ukoll li l-persunal rilevanti li jissorvelja l-għodod diġitali jiġi mħarreġ.

(4)Sabiex jiġi żgurat li l-kontribwenti kollha tal-UE jkollhom aċċess għal prova komuni, xierqa u effettiva tar-residenza tagħhom għall-finijiet ta’ taxxa, l-Istati Membri jenħtieġ li jużaw proċeduri awtomatizzati għall-ħruġ ta’ ċertifikati ta’ residenza tat-taxxa fl-istess forma diġitali rikonoxxibbli u aċċettabbli u bl-istess kontenut. Sabiex ikun hemm aktar effiċjenza, iċ-ċertifikat jenħtieġ li jkun validu mill-inqas għas-sena kollha li matulha jkun inħareġ u ġie rikonoxxut minn Stati Membri oħra għal dak il-perjodu. Jenħtieġ li l-eTRC ikun fih ukoll referenza għal ftehimiet applikabbli dwar it-tassazzjoni doppja. L-Istati Membri jistgħu jirrevokaw eTRC maħruġ meta l-amministrazzjoni tat-taxxa jkollha prova għall-kuntrarju dwar ir-residenza tat-taxxa għal dik is-sena. Sabiex tkun tista’ ssir identifikazzjoni effiċjenti tal-kumpaniji tal-UE, iċ-ċertifikat jenħtieġ li jinkludi informazzjoni dwar l-Identifikatur Uniku Ewropew (EUID).

