De bharr an mhéid seo a leanas:(1)Glacadh roinnt beart reachtach san Aontas chun sábháilteacht agus slándáil mhuirí a fheabhsú, chun inbhuanaitheacht agus dícharbónú na loingseoireachta a chur chun cinn, trí thruailliú a chosc freisin, agus chun malartú faisnéise agus digitiú na hearnála muirí a éascú. Ba cheart an reachtaíocht sin a chur i bhfeidhm ar bhealach cuí agus aonfhoirmeach ar fud an Aontais chun go mbeidh sí éifeachtach. D’áiritheofaí leis sin cothroime iomaíochta, laghdófaí saobhadh na hiomaíochta de bharr na mbuntáistí eacnamaíocha a bhíonn ag longa neamh‑chomhlíontacha agus thabharfadh sé luach saothair dóibh siúd a oibríonn go díograiseach san earnáil muirí.
(1a) Tarlaíonn a lán tionóiscí in earnáil na hiascaireachta, ar trúig bháis iad i mórán cásanna, agus is den tábhacht oiliúint a chur ar iascairí chun sábháilteacht ag an obair a áirithiú. [Leasú 1]
(2)Éilítear roinnt mhaith obair theicniúil faoi cheannas comhlachta speisialaithe chun na spriocanna sin a shaothrú. Is é sin an fáth ar ghá, mar chuid den dara ‘pacáiste Erika’ in 2002, gníomhaireacht Eorpach a bhunú, laistigh den chreat institiúideach atá ann cheana agus freagrachtaí agus cearta na mBallstát mar Stáit bhrataí, Stáit chalafoirt agus Stáit chósta á n‑urramú, chun leibhéal ard, aonfhoirmeach agus éifeachtach de shábháilteacht mhuirí a áirithiú agus chun truailliú ó longa a chosc.
(3)Le Rialachán (CE) Uimh. 1406/2002 ó Pharlaimint na hEorpa agus ón gComhairleRialachán (CE) Uimh. 1406/2002 ó Pharlaimint na hEorpa agus ón gComhairle an 27 Meitheamh 2002 lena mbunaítear Gníomhaireacht Eorpach um Shábháilteacht Mhuirí (IO L 208, 5.8.2002, lch. 1). bunaíodh an Ghníomhaireacht Eorpach um Shábháilteacht Mhuirí (‘an Ghníomhaireacht’) chun cúnamh a thabhairt don Choimisiún agus do na Ballstáit an reachtaíocht a chur chun feidhme go héifeachtach ar leibhéal an Aontais sna réimsí a bhaineann le sábháilteacht mhuirí agus truailliú a chosc trí chuairteanna iomchuí a thabhairt ar na Ballstáit chun faireachán a dhéanamh ar an reachtaíocht ábhartha agus chun oiliúint agus forbairt acmhainne a sholáthar.
(4)Tar éis an Ghníomhaireacht a bheith bunaithe in 2002, leathnaíodh reachtaíocht an Aontais sna réimsí a bhaineann le sábháilteacht mhuirí, inbhuanaitheacht agus truailliú a chosc agus slándáil mhuirí go suntasach, agus dá bharr sin rinneadh cúig leasú ar shainordú na Gníomhaireachta.
(5)Ó 2013 i leith lean an Ghníomhaireacht dá cuid cúraimí a leathnú go suntasach trí na cúraimí coimhdeacha ábhartha a fhorordaítear in Airteagal 2a de Rialachán (CE) Uimh. 1406/2002 a ghníomhú nó trí iarrataí a dhéantar ar chúnamh teicniúil don Choimisiún agus do na Ballstáit, go háirithe sa réimse a bhaineann le dícharbónú agus digitiú na hearnála muirí. Ina theannta sin, bíonn tionchar díreach ag leasuithe ar Threoracha 2005/35/CETreoir 2005/35/CE ó Pharlaimint na hEorpa agus ón gComhairle an 7 Meán Fómhair 2005 maidir le truailliú ó longa agus pionóis, lena n‑áirítear pionóis choiriúla, a thabhairt isteach do chionta an truaillithe (IO L 255, 30.9.2005, lch. 11)., 2009/16/CETreoir 2009/16/CE ó Pharlaimint na hEorpa agus ón gComhairle an 23 Aibreán 2009 maidir le rialú Stáit ar chalafoirt (IO L 131, 28.5.2009, lch. 57)., 2009/18/CETreoir 2009/18/CE ó Pharlaimint na hЕorpa agus ón gComhairle an 23 Aibreán 2009 lena mbunaítear na prionsabail bhunúsacha a rialaíonn imscrúdú ar thionóiscí san earnáil iompair mhuirí agus lena leasaítear Treoir 1999/35/CE ón gComhairle agus Treoir 2002/59/CE ó Pharlaimint na hEorpa agus ón gComhairle (IO L 131, 28.5.2009, lch. 114). agus 2009/21/CETreoir 2009/21/CE ó Pharlaimint na hEorpa agus ón gComhairle an 23 Aibreán 2009 maidir le ceanglais stát brataí a chomhlíonadh (IO L 131, 28.5.2009, lch. 132). ó Pharlaimint na hEorpa agus ón gComhairle ar chúraimí na Gníomhaireachta. Déantar foráil leis na Treoracha sin go háirithe maidir le feidhmiú cúraimí ag an nGníomhaireacht, ar cúraimí iad a bhaineann le truailliú ó longa, córas an rialaithe Stáit ar chalafoirt ar leibhéal an Aontais, gníomhaíochtaí na mBallstát maidir leis na himscrúduithe a bhaineann le timpistí muirí in uiscí an Aontais agus oibleagáidí na mBallstát mar Stáit bhrataí.
