‘3. Gan dochar d’Airteagail 15 agus 16 agus do chur i bhfeidhm an dlí choiriúil, ní dhéanfar aon fhaisnéis rúnda arna fáil ag na daoine dá dtagraítear i mír 1 le linn a ndualgais a chomhlíonadh a nochtadh d’aon duine nó d’aon údarás, ach amháin i bhfoirm achomair nó chomhiomlán atá de chineál a fhágann nach féidir institiúidí airgeadais aonair a shainaithint.’;

‘1. Comhoibreoidh na ÚMEnna, an Córas Eorpach Banc Ceannais (CEBC), an Coimisiún, na húdaráis mhaoirseachta náisiúnta agus na húdaráis staidrimh náisiúnta go dlúth leis an BERS trí chomhroinnt na faisnéise agus na hanailíse is gá chun a gcúraimí a bhaint amach.

2.Déanfaidh BERS, ÚMEnna agus BCE a n-iarrachtaí a chomhordú chun rioscaí sistéamacha don chobhsaíocht airgeadais a bhrath, chun faireachán a dhéanamh orthu, chun iad a chosc agus a mhaolú. D’ainneoin forálacha eile maidir le comhroinnt faisnéise maoirseachta agus staidrimh sna míreanna leantacha den Airteagal seo agus i ngníomhartha reachtacha eile de chuid an Aontais, roinnfidh na ÚMEnna agus BCE an fhaisnéis ábhartha uile gan moill mhíchuí a luaithe a bheidh fáil uirthi, lena n-áirítear faisnéis mhaoirseachta agus staidrimh, mar aon le torthaí a n-anailíse ar an bhfaisnéis sin, le BERS, atá riachtanach chun a mhisean, a chuspóirí agus a chúraimí a bhaint amach.

Chun críocha an fhaisnéis sin a chomhroinnt, bainfidh ÚMEnna agus BCE úsáid as an gCóras Tuairiscithe Comhtháite dá dtagraítear in Airteagal 15a, nuair a bhunófar é.

3.I gcás nach leor nó nach bhfuil an fhaisnéis atá ar fáil cheana féin do BERS trí na ÚMEnna, trí BCE agus tríd an gCóras Staidrimh Eorpach ar fáil go tráthúil, iarrfaidh BERS an fhaisnéis is gá chun a shainordú ó bhainc cheannais náisiúnta, ó údaráis mhaoirseachta náisiúnta agus ó údaráis staidrimh náisiúnta, a chomhlíonadh i gcomhréir leis an Airteagal seo. Más rud é nach bhfuil an fhaisnéis sin fós ar fáil, féadfaidh an BERS í a iarraidh ar an mBallstát lena mbaineann, ach sin gan dochar do na sainchumais a thugtar, faoi seach, don Chomhairle, don Choimisiún (Eurostat), do BCE, don Eurochóras agus don CEBC i réimse an staidrimh agus an bhailithe sonraí.

4.Más rud é go n-iarrann an BERS, i gcomhréir le mír 3, faisnéis nach bhfuil i bhfoirm achomair ná i bhfoirm chomhiomlán, míneofar san iarraidh réasúnaithe cén fáth a meastar go bhfuil na sonraí maidir leis an institiúid airgeadais aonair faoi seach ábhartha go sistéimeach, agus riachtanach, ag féachaint do staid an mhargaidh atá i réim.

5.Sula ndéanfar gach iarraidh i gcomhréir le mír 3 ar fhaisnéis de chineál maoirseachta nach bhfuil i bhfoirm achomair nó i bhfoirm chomhiomlán, rachaidh BERS i gcomhairle go cuí leis na ÚMEnna ábhartha chun a áirithiú go bhfuil údar maith leis an iarraidh agus go bhfuil sí comhréireach. Má mheasann an ÚME ábhartha nach bhfuil údar maith leis an iarraidh agus nach bhfuil sí comhréireach, cuirfidh sé an iarraidh ar ais, gan mhoill, chuig BERS agus iarrfaidh sé údar breise. Tar éis do BERS an t-údar sin a thabhairt do ÚME ábhartha, déanfaidh na seolaithe ar díríodh an iarraidh chucu an fhaisnéis a iarrtar a tharchur chuig BERS, ar choinníoll go mbeidh rochtain dhlíthiúil acu ar an bhfaisnéis ábhartha.’;

‘8. Comhroinnfidh BERS le ceann eile de na húdaráis dá dtagraítear i mír 1, le húdarás eile is comhalta de chuid CEMA nó leis na húdaráis eile, ar bhonn cás ar chás nó ar bhonn rialta, faisnéis a fuair sé ó údarás eile ▌de na húdaráis sin nó ó na húdaráis eile, nuair ▌ atá an t-údarás iarrthach i dteideal ▌an fhaisnéis ▌sin a fháil de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

Chun críocha an fhaisnéis dá dtagraítear sa chéad fhomhír den mhír seo a chomhroinnt, bainfidh BERS úsáid as an gCóras Tuairiscithe Comhtháite Aonair dá dtagraítear in Airteagal 15a, nuair a bhunófar é.

8a.Iarrfaidh BERS ar na húdaráis eile faisnéis a d’iarrfadh sé ar shlí eile ar institiúidí airgeadais nó ar údaráis inniúla eile, i gcás ina gcomhlíontar an dá cheann de na coinníollacha seo a leanas:(a)tá sé i dteideal an fhaisnéis sin a fháil de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais;(b)go bhfuair ceann amháin ar a laghad de na húdaráis eile an fhaisnéis sin.

Beidh an chéad fhomhír gan dochar don fhéidearthacht atá ag BERS an fhaisnéis a iarrtar a fháil ó institiúidí airgeadais nó ó údaráis inniúla eile más rud é, ar chúiseanna oibríochtúla, nach bhfuil an t-údarás eile in ann na sonraí a roinnt.

Chun a chinneadh an gcomhlíontar an coinníoll dá dtagraítear i bpointe (b), an chéad fhomhír, bainfidh BERS úsáid as an gCóras Tuairiscithe Comhtháite Aonair dá dtagraítear in Airteagal 15a, nuair a bhunófar é.

8b.Chun críocha an Airteagail seo agus Airteagal 15a, ciallaíonn ‘údaráis eile’ aon cheann de na húdaráis seo a leanas:(a)na hÚdaráis Mhaoirseachta Eorpacha;(b)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1093/2010;(c)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1094/2010;(d)údaráis inniúla, mar a shainmhínítear i bpointe (3) d’Airteagal 4, de Rialachán (AE) Uimh. 1095/2010;(e)Bunaíodh ÚFA le Rialachán (AE) …/… ó Pharlaimint na hEorpa agus ón gComhairle+ OIFIG NA bhFOILSEACHÁN: Cuir isteach sa téacs uimhir an Rialacháin atá i ndoiciméad 2021/0240(COD) (togra le haghaidh Rialachán lena mbunaítear an tÚdarás um an Sciúradh Airgid agus Maoiniú na Sceimhlitheoireachta a Chomhrac - COM/2021/421 final) agus cuir isteach uimhir, dáta, teideal agus tagairt IO an Rialacháin sin san fhonóta.;(f)údaráis, mar a shainmhínítear in Airteagal 2, pointe (1), de Threoir (AE) …/… ó Pharlaimint na hEorpa agus ón gComhairle++ OIFIG NA bhFOILSEACHÁN: cuir isteach sa téacs uimhir na Treorach atá i ndoiciméad (2021/0250(COD) (togra le haghaidh an 6ú Treoir maidir le Frithsciúradh Airgid - COM/2021/423 final) agus cuir isteach uimhir, dáta, teideal agus tagairt IO na Treorach sin san fhonóta.;(g)SAM, mar a shainmhínítear i bpointe (9) d’Airteagal 2, de Rialachán (AE) Uimh. 1024/2013;(h)BRA;(i)údaráis réitigh náisiúnta, mar a shainmhínítear i bpointe (3) d’Airteagal 3, de Rialachán (AE) Uimh. 806/2014.

9. Léireofar go cuí san iarraidh ar mhalartú faisnéise de bhun mhír 8 an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó institiúidí airgeadais nó ó údarás eile dá dtagraítear sa mhír sin. Beidh an t-údarás iarrthach agus BERS faoi réir na n-oibleagáidí rúndachta gairmiúla agus na bhforálacha cosanta sonraí a leagtar síos in Airteagal 8 agus i reachtaíocht earnálach is infheidhme maidir le sonraí a chomhroinnt idir an institiúid airgeadais nó údarás eile dá dtagraítear i mír 8 agus an t-údarás iarrthach, agus maidir le sonraí a chomhroinnt idir údarás eile dá dtagraítear sa mhír sin agus BERS. Cuirfidh BERS gach údarás ábhartha ar an eolas faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

10. Beidh feidhm ag míreanna 8, 8a agus 9 freisin maidir le faisnéis arna fáil ag BERS ó údaráis eile agus a mbeidh seiceálacha cáilíochta déanta ag BERS uirthi ina dhiaidh sin nó a phróiseálfaidh BERS ar shlí eile.

11. Maidir le comhroinnt faisnéise dá dtagraítear i míreanna 8, 8a, 9 agus 10, déanfaidh BERS agus na húdaráis eile meabhráin tuisceana chun módúlachtaí an mhalartaithe faisnéise a shonrú. Sonróidh siad freisin socruithe maidir le hacmhainní a chomhroinnt chun sonraí comhroinnte den sórt sin a bhailiú agus a phróiseáil, ar choinníoll go gcomhlíonann siad na rialacha is infheidhme maidir le cosaint sonraí, maoin intleachtúil agus rúndacht ghairmiúil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint i gcás inar gá d’aon choinníollacha speisialta oibriúcháin a bhfuil feidhm acu maidir le húdaráis shonracha.