(6)“Cum-ex” u “cum-cum” - jew skemi ta’ negozjar ta’ arbitraġġ tad-dividendi jirreferu għall-prattika tan-negozjar ta’ ishma b’tali mod li tinħeba l-identità tas-sid reali u li ż-żewġ partijiet jew diversi partijiet involuti jkunu jistgħu jitolbu rifużjonijiet tat-taxxa f’ras il-għajn fuq it-taxxa fuq il-qligħ kapitali li kienet tħallset darba biss u filwaqt li dawk il-prattiki kriminali kienu jinvolvu intermedjarji finanzjarji. Peress li l-intermedjarji finanzjarji l-aktar spiss involuti fil-ktajjen tal-pagamenti tat-titoli huma istituzzjonijiet kbar kif definiti fir-Regolament dwar ir-Rekwiżiti ta’ Kapital (CRR)29 kif ukoll depożitorji ċentrali tat-titoli li jipprovdu servizzi ta’ aġenti tat-taxxa f’ras il-għajn, dawn l-entitajiet jenħtieġ li jkunu obbligati jitolbu reġistrazzjoni fuq ir-reġistri nazzjonali tal-Istati Membri stabbiliti kif imsemmi hawn fuq. Intermedjarji finanzjarji oħrajn jenħtieġ li jitħallew jitolbu reġistrazzjoni għad-diskrezzjoni tagħhom. Jenħtieġ li r-reġistrazzjoni tintalab mill-intermedjarju finanzjarju nnifsu billi jippreżenta applikazzjoni lill-awtorità kompetenti maħtura mill-Istat Membru, inkluża evidenza li l-intermedjarju finanzjarju jissodisfa ċerti rekwiżiti. L-għan tar-rekwiżiti huwa li jivverifikaw li l-intermedjarju li jagħmel it-talba jissodisfa r-rekwiżiti tar-regolament tal-UE rilevanti u li jiġi ssorveljat għall-konformità maghħom. Meta l-intermedjarju finanzjarju jkun stabbilit barra mill-UE, huwa meħtieġ li jkun soġġett għal leġiżlazzjoni fil-pajjiż terz tar-residenza tiegħu li tkun komparabbli għall-finijiet ta’ din id-Direttiva u l-pajjiż terz ta’ residenza la jkun fl-Anness I tal-lista tal-UE ta’ ġuriżdizzjonijiet li ma jikkooperawx u lanqas fil-lista tal-UE ta’ pajjiżi terzi b’riskju għoli (lista tal-ġlieda kontra l-ħasil tal-flus). Ir-reġistrazzjoni ta’ intermedjarju finanzjarju ta’ pajjiż terz jenħtieġ li tiġi implimentata b’minimu ta’ sforzi amministrattivi. Il-Kummissjoni jenħtieġ li tassisti lill-Istati Membri biex tiżgura li jkun hemm fehim koordinat rigward il-leġiżlazzjoni komparabbli f’pajjiżi terzi. Il-konformità ta’ intermedjarju finanzjarju ta’ pajjiż terz mar-rekwiżiti rilevanti tal-UE hija relatata biss mal-finijiet stabbiliti f’din id-Direttiva u ma għandha l-ebda impatt fuq l-eżerċitar jew l-applikazzjoni ta’ kwalunkwe dritt u obbligu ieħor skont leġiżlazzjoni oħra tal-UE. Ladarba jiġu rreġistrati, l-intermedjarji finanzjarji jenħtieġ li jitqiesu bħala “intermedjarji finanzjarji ċċertifikati” fl-Istat Membru rispettiv u jkunu soġġetti għall-obbligi rilevanti ta’ rapportar u notifika skont din id-Direttiva filwaqt li jingħataw id-dritt li jitolbu l-applikazzjoni tal-proċeduri ta’ ħelsien stabbiliti f’din id-Direttiva. L-Istati Membri li jżommu reġistru nazzjonali jenħtieġ li jieħdu wkoll azzjoni biex ineħħu kwalunkwe intermedjarju finanzjarju ċċertifikat li jitlob dan jew li ma għadux jissodisfa r-rekwiżiti rispettivi. Barra minn hekk, dawn l-Istati Membri jistgħu jiddeċiedu li jipprevedu t-tneħħija mir-reġistru nazzjonali tagħhom ta’ intermedjarji finanzjarji ċċertifikati jew li jiċħdulhom l-aċċess għas-sistemi tal-ħelsien jekk jinstab li jkunu kisru l-obbligi tagħhom għadd ta’ drabi. Meta Stat Membru jieħu tali azzjoni ta’ tneħħija jew ċaħda, jenħtieġ li jinforma lill-Istati Membri l-oħra li jżommu reġistru nazzjonali kif xieraq sabiex ikunu jistgħu jivvalutaw it-tneħħija tal-istess intermedjarju finanzjarju ċċertifikat mir-reġistru nazzjonali tagħhom stess. Il-leġiżlazzjoni nazzjonali tal-Istati Membri kkonċernati tapplika għad-drittijiet u l-obbligi tal-partijiet ikkonċernati, inkluż għal appell, fir-rigward ta’ kwalunkwe deċiżjoni meħuda minn Stat Membru b’rabta mar-reġistrazzjoni u t-tneħħija mir-reġistru nazzjonali tagħhom.

__________________

29 Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 Test b’rilevanza għaż-ŻEE (ĠU L 176, 27.6.2013, p. 1).