(6)Ina theannta sin, is gá rialachas riaracháin agus airgeadais na Gníomhaireachta a ailíniú leis an gcomhaontú idir‑institiúideach maidir le rialachas gníomhaireachtaí díláraithehttps://european‑union.europa.eu/system/files/2022-06/joint_statement_on_decentralised_agencies_en.pdf agus leis an rialachán réime airgeadais le haghaidh chomhlachtaí díláraithe an AontaisRialachán Tarmligthe (AE) 2019/715 ón gCoimisiún an 18 Nollaig 2018 maidir leis an rialachán réime airgeadais le haghaidh na gcomhlachtaí arna gcur ar bun faoi CFAE agus faoi Chonradh Euratom agus dá dtagraítear in Airteagal 70 de Rialachán (AE, Euratom) 2018/1046 ó Pharlaimint na hEorpa agus ón gComhairle (IO L 122, 10.5.2019, lch. 1)..
(7)De bharr an lín shubstaintiúil athruithe i bhfianaise na bhforbairtí thuas, is iomchuí Rialachán (CE) Uimh. 1406/2002 a aisghairm agus gníomh dlí nua a chur ina ionad.
(8)Bunaíodh an Ghníomhaireacht ar dtús agus é de chuspóir aici rannchuidiú le hardleibhéal sábháilteachta muirí a bhunú ar fud an Aontais agus cúnamh a thabhairt freisin maidir le truailliú ó longa agus ina dhiaidh sin freisin ó shuiteálacha ola agus gáis a chosc. Cé gur neartaíodh na cuspóirí sin tuilleadh le cur chun cinn na slándála muirí, maidir le díriú na Gníomhaireachta le blianta beaga anuas ar thacaíocht d’fhorbairtí rialála sa réimse a bhaineann le dícharbónú agus digitiú na loingseoireachta, lena n-áirítear limistéir chalafoirt, is fiú na réimsí sin a chur le cuspóirí foriomlána na Gníomhaireachta, rud a chuirfidh ar a cumas rannchuidiú leis na spriocanna don dá aistriú sa tionscal, an t‑aistriú glas agus an t‑aistriú digiteach. Ar an gcaoi chéanna, leis an ról ríthábhachtach atá ag an nGníomhaireacht maidir le pictiúr feasachta muirí a sholáthar ar muir, trí íomhánna satailíte agus córais aerárthaí cianrialaithe a oibriú, tá údar cuí le cuspóir foriomlán ábhartha a chur le cuspóirí na Gníomhaireachta. [Leasú 2]
(9)Leis na cuspóirí sin ba cheart réimsí rannpháirtíochta na Gníomhaireachta a shainiú agus í ag tacú leis an gCoimisiún agus leis na Ballstáit maidir le cúnamh teicniúil agus oibríochtúil chun beartais an Aontais a chur chun feidhme sa réimse muirí.
(10)Chun na cuspóirí sin a bhaint amach i gceart, is iomchuí go ndéanfaidh an Ghníomhaireacht cúraimí sonracha sa réimse a bhaineann leis an tsábháilteacht mhuirí, cosc ar thruailliú ó longa, an inbhuanaitheacht, dícharbónú na hearnála muirí, slándáil agus cibearshlándáil mhuirí, faireachas muirí agus géarchéimeanna muirí agus digitiú agus éascú malartuithe sonraí sa réimse muirí a chur chun cinn. Agus na cúraimí sin á ndéanamh aici, ba cheart don Ghníomhaireacht aird a thabhairt ar shainiúlachtaí na gcineálacha éagsúla gníomhaíochtaí muirí agus aird ar leith a thabhairt ar na coinníollacha is infheidhme maidir le hearnáil na hiascaireachta. [Leasú 3]
(11)I dteannta na gcúraimí sonracha, ba cheart don Ghníomhaireacht tacaíocht chothrománach, theicniúil a sholáthar, arna iarraidh sin don Choimisiún nó do na Ballstáit, chun aon chúram a thagann faoi shainchúram a hinniúlachtaí agus a cuspóirí a chur chun feidhme, ar cúram é a eascraíonn as riachtanais agus forbairtí amach anseo ar leibhéal an Aontais faoi théarmaí tagartha na reachtaíochta muirí. Beidh na cúraimí breise sin faoi réir machnaimh a dhéanfar ar na hacmhainní daonna agus airgeadais a bheidh ar fáil, ar acmhainní iad ar cheart do Bhord Bainistíochta na Gníomhaireachta iad a chur san áireamh sula gcinnfidh sé iad a chuimsiú i nDoiciméad Clársceidealaithe Aonair na Gníomhaireachta mar chuid dá clár oibre bliantúil nó ilbhliantúil. Dá bhrí sin, ba cheart go mbeadh ráiteas airgeadais reachtach ag gabháil le cúraimí breise nua a chuirfear faoi bhráid na n-údarás reachtach agus buiséadach. Tá gá leis sin chun a áirithiú go bhféadfaí tosaíocht a thabhairt do chúraimí áirithe ar croí‑chúraimí na Gníomhaireachta iad dá mba ghá. [Leasú 4]
(11a) Ba cheart don Ghníomhaireacht aird ar leith a thabhairt ar earnáil an iascaigh agus a cúraimí á ndéanamh aici, ós rud é go bhfuil tionchar tábhachtach eacnamaíoch agus sóisialta aici in AE. Go háirithe, tá soithí iascaireachta agus oibrithe thar a bheith leochaileach i leith rioscaí sábháilteachta muirí agus tá ról ábhartha acu san aistriú glas. [Leasú 5]