12. Beidh míreanna 8, 9 agus 10 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir BERS agus na húdaráis eile i gcomhréir le forálacha i reachtaíocht eile de chuid an Aontais. I gcás ina bhfuil míreanna 8, 9 nó 10 ar neamhréir le forálacha i reachtaíocht eile de chuid an Aontais lena rialaítear malartú faisnéise idir na húdaráis eile ▌, beidh forlámhas ag na forálacha sa reachtaíocht eile sin.

13. Gan dochar d’oibleagáidí eile a leagtar síos i ndlí an Aontais maidir le faisnéis a roinnt, féadfaidh BERS, ar iarraidh a bhfuil údar maith léi agus ar bhonn cás ar chás, faisnéis a bheidh tuairiscithe ag údaráis eile dó de bhun a n-oibleagáidí faoi dhlí an Aontais ▌ a chomhroinnt leis an gCoimisiún ▌ , i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti. Cuirfear na húdaráis a chuir an fhaisnéis sin isteach ar an eolas go cuí faoin gcomhroinnt a rinneadh.

14. Féadfaidh BERS rochtain a dheonú ar fhaisnéis arna fáil agus a dhualgais á gcomhlíonadh aige lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh BERS gur comhlíonadh na nithe uile seo a leanas:(a) go ndearnadh an fhaisnéis a anaithnidiú, ar bhealach nach féidir an t-ábhar sonraí nó an institiúid airgeadais a shainaithint, nó nach féidir iad a shainaithint a thuilleadh;(b) go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla.(c)gur léirigh na páirtithe dár deonaíodh rochtain go bhfuil na modhanna teicniúla is gá acu chun faisnéis rúnda a chosaint, is é sin, tá ionstraimí acu atá in ann cosaint príobháideachais agus rúndachta a áirithiú go hiomlán.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach.

14a.Déanfaidh BERs, faoin ... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc ar BERS faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].’;

‘Airteagal 15a

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh BERS, i ndlúthchomhar leis na húdaráis eile, tuarascáil ar na mionsonraí teicniúla a bhaineann le Córas um Thuairisciú Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus (d)pointe teagmhála aonair buan d’eintitis chun cásanna tuairiscithe dhúbailte, agus tuairisciú iomarcach nó imithe i léig nó ceanglais maidir le nochtadh, a chur in iúl.

I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Cuirfidh an Coimisiún, i gcás inarb iomchuí, togra reachtach faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh BERS, i gcomhar leis na húdaráis eile, Córas Tuairiscithe Comhtháite Aonair a bhunú faoin: [3 bliana ó dháta theacht i bhfeidhm an Rialacháin leasaithigh seo].’.

‘Ní bheidh tuairimí an Údaráis teoranta do nósanna imeachta reachtacha leanúnacha. Féadfaidh an tÚdarás freisin leasuithe ar ghníomhartha reachtacha atá i bhfeidhm a mholadh ina thuairimí, i gcás inarb iomchuí, lena n-áirítear na leasuithe seo a leanas:(a)deireadh a chur le ceanglais tuairiscithe agus nochta atá iomarcach nó imithe i léig i ndlí an Aontais nó le trasuí náisiúnta dhlí an Aontais ag na Ballstáit;(b)ceanglais chomhsheasmhacha tuairiscithe agus nochta a áirithiú ar fud reachtaíocht earnáilsonrach, chomh maith le reachtaíocht trasearnála;(c)chun comhréireacht sna ceanglais tuairiscithe agus nochta a áirithiú i ndáil le cineál, méid agus castacht an eintitis tuairiscithe; (d)a áirithiú go bhfuil comhlíonadh na gceanglas maidir le tuairisciú agus nochtadh i gcomhréir leis an mbreisluach a ghabhann le comhlíonadh chúraimí agus chuspóirí an Údaráis.

Chun críocha na dtuairimí maidir le gníomhartha reachtacha atá i bhfeidhm dá dtagraítear sa chéad fhomhír, tabharfaidh an tÚdarás aird chuí ar ionchur ó na geallsealbhóirí ábhartha uile trí chomhairliúchán tiomnaithe. Ar bhonn na dtuairimí sin, cuirfidh an Coimisiún togra reachtach faoi bhráid Pharlaimint na hEorpa agus na Comhairle.’;

‘(d) athbhreithniú a dhéanamh ar chur i bhfeidhm na gcaighdeán teicniúil ábhartha rialála agus cur chun feidhme arna nglacadh ag an gCoimisiún, agus ar chur i bhfeidhm na dtreoirlínte agus na moltaí arna n-eisiúint ag an Údarás agus leasuithe a mholadh i gcás inarb iomchuí, agus inúsáidteacht agus cáilíocht na sonraí á n-áirithiú ag an am céanna, chun an méid seo a leanas a dhéanamh:—deireadh a chur le ceanglais tuairiscithe agus nochta atá imithe i léig;—ceanglais chomhréireacha agus chaighdeánaithe maidir le tuairisciú agus nochtadh a áirithiú;—costais a íoslaghdú;—aghaidh a thabhairt ar bhearnaí rialála;’;

‘(e) éifeachtacht na gceanglas náisiúnta tuairiscithe agus nochta agus méid chóineasaithe na gceanglas sin leis na ceanglais a leagtar amach i ndlí an Aontais agus a oiriúnaí atá siad chun na caighdeáin a bhunaítear ann a chomhlíonadh, agus saintréithe sonracha dlínsí airgeadais náisiúnta á gcur san áireamh ag an am céanna.’;

‘4. Sula n-iarrfaidh an tÚdarás faisnéis i gcomhréir leis an Airteagal seo, agus chun a áirithiú nach mbeidh aon dúbailt ar na hoibleagáidí tuairiscithe agus nochta, cuirfidh sé san áireamh faisnéis arna bailiú ag na húdaráis eile dá dtagraítear in Airteagal 35a(1b) agus aon staidreamh ábhartha atá ann cheana féin, arna ullmhú agus arna scaipeadh ag an gCóras Eorpach um Staidreamh agus ag an gCóras Eorpach Banc Ceannais.; 

‘Airteagal 35a

Malartú faisnéise idir údaráis agus le heintitis eile

1. Comhroinnfidh an tÚdarás agus na húdaráis inniúla leis na húdaráis eile, ar bhonn cás ar chás nó ar bhonn rialta, faisnéis arna fáil acu ó institiúidí airgeadais nó ó údaráis inniúla eile, nuair atá an t-údarás iarrthach i dteideal an fhaisnéis sin a fháil, de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

2. Léireofar go cuí san iarraidh ar mhalartú faisnéise an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó institiúidí airgeadais nó ó údaráis inniúla eile. Beidh an t-údarás iarrthach agus an t-údarás a chomhroinneann an fhaisnéis faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 agus i reachtaíocht earnálach is infheidhme maidir le sonraí a chomhroinnt idir an institiúid airgeadais agus an t-údarás iarrthach, agus maidir le sonraí a chomhroinnt idir an institiúid airgeadais agus an t-údarás a chomhroinneann an fhaisnéis. Cuirfidh an t-údarás a chomhroinneann an fhaisnéis gach institiúid airgeadais ábhartha ar an eolas ▌ faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

3. Beidh feidhm ag míreanna 1, 1a agus 2 freisin maidir le faisnéis arna fáil ag an údarás a chomhroinneann an fhaisnéis ó institiúid airgeadais nó ó na húdaráis eile agus a mbeidh seiceálacha cáilíochta déanta ag an údarás a chomhroinneann an fhaisnéis uirthi ina dhiaidh sin nó a phróiseálfaidh an t-údarás a chomhroinneann an fhaisnéis ar shlí eile.

4. Maidir le comhroinnt faisnéise dá dtagraítear i míreanna 1, 1a, 2 agus 3, déanfaidh an t-Údarás agus na húdaráis eile meabhráin tuisceana chun módúlachtaí an mhalartaithe faisnéise a shonrú. Sonróidh siad freisin socruithe maidir le hacmhainní a chomhroinnt chun sonraí comhroinnte den sórt sin a bhailiú agus a phróiseáil, ar choinníoll go gcomhlíonann siad na rialacha is infheidhme maidir le cosaint sonraí, maoin intleachtúil agus rúndacht ghairmiúil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint i gcás inar gá d’aon choinníollacha speisialta oibriúcháin a bhfuil feidhm acu maidir le húdaráis shonracha.

5. Beidh míreanna 1 go 4 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile ▌ i gcomhréir le forálacha i reachtaíocht eile de chuid an Aontais. I gcás ina bhfuil na forálacha san Airteagal seo ar neamhréir le forálacha i reachtaíocht eile de chuid an Aontais lena rialaítear malartú faisnéise idir na húdaráis eile, beidh forlámhas ag na forálacha sa reachtaíocht eile sin.

6. Gan dochar d’oibleagáidí eile a leagtar síos i ndlí an Aontais maidir le comhroinnt faisnéise, féadfaidh an tÚdarás agus na húdaráis inniúla, ar iarraidh a bhfuil údar maith léi, faisnéis a chomhroinnt ar bhonn cás ar chás leis an gCoimisiún ▌, ar faisnéis í a bheidh tuairiscithe ag institiúidí airgeadais dóibh de bhun a ndualgas faoi dhlí an Aontais, i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti. Cuirfear na húdaráis a chuir an fhaisnéis sin isteach ar an eolas go cuí faoin gcomhroinnt a rinneadh.

