“16. Id-Direttiva (UE) tal-Parlament Ewropew u tal-Kunsill dwar l-assoċjazzjonijiet transfruntiera Ewropej (COM(2023)516) *: L-Artikolu 19(2), l-Artikolu 19(4), l-Artikolu 23(5), l-Artikolu 23(6), l-Artikolu 23(7), l-Artikolu 24(3), l-Artikolu 25(6), u l-Artikolu 27.”

____________________

*(Ir-referenza tal-ĠU).”

“(a) l-istabbiliment u l-operat ta’ gateway diġitali unika li tipprovdi aċċess faċli liċ-ċittadini, lin-negozji u lill-persuni ġuridiċi għajr lin-negozji għal informazzjoni ta’ kwalità għolja, għal proċeduri effiċjenti u għal servizzi effettivi ta’ assistenza u ta’ soluzzjoni tal-problemi fir-rigward tar-regoli tal-Unjoni u dawk nazzjonali applikabbli għaċ-ċittadini, għan-negozji u għall-persuni ġuridiċi għajr in-negozji li jeżerċitaw jew li għandhom il-ħsieb li jeżerċitaw id-drittijiet tagħhom li ġejjin mid-dritt tal-Unjoni fil-qasam tas-suq intern, skont it-tifsira tal-Artikolu 26(2) tat-TFUE;”

“(b) l-użu tal-proċeduri mill-utenti transfruntiera u l-implimentazzjoni tal-prinċipju ta’ “darba biss” b’rabta mal-proċeduri elenkati fl-Anness II ta’ dan ir-Regolament u l-proċeduri previsti fid-Direttivi 2005/36/KE, 2006/123/KE, 2014/24/UE, 2014/25/UE u …/…*;”

____________________

“*Id-Direttiva tal-Parlament Ewropew u tal-Kunsill ta’ …. dwar l-assoċjazzjonijiet transfruntiera Ewropej (ir-referenza tal-ĠU).”

“(c) informazzjoni dwar is-servizzi ta’ assistenza u ta’ soluzzjoni tal-problemi, u l-links għalihom, elenkati fl-Anness III jew imsemmija fl-Artikolu 7 li ċ-ċittadini, in-negozji u l-persuni ġuridiċi għajr in-negozji jkunu jistgħu jirreferu għalihom f’każ li jkollhom mistoqsijiet jew problemi relatati mad-drittijiet, l-obbligi, ir-regoli jew il-proċeduri msemmija fil-punti (a) u (b) ta’ dan il-paragrafu.”

“1. Għall-finijiet tal-iskambju tal-evidenza għall-proċeduri online elenkati fl-Anness II ta’ dan ir-Regolament u l-proċeduri previsti fid-Direttivi 2005/36/KE, 2006/123/KE, 2014/24/UE, 2014/25/UE u …/…/…, b’kooperazzjoni mal-Istati Membri, il-Kummissjoni għandha tistabbilixxi sistema teknika għall-iskambju awtomatizzat tal-evidenza bejn l-awtoritajiet kompetenti fi Stati Membri differenti (“is-sistema teknika”).”

“Lista ta’ oqsma ta’ informazzjoni rilevanti għaċ-ċittadini, in-negozji u l-persuni ġuridiċi għajr in-negozji li għandhom l-uffiċċju rreġistrat tagħhom fi Stat Membru li jeżerċitaw id-drittijiet tagħhom tas-suq intern imsemmija fil-punt (a) tal-Artikolu 2(2).

“Oqsma ta’ informazzjoni marbuta man-negozji:

Qasam

INFORMAZZJONI RIGWARD DRITTIJIET, OBBLIGI U REGOLI

J.Il-bidu, it-tmexxija u l-għeluq ta’ negozju

1.ir-reġistrazzjoni, il-bdil tal-forma legali jew l-għeluq ta’ negozju (il-proċeduri ta’ reġistrazzjoni u l-formoli legali għat-twettiq ta’ negozju)

2.it-trasferiment tal-uffiċċju reġistrat ta’ negozju lejn Stat Membru ieħor;

2a.obbligi fil-konfront tad-drittijiet tal-kredituri u l-ħaddiema b’rabta mat-trasferiment tal-uffiċċju reġistrat ta’ negozju lejn Stat Membru ieħor