(12)Tá an Ghníomhaireacht ar thús cadhnaíochta sa saineolas teicniúil i réimsí a hinniúlachta, agus dá bhrí sin ba cheart di oiliúint agus gníomhaíochtaí forbartha acmhainne a sholáthar do na Ballstáit trí bhíthin cúrsaí croí‑churaclaim coiteanna a fhorbairt agus trí úsáid a bhaint as na huirlisí is forbartha ó thaobh na teicneolaíochta de le linn na cúrsaí sin a sheachadadh. Ba cheart don Ghníomhaireacht tacú, inter alia, le hoiliúint a chur ar chigirí um Rialú Stáit ar Chalafoirt na mBallstát agus le hoifigigh Riaracháin Stáit Brataí chun cigireachtaí spriocdhírithe a dhéanamh maidir le cur chun feidhme agus forfheidhmiú MLC 2006 i ndáil le cearta maraithe agus dálaí oibre agus maireachtála ar bord long a chur chun feidhme. Chun tarraingteacht na ngairmeacha muirí a mhéadú, ba cheart don Ghníomhaireacht measúnú a dhéanamh ar líonra a fhorbairt ina mbeidh an saol acadúil agus aon bhunaíochtaí eile a sholáthraíonn cáilíochtaí oiriúnacha chun riachtanais foghlama ar feadh an tsaoil a chur chun cinn. [Leasú 6]
(13)Ba cheart an saineolas teicniúil sin atá ag an nGníomhaireacht a chothú tuilleadh trí thaighde a dhéanamh sa réimse muirí agus rannchuidiú le gníomhaíochtaí ábhartha an Aontais sa réimse. Ba cheart don Ghníomhaireacht rannchuidiú agus cur chuige réamhghníomhach a bheith i bhfeidhm aici maidir leis na cuspóirí a bhaineann le feabhas a chur ar shábháilteacht agus slándáil mhuirí, dícharbónú na loingseoireachta agus na gcalafort muirí agus truailliú ó longa a chosc. Ina leith sin, d’fhéadfadh an Ghníomhaireacht treoraíocht, moltaí nó lámhleabhair ábhartha neamhcheangailteacha a eisiúint lena bhféadfaí cúnamh a thabhairt don Choimisiún, do na Ballstáit agus/nó don tionscal muirí na cuspóirí sin a bhaint amach. [Leasú 7]
(14)A mhéid a bhaineann le sábháilteacht mhuirí, ba cheart don Ghníomhaireacht cur chuige réamhghníomhach a fhorbairt maidir le rioscaí agus dúshláin sábháilteachta a chinneadh agus ar a mbonn sin ba cheart di tuarascáil ar an dul chun cinn ar shábháilteacht mhuirí a chur faoi bhráid an Choimisiúin gach 3 bliana. Thairis sin, ba cheart don Ghníomhaireacht leanúint de chúnamh a thabhairt don Choimisiún agus do na Ballstáit maidir le cur chun feidhme reachtaíocht ábhartha an Aontais, go háirithe sna réimsí a bhaineann leis na hoibleagáidí ar Stáit bhrataí agus ar Stáit chalafoirt, imscrúduithetacú go díreach le himscrúduithe ar thimpistí muirí, an reachtaíocht sábháilteachta le haghaidh longa d’iompar paisinéirí, Eagraíochtaí Aitheanta agus trealamh muirí. Ar deireadh, ba cheart ról réamhghníomhach a bheith ag an nGníomhaireacht maidir le cúnamh a thabhairt le linn longa dromchla muirí atá uathrialaitheach agus uathoibrithe a chur in úsáid, agus tá sé tábhachtach freisin sonraí breise a bhailiú i réimse na hoiliúna agus an deimhniúcháin do mharaithe agus don Choinbhinsiún Oibreachais Mhuirí (MLC, 2006). [Leasú 8]
(14a) Á iarraidh ar an gCoimisiún Coinbhinsiún Idirnáisiúnta IMO maidir le Caighdeáin Oiliúna, Deimhniúcháin agus Faire do Phearsanra Soithí Iascaireachta (STCW-F 1995) a thrasuí i ndlí an Aontais chun creat comhchuibhithe a ghnóthú le haghaidh íosleibhéal oiliúna d’iascairí san Eoraip. [Leasú 9]
(15)Ó rinneadh an leasú substaintiúil deiridh ar an Rialachán in 2013, tá forbairtí reachtacha móra tagtha chun cinn san earnáil muirí maidir leis an inbhuanaitheacht. I dteannta na gcúraimí a cumhdaíodh le sainordú na Gníomhaireachta go dtí seo, amhail truailliú ó longa agus ó shuiteálacha ola agus gáis a chosc, trí CleanSeaNet a oibriú go príomha, ba cheart don Ghníomhaireacht leanúint de chúnamh a thabhairt don Choimisiún maidir le cur chun feidhme Threoir (AE) 2019/883 ó Pharlaimint na hEorpa agus ón gComhairleTreoir (AE) 2019/883 ó Рharlaimint na hЕorpa agus ón gComhairle an 17 Aibreán 2019 maidir le saoráidí glactha calafoirt don seachadadh dramhaíola ó longa, lena leasaítear Treoir 2010/65/AE agus lena n‑aisghairtear Treoir 2000/59/CE (IO L 151, 7.6.2019, lch. 116). tríd an gcúram sin a léiriú ina sainordú arna thabhairt cothrom le dáta. Thairis sin, is mó an gá atá ag an nGníomhaireacht anois leanúint de chúnamh a thabhairt maidir le cur chun feidhme na n‑eilimintí a bhaineann le loingseoireacht de Threoracha 2008/56/CETreoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht chomhphobail i réimse an bheartais chomhshaoil mhuirí (An Treoir Réime um Straitéis Mhuirí) (IO L 164, 25.6.2008, lch. 19). agus (AE) 2016/802Treoir (AE) 2016/802 ó Pharlaimint na hEorpa agus ón gComhairle an 11 Bealtaine 2016 maidir le laghdú ar an gcion sulfair i leachtbhreoslaí áirithe (IO L 132, 21.5.2016, lch. 58). ó Pharlaimint na hEorpa agus ón gComhairle. An dá réimse sin, mar aon le rannpháirtíocht na Gníomhaireachta agus na sonraí i ndáil le hastaíochtaí ocsaídí nítrigine (NOx) ó longa á mbailiú, á n‑anailísiú agus á gcomhroinnt, tá siad ríthábhachtach chun inbhuanaitheacht a chur chun cinn san earnáil muirí, agus ba cheart don Ghníomhaireacht tuarascáil a sholáthar ar an dul chun cinn a dhéantar ina leith sin gach 3 bliana.