7. Féadfaidh an tÚdarás agus na húdaráis inniúla rochtain a dheonú ar fhaisnéis arna fáil agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás gur comhlíonadh na nithe uile seo a leanas:(a) go ndearnadh an fhaisnéis a anaithnidiú, ar bhealach nach féidir an t-ábhar sonraí nó an institiúid airgeadais a shainaithint, nó nach féidir iad a shainaithint a thuilleadh;(b) go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach.

7a.Déanfaidh an tÚdarás agus na húdaráis inniúla, faoin... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc orthu faisnéis a mhalartú leis na húdaráis eile nó le heintitis eile. Féadfar a áireamh sa tuarascáil freisin ceanglais tuairiscithe neamhábhartha, imithe i léig, dhúblacha nó ceanglais nach bhfuil ábhartha ar bhealach eile, agus moltaí maidir le comhsheasmhacht a áirithiú idir ceanglais tuairiscithe cuideachtaí airgeadais agus neamhairgeadais.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].’;

‘Airteagal 35b

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh an tÚdarás, i ndlúthchomhar leis na húdaráis eile agus le CEBC, tuarascáil ar na mionsonraí teicniúla a bhaineann le Córas um Thuairisciú Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus(d)pointe teagmhála aonair buan d’eintitis chun cásanna tuairiscithe dhúbailte, agus tuairisciú iomarcach nó imithe i léig nó ceanglais maidir le nochtadh, a chur in iúl.

I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Cuirfidh an Coimisiún, i gcás inarb iomchuí, togra reachtach faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh an tÚdarás, i gcomhar leis na húdaráis eile, Córas Tuairiscithe Comhtháite Aonair a bhunú faoin: [3 bliana ó dháta theacht i bhfeidhm an Rialacháin leasaithigh seo].’;

‘2. Comhoibreoidh an tÚdarás in éineacht leis an gCóras Eorpach Banc Ceannais (CEBC), an Coimisiún, na húdaráis mhaoirseachta náisiúnta agus na húdaráis staidrimh náisiúnta go dlúth leis an BERS trí chomhroinnt na faisnéise agus na hanailíse is gá chun a gcúraimí a bhaint amach.

Déanfaidh an tÚdarás in éineacht le BERS agus BCE a n-iarrachtaí a chomhordú chun rioscaí sistéamacha don chobhsaíocht airgeadais a bhrath, chun faireachán a dhéanamh orthu, chun iad a chosc agus a mhaolú.

Comhlíonfaidh an tÚdarás, i gcomhréir le hAirteagal 15(1) go (5) de Rialachán (AE) Uimh. 1092/2010, na forálacha a leagtar amach maidir le comhroinnt sonraí.

Déanfaidh an tÚdarás, i gcomhar leis an BERS, nósanna imeachta inmheánacha leordhóthanacha a chur i bhfeidhm maidir le tarchur faisnéise rúnda, go háirithe faisnéis i dtaca le hinstitiúidí airgeadais aonair.’;

‘ — ceanglais tuairiscithe agus nochta agus bailiú na faisnéise ó institiúidí airgeadais.’;

‘3. Ní chuirfidh míreanna 1 ná 2 cosc ar an Údarás faisnéis a mhalartú leis na húdaráis eile dá dtagraítear in Airteagal 35a(1b) — i gcomhréir leis an Rialachán seo agus le reachtaíocht eile de chuid an Aontais is infheidhme maidir le hinstitiúidí airgeadais.’.

‘Ní bheidh tuairimí an Údaráis teoranta do nósanna imeachta reachtacha leanúnacha. Féadfaidh an tÚdarás freisin leasuithe ar ghníomhartha reachtacha atá i bhfeidhm a mholadh ina thuairimí, i gcás inarb iomchuí, lena n-áirítear na leasuithe seo a leanas:(a)chun deireadh a chur le ceanglais tuairiscithe agus nochta atá iomarcach nó imithe i léig i ndlí an Aontais nó le trasuí náisiúnta dhlí an Aontais ag na Ballstáit;(b)chun ceanglais chomhsheasmhacha tuairiscithe agus nochta a áirithiú ar fud reachtaíocht earnáilsonrach, chomh maith le reachtaíocht trasearnála;(c)chun comhréireacht sna ceanglais tuairiscithe agus nochta a áirithiú i ndáil le cineál, méid agus castacht an eintitis tuairiscithe;(d)chun a áirithiú go bhfuil comhlíonadh na gceanglas maidir le tuairisciú agus nochtadh i gcomhréir leis an mbreisluach a ghabhann le comhlíonadh chúraimí agus chuspóirí an Údaráis.

Chun críocha na dtuairimí maidir le gníomhartha reachtacha atá i bhfeidhm dá dtagraítear sa chéad fhomhír, tabharfaidh an tÚdarás aird chuí ar ionchur ó na geallsealbhóirí ábhartha uile trí chomhairliúchán tiomnaithe. Ar bhonn na dtuairimí sin, cuirfidh an Coimisiún togra reachtach faoi bhráid Pharlaimint na hEorpa agus na Comhairle.’;

‘(d) athbhreithniú a dhéanamh ar chur i bhfeidhm na gcaighdeán teicniúil ábhartha rialála agus cur chun feidhme arna nglacadh ag an gCoimisiún, agus ar chur i bhfeidhm na dtreoirlínte agus na moltaí arna n-eisiúint ag an Údarás agus leasuithe a mholadh i gcás inarb iomchuí, agus inúsáidteacht agus cáilíocht na sonraí á n-áirithiú ag an am céanna, chun an méid seo a leanas a dhéanamh:—deireadh a chur le ceanglais tuairiscithe agus nochta atá imithe i léig;—ceanglais chomhréireacha agus chaighdeánaithe maidir le tuairisciú agus nochtadh a áirithiú;— costais a íoslaghdú;—aghaidh a thabhairt ar bhearnaí rialála;’;

‘(e) éifeachtacht na gceanglas náisiúnta tuairiscithe agus nochta agus méid chóineasaithe na gceanglas sin leis na ceanglais a leagtar amach i ndlí an Aontais agus a oiriúnaí atá siad chun na caighdeáin a bhunaítear ann a chomhlíonadh, agus saintréithe sonracha dlínsí airgeadais náisiúnta á gcur san áireamh ag an am céanna.’;

‘4.  Sula n-iarrfaidh an tÚdarás faisnéis i gcomhréir leis an Airteagal seo, agus chun a áirithiú nach mbeidh dúbailt ar na hoibleagáidí tuairiscithe agus nochta, cuirfidh sé san áireamh faisnéis arna bailiú ag na húdaráis eile dá dtagraítear in Airteagal 35a(1b) agus aon staidreamh ábhartha atá ann cheana féin, arna ullmhú agus arna scaipeadh ag an gCóras Eorpach um Staidreamh agus ag an gCóras Eorpach Banc Ceannais.’; 

‘Airteagal 35a

Malartú faisnéise idir údaráis agus le heintitis eile

1. Comhroinnfidh an tÚdarás agus na húdaráis inniúla leis na húdaráis eile, ar bhonn cás ar chás nó ar bhonn rialta, faisnéis arna fáil acu ó institiúidí airgeadais nó ó údaráis inniúla eile, nuair atá an t-údarás iarrthach i dteideal an fhaisnéis sin a fháil, de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

Chun críocha an fhaisnéis dá dtagraítear sa chéad fhomhír den mhír seo a chomhroinnt, úsáidfidh an tÚdarás nó an t-údarás inniúil an Córas Tuairiscithe Comhtháite Aonair dá dtagraítear in Airteagal 35b, nuair a bhunófar é.

1a.Beidh an tÚdarás agus na húdaráis inniúla araon in ann faisnéis a iarraidh ar na húdaráis eile a d’iarrfaidís ar shlí eile ar institiúidí airgeadais nó ar údaráis inniúla eile, i gcás ina gcomhlíontar an dá cheann de na coinníollacha seo a leanas:(a)tá siad i dteideal an fhaisnéis sin a fháil de bhun a misin, a gcuspóirí, a gcúraimí agus a gcumhachtaí nó i gcomhréir le dlí ábhartha an Aontais;(b)go bhfuair ceann amháin ar a laghad de na húdaráis eile an fhaisnéis sin.

Beidh an chéad fhomhír gan dochar don fhéidearthacht atá ag an Údarás agus ag na húdaráis inniúla an fhaisnéis a iarrtar a fháil ó institiúidí airgeadais nó ó údaráis inniúla eile más rud é, ar chúiseanna oibríochtúla, nach bhfuil an t-údarás eile in ann na sonraí a roinnt.

Chun a chinneadh an gcomhlíontar an coinníoll dá dtagraítear i bpointe (b), an chéad fhomhír, bainfidh an tÚdarás nó na húdaráis inniúla úsáid as an gCóras Tuairiscithe Comhtháite Aonair dá dtagraítear in Airteagal 35b, nuair a bhunófar é.