(8)Sabiex l-Unjoni tas-Swieq Kapitali ssir aktar effettiva u kompetittiva, jenħtieġ li jiġu ffaċilitati u aċċellerati l-proċeduri għall-ħelsien mit-taxxi f’ras il-għajn eċċessivi fuq l-introjtu tat-titoli, fejn tkun ġiet ipprovduta informazzjoni adegwata mill-intermedjarji finanzjarji ċċertifikati rilevanti, inkluż dwar l-identità tal-investitur. L-intermedjarji finanzjarji ċċertifikati rilevanti jikkonsistu mill-intermedjarji finanzjarji ċċertifikati kollha fil-katina tal-pagamenti bejn l-investitur u l-emittent tat-titoli, li jistgħu jkunu meħtieġa jipprovdu wkoll informazzjoni dwar pagamenti magħmula minn intermedjarji finanzjarji mhux iċċertifikati fil-katina, skont l-għażla ta’ politika ta’ kull Stat Membru. Filwaqt li jitqiesu l-approċċi differenti fl-Istati Membri, huma previsti żewġ tipi ta’ proċeduri: (i) ħelsien mit-taxxa f’ras il-għajn b’applikazzjoni diretta tar-rata tat-taxxa xierqa fil-ħin tat-taxxa f’ras il-għajn u (ii) rifużjoni rapida fi żmien massimu ta’ 50 jum mid-data tal-pagament tad-dividend jew, skont il-każ, mid-data ta’ meta l-emittent tal-bond irid iħallas l-imgħax lid-detentur tal-bond (data tal-kupun). L-Istati Membri jenħtieġ li jkunu liberi li jintroduċu kwalunkwe waħda miż-żewġ proċeduri jew kombinazzjoni tagħhom, kif iqisu xieraq, filwaqt li jiżguraw li tal-anqas waħda tkun disponibbli għall-investituri kollha, fejn ir-rekwiżiti ta’ din id-Direttiva jkunu ġew issodisfati. Sabiex tiġi żgurata l-implimentazzjoni xierqa u f’waqtha ta’ dawn il-proċeduri mill-Istati Membri kkonċernati, huwa xieraq li jiġi applikat l-imgħax fuq rifużjonijiet tard ta’ taxxi f’ras il-għajn eċċessivi li huma koperti minn din id-Direttiva u li jiġu ssodisfati l-kundizzjonijiet biex wieħed jibbenefika minn dawn il-proċeduri. Meta r-rekwiżiti rilevanti ma jiġux issodisfati, jew l-investitur ikkonċernat ikun jixtieq hekk, l-Istati Membri jenħtieġ li japplikaw il-proċeduri ta’ rifużjoni standard eżistenti tagħhom biex jeħilsu t-taxxi f’ras il-għajn eċċessivi. Fi kwalunkwe każ, is-sidien reġistrati, b’mod partikolari l-investituri fil-livell tal-konsumatur, u r-rappreżentanti awtorizzati tagħhom, jenħtieġ li jippreżervaw id-dritt li jitolbu lura t-taxxa f’ras il-għajn eċċessiva mħallsa fi Stat Membru meta jipprovdu prova li jissodisfaw il-kundizzjonijiet stabbiliti fil-liġi nazzjonali. L-Istati Membri jistgħu jirrifjutaw talba għal rifużjoni meta jingħata bidu għal kwalunkwe proċedura ta’ verifika jew ta’ awditu tat-taxxa, ibbażati fuq kriterji ta’ valutazzjoni tar-riskju u skont il-liġi nazzjonali. 