(16)Sa réimse a bhaineann le dícharbónú na hearnála loingseoireachta, tá iarrachtaí á ndéanamh anois chun astaíochtaí domhanda muirí a theorannú tríd an Eagraíocht Mhuirí Idirnáisiúnta (IMO) agus ba cheart na hiarrachtaí sin a spreagadh, lena n‑áirítear cur chun feidhme tapa Straitéis tosaigh IMO um Astaíochtaí Gás Ceaptha Teasa ó Longa a Laghdú, a glacadh in 2018. Tá cainteanna ar siúl anois faoi na bealaí chun an uaillmhian sin a chur chun feidhme sa chleachtas. Leis an bplé sin, cumhdaítear an fhéidearthacht, lena n‑áirítear athbhreithniú a dhéanamh ar an straitéis tosaigh, agus tugtar an deis machnamh a dhéanamh ar uaillmhianta an Aontais ar an leibhéal idirnáisiúnta agus ar a thábhachtaí atá sé cothrom iomaíochta domhanda a bhaint amach a mbeadh neartú iomaíochas muirí an Aontais mar thoradh air. Ar leibhéal an Aontais, forbraíodh sraith beartas agus tograí reachtacha chun tacú leis an dícharbónú agus chun inbhuanaitheacht na hearnála muirí a chur chun cinn a thuilleadh, mar a léirítear go háirithe sa Chomhaontú Glas don Eoraip, sa Straitéis Chuimsitheach um an tSoghluaisteacht Inbhuanaithe agus Chliste, sa phacáiste ‘Oiriúnach do 55’ agus sa Straitéis maidir le Truailliú Nialasach. Dá thoradh sin, ba cheart an gá atá le hastaíochtaí gás ceaptha teasa ón earnáil muirí a laghdú a léiriú i sainordú na Gníomhaireachta. [Leasú 10]
(17)Ina leith sin, cé gur cheart don Ghníomhaireacht leanúint de chúnamh a thabhairt don Choimisiún agus do na Ballstáit maidir le cur chun feidhme Rialachán (AE) 2015/757 ó Pharlaimint na hEorpa agus ón gComhairleRialachán (AE) 2015/757 ó Pharlaimint na hEorpa agus ón gComhairle an 29 Aibreán 2015 maidir le faireachán, tuairisciú agus fíorú a dhéanamh ar astaíochtaí dé-ocsaíde carbóin ó mhuiriompar, agus lena leasaítear Treoir 2009/16/CE (IO L 123, 19.5.2015, lch. 55). ba cheart di tuilleadh cúnaimh a thabhairt maidir le cur chun feidhme na mbeart rialála nua chun an earnáil loingseoireachta a dhícharbónú, rud a eascraíonn as an bpacáiste reachtach ‘Oiriúnach do 55’, amhail an Rialachán [..] maidir le húsáid breoslaí in‑athnuaite agus ísealcharbóin san iompar muirí agus na heilimintí a bhaineann le loingseoireacht de Threoir 2003/87/CE ó Pharlaimint na hEorpa agus ón gComhairleTreoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas i ndáil le trádáil lamháltas i gcomhair astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO L 275, 25.10.2003, lch. 32). lena mbunaítear scéim um liúntais astaíochtaí gás ceaptha teasa a thrádáil laistigh den Chomhphobal. Áirítear leis sin faireachán agus tuairisciú ar na tionchair a bhíonn ag Córas Trádála Astaíochtaí Muirí an Aontais agus ag FuelEU Maritime ar thrácht calafoirt, seachaint calafoirt agus aistriú tráchta chuig calafoirt trasloingsithe i dtríú tíortha, rud a dhéanann dochar do chalafoirt an Aontais. Ba cheart don Ghníomhaireacht leanúint de bheith ar thús cadhnaíochta sa saineolas ar leibhéal an Aontais chun cúnamh a thabhairt maidir leis an earnáil a aistriú chuig breoslaí in‑athnuaite agus ísealcharbóin, trí thaighde a dhéanamh agus treoraíocht a sholáthar maidir le glacadh agus cur in úsáid foinsí inbhuanaithe malartacha cumhachta le haghaidh long, agus maidir leis an mbonneagar gaolmhar i limistéir chalafoirt, lena n-áirítearlena n‑áirítear soláthar cumhachta ar tír mór do longa agus i ndáil le réitigh um éifeachtúlacht fuinnimh agus cúnamh tiomána gaoithe a chur in úsáidréitigh ghaothchuidithe, ghréine agus tonntiomáinte cinéiteacha a imscaradh. Áirítear leis sin freisin teicneolaíochtaí nua chun gás ceaptha teasa a laghdú, amhail gabháil carbóin ar bord agus cleachtais éifeachtúlachta fuinnimh, amhail galú mall. Thairis sin, ba cheart di a saineolas a roinnt maidir le rioscaí a bhaineann le sábháilteacht calafort, buncaeireacht agus stóráil maidir le breoslaí malartacha inbhuanaithe, bacainní teicneolaíocha agus rialála a ghlacadh. Chun faireachán a dhéanamh ar dhul chun cinn agus an bealach a réiteach don dul chun cinn sin sa réimse a bhaineann le dícharbónú na hearnála loingseoireachta agus limistéir chalafoirt, ba cheart don Ghníomhaireacht tuarascáil a thabhairt don Choimisiún agus don Pharlaimint gach 3 bliana ar na hiarrachtaí chun gáis cheapthagás ceaptha teasa a laghdú agus ar aon mholadh a d’fhéadfadh a bheith aici. Ba cheart don Ghníomhaireacht tuairisciú freisin ar na deacrachtaí riaracháin agus praiticiúla go léir a mbíonn na Ballstáit ag dul i ngleic leo agus na gníomhartha reachtacha gaolmhara á gcur chun feidhme acu. [Leasú 11]