1b.Chun críocha an Airteagail seo, Airteagal 35b agus Airteagal 70(3), ciallaíonn ‘údaráis eile’ aon cheann de na húdaráis seo a leanas:(a)Údaráis Mhaoirseachta Eorpacha eile;(b)BERS;(c)údaráis inniúla, mar a shainmhínítear i bpointe (2) d’Airteagal 4 den Rialachán seo;(d)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1094/2010;(e)údaráis inniúla, mar a shainmhínítear i bpointe (3) d’Airteagal 4, de Rialachán (AE) Uimh. 1095/2010;(f)Bunaíodh ÚFA le Rialachán (AE) …/… ó Pharlaimint na hEorpa agus ón gComhairle+ OIFIG NA bhFOILSEACHÁN: Cuir isteach sa téacs uimhir an Rialacháin atá i ndoiciméad 2021/0240(COD) (togra le haghaidh Rialachán lena mbunaítear an tÚdarás um an Sciúradh Airgid agus Maoiniú na Sceimhlitheoireachta a Chomhrac - COM/2021/421 final) agus cuir isteach uimhir, dáta, teideal agus tagairt IO an Rialacháin sin san fhonóta.;(g)údaráis, mar a shainmhínítear in Airteagal 2, pointe (1), de Threoir (AE) …/… ó Pharlaimint na hEorpa agus ón gComhairle++ OIFIG NA bhFOILSEACHÁN: cuir isteach sa téacs uimhir na Treorach atá i ndoiciméad (2021/0250(COD) (togra le haghaidh an 6ú Treoir maidir le Frithsciúradh Airgid - COM/2021/423 final) agus cuir isteach uimhir, dáta, teideal agus tagairt IO na Treorach sin san fhonóta.;(h)SAM, mar a shainmhínítear i bpointe (9) d’Airteagal 2, de Rialachán (AE) Uimh. 1024/2013;(i)BRA;(j)údaráis réitigh náisiúnta, mar a shainmhínítear i bpointe (3) d’Airteagal 3, de Rialachán (AE) Uimh. 806/2014.

Chun críocha an Airteagail seo, ciallaíonn ‘institiúid airgeadais’ ‘institiúid airgeadais’ mar a shainmhínítear in Airteagal 2, pointe (a), de Rialachán (AE) Uimh. 1092/2010.

2. Léireofar go cuí san iarraidh ar mhalartú faisnéise an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó institiúidí airgeadais nó ó údaráis inniúla eile. Beidh an t-údarás iarrthach agus an t-údarás a chomhroinneann an fhaisnéis faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 agus i reachtaíocht earnálach is infheidhme maidir le sonraí a chomhroinnt idir an institiúid airgeadais agus an t-údarás iarrthach, agus maidir le sonraí a chomhroinnt idir an institiúid airgeadais agus an t-údarás a chomhroinneann an fhaisnéis. Cuirfidh an t-údarás a chomhroinneann an fhaisnéis gach institiúid airgeadais ábhartha ▌ar an eolas faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

3. Beidh feidhm ag míreanna 1, 1a agus 2 freisin maidir le faisnéis arna fáil ag an údarás a chomhroinneann an fhaisnéis ó institiúid airgeadais nó ó na húdaráis eile agus a mbeidh seiceálacha cáilíochta déanta ag an údarás a chomhroinneann an fhaisnéis uirthi ina dhiaidh sin nó a phróiseálfaidh an t-údarás a chomhroinneann an fhaisnéis ar shlí eile.

4. Maidir le comhroinnt faisnéise dá dtagraítear i míreanna 1, 1a, 2 agus 3, déanfaidh an t-Údarás agus na húdaráis eile meabhráin tuisceana chun módúlachtaí an mhalartaithe faisnéise a shonrú. Déanfaidh siad socruithe a shonrú freisin maidir le comhroinnt acmhainní chun sonraí comhroinnte den sórt sin a bhailiú agus a phróiseáil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint i gcás inar gá d’aon choinníollacha speisialta oibriúcháin a bhfuil feidhm acu maidir le húdaráis shonracha.

5. Beidh míreanna 1 go 4 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile ▌ i gcomhréir le forálacha i reachtaíocht eile de chuid an Aontais. I gcás ina bhfuil na forálacha san Airteagal seo ar neamhréir le forálacha i reachtaíocht eile de chuid an Aontais lena rialaítear malartú faisnéise idir na húdaráis eile ▌, beidh forlámhas ag na forálacha sa reachtaíocht eile sin.

6. Gan dochar d’oibleagáidí eile a leagtar síos i ndlí an Aontais maidir le comhroinnt faisnéise, féadfaidh an tÚdarás agus na húdaráis inniúla, ar iarraidh a bhfuil údar maith léi, faisnéis a chomhroinnt ar bhonn cás ar chás leis an gCoimisiún ▌, ar faisnéis í a bheidh tuairiscithe ag institiúidí airgeadais dóibh de bhun a ndualgas faoi dhlí an Aontais, ▌ i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti.

7.Féadfaidh an tÚdarás agus na húdaráis inniúla rochtain a dheonú ar fhaisnéis arna fáil agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás gur comhlíonadh na nithe uile seo a leanas:(a) go ndearnadh an fhaisnéis a anaithnidiú, ar bhealach nach féidir an t-ábhar sonraí nó an institiúid airgeadais a shainaithint, nó nach féidir iad a shainaithint a thuilleadh;(b) go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach. ’;

7a.Déanfaidh an tÚdarás agus na húdaráis inniúla, an méid seo a leanas faoin ... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc orthu faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó ceanglais nach bhfuil ábhartha ar bhealach eile, agus moltaí chun comhsheasmhacht a áirithiú idir ceanglais tuairiscithe cuideachtaí airgeadais agus neamhairgeadais.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].’;

‘Airteagal 35b

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh an tÚdarás, i ndlúthchomhar leis na húdaráis eile agus le CEBC, tuarascáil ar na mionsonraí teicniúla a bhaineann le Córas Tuairiscithe Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus(d)pointe teagmhála aonair buan d’eintitis chun cás tuairiscithe dhúbailte, agus ceanglais tuairiscithe nó nochta atá iomarcach nó imithe i léig, a chur in iúl.

I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh an tÚdarás, i gcomhar leis na húdaráis eile, Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].’;

2. Comhoibreoidh an tÚdarás in éineacht leis an gCóras Eorpach Banc Ceannais (CEBC), an Coimisiún, na húdaráis náisiúnta inniúla agus na húdaráis staidrimh náisiúnta go dlúth le BERS trí chomhroinnt na faisnéise agus na hanailíse is gá chun a gcúraimí a bhaint amach.

Déanfaidh an tÚdarás in éineacht le BERS agus BCE a n-iarrachtaí a chomhordú chun rioscaí sistéamacha don chobhsaíocht airgeadais a bhrath, chun faireachán a dhéanamh orthu, chun iad a chosc agus a mhaolú.

Comhlíonfaidh an tÚdarás, i gcomhréir le hAirteagal 15(1) go (5) de Rialachán (AE) Uimh. 1092/2010, na forálacha a leagtar amach maidir le comhroinnt sonraí.

Déanfaidh an tÚdarás, i gcomhar le BERS, nósanna imeachta inmheánacha leormhaithe a chur i bhfeidhm maidir le tarchur faisnéise rúnda, go háirithe faisnéis i dtaca le hinstitiúidí airgeadais aonair.’;

‘ — ceanglais tuairiscithe agus nochta agus bailiú na faisnéise ó institiúidí airgeadais.’;

‘3. Ní chuirfidh míreanna 1 ná 2 cosc ar an Údarás faisnéis a mhalartú leis na húdaráis eile dá dtagraítear in Airteagal 35a(1b) i gcomhréir leis an Rialachán seo agus le reachtaíocht eile de chuid an Aontais is infheidhme maidir le hinstitiúidí airgeadais.’

‘Ní bheidh tuairimí an Údaráis teoranta do nósanna imeachta reachtacha leanúnacha. Féadfaidh an tÚdarás freisin leasuithe ar ghníomhartha reachtacha atá i bhfeidhm a mholadh ina thuairimí, i gcás inarb iomchuí, lena n-áirítear leasuithe:(a)deireadh a chur le ceanglais tuairiscithe agus nochta atá iomarcach nó imithe i léig i ndlí an Aontais nó le trasuí náisiúnta dhlí an Aontais ag na Ballstáit;(b)ceanglais chomhsheasmhacha tuairiscithe agus nochta a áirithiú ar fud reachtaíocht earnáilsonrach, chomh maith le reachtaíocht trasearnála;(c)chun comhréireacht sna ceanglais tuairiscithe agus nochta a áirithiú i ndáil le cineál, méid agus castacht an eintitis tuairiscithe;(d)chun a áirithiú go bhfuil comhlíonadh na gceanglas maidir le tuairisciú agus nochtadh i gcomhréir leis an mbreisluach a ghabhann le comhlíonadh chúraimí agus chuspóirí an Údaráis.

Chun críocha na dtuairimí maidir le gníomhartha reachtacha atá i bhfeidhm dá dtagraítear sa chéad fhomhír, tabharfaidh an tÚdarás aird chuí ar ionchur ó na geallsealbhóirí ábhartha uile trí chomhairliúchán tiomnaithe. Ar bhonn na dtuairimí sin, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle.’;

‘(d) athbhreithniú a dhéanamh ar chur i bhfeidhm na gcaighdeán teicniúil ábhartha rialála agus cur chun feidhme arna nglacadh ag an gCoimisiún, agus ar chur i bhfeidhm na dtreoirlínte agus na moltaí arna n-eisiúint ag an Údarás agus leasuithe a mholadh i gcás inarb iomchuí, agus inúsáidteacht agus cáilíocht na sonraí á n-áirithiú ag an am céanna, chun an méid seo a leanas a dhéanamh:—deireadh a chur le ceanglais tuairiscithe agus nochta atá iomarcach nó imithe i léig;—ceanglais chomhréireacha agus chaighdeánaithe maidir le tuairisciú agus nochtadh a áirithiú;—costais a íoslaghdú;—aghaidh a thabhairt ar bhearnaí rialála;’;

‘(e) éifeachtacht na gceanglas náisiúnta tuairiscithe agus nochta agus méid chóineasaithe na gceanglas sin leis na ceanglais a leagtar amach i ndlí an Aontais agus a oiriúnaí atá siad chun na caighdeáin a bhunaítear ann a chomhlíonadh, agus saintréithe sonracha dlínsí airgeadais náisiúnta á gcur san áireamh ag an am céanna.’;

‘4. Sula n-iarrfaidh an tÚdarás faisnéis i gcomhréir leis an Airteagal seo, agus chun a áirithiú nach mbeidh dúbailt ar na hoibleagáidí tuairiscithe agus nochta, cuirfidh sé san áireamh faisnéis arna bailiú ag na húdaráis eile dá dtagraítear in Airteagal 35a(1b) agus aon staidreamh ábhartha atá ann cheana féin, arna ullmhú agus arna scaipeadh ag an gCóras Eorpach um Staidreamh agus ag an gCóras Eorpach Banc Ceannais.’; 

‘Airteagal 35a

Malartú faisnéise idir údaráis agus le heintitis eile 

1. Comhroinnfidh an tÚdarás agus na húdaráis inniúla le húdaráis eile, ar bhonn cás ar chás nó ar bhonn rialta, faisnéis arna fáil acu ó institiúidí airgeadais nó ó údaráis inniúla eile, sa chás go bhfuil t-údarás iarrthach i dteideal an fhaisnéis sin a fháil, de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

Chun críocha an fhaisnéis dá dtagraítear sa chéad fhomhír den mhír seo a chomhroinnt, úsáidfidh an tÚdarás nó an t-údarás inniúil an Córas Tuairiscithe Comhtháite Aonair dá dtagraítear in Airteagal 35b, nuair a bhunófar é.