(9)Sabiex jiġu ssalvagwardjati s-sistemi għall-ħelsien mit-taxxi f’ras il-għajn eċċessivi, l-Istati Membri li jżommu reġistru nazzjonali jenħtieġ li jirrikjedu wkoll lill-intermedjarji finanzjarji ċċertifikati jivverifikaw l-eliġibbiltà tal-investituri li jixtiequ jitolbu ħelsien. B’mod partikolari, l-intermedjarji finanzjarji ċċertifikati jenħtieġ li jiġbru ċ-ċertifikat tar-residenza tat-taxxa tal-investitur rilevanti, u dikjarazzjoni li tali investitur huwa s-sid benefiċjarju tal-pagament skont il-leġiżlazzjoni tal-Istat Membru tas-sors. Jenħtieġ li jivverifikaw ukoll ir-rata applikabbli tat-taxxa f’ras il-għajn ibbażata fuq iċ-ċirkostanzi speċifiċi tal-investitur u jindikaw jekk humiex konxji minn kwalunkwe arranġament finanzjarju li jinvolvi t-titoli sottostanti li ma ġewx saldati, skaduti jew b’xi mod ieħor itterminati fid-data ex dividend. Ir-rekwiżiti ta’ diliġenza dovuta jistgħu jiġu applikati fuq bażi annwali. L-intermedjarji finanzjarji ċċertifikati jenħtieġ li jinżammu responsabbli għat-telf ta’ dħul mit-taxxa li jkun iġġarrab minħabba t-twettiq inadegwat ta’ dawn l-obbligi, sal-punt tal-liġi nazzjonali tal-Istat Membru meta t-telf imġarrab jipprevedi hekk. Sabiex tiġi żgurata l-proporzjonalità tal-piż u tar-responsabbiltà imposti fuq l-intermedjarji finanzjarji ċċertifikati, jenħtieġ li l-obbligi ta’ verifika mnaqqsa japplikaw għall-proċeduri kollha ta’ ħelsien, meta r-riskju ta’ abbuż ikun baxx u b’mod partikolari meta l-ammont totali tad-dividend imħallas lill-investitur għal parteċipazzjoni azzjonarja f’kumpanija jkun anqas minn EUR 1 500. Jekk tali abbuż jiġi ppruvat mod ieħor, l-Istati Membri jistgħu madankollu japplikaw konsegwenzi skont il-liġi nazzjonali, inkluż iċ-ċaħda tas-sistemi ta’ ħelsien previsti f’din id-Direttiva, iżda ma jistgħux iżommu intermedjarji finanzjarji ċċertifikati responsabbli għan-nuqqas ta’ verifika.

(12)L-implimentazzjoni u l-infurzar xierqa tar-regoli proposti f’kull Stat Membru kkonċernat huma kritiċi għall-promozzjoni tas-CMU b’mod ġenerali kif ukoll għall-protezzjoni tal-bażi għat-taxxa tal-Istati Membri, u għalhekk jenħtieġ li jiġu mmonitorjati mill-Kummissjoni. Għalhekk, jenħtieġ li l-Istati Membri jgħaddu lill-Kummissjoni fuq bażi regolari, informazzjoni statistika kif speċifikata permezz ta’ att ta’ implimentazzjoni, dwar l-implimentazzjoni u l-infurzar tal-miżuri nazzjonali adottati skont din id-Direttiva fit-territorju tagħhom. Il-Kummissjoni jenħtieġ li tħejji evalwazzjoni abbażi tal-informazzjoni pprovduta mill-Istati Membri u data disponibbli oħra biex tevalwa l-effettività tar-regoli l-ġodda proposti. F’dan il-kuntest, il-Kummissjoni jenħtieġ li tqis il-ħtieġa li jiġu aġġornati r-regoli introdotti bis-saħħa ta’ din id-Direttiva.

(14)Kwalunkwe proċessar ta’ data personali mwettaq fil-qafas ta’ din id-Direttiva jenħtieġ li jkun konformi mar-Regolament (UE) 2016/679 tal-Parlament Ewropew u tal-Kunsill. Intermedjarji finanzjarji u Stati Membri jistgħu jipproċessaw id-data personali skont din id-Direttiva bl-objettiv biss li sservi interess pubbliku ġenerali, jiġifieri għall-finijiet tal-ġlieda kontra l-frodi tat-taxxa, l-evażjoni tat-taxxa u l-evitar tat-taxxa, is-salvagwardja tad-dħul mit-taxxa u l-promozzjoni tat-tassazzjoni ġusta, li jsaħħu l-opportunitajiet għall-inklużjoni soċjali, politika u ekonomika fl-Istati Membri. Huma biss l-entitajiet li jipparteċipaw fil-proċeduri ta’ ħelsien mit-taxxi f’ras il-għajn skont din id-Direttiva li jenħtieġ li jkollhom aċċess għal dik id-data. Jenħtieġ li jintbagħat biss l-ammont minimu ta’ informazzjoni personali meħtieġa biex jiġu identifikati sottorapportar, nuqqas ta’ rapportar, frodi tat-taxxa, jew abbuż. Fl-aħħar nett, l-informazzjoni personali jenħtieġ li tinżamm biss sakemm ikun meħtieġ għal dan l-iskop. Sabiex ikun jista’ jintlaħaq dan l-objettiv b’mod effettiv, huwa meħtieġ li jiġu ristretti ċerti drittijiet ta’ individwi previsti mir-Regolament imsemmi hawn fuq, sa fejn l-eżerċizzju ta’ tali drittijiet jista’ jipperikola l-investigazzjonijiet, speċjalment id-dritt ta’ notifika dwar l-ipproċessar tad-data tagħhom u l-kamp ta’ applikazzjoni tagħha kif ukoll id-dritt għall-kunsens dwar ċerti tipi ta’ pproċessar tad-data. Hekk kif iċ-ċirkostanzi li ġġustifikaw ir-restrizzjoni ma jibqgħux japplikaw, id-drittijiet tas-suġġetti tad-data jenħtieġ li jerġgħu jiddaħħlu.