(18)I réimse na sábháilteachta muirí, ba cheart don Ghníomhaireacht leanúint de chúnamh teicniúil a sholáthar i leith cigireachtaí ón gCoimisiún faoi chuimsiú Rialachán (CE) Uimh.725/2004 ó Pharlaimint na hEorpa agus ón gComhairleRialachán (CE) Uimh. 725/2004 ó Pharlaimint na hEorpa agus ón gComhairle an 31 Márta 2004 maidir le slandáil long agus saoráidí calafoirt a fheabhsú, IO L 129, 29.4.2004, lch. 6. maidir le slándáil long agus saoráidí calafoirt a fheabhsú. Ó tharla go bhfuil méadú nach beag tagtha ar an líon teagmhas cibearshlándála san earnáil muirí le blianta beaga anuas, ba cheart don Ghníomhaireacht cúnamh a thabhairt i leith iarrachtaí an Aontais chun athléimneacht a fheabhsú in aghaidh teagmhais chibearshlándála a chosc agus feabhas a chur ar cibear-athléimneacht san earnáil muirí trí mhalartú dea‑chleachtasthreoirlínte a ullmhú, lena n-éascaítear malartú dea-chleachtas agus faisnéise maidir le teagmhais chibearshlándála idir na Ballstáit a éascú. [Leasú 12]
(19)Ba cheart don Ghníomhaireacht leanúint den chóras faireacháin agus faisnéise ar shoithí a óstáil, a bunaíodh faoi Threoir 2002/59/CE ó Pharlaimint na hEorpa agus ón gComhairleTreoir 2002/59/CE ó Pharlaimint na hEorpa agus ón gComhairle an 27 Meitheamh 2002 lena mbunaítear córas faireacháin agus faisnéise um thrácht árthaí de chuid an Chomhphobail agus lena n‑aisghairtear Treoir 93/75/CEE ón gComhairle (IO L 208, 5.8.2002, lch. 10). mar aon le córais eile atá mar bhonn taca faoi phictiúr feasachta muirí a bhunú. Ina leith sin, ba cheart don Ghníomhaireacht leanúint de ról ríthábhachtach a bheith aici agus an ghné slándála muirí de chlár Copernicus á bainistiú agus ba cheart di leanúint den teicneolaíocht is nua‑aimseartha atá ar fáil a úsáid, amhail córais aerárthaí cianrialaithe, a sholáthraíonn uirlis úsáideach do na Ballstáit agus do chomhlachtaí eile de chuid an Aontais chun faireachas agus faireachán a dhéanamh. Anuas ar na seirbhísí sin, léirigh an Ghníomhaireacht an ról straitéiseach atá aici maidir le feasacht ar réimsí muirí a sholáthar chun tacú le géarchéimeanna éagsúla, amhail COVID‑19 agus cogadh foghach na Rúise in aghaidh na hÚcráine. Dá thoradh sin, ba cheart don Ghníomhaireacht lárionad a oibriú, a bheadh ar oscailt 24 uair an chloig in aghaidh an lae agus 7 lá sa tseachtain, agus ba cheart don lárionad sin cúnamh a thabhairt don Choimisiún agus do na Ballstáit agus faisnéis a sholáthar maidir le cásanna féideartha agus éigeandála den sórt sin. Chun tacú le freagra láidir aontaithe ón Aontas agus óna Bhallstáit ar chogadh foghach na Rúise i gcoinne na hÚcráine, ba cheart don Ghníomhaireacht, inter alia, faireachán a dhéanamh ar iompar amhrasach maidir le píblínte agus seachaint smachtbhannaí ar muir a bhrath. [Leasú 13]
(20)Tá an digitiú sonraí de dhlúth agus d’inneach sa dul chun cinn teicneolaíochta i réimse an bhailithe agus na cumarsáide sonraí d’fhonn cabhrú le costais a laghdú, an t-ualach riaracháin a laghdú, agus le húsáid éifeachtúil a bhaint as acmhainní daonna. Trí Longa Uathrialacha Dromchla Muirí (MASS) a chur in úsáid agus a oibriú agus leis na forbairtí digiteacha agus teicneolaíochta, soláthraítear raon leathan deiseanna nua i dtéarmaí bailiú sonraí agus bainistíocht córas comhtháite. Cruthaítear deiseanna leis sin chun digitiú, uathoibriú agus caighdeánú ionchasach a dhéanamh ar roinnt próiseas, rud a cheadódh go bhféadfaí sábháilteacht, slándáil, inbhuanaitheacht agus éifeachtúlacht oibríochtaí muirí a éascú, lena n‑áirítear sásraí faireachais, ar leibhéal an Aontais, agus a laghdófaí an t‑ualach riaracháin ar na Ballstáit i gcomhthráth leis sin. Ina leith sin, úsáid deimhnithe leictreonacha, bailiú, taifeadadh agus meastóireacht ar shonraí teicniúla, saothrú sistéamach na mbunachar sonraí atá ann cheana, lena n‑áirítear iad a chomhroinnt trí úsáid a bhaint as TF nuálach agus uirlisí intleachta saorga, agus, i gcás inarb iomchuí, forbairt bunachar sonraí idir‑inoibritheach breise, ba cheart don ghníomhaireacht na nithe sin a éascú agus a chur chun cinn, i measc nithe eile. [Leasú 14]
(21)Chun na cúraimí a chuirtear ar iontaoibh na Gníomhaireachta a dhéanamh i gceart, is iomchuí go dtabharfadh oifigigh na Gníomhaireachta cuairteanna ar na Ballstáit chun faireachán a dhéanamh ar fheidhmiú foriomlán chóras sábháilteachta muirí agus coiscthe truaillithe an Aontais. Ba cheart don Ghníomhaireacht cigireachtaí a dhéanamh freisin chun cúnamh a thabhairt don Choimisiún measúnú a dhéanamh ar chur chun feidhme éifeachtach dhlí an Aontais.