1a.Déanfaidh an tÚdarás agus na húdaráis inniúla araon faisnéis a iarraidh ar na húdaráis eile a d’iarrfaidís ar shlí eile ar institiúidí airgeadais nó ar údaráis inniúla eile i gcás ina gcomhlíontar an dá cheann de na coinníollacha seo a leanas:(a)tá siad i dteideal an fhaisnéis sin a fháil de bhun a misin, a gcuspóirí, a gcúraimí agus a gcumhachtaí nó i gcomhréir le dlí ábhartha an Aontais;(b)go bhfuair ceann amháin ar a laghad de na húdaráis eile an fhaisnéis sin.

Beidh an chéad fhomhír gan dochar don fhéidearthacht atá ag an Údarás agus ag na húdaráis inniúla an fhaisnéis a iarrtar a fháil ó institiúidí airgeadais nó ó údaráis inniúla eile más rud é, ar chúiseanna oibríochtúla, nach bhfuil an t-údarás eile in ann na sonraí a roinnt.

Chun a chinneadh an gcomhlíontar an coinníoll dá dtagraítear i bpointe (b), an chéad fhomhír, bainfidh an tÚdarás nó na húdaráis inniúla úsáid as an gCóras Tuairiscithe Comhtháite Aonair dá dtagraítear in Airteagal 35b, nuair a bhunófar é.

1b.Chun críocha an Airteagail seo, Airteagal 35b agus Airteagal 70(3), ciallaíonn ‘údaráis eile’ aon cheann de na húdaráis seo a leanas:(a)Údaráis Mhaoirseachta Eorpacha eile;(b)BERS;(c)údaráis inniúla, mar a shainmhínítear i bpointe (2) d’Airteagal 4 den Rialachán seo;(d)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1094/2010;(e)údaráis inniúla, mar a shainmhínítear i bpointe (3) d’Airteagal 4, de Rialachán (AE) Uimh. 1095/2010;(f)ÚSAC, arna bhunú le Rialachán (AE) …/… ó Pharlaimint na hEorpa agus ón gComhairle+ OIFIG NA BHFOILSEACHÁN: Cuir isteach sa téacs uimhir an Rialacháin atá i ndoiciméad 2021/0240(COD) (togra le haghaidh Rialachán lena mbunaítear an tÚdarás um an Sciúradh Airgid agus Maoiniú na Sceimhlitheoireachta a Chomhrac - COM/2021/421 final) agus cuir isteach uimhir, dáta, teideal agus tagairt IO an Rialacháin sin san fhonóta.;(g)údaráis, mar a shainmhínítear in Airteagal 2, pointe (1), de Threoir (AE) …/… ó Pharlaimint na hEorpa agus ón gComhairle++ OIFIG NA BHFOILSEACHÁN: Cuir isteach sa téacs uimhir na Treorach atá i ndoiciméad 2021/0250(COD) (togra le haghaidh an 6ú Treoir maidir le Frithsciúradh Airgid - COM/2021/423 final) agus cuir isteach uimhir, dáta, teideal agus tagairt IO na Treorach sin san fhonóta.;(h)SAM, mar a shainmhínítear i bpointe (9) d’Airteagal 2, de Rialachán (AE) Uimh. 1024/2013;(i)BRA;(j)údaráis réitigh náisiúnta, mar a shainmhínítear i bpointe (3) d’Airteagal 3, de Rialachán (AE) Uimh. 806/2014.

Chun críocha an Airteagail seo, ciallaíonn ‘institiúid airgeadais’ ‘institiúid airgeadais’ mar a shainmhínítear in Airteagal 2, pointe (a), de Rialachán (AE) Uimh. 1092/2010.

2. Léireofar go cuí san iarraidh ar mhalartú faisnéise an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó institiúidí airgeadais nó ó údaráis inniúla eile. Beidh an t-údarás iarrthach agus an t-údarás a chomhroinneann an fhaisnéis faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 agus i reachtaíocht earnálach is infheidhme maidir le sonraí a chomhroinnt idir an institiúid airgeadais agus an t-údarás iarrthach, agus maidir le sonraí a chomhroinnt idir an institiúid airgeadais agus an t-údarás a chomhroinneann an fhaisnéis. Cuirfidh an t-údarás a chomhroinneann an fhaisnéis gach institiúid airgeadais ábhartha ar an eolas faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

3.Beidh feidhm ag míreanna 1, 1a agus 2 freisin maidir le faisnéis arna fáil ag an údarás a chomhroinneann an fhaisnéis ó institiúid airgeadais nó ó na húdaráis eile agus a mbeidh seiceálacha cáilíochta déanta ag an údarás a chomhroinneann an fhaisnéis uirthi ina dhiaidh sin nó a phróiseálfaidh an t-údarás a chomhroinneann an fhaisnéis ar shlí eile.

4.Maidir le comhroinnt faisnéise dá dtagraítear i míreanna 1, 1a, 2 agus 3, déanfaidh an t-Údarás agus na húdaráis eile meabhráin tuisceana chun módúlachtaí an mhalartaithe faisnéise a shonrú. Sonróidh siad freisin socruithe maidir le hacmhainní a chomhroinnt chun sonraí comhroinnte den sórt sin a bhailiú agus a phróiseáil, ar choinníoll go gcomhlíonann na socruithe sin na rialacha is infheidhme maidir le cosaint sonraí, maoin intleachtúil agus rúndacht ghairmiúil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint i gcás inar gá d’aon choinníollacha speisialta oibriúcháin a bhfuil feidhm acu maidir le húdaráis shonracha. 

5.Beidh míreanna 1 go 4 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile ▌ i gcomhréir le forálacha i reachtaíocht eile de chuid an Aontais. I gcás ina bhfuil na forálacha san Airteagal seo ar neamhréir le forálacha i reachtaíocht eile de chuid an Aontais lena rialaítear malartú faisnéise idir na húdaráis eile ▌, beidh forlámhas ag na forálacha sa reachtaíocht eile sin.

6.Gan dochar d’oibleagáidí eile a leagtar síos i ndlí an Aontais maidir le comhroinnt faisnéise, féadfaidh an tÚdarás agus na húdaráis inniúla, ar iarraidh a bhfuil údar maith léi, faisnéis a chomhroinnt ar bhonn cás ar chás leis an gCoimisiún ▌, ar faisnéis í a bheidh tuairiscithe ag institiúidí airgeadais dóibh de bhun a ndualgas faoi dhlí an Aontais, ▌ i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti. Cuirfear na húdaráis a chuir an fhaisnéis sin isteach ar an eolas go cuí faoin gcomhroinnt a rinneadh.

7.Féadfaidh an tÚdarás agus na húdaráis inniúla rochtain a dheonú ar fhaisnéis arna fáil agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás gur comhlíonadh na nithe uile seo a leanas:(a) go ndearnadh an fhaisnéis a anaithnidiú, ar bhealach nach féidir an t-ábhar sonraí nó an institiúid airgeadais a shainaithint, nó nach féidir iad a shainaithint a thuilleadh;(b) go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla;(c)gur léirigh na páirtithe dár deonaíodh rochtain go bhfuil na modhanna teicniúla is gá acu chun faisnéis rúnda a chosaint, is é sin, tá ionstraimí acu atá in ann cosaint príobháideachais agus rúndachta a áirithiú go hiomlán.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach.’;

7a.Déanfaidh an tÚdarás agus na húdaráis inniúla, an méid seo a leanas faoin ... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc orthu faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó ceanglais nach bhfuil ábhartha ar bhealach eile, agus moltaí chun comhsheasmhacht a áirithiú idir ceanglais tuairiscithe cuideachtaí airgeadais agus neamhairgeadais.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].’;

‘Airteagal 35b

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh an tÚdarás, i ndlúthchomhar leis na húdaráis eile agus le CEBC, tuarascáil ar na mionsonraí teicniúla a bhaineann le Córas Tuairiscithe Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus(d)pointe teagmhála aonair buan d’eintitis chun cásanna tuairiscithe dhúbailte, agus tuairisciú iomarcach nó imithe i léig nó ceanglais maidir le nochtadh, a chur in iúl.