_________________

31 Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ir-Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(19)“trattat kontra t-taxxat-taxxa doppja” tfisser ftehim jew konvenzjoni li tipprevedi l-eliminazzjoni tat-tassazzjoni doppja fuq l-introjtu, u fejn applikabbli, il-kapital, fis-seħħ bejn żewġ ġuriżdizzjonijiet (jew aktar).

2.L-Istati Membri għandhom joħorġu l-eTRC abbażi tal-informazzjoni disponibbli fi żmien tlett ijiem tax-xogħol mis-sottomissjoni ta’ talba, soġġetta għall-paragrafu 4. L-eTRC għandu jikkonforma mar-rekwiżiti tekniċi tal-Anness I u għandu jinkludi l-informazzjoni li ġejja:

(a)isem u kunjom il-kontribwentl-kontribwent u d-data u l-post tat-twelid, jekk il-kontribwent ikun individwu, jew l-isem u n-numru tal-Identifikatur Uniku Ewropew (EUID) tiegħu, jekk il-kontribwent ikun entità, meta disponibbli;

imħassar

4.Jekk ikunu meħtieġa aktar minn ħamest ijiem tax-xogħol għall-verifika tar-residenza tat-taxxa ta’ kontribwent speċifiku, l-Istat Membru għandu jinforma lill-persuna li tkun qed titlob iċ-ċertifikat dwar il-ħin addizzjonali meħtieġ u r-raġunijiet għad-dewmien, li fi kwalunkwe każ ma għandux ikun itwal minn ħamest ijiem tax-xogħol.

5.L-Istati Membri għandhom jirrikonoxxu eTRC maħruġ minn Stat Membru ieħor bħala prova adegwata ta’ residenza ta’ kontribwent f’dak l-Istat Membru l-ieħor f’konformità mal-paragrafu 3. Fi kwalunkwe każ, l-Istati Membri jistgħu jagħtu prova tar-residenza għall-finijiet ta’ taxxa fil-ġuriżdizzjonijiet tagħhom. 

6.Il-Kummissjoni għandha tadotta atti ta’ implimentazzjoni li jistabbilixxu formoli kompjuterizzati standard f’format li jinqara mill-magni, li jinkludu l-arranġamenti lingwistiċi, u l-protokolli tekniċi, inklużi l-istandards ta’ sigurtà, għall-ħruġ ta’ eTRC. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 18.