(22)I gcomhthéacs IMO, na hEagraíochta Idirnáisiúnta Saothair (EIS) agus Mheabhrán Comhthuisceana Pháras um Rialú Stáit ar Chalafoirt, a síníodh i bPáras an 26 Eanáir 1982 (‘MC Pháras’), d’fhéadfadh cúnamh teicniúil agus saineolas a bheith de dhíth ar an gCoimisiún agus ar na Ballstáit lena dtreiseofaí ról EMSA, go háirithe laistigh de IMO, lenar cheart do EMSA páirt a ghlacadh i bpléití agus freastal orthu. Ar an gcaoi chéanna, d’fhéadfadh cúnamh teicniúil a bheith de dhíth ar an gCoimisiún ón nGníomhaireacht chun tacú le tríú tíortha sa réimse muirí, go háirithe maidir le fothú acmhainneachta agus modhanna chun an truailliú a chosc agus freagairt dó. Ba cheart é a chur de chúram ar Bhord Bainistíochta na Gníomhaireachta straitéis um chaidreamh idirnáisiúnta na Gníomhaireachta a ghlacadh maidir le hábhair a thagann faoina hinniúlacht, mar chuid den doiciméad clársceidealaithe aonair. [Leasú 15]
(23)Na húdaráis náisiúnta sin a chuireann feidhmeanna garda cósta i gcrích, tá freagracht orthu i leith raon leathan cúraimí, a bhféadfadh an tsábháilteacht mhuirí, an tslándáil mhuirí, oibríochtaí cuardaigh agus tarrthála muirí, rialú ag teorainneacha muirí, rialú ar iascach muirí, rialú custaim mhuirí, forfheidhmiú ginearálta dlí muirí agus cosaint an chomhshaoil mhuirí a bheith ar áireamh leo. Ba cheart don Ghníomhaireacht, don Ghníomhaireacht Eorpach um an nGarda Teorann agus Cósta, arna bunú le Rialachán (AE) 2019/1896 ó Pharlaimint na hEorpa agus ón gComhairleRialachán (AE) 2019/1896 ó Pharlaimint na hEorpa agus ón gComhairle an 13 Samhain 2019 maidir leis an nGarda Teorann agus Cósta Eorpach agus lena n‑aisghairtear Rialacháin (AE) Uimh. 1052/2013 agus (AE) 2016/1624 (IO L 295, 14.11.2019, lch. 1)., agus don Ghníomhaireacht Eorpach um Rialú ar Iascach, arna bunú le Rialachán (AE) Uimh. 2019/473 ó Pharlaimint na hEorpa agus ón gComhairleRialachán (AE) 2019/473 ó Pharlaimint na hEorpa agus ón gComhairle an 19 Márta 2019 maidir leis an nGníomhaireacht Eorpach um Rialú ar Iascach (IO L 83, 25.3.2019, lch. 18)., dá bhrí sin, a gcomhar a neartú, laistigh dá sainordú, le chéile agus leis na húdaráis náisiúnta a dhéanann feidhmeanna garda cósta, chun feasacht ar réimsí muirí a mhéadú agus chun tacú le gníomhaíocht chomhleanúnach chost‑éifeachtúil, trí sheirbhís, faisnéis, teicneolaíocht, trealamh agus oiliúint a sholáthar, agus trí chomhordú a dhéanamh ar oibríochtaí ilchuspóireacha, sonraí a bhailiú don taighde eolaíoch, faireachán a dhéanamh ar uiscí Eorpacha agus cláir um chomhar le tríú tíortha a chur chun feidhme. [Leasú 16]
(24)Le cur chun feidhme an Rialacháin seo, ní dhéantar difear do dheighilt na hinniúlachta idir an tAontas agus na Ballstáit ná d’oibleagáidí na mBallstát faoi choinbhinsiúin idirnáisiúnta amhail Coinbhinsiún na Náisiún Aontaithe maidir le Dlí na Farraige, an Coinbhinsiún Idirnáisiúnta um Shábháilteacht Anama ar Muir, an Coinbhinsiún Idirnáisiúnta maidir le Cuardach agus Tarrtháil ar Muir, an Coinbhinsiún Idirnáisiúnta um Thruailliú ó Longa a Chosc, an Coinbhinsiún Idirnáisiúnta maidir le Caighdeáin Oiliúna, Deimhniúcháin agus Faire do Mharaithe, agus ionstraimí muirí ábhartha idirnáisiúnta eile.