I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh an tÚdarás, i gcomhar leis na húdaráis eile, Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].’;

‘2. Comhoibreoidh an tÚdarás in éineacht leis an gCóras Eorpach Banc Ceannais (CEBC), an Coimisiún, na húdaráis náisiúnta inniúla agus na húdaráis staidrimh náisiúnta go dlúth le BERS trí chomhroinnt na faisnéise agus na hanailíse is gá chun a gcúraimí a bhaint amach.

Déanfaidh an tÚdarás in éineacht le BERS agus BCE a n-iarrachtaí a chomhordú chun rioscaí sistéamacha don chobhsaíocht airgeadais a bhrath, chun faireachán a dhéanamh orthu, chun iad a chosc agus a mhaolú.

Comhlíonfaidh an tÚdarás, i gcomhréir le hAirteagal 15(1) go (5) de Rialachán (AE) Uimh. 1092/2010, na forálacha a leagtar amach maidir le comhroinnt sonraí.

Déanfaidh an tÚdarás, i gcomhar le BERS, nósanna imeachta inmheánacha leormhaithe a chur i bhfeidhm maidir le tarchur faisnéise rúnda, go háirithe faisnéis i dtaca le hinstitiúidí airgeadais aonair.’;

‘ — ceanglais tuairiscithe agus nochta agus bailiú na faisnéise ó rannpháirtithe sa mhargadh airgeadais.’;

‘3. Ní chuirfidh míreanna 1 ná 2 cosc ar an Údarás faisnéis a mhalartú leis na húdaráis eile dá dtagraítear in Airteagal 35a(1b) i gcomhréir leis an Rialachán seo agus le reachtaíocht eile de chuid an Aontais is infheidhme maidir le rannpháirtithe sa mhargadh airgeadais.’.

‘Airteagal 34a

Malartú faisnéise idir údaráis agus le heintitis eile

1.Comhroinnfidh an Bord agus na húdaráis réitigh náisiúnta leis na húdaráis eile, ar bhonn cás ar chás nó ar bhonn rialta, faisnéis arna fáil acu ó institiúidí airgeadais nó ó údaráis inniúla eile, nuair atá an t-údarás iarrthach i dteideal an fhaisnéis sin a fháil, de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

Chun críocha an fhaisnéis dá dtagraítear sa chéad fhomhír den mhír seo a chomhroinnt, úsáidfidh an Bord nó na húdaráis réitigh náisiúnta an Córas Tuairiscithe Comhtháite Aonair dá dtagraítear in Airteagal 34b, nuair a bhunófar é.

2.Déanfaidh an Bord agus na húdaráis réitigh náisiúnta araon faisnéis a iarraidh ar na húdaráis eile a d’iarrfaidís ar shlí eile ar institiúidí airgeadais nó ar údaráis inniúla eile, i gcás ina gcomhlíontar an dá cheann de na coinníollacha seo a leanas:(a)tá siad i dteideal an fhaisnéis sin a fháil, de bhun a misin, a gcuspóirí, a gcúraimí agus a gcumhachtaí nó i gcomhréir le dlí ábhartha an Aontais;(b)go bhfuair ceann amháin ar a laghad de na húdaráis eile an fhaisnéis sin.

Beidh an chéad fhomhír gan dochar don fhéidearthacht atá ag an mBord agus ag na húdaráis réitigh náisiúnta an fhaisnéis a iarrtar a fháil ó institiúidí airgeadais nó ó údaráis inniúla eile más rud é, ar chúiseanna oibríochtúla, nach bhfuil an t-údarás eile in ann na sonraí a chomhroinnt.

Chun a chinneadh an gcomhlíontar an coinníoll dá dtagraítear i bpointe (b), an chéad fhomhír, bainfidh an Bord úsáid as an gCóras Tuairiscithe Comhtháite Aonair dá dtagraítear in Airteagal 34b, nuair a bhunófar é.

3.Chun críocha an Airteagail seo agus Airteagal 34b, ciallaíonn ‘údaráis eile’ aon cheann de na húdaráis seo a leanas:(a)na hÚdaráis Mhaoirseachta Eorpacha;(b)BERS;(c)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1093/2010;(d)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1094/2010;(e)údaráis inniúla, mar a shainmhínítear i bpointe (3) d’Airteagal 4, de Rialachán (AE) Uimh. 1095/2010;(f)ÚSAC, arna bhunú le Rialachán (AE) …/… ó Pharlaimint na hEorpa agus ón gComhairle+ OIFIG NA BHFOILSEACHÁN: Cuir isteach sa téacs uimhir an Rialacháin atá i ndoiciméad 2021/0240(COD) (togra le haghaidh Rialachán lena mbunaítear an tÚdarás um an Sciúradh Airgid agus Maoiniú na Sceimhlitheoireachta a Chomhrac - COM/2021/421 final) agus cuir isteach uimhir, dáta, teideal agus tagairt IO an Rialacháin sin san fhonóta.;(g)údaráis, mar a shainmhínítear in Airteagal 2, pointe (1), de Threoir (AE) …/… ó Pharlaimint na hEorpa agus ón gComhairle++ OIFIG NA BHFOILSEACHÁN: Cuir isteach sa téacs uimhir na Treorach atá i ndoiciméad 2021/0250(COD) (togra le haghaidh an 6ú Treoir maidir le Frithsciúradh Airgid - COM/2021/423 final) agus cuir isteach uimhir, dáta, teideal agus tagairt IO na Treorach sin san fhonóta.(h)SAM, mar a shainmhínítear i bpointe (9) d’Airteagal 2, de Rialachán (AE) Uimh. 1024/2013;(i)údaráis réitigh náisiúnta, mar a shainmhínítear i bpointe (3) d’Airteagal 3.

Chun críocha an Airteagail seo, ciallaíonn ‘institiúid airgeadais’ ‘institiúid airgeadais’ mar a shainmhínítear in Airteagal 2, pointe (a), de Rialachán (AE) Uimh. 1092/2010.

4.Léireofar go cuí san iarraidh ar mhalartú faisnéise an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó institiúidí airgeadais nó ó údaráis inniúla eile. Beidh an t-údarás iarrthach agus an t-údarás a chomhroinneann an fhaisnéis faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 88 agus 89 agus i reachtaíocht earnálach is infheidhme maidir le sonraí a chomhroinnt idir an institiúid airgeadais agus an t-údarás iarrthach, agus maidir le sonraí a chomhroinnt idir an institiúid airgeadais agus an t-údarás a chomhroinneann an fhaisnéis. Cuirfidh an t-údarás a chomhroinneann an fhaisnéis gach institiúid airgeadais ábhartha ar an eolas faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

5.Beidh feidhm ag míreanna 1, 2 agus 4 freisin maidir le faisnéis arna fáil ag an údarás a chomhroinneann an fhaisnéis ó institiúid airgeadais nó ó na húdaráis eile agus a mbeidh seiceálacha cáilíochta déanta ag an údarás a chomhroinneann an fhaisnéis uirthi ina dhiaidh sin nó a phróiseálfaidh an t-údarás a chomhroinneann an fhaisnéis ar shlí eile.

6.Maidir le comhroinnt faisnéise dá dtagraítear i míreanna 1, 2, 4 agus 5, déanfaidh an Bord agus na húdaráis eile meabhráin tuisceana chun módúlachtaí an mhalartaithe faisnéise a shonrú. Sonróidh siad freisin socruithe maidir le hacmhainní a chomhroinnt chun sonraí comhroinnte den sórt sin a bhailiú agus a phróiseáil, ar choinníoll go gcomhlíonann siad na rialacha is infheidhme maidir le cosaint sonraí, maoin intleachtúil agus rúndacht ghairmiúil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint nuair is gá d’aon choinníollacha speisialta oibriúcháin a bhfuil feidhm acu maidir le húdaráis shonracha.

7.Beidh míreanna 1 go 6 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an Bord agus na húdaráis eile i gcomhréir le forálacha i reachtaíocht eile de chuid an Aontais. I gcás ina bhfuil na forálacha san Airteagal seo ar neamhréir le forálacha sa Rialachán seo nó i reachtaíocht eile de chuid an Aontais lena rialaítear malartú faisnéise idir na húdaráis eile, beidh forlámhas ag na forálacha sa reachtaíocht eile sin.

8.Gan dochar d’oibleagáidí eile a leagtar síos i ndlí an Aontais maidir le comhroinnt faisnéise, féadfaidh an Bord agus na húdaráis réitigh náisiúnta, ar iarraidh a bhfuil údar maith léi, faisnéis a chomhroinnt ar bhonn cás ar chás leis an gCoimisiún, ar faisnéis í a bheidh tuairiscithe ag institiúidí airgeadais dóibh de bhun a ndualgas faoi dhlí an Aontais, i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti. Cuirfear na húdaráis a chuir an fhaisnéis sin isteach ar an eolas go cuí faoin gcomhroinnt a rinneadh.

9.Féadfaidh an Bord agus na húdaráis réitigh náisiúnta rochtain a dheonú ar fhaisnéis arna fáil agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an Bord gur comhlíonadh na nithe uile seo a leanas:(a)go ndearnadh an fhaisnéis a anaithnidiú, ar bhealach nach féidir an t-ábhar sonraí nó an institiúid airgeadais a shainaithint, nó nach féidir iad a shainaithint a thuilleadh;(b)go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla;(c)gur léirigh na páirtithe dár deonaíodh rochtain go bhfuil na modhanna teicniúla is gá acu chun faisnéis rúnda a chosaint, is é sin, tá ionstraimí acu atá in ann cosaint príobháideachais agus rúndachta a áirithiú go hiomlán.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach.