1.L-Istati Membri għandhom jiżguraw li intermedjarju finanzjarju jkun irreġistrat fir-reġistru nazzjonali ta’ intermedjarji finanzjarji ċċertifikati tagħhom fi żmien xahrejn mis-sottomissjoni ta’ talba tal-intermedjarju finanzjarju li jipprovdi evidenza tar-rekwiżiti kollha li ġejjin:

(b)jekk l-intermedjarju finanzjarju rikjedenti jkun istituzzjoni ta’ kreditu, awtorizzazzjoni fil-ġuriżdizzjoni tar-residenza għall-finijiet ta’ taxxa biex iwettaq attivitajiet ta’ kustodja skont il-punti (12) jew (14) tal-Anness I tad-Direttiva 2013/36/UE jew leġiżlazzjoni ta’ pajjiż terz komparabbli; jekk l-intermedjarju finanzjarju rikjedenti jkun ditta tal-investiment, awtorizzazzjoni fil-ġuriżdizzjoni tar-residenza għall-finijiet ta’ taxxa biex iwettaq attivitajiet ta’ kustodja skont it-Taqsima B(1) tal-Anness I tad-Direttiva 2014/65/UE jew leġiżlazzjoni ta’ pajjiż terz komparabbli jew; jekk l-intermedjarju finanzjarju rikjedenti jkun depożitarju ċentrali tat-titoli, awtorizzazzjoni fil-ġuriżdizzjoni tar-residenza għall-finijiet ta’ taxxa skont ir-Regolament (UE) Nru 909/2014 jew leġiżlazzjoni ta’ pajjiż terz ta’ residenza komparabbli; il-Kummissjoni għandha toħroġ gwida dwar standards minimi għal leġiżlazzjoni komparabbli;

2.L-intermedjarji finanzjarji għandhom jinnotifikaw mingħajr dewmien żejjed lill-awtorità kompetenti tal-Istat Membru bi kwalunkwe bidla fl-informazzjoni pprovduta skont il-punti (a) sa (c),filwaqt li jipprovdu d-dokumenti rilevanti meta meħtieġ.

3.L-Istat Membru li jneħħi intermedjarju finanzjarju ċċertifikat mir-reġistru nazzjonali tiegħu għandu jinforma, f’konformità mad-Direttiva 2011/16/UE, mingħajr dewmien żejjed lill-Istati Membri l-oħra kollha li jżommu reġistru nazzjonali skont l-Artikolu 5, filwaqt li jispeċifika r-raġunijiet għat-tneħħija skont il-paragrafi 1 u 2.

1.L-Istati Membri għandhom jieħdu l-miżuri meħtieġa biex jirrikjedu lill-intermedjarji finanzjarji ċċertifikati fir-reġistru nazzjonali tagħhom jirrapportaw l-informazzjoni msemmija fl-Anness II lill-awtorità kompetenti malajr kemm jista’ jkun fi żmien massimu ta’ 20 jum kalendarju wara d-data tar-reġistrazzjoni, sakemm struzzjoni ta’ saldu fir-rigward ta’ kwalunkwe parti ta’ tranżazzjoni ma tkunx pendenti fid-data tar-reġistrazzjoni, f’liema każ ir-rapportar għal dik it-tranżazzjoni għandu jsir mill-aktar fis possibbli wara s-saldu. Jekk sa 15-il jum wara d-data tar-reġistrazzjoni, is-saldu jkun għadu pendenti għal kwalunkwe parti tat-tranżazzjoni, l-intermedjarji finanzjarji ċċertifikati għandhom jirrapportaw fi żmien il-5 ijiem kalendarji li jmiss billi jindikaw il-parti li għaliha jkun pendenti s-saldu.

2.L-Istati Membri għandhom jipprevedu li l-intermedjarji finanzjarji ċċertifikati ma għandhomx bżonn jirrapportaw l-informazzjoni msemmija fl-Anness II, intestatura E, jekk id-dividend totali mħallas lis-sid irreġistrat fuq il-parteċipazzjoni azzjonarja tas-sid f’kumpanija ma jaqbiżx l-EUR 1 500.

5.L-Istati Membri għandhom jirrikjedu li l-intermedjarji finanzjarji ċċertifikati fir-reġistru nazzjonali tagħhom iżommu d-dokumentazzjoni li tappoġġa l-informazzjoni rrapportata għal sitt snin u jipprovdu aċċess għal kwalunkwe informazzjoni oħra, kif ukoll l-aċċess għall-bini tagħhom għall-finijiet tal-awditjar u għandhom jirrikjedu lill-intermedjarji finanzjarji ċċertifikati jneħħu jew janonimizzaw kwalunkwe data personali inkluża f’tali dokumentazzjoni hekk kif l-awditjar ikun tlesta u sa mhux aktar tard minn sitt snin wara r-rapportar.