(25)D’fhonnChun an próiseas cinnteoireachta a chuíchóiriú sa Ghníomhaireacht agus chun cuidiú le héifeachtúlacht agus le héifeachtacht a fheabhsú, ba cheart struchtúr rialachais dé‑leibhéil a thabhairt isteach. Chun na críche sin, ba cheart ionadaithe a bheith ag na Ballstáit agus ag an gCoimisiún ar Bhord Bainistíochta a dtabharfar na cumhachtaí riachtanacha dó, lena n‑áirítear an chumhacht chun an buiséad a bhunú agus chun an doiciméad clársceidealaithe a fhormheas. Ba cheart ionadaíocht a bheith ag Parlaimint na hEorpa mar bhreathnóir. Ba cheart don Bhord Bainistíochta treoshuíomhanna ginearálta a thabhairt maidir le gníomhaíochtaí na Gníomhaireachta agus ba cheart dó páirt níos mó a ghlacadh i dtaobh faireachán a dhéanamh ar ghníomhaíochtaí na Gníomhaireachta, d’fhonn maoirseacht ar chúrsaí riaracháin agus buiséadacha a atreisiú. Ba cheart Bord Feidhmiúcháin is lú a chur ar bun agus é de chúram aige cruinnithe an Bhoird Bainistíochta a ullmhú ar shlí iomchuí agus tacú lena phróiseas cinnteoireachta. Ba cheart cumhachtaí an Bhoird Feidhmiúcháin a shainiú i sainordú a ghlacfaidh an Bord Bainistíochta agus ba cheart tuairimí agus cinntí sealadacha a bheith san áireamh ann, i gcás inar gá, faoi réir fhormhuiniú deiridh an Bhoird Bainistíochta. Ba cheart Stiúrthóir Feidhmiúcháin a bheith i gceannas ar an nGníomhaireacht. [Leasú 17]
(26)Chun trédhearcacht chinntí an Bhoird Bainistíochta a áirithiú, ba cheart d’ionadaithe ó na hearnálacha lena mbaineann freastal ar na cruinnithe dá chuid, ach gan ceart vótála a bheith acu. Ba cheart don Choimisiún ionadaithe na bpáirtithe leasmhara éagsúla a cheapadh ar bhonn a n‑ionadaíochta ar leibhéal an Aontais.
(27)D’fhonnChun go bhféadfaidh sí a cúraimí a chomhlíonadh i gceart, ba cheart pearsantacht dhlítheanach a bheith agus buiséad uathrialach ag an nGníomhaireacht, ar buiséad é a mhaoineofar, go príomha, trí ranníocaíocht ón Aontas agus trí tháillí agus muirir chomhréireacha a íocfaidh iarratasóirí. Níor cheart neamhspleáchas ná neamhchlaontacht na Gníomhaireachta a chur i mbaol mar gheall ar aon ranníocaíocht airgeadais a fhaigheann sí ó na Ballstáit, ó thríú tíortha nó ó eintitis eile. D’fhonn neamhspleáchas a áirithiú ina cuid bainistíochta ó lá go lá agus sna tuairimí, moltaí agus cinntí a eisíonn sí, ba cheart eagrú na Gníomhaireachta a bheith trédhearcach agus ba cheart freagracht iomlán a bheith ar an Stiúrthóir Feidhmiúcháin. Ba cheart d’fhoireann na Gníomhaireachta a bheith neamhspleách agus iad ar conarthaí gearrthéarmacha agus fadtéarmacha araon ionas go gcoimeádfaidh sí an t‑eolas eagraíochtúil agus an leanúnachas gnó atá aici, agus malartú riachtanach leanúnach saineolais leis an earnáil muirí á choinneáil ag an am céanna. Ba cheart a áireamh le caiteachas na Gníomhaireachta costais foirne, riaracháin, bhonneagair agus oibriúcháin. [Leasú 18]
(28)I ndáil le coinbhleachtaí leasa a chosc agus a bhainistiú, tá sé fíor‑riachtanach go ngníomhóidh an Ghníomhaireacht go neamhchlaonta, go léireoidh sí ionracas agus go ndéanfaidh sí ardchaighdeáin ghairmiúla a bhunú di féin. Níor cheart aon chúis dhlisteanach a bheith ann riamh le bheith in amhras go bhféadfaí tionchar a imirt ar chinntí le leasanna a bheadh contrártha do ról na Gníomhaireachta mar chomhlacht a fhónann don Aontas ina iomláine nó le leasanna nó cleamhnachtaí príobháideacha aon chomhalta den Bhord Bainistíochta a chruthódh coinbhleacht, nó a bhfuil seans ann go gcruthóidís coinbhleacht, le feidhmiú cuí dhualgais oifigiúla an duine lena mbaineann. Dá bhrí sin, ba cheart don Bhord Bainistíochta rialacha cuimsitheacha a ghlacadh agus a chur ar fáil go poiblí maidir le coinbhleachtaí leasa, agus aird chuí á tabhairt ar mholtaí an Ombudsman Eorpaigh. [Leasú 19]
(29)Le dearcadh straitéiseach níos leithne i leith ghníomhaíochtaí na Gníomhaireachta, d’éascófaí pleanáil agus bainistíocht níos éifeachtaí a dhéanamh ar a cuid acmhainní agus rannchuideodh sé le cáilíocht níos airde ar thorthaí na Gníomhaireachta. Deimhnítear agus atreisítear é sin le Rialachán Tarmligthe (AE) 2019/715. Ba cheart don Bhord Bainistíochta, dá bhrí sin, doiciméad clársceidealaithe aonair, ina bhfuil na cláir oibre bhliantúla agus ilbhliantúla, a ghlacadh agus a thabhairt cothrom le dáta go tréimhsiúil, tar éis dul i mbun comhairliúchán cuí leis na páirtithe leasmhara ábhartha.
(30)I gcás ina n‑iarrtar ar an nGníomhaireacht cúram nua a dhéanamh nach bhforáiltear go sonrach dó ina sainordú nó ina n‑iarrtar uirthi cúraimí áirithe a dhéanamh ar gá, de réir a sainordaithe, cuimhneamh agus anailís a dhéanamh ar an tionchar a bheidh acu ar a hacmhainní, i dtéarmaí daonna agus buiséadacha, níor cheart don Bhord Bainistíochta na cúraimí sin a áireamh sa doiciméad clársceidealaithe ach amháin tar éis an anailís sin a bheith déanta. Ba cheart a shainaithint san anailís sin na hacmhainní is gá lena bhféadfadh an Ghníomhaireacht na cúraimí nua sin a chomhlíonadh agus cé acu a dhéantar nó nach ndéantar dochar do na cúraimí atá ar an nGníomhaireacht faoi láthair.