10.Déanfaidh an Bord agus na húdaráis náisiúnta réitigh an méid seo a leanas, faoin ... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc ar an mBord faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó ceanglais nach bhfuil ábhartha ar bhealach eile, agus moltaí chun comhsheasmhacht a áirithiú idir ceanglais tuairiscithe cuideachtaí airgeadais agus neamhairgeadais.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].

Airteagal 34b

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh an Bord, i ndlúthchomhar leis na húdaráis eile, tuarascáil ar na mionsonraí teicniúla a bhaineann le Córas Tuairiscithe Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus(d)pointe teagmhála aonair buan d’eintitis chun cásanna tuairiscithe dhúbailte, agus tuairisciú iomarcach nó imithe i léig nó ceanglais maidir le nochtadh, a chur in iúl.

2.I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh an Bord, i gcomhar leis na húdaráis eile, Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].’;

'(d) athbhreithniú a dhéanamh ar chur i bhfeidhm na gcaighdeán teicniúil ábhartha rialála agus cur chun feidhme arna nglacadh ag an gCoimisiún, agus ar chur i bhfeidhm na dtreoirlínte agus na moltaí arna n-eisiúint ag an Údarás agus leasuithe a mholadh i gcás inarb iomchuí, agus inúsáidteacht agus cáilíocht na sonraí á n-áirithiú ag an am céanna, chun an méid seo a leanas a dhéanamh:—deireadh a chur le ceanglais tuairiscithe agus nochta atá imithe i léig;—ceanglais chomhréireacha agus chaighdeánaithe maidir le tuairisciú agus nochtadh a áirithiú;—costais a íoslaghdú;—aghaidh a thabhairt ar bhearnaí rialála;’;

'3a. Sula n-iarrfaidh an tÚdarás faisnéis i gcomhréir leis an Airteagal seo, agus chun a áirithiú nach mbeidh dúbailt ar na hoibleagáidí tuairiscithe agus nochta, cuirfidh sé san áireamh faisnéis arna bailiú ag na húdaráis eile dá dtagraítear in Airteagal 16a(3) agus aon staidreamh ábhartha atá ann cheana féin, arna ullmhú agus arna scaipeadh ag an gCóras Eorpach um Staidreamh agus ag an gCóras Eorpach Banc Ceannais.’;

‘Airteagal 16a

Malartú faisnéise idir údaráis agus le heintitis eile

1.Comhroinnfidh an tÚdarás agus na húdaráis mhaoirseachta leis na húdaráis eile, ar bhonn cás ar chás nó ar bhonn rialta, faisnéis arna fáil acu ó eintiteas faoi oibleagáid nó ó údaráis inniúla eile, sa chás go bhfuil an t-údarás iarrthach i dteideal an fhaisnéis sin a fháil, de bhun a mhisin, a chuspóirí, a chúraimí agus a chumhachtaí nó i gcomhréir le dlí ábhartha an Aontais.

Chun críocha an fhaisnéis dá dtagraítear sa chéad fhomhír den mhír seo a chomhroinnt, úsáidfidh an tÚdarás nó an t-údarás maoirseachta an Córas Tuairiscithe Comhtháite Aonair dá dtagraítear in Airteagal 16b, nuair a bhunófar é.

2.Déanfaidh an tÚdarás agus na húdaráis mhaoirseachta araon faisnéis a iarraidh ar na húdaráis eile a d’iarrfaidís ar shlí eile ar eintitis faoi oibleagáid nó ar údaráis inniúla eile, i gcás ina gcomhlíontar an dá cheann de na coinníollacha seo a leanas:(a)tá siad i dteideal an fhaisnéis sin a fháil, de bhun a misin, a gcuspóirí, a gcúraimí agus a gcumhachtaí nó i gcomhréir le dlí ábhartha an Aontais;(b)go bhfuair ceann amháin ar a laghad de na húdaráis eile an fhaisnéis sin.

Beidh an chéad fhomhír gan dochar don fhéidearthacht atá ag an Údarás agus ag na húdaráis inniúla an fhaisnéis sin a fháil ó institiúidí airgeadais nó ó údaráis inniúla eile más rud é, ar chúiseanna oibríochtúla, nach bhfuil an t-údarás eile in ann na sonraí a chomhroinnt.

Chun a chinneadh an gcomhlíontar an coinníoll dá dtagraítear i bpointe (b), an chéad fhomhír, bainfidh an tÚdarás agus na húdaráis mhaoirseachta úsáid as an gCóras Tuairiscithe Comhtháite Aonair dá dtagraítear in Airteagal 16b, nuair a bhunófar é.

3.Chun críocha an Airteagail seo agus Airteagal 16(3a) agus Airteagal 16b, ciallaíonn ‘údaráis eile’ aon cheann de na húdaráis seo a leanas:(a)na hÚdaráis Mhaoirseachta Eorpacha;(b)BERS;(c)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1093/2010;(d)údaráis inniúla, mar a shainmhínítear i bpointe (2) d’Airteagal 4, de Rialachán (AE) Uimh. 1094/2010;(e)údaráis inniúla, mar a shainmhínítear i bpointe (3) d’Airteagal 4, de Rialachán (AE) Uimh. 1095/2010;(f)údaráis, mar a shainmhínítear in Airteagal 2, pointe (1), de Threoir (AE) …/… ó Pharlaimint na hEorpa agus ón gComhairle+ OIFIG NA BHFOILSEACHÁN: Cuir isteach sa téacs uimhir na Treorach atá i ndoiciméad 2021/0250(COD) (togra le haghaidh an 6ú Treoir maidir le Frithsciúradh Airgid - COM/2021/423 final) agus cuir isteach uimhir, dáta, teideal agus tagairt IO na Treorach sin san fhonóta.;(g)údaráis náisiúnta inniúla, mar a shainmhínítear i bpointe (2) d’Airteagal 2, de Rialachán (AE) Uimh. 575/2013;(h)BRA;(i)údaráis réitigh náisiúnta, mar a shainmhínítear i bpointe (3) d’Airteagal 3 de Rialachán (AE) Uimh. 806/2014.(j)SAM, mar a shainmhínítear i bpointe (9) d’Airteagal 2, de Rialachán (AE) Uimh. 1024/2013;

Chun críocha an Airteagail seo, ciallaíonn ‘institiúid airgeadais’ ‘institiúid airgeadais’ mar a shainmhínítear in Airteagal 2, pointe (a), de Rialachán (AE) Uimh. 1092/2010.

4.Léireofar go cuí san iarraidh ar mhalartú faisnéise an bunús dlí faoi dhlí an Aontais lena gceadaítear don údarás iarrthach an fhaisnéis a fháil ó eintitis faoi oibleagáid nó ó údaráis inniúla eile. Beidh an t-údarás iarrthach agus an t-údarás a chomhroinneann an fhaisnéis faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 75 agus 84 agus i reachtaíocht earnála is infheidhme maidir le sonraí a chomhroinnt idir an t-eintiteas faoi oibleagáid agus an t-údarás iarrthach, agus maidir le sonraí a chomhroinnt idir an t-eintiteas faoi oibleagáid agus an t-údarás a chomhroinneann an fhaisnéis. Cuirfidh an t-údarás a chomhroinneann an fhaisnéis gach eintiteas faoi oibleagáid ábhartha ar an eolas faoin malartú faisnéise sin, mura ndearnadh an fhaisnéis a anaithnidiú, a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, gan moill mhíchuí.

5.Beidh feidhm ag míreanna 1, 2 agus 4 freisin maidir le faisnéis arna fáil ag an údarás a chomhroinneann an fhaisnéis ó eintiteas faoi oibleagáid nó ó na húdaráis eile agus a mbeidh seiceálacha cáilíochta déanta ag an údarás a chomhroinneann an fhaisnéis uirthi ina dhiaidh sin nó a phróiseálfaidh an t-údarás a chomhroinneann an fhaisnéis ar shlí eile.

6.Maidir le comhroinnt faisnéise dá dtagraítear i míreanna 1, 2, 4 agus 5, déanfaidh an t-Údarás agus na húdaráis eile meabhráin tuisceana chun módúlachtaí an mhalartaithe faisnéise a shonrú. Sonróidh siad freisin socruithe maidir le hacmhainní a chomhroinnt chun sonraí comhroinnte den sórt sin a bhailiú agus a phróiseáil, ar choinníoll go gcomhlíonann siad na rialacha is infheidhme maidir le cosaint sonraí, maoin intleachtúil agus rúndacht ghairmiúil. Leis na meabhráin tuisceana, beidh formáid shimplí chaighdeánaithe, trí chomhaontú idir na húdaráis uile lena mbaineann, curtha in oiriúint i gcás inar gá d’aon choinníollacha speisialta oibriúcháin a bhfuil feidhm acu maidir le húdaráis shonracha.

7.Beidh míreanna 1 go 6 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile i gcomhréir le forálacha i reachtaíocht eile de chuid an Aontais. I gcás ina bhfuil na forálacha san Airteagal seo ar neamhréir le forálacha sa Rialachán seo nó i reachtaíocht eile de chuid an Aontais lena rialaítear malartú faisnéise idir na húdaráis eile, beidh forlámhas ag na forálacha sa reachtaíocht eile sin.

8.Gan dochar d’oibleagáidí eile a leagtar síos i ndlí an Aontais maidir le comhroinnt faisnéise, féadfaidh an tÚdarás agus na húdaráis mhaoirseachta, ar iarraidh a bhfuil údar maith léi a fháil, faisnéis a chomhroinnt ar bhonn cás ar chás leis an gCoimisiún, ar faisnéis í a bheidh tuairiscithe ag eintiteas faoi oibleagáid dóibh de bhun a ndualgas faoi dhlí an Aontais, i bhfoirm nach bhféadfar eintitis aonair a shainaithint léi agus nach bhfuil sonraí pearsanta inti. Cuirfear na húdaráis a chuir an fhaisnéis sin isteach ar an eolas go cuí faoin gcomhroinnt a rinneadh.