(a)id-dividend ikun tħallas fuq sehem innegozjat pubblikament li s-sid irreġistrat ikun kiseb f’perjodu ta’ ħamest ijiem qabel id-data ex dividend;

1.L-Istati Membri għandhom jieħdu l-miżuri meħtieġa biex jiżguraw li l-intermedjarju finanzjarju ċċertifikat li jitlob ħelsien skont l-Artikolu 12 u/jew 13 f’isem sid irreġistrat jikseb minn tali sid irreġistrat dikjarazzjoni li s-sid irreġistrat:

(a)huwa s-sid benefiċjarju tad-dividend jew tal-imgħax kif definit skont il-leġiżlazzjoni nazzjonali tal-Istat Membru tas-sors jew trattat kontra t-taxxa doppja; u

2.L-Istati Membri għandhom jieħdu l-miżuri meħtieġa biex jiżguraw li l-intermedjarji finanzjarji ċċertifikati li jitolbu ħelsien skont l-Artikolu 12 u/jew 13 f’isem sid irreġistrat jivverifikaw:

(d)f’każ ta’ pagament ta’ dividendi u abbażi tal-informazzjoni disponibbli għall-intermedjarju finanzjarju ċċertifikat, l-eżistenza possibbli ta’ kwalunkwe arranġament finanzjarju li ma jkunx ġie saldat, skadut jew inkella tterminat fid-data ex dividend, dment li d-dividend imħallas lis-sid irreġistrat għal kull grupp ta’ ishma identiċi miżmuma ma jaqbiżx EUR 1 500.

1.L-Istati Membri jistgħu jippermettu lill-intermedjarji finanzjarji ċċertifikati li jżommu kont ta’ investiment tas-sid irreġistrat biex jitolbu rifużjoni rapida tat-taxxa f’ras il-għajn eċċessiva, f’isem tali sid irreġistrat f’konformità mal-Artikolu 10 jekk l-informazzjoni msemmija fil-paragrafu 3 ta’ dan l-Artikolu tiġi pprovduta fi żmien 25 jum kalendarju mid-data tal-pagament tad-dividend jew tal-imgħax.

2.L-Istati Membri għandhom jipproċessaw talba għal rifużjoni magħmula f’konformità mal-paragrafu 1 fi żmien 25 jum kalendarju mid-data ta’ tali talba jew mid-data li fiha l-obbligi ta’ rapportar skont din id-Direttiva jkunu ġew issodisfati mill-intermedjarji finanzjarji ċertifikati rilevanti kollha, skont liema minnhom tkun l-aħħar. L-Istati Membri għandhom japplikaw l-imgħax f’konformità mal-Artikolu 14 dwar l-ammont ta’ tali rifużjoni għal kull jum ta’ dewmien wara l-25 jum, sakemm l-Istat Membru ma jkollux dubji raġonevoli dwar il-leġittimità tat-talba għal rifużjoni.

L-Istati Membri għandhom jadottaw miżuri xierqa biex jiżguraw li meta l-Artikolu 12 u l-Artikolu 13 ma japplikawx għad-dividendi, minħabba li l-kundizzjonijiet ta’ din id-Direttiva ma jiġux issodisfati, sid irreġistrat jew ir-rappreżentant awtorizzat tiegħu li jitlob għal rifużjoni tat-taxxa f’ras il-għajn eċċessiva fuq tali dividendi jipprovdi mill-inqas l-informazzjoni meħtieġa skont l-Anness II, intestatura E, sakemm id-dividend totali mħallas lis-sid irreġistrat fuq l-ishma tas-sid f’kumpanija ma jaqbiżx EUR 1 500, u sakemm din l-informazzjoni ma tkunx diġà ġiet ipprovduta f’konformità mal-obbligi tal-Artikolu 9.