(31)Ba cheart acmhainní cuí a bheith ag an nGníomhaireacht chun a cúraimí a chur i gcrích agus ba cheart buiséad uathrialach a dheonú di. Ba cheart í a mhaoiniú go príomha trí ranníocaíocht ó bhuiséad ginearálta an Aontais. Ba cheart nós imeachta buiséadach an Aontais a bheith infheidhme maidir le ranníocaíocht an Aontais agus le haon fhóirdheontas eile is inmhuirearaithe ar bhuiséad ginearálta an Aontais. Ba cheart do Chúirt Iniúchóirí na hEorpa na cuntais a iniúchadh.
(32)Le táillí cuirtear feabhas ar chistiú gníomhaireachta agus féadfar iad a chur san áireamh le haghaidh seirbhísí sonracha, ar seirbhísí iad a thagann faoi raon feidhme a hinniúlachtaí, arna soláthar ag an nGníomhaireacht do thríú tíortha nó don tionscal. Ba cheart aon táille a thoibheoidh an Ghníomhaireacht a costais a chlúdach as na seirbhísí lena mbaineann a sholáthar.
(33)Chun coinníollacha aonfhoirmeacha a áirithiú maidir le cur chun feidhme an Rialacháin seo i ndáil le táillí agus muirir, ba cheart cumhachtaí cur chun feidhme a thabhairt don Choimisiún i ndáil leis na táillí agus muirir do sholáthar seirbhísí a chinneadh. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairleRialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13). [Leasú 20]
(33a) Chun an mhodheolaíocht chun na táillí agus na muirir sin a ríomh a shonrú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i ndáil le ... [ábhar agus raon feidhme]. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos FearrIO L 123, 12.5.2016, lch. 1.. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe. [Leasú 21]
(34)Le blianta beaga anuas, agus níos mó gníomhaireachtaí díláraithe á gcruthú, táthar tar éis feabhas a chur ar an trédhearcacht agus an rialú ar bhainistiú chistiú ón Aontas a leithdháiltear orthu, go háirithe a mhéid a bhaineann le buiséadú táillí, rialú airgeadais, cumhacht urscaoilte, ranníocaíochtaí scéimeanna pinsin agus an nós imeachta buiséadach inmheánach (cód iompair). Ba cheart feidhm a bheith ag Rialachán (AE, Euratom) Uimh. 883/2013 ó Pharlaimint na hEorpa agus ón gComhairleRialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith‑Chalaoise (OLAF) agus lena n‑aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1). gan srian maidir leis an nGníomhaireacht, agus ba cheart di aontú do Chomhaontú Idirinstitiúideach an 25 Bealtaine 1999 idir Parlaimint na hEorpa, Comhairle an Aontais Eorpaigh agus Coimisiún na gComhphobal Eorpach maidir le himscrúduithe inmheánacha arna ndéanamh ag an Oifig Eorpach Frith‑Chalaoise (OLAF)IO L 136, 31.5.1999, lch. 15..
(34a) Ní leor an méadú atá beartaithe ar acmhainní EMSA i bhfianaise mhéid an mhéadaithe atá beartaithe ar chúraimí na Gníomhaireachta agus scála uaillmhianta an Aontais maidir le beartas muirí. Dá bhrí sin, ba cheart méid na n-acmhainní airgeadais atá tiomnaithe don togra seo a tharraingt ó na corrlaigh neamh-leithdháilte faoi uasteorainneacha CAI nó a shlógadh trí ionstraimí speisialta CAI neamhthéamacha. Ós rud é nár athneartaíodh buiséad EMSA leis an togra ón gCoimisiún maidir le hathbhreithniú CAI, ní féidir an méadú ar leithreasuithe do EMSA a fhritháireamh le laghdú cúiteach ar chaiteachas cláraithe faoi SCE Iompar ná ní féidir laghdú ar an gcistiú d’aon chláir eile de chuid an Aontais a bheith mar thoradh air. [Leasú 22]
(35)Ós rud é nach féidir leis na Ballstáit cuspóirí an Rialacháin seo a ghnóthú go leormhaith, mar atá comhlacht speisialaithe a bhunú a fhéadfaidh cúnamh a thabhairt don Choimisiún agus do na Ballstáit maidir le reachtaíocht an Aontais i réimse na sábháilteachta muirí a chur i bhfeidhm agus faireachán a dhéanamh uirthi, chomh maith le meastóireacht a dhéanamh ar a éifeachtacht agus, de bharr an chomhair atá le déanamh, gur fearr is féidir iad a ghnóthú ar leibhéal an Aontais, féadfaidh an tAontas bearta a dhéanamh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, mar a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach.
(36)Is gá, chun go bhfeidhmeoidh an Ghníomhaireacht go cuí, go gcuirfear prionsabail áirithe chun feidhme maidir le rialachas na Gníomhaireachta, d’fhonn an Comhráiteas agus an Cur Chuige Comhchoiteann arna gcomhaontú ag an Meitheal Idirinstitiúideach ar ghníomhaireachtaí díláraithe AE i mí Iúil 2012 a chomhlíonadh, arb é is cuspóir dóibh gníomhaíochtaí gníomhaireachtaí a chuíchóiriú agus cur lena bhfeidhmíocht.
(37)Leis an Rialachán seo, urramaítear na cearta bunúsacha agus na prionsabail a aithnítear go háirithe i gCairt um Chearta Bunúsacha an Aontais Eorpaigh.
(38)Is é an duine dlítheanach céanna i gcónaí atá sa Ghníomhaireacht Eorpach um Shábháilteacht Mhuirí arna bunú le Rialachán (CE) Uimh. 1406/2022 agus leanfaidh sí lena cuid gníomhaíochtaí agus nósanna imeachta uile,