9.Féadfaidh an tÚdarás agus na húdaráis mhaoirseachta rochtain a dheonú ar fhaisnéis arna fáil agus a ndualgais á gcomhlíonadh acu lena hathúsáid ag eintitis faoi oibleagáid, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás nó na húdaráis mhaoirseachta gur comhlíonadh na nithe uile seo a leanas:(a)go ndearnadh an fhaisnéis a anaithnidiú, ar bhealach nach féidir an t-ábhar sonraí nó an t-eintiteas faoi oibleagáid a shainaithint, nó nach féidir iad a shainaithint a thuilleadh;(b)go ndearnadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda a chosaint, lena n-áirítear rúin trádála nó inneachar a chumhdaítear le cearta maoine intleachtúla;(c)gur léirigh na páirtithe dár deonaíodh rochtain go bhfuil na modhanna teicniúla is gá acu chun faisnéis rúnda a chosaint, is é sin, tá ionstraimí acu atá in ann cosaint príobháideachais agus rúndachta a áirithiú go hiomlán.

Ní dhéanfar faisnéis arna fáil ó údarás eile a chomhroinnt ar an mbonn sin ach amháin le comhaontú an údaráis a fuair an fhaisnéis i dtosach.

10.Déanfaidh an tÚdarás agus na húdaráis mhaoirseachta an méid seo a leanas, faoin ... [bliain amháin ó dháta theacht i bhfeidhm an Rialacháin leasaithigh seo], tuairisc a thabhairt don Choimisiún maidir le gach bacainn dhlíthiúil i rialacháin earnála a chuireann cosc orthu faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó ceanglais nach bhfuil ábhartha ar bhealach eile, agus moltaí chun comhsheasmhacht a áirithiú idir ceanglais tuairiscithe cuideachtaí airgeadais agus neamhairgeadais.

Ar bhonn na tuarascála sin agus aird chuí á tabhairt aige ar chosaint ceart maoine intleachtúla, ar na hoibleagáidí maidir le rúndacht ghairmiúil agus ar chosaint sonraí, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun bacainní dlí den sórt sin a bhaint sa reachtaíocht earnálach chun malartú faisnéise idir údaráis agus eintitis eile a chothú faoin ... [2 bhliain ó dháta theacht i bhfeidhm an Rialacháin leasaithigh seo].’;

‘Airteagal 16b

Córas Tuairiscithe Comhtháite Aonair a bhunú

1.Faoin ... [2 bhliain ó dháta theacht i bhfeidhm an Rialacháin leasaithigh seo], ullmhóidh an tÚdarás agus na húdaráis mhaoirseachta, i ndlúthchomhar leis na húdaráis eile agus le CEBC, tuarascáil ar na mionsonraí teicniúla a bhaineann le Córas Tuairiscithe Comhtháite Aonair a bhunú chomh maith le treochlár, bunaithe ar an obair maidir le comhtháthú an tuairiscithe ag ÚMEnna laistigh dá n-earnálacha agus beidh measúnú ar chostais agus ar shochair san áireamh ann. Chun críocha na tuarascála sin, áireofar an méid seo a leanas sa Chóras Tuairiscithe Comhtháite Aonair:(a)foclóir um shonraí comhchoiteanna chun comhsheasmhacht agus soiléireacht na gceanglas tuairiscithe agus an chaighdeánaithe sonraí a áirithiú;(b)stór comhpháirteach de na ceanglais maidir le tuairisciú agus nochtadh, de na tuairiscí ar na sonraí a bailíodh agus de na húdaráis a shealbhaíonn iad;(c)spás lárnach sonraí lena n-áirítear an dearadh teicniúil chun faisnéis a bhailiú agus a mhalartú; agus (d)pointe teagmhála aonair buan d’eintitis chun cásanna tuairiscithe dhúbailte, agus tuairisciú iomarcach nó imithe i léig nó ceanglais maidir le nochtadh, a chur in iúl.

2.I ndlúthchomhar leis an gCoimisiún, beidh meastachán ar an tionchar airgeadais foriomlán ag gabháil leis an tuarascáil.

Déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na hacmhainní airgeadais, daonna agus TF is gá a áirithiú chun an Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].

Déanfaidh an tÚdarás, i gcomhar leis na húdaráis eile, Córas Tuairiscithe Comhtháite Aonair a bhunú faoin ... [3 bliana ó dháta theacht i bhfeidhm an Rialacháin leasaithigh seo].’;

‘Ní bheidh tuairimí an Údaráis teoranta do nósanna imeachta reachtacha leanúnacha. Féadfaidh an tÚdarás freisin leasuithe ar ghníomhartha reachtacha atá i bhfeidhm a mholadh ina thuairimí, i gcás inarb iomchuí, lena n-áirítear leasuithe:(a)deireadh a chur le ceanglais tuairiscithe agus nochta atá iomarcach nó imithe i léig i ndlí an Aontais nó le trasuí náisiúnta dhlí an Aontais ag na Ballstáit;(b)ceanglais chomhsheasmhacha tuairiscithe agus nochta a áirithiú ar fud reachtaíocht earnáilsonrach, chomh maith le reachtaíocht trasearnála;(c)chun comhréireacht sna ceanglais tuairiscithe agus nochta a áirithiú i ndáil le cineál, méid agus castacht an eintitis tuairiscithe;(d)chun a áirithiú go bhfuil comhlíonadh na gceanglas maidir le tuairisciú agus nochtadh i gcomhréir leis an mbreisluach a ghabhann le comhlíonadh chúraimí agus chuspóirí an Údaráis.

Chun críocha na dtuairimí maidir le gníomhartha reachtacha atá i bhfeidhm dá dtagraítear sa chéad fhomhír, tabharfaidh an tÚdarás aird chuí ar ionchur ó na geallsealbhóirí ábhartha uile trí chomhairliúchán tiomnaithe. Ar bhonn na dtuairimí sin, déanfaidh an Coimisiún, i gcás inarb iomchuí, togra reachtacha chur faoi bhráid Pharlaimint na hEorpa agus na Comhairle.’.

‘Forbróidh an Coimisiún treoir inbhuanaitheachta a fhágfaidh go mbeifear in ann, i gcomhréir le cuspóirí comhshaoil agus sóisialta agus caighdeáin chomhshaoil agus shóisialta an Aontais, agus aird chuí á tabhairt ar an bprionsabal ‘gan dochar suntasach a dhéanamh’ chomh maith le difríochtaí sna cineálacha tionscadal bonneagair, an méid seo a leanas a dhéanamh:’;

‘Maidir le conarthaí idir an comhpháirtí cur chun feidhme agus an faighteoir deiridh nó an t-idirghabhálaí airgeadais nó eintiteas eile dá dtagraítear i bpointe (a) d’Airteagal 16(1) faoi ráthaíocht AE dá dtagraítear sa chéad fhomhír d’Airteagal 4(2), déanfar iad a shíniú faoin 31 Lúnasa 2026. I gcásanna eile, déanfar conarthaí idir an comhpháirtí cur chun feidhme agus an faighteoir deiridh nó an t-idirghabhálaí airgeadais nó eintiteas eile dá dtagraítear i bpointe (a) d’Airteagal 16(1) a shíniú faoin 31 Nollaig 2028.’;

‘(h) tuairisciú airgeadais agus oibríochtúil agus faireachán ar na hoibríochtaí maoiniúcháin agus infheistíochta faoi ráthaíocht AE, comhréireacht a áirithiú i gceanglais tuairiscithe agus faireacháin chomh maith le costais a íoslaghdú do na geallsealbhóirí uile agus do na tairbhithe deiridh, gan an bonn a bhaint de chuspóirí InvestEU faoi seach.’;

‘4. Uair amháin sa bhliain, déanfaidh gach comhpháirtí cur chun feidhme tuarascáil a chur faoi bhráid an Choimisiúin ar oibríochtaí maoiniúcháin agus infheistíochta a chumhdaítear leis an Rialachán seo, agus í miondealaithe de réir urrann AE agus urrann an Bhallstáit, de réir mar is iomchuí. Sa bhreis air sin, déanfaidh gach comhpháirtí cur chun feidhme faisnéis maidir le hurrann an Bhallstáit a chur faoi bhráid Bhallstát na hurrainne a chuirfidh sé chun feidhme. Beidh sa tuarascáil measúnú ar chomhlíonadh na gceanglas maidir le húsáid na ráthaíochta AE agus ar chomhlíonadh na bpríomhtháscairí feidhmíochta a leagtar síos in Iarscríbhinn III a ghabhann leis an Rialachán seo. Beidh sonraí oibríochtúla, staidrimh, airgeadais agus cuntasaíochta sa tuarascáil freisin maidir le gach oibríocht mhaoiniúcháin nó infheistíochta agus meastachán ar na sreafaí airgid ionchasacha, ar leibhéal na hurrainne, ar leibhéal na réimse beartais agus ar leibhéal Chiste InvestEU. Áireofar faisnéis freisin sa tuarascáil ó Ghrúpa BEI agus, i gcás inarb iomchuí, ó chomhpháirtithe cur chun feidhme eile, ar faisnéis í a bhaineann le bacainní ar infheistíocht ar thángthas orthu agus oibríochtaí maoiniúcháin agus infheistíochta arna gcumhdach leis an Rialachán seo á ndéanamh. Beidh an fhaisnéis nach mór do na comhpháirtithe cur chun feidhme a sholáthar faoi phointe (a) d’Airteagal 155(1) den Rialachán Airgeadais sna tuarascálacha.’.