Evalwazzjoni ġenerali, rieżami u reviżjoni

1.Il-Kummissjoni għandha teżamina u tevalwa l-funzjonament ta’ din id-Direttiva, wara li r-regoli nazzjonali li jittrasponu d-Direttiva jidħlu fis-seħħ, kull ħames snin. Rapport dwar l-evalwazzjoni tad-Direttiva u dwar ir-regoli applikabbli għat-taxxi f’ras il-għajn fl-Istati Membri, inkluż dwar il-ħtieġa potenzjali li jiġu emendati dispożizzjonijiet speċifiċi ta’ din id-Direttiva, se jiġi ppreżentat lill-Parlament Ewropew u lill-Kunsill sa Diċembru 2031 u kull ħames snin. Fir-rapport ta’ evalwazzjoni, il-Kummissjoni għandha:

2.L-Istati Membri għandhom jikkomunikaw lill-Parlament Ewropew u lill-Kummissjoni l-informazzjoni statistika rilevanti għall-evalwazzjoni msemmija fil-paragrafu 1, f’konformità mal-paragrafu 3.

3.Il-Kummissjoni għandha, permezz ta’ atti ta’ implimentazzjoni, tispeċifika l-informazzjoni statistika li għandha tiġi pprovduta mill-Istati Membri għall-finijiet ta’ evalwazzjoni u l-format u l-kundizzjonijiet ta’ komunikazzjoni ta’ dik l-informazzjoni.

5.L-informazzjoni kkomunikata lill-Kummissjoni minn Stat Membru skont l-Artikolu 2, kif ukoll kwalunkwe rapport jew dokument prodotti mill-Kummissjoni li jużaw tali informazzjoni, jistgħu jiġu trażmessi lill-Parlament Ewropew u lil Stati Membri oħra. Tali informazzjoni trażmessa għandha tkun koperta mill-obbligu ta’ segretezza uffiċjali u għandha tgawdi l-protezzjoni estiża għal informazzjoni simili skont il-liġi nazzjonali tal-Istat Membru li jkun irċevieha.

1.L-Istati Membri għandhom jirrestrinġu d-drittijiet tas-suġġett tad-data skont l-Artikoli 15 sa 19 tar-Regolament (UE) 2016/679 tal-Parlament Ewropew u tal-Kunsill45, sal-punt li l-eżerċitar ta’ tali drittijiet ma jipperikolax l-investigazzjonijiet u biss sa fejn u biss sakemm ikun strettament meħtieġ għall-awtoritajiet kompetenti tagħhom biex itaffu r-riskju ta’ frodi, evażjoni jew evitar tat-taxxa fl-Istati Membri, b’mod partikolari billi jivverifikaw li r-rata korretta tat-taxxa f’ras il-għajn tiġi applikata għas-sid irreġistrat, jew billi jivverifikaw li s-sid irreġistrat jikseb il-ħelsien fil-ħin, jekk ikun intitolat għalih. Id-drittijiet tas-suġġetti tad-data għandhom jiġu restawrati hekk kif il-kundizzjonijiet li kienu jappoġġaw ir-restrizzjoni ma jibqgħux jeżistu.

__________________

45 Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ĠU L 119, 4.5.2016, p. 1).

3.L-informazzjoni, inkluża d-data personali, ipproċessata f’konformità ma’ din id-Direttiva, għandha tinżamm biss sakemm ikun meħtieġ biex jintlaħqu l-finijiet ta’ din id-Direttiva, f’konformità mar-regoli domestiċi ta’ kull kontrollur tad-data dwar l-istatut ta’ limitazzjonijiet, iżda fi kwalunkwe każ għal mhux aktar minn ħames snin.