3.id-drittijiet ta’ proprjetà intellettwali (l-applikazzjoni għal privattiva, ir-reġistrazzjoni ta’ trademark, ta’ tpinġija jew disinn, il-kisba ta’ liċenzja għar-riproduzzjoni)

4.il-korrettezza u t-trasparenza fil-prattiki kummerċjali, inklużi d-drittijiet tal-konsumatur u l-garanziji relatati mal-bejgħ ta’ oġġetti u servizzi

5.l-offerta ta’ faċilitajiet online għall-pagamenti transfruntiera meta wieħed ibigħ oġġetti u servizzi online

6.id-drittijiet u l-obbligi li jirriżultaw mil-liġi dwar il-kuntratti, inklużi l-imgħaxijiet fuq pagamenti tardivi

7.il-proċedimenti ta’ insolvenza u l-likwidazzjoni tal-kumpaniji

8.l-assigurazzjoni tal-krediti

9.l-amalgamazzjoni tal-kumpaniji jew il-bejgħ ta’ negozju

10.ir-responsabbiltà ċivili tal-membri tal-bord jew tad-diretturi ta’ kumpanija

11.ir-regoli u l-obbligi li jirrigwardaw l-ipproċessar ta’ data personali

[Em. 4]

“L-oqsma ta’ informazzjoni relatati mal-persuni ġuridiċi għajr in-negozji li għandhom l-uffiċċju rreġistrat tagħhom fi Stat Membru:

AA.Il-bidu, it-tmexxija u l-għeluq ta’ persuna ġuridika għajr negozju

1.ir-reġistrazzjoni, il-bdil tal-forma legali jew l-għeluq ta’ persuna ġuridika għajr negozju (il-proċeduri ta’ reġistrazzjoni u l-formoli legali)

2.it-trasferiment tal-uffiċċju reġistrat ta’ persuna ġuridika għajr negozju lejn Stat Membru ieħor

2a.obbligi fil-konfront tad-drittijiet tal-kredituri u l-ħaddiema b’rabta mat-trasferiment tal-uffiċċju reġistrat ta’ persuna ġuridika għajr negozju lejn Stat Membru ieħor

3.id-drittijiet ta’ proprjetà intellettwali (l-applikazzjoni għal privattiva, ir-reġistrazzjoni ta’ trademark, ta’ tpinġija jew disinn, il-kisba ta’ liċenzja għar-riproduzzjoni)

4.il-korrettezza u t-trasparenza fil-prattiki kummerċjali, inklużi d-drittijiet tal-konsumatur u l-garanziji relatati mal-bejgħ ta’ oġġetti u servizzi

5.l-offerta ta’ faċilitajiet online għall-pagamenti transfruntiera meta wieħed ibigħ oġġetti u servizzi online

6.id-drittijiet u l-obbligi li jirriżultaw mil-liġi dwar il-kuntratti, inklużi l-imgħaxijiet fuq pagamenti tardivi

7.il-proċedimenti ta’ insolvenza u likwidazzjoni ta’ persuni ġuridiċi għajr negozji

8.l-assigurazzjoni tal-krediti

9.l-amalgamazzjoni jew il-bejgħ ta’ persuna ġuridika għajr negozju

10.ir-responsabbiltà ċivili ta’ membri tal-bord jew ta’ diretturi ta’ persuna ġuridika għajr negozju

11.ir-regoli u l-obbligi li jirrigwardaw l-ipproċessar ta’ data personali

AB.Impjegati

1.it-termini tal-impjieg stipulati bil-liġi jew permezz ta’ strument statutorju (inklużi s-sigħat tax-xogħol, il-liv imħallas, l-intitolamenti għall-btajjel, id-drittijiet u l-obbligi rigward is-sahra, il-kontrolli tas-saħħa, it-terminazzjoni tal-kuntratti, it-tkeċċijiet u s-sensji)

2.id-drittijiet u l-obbligi tas-sigurtà soċjali fl-Unjoni (ir-reġistrazzjoni bħala impjegatur, ir-reġistrazzjoni tal-impjegati, in-notifika ta’ tmiem ta’ kuntratt ta’ impjegat, il-ħlas tal-kontribuzzjonijiet soċjali, id-drittijiet u l-obbligi relatati mal-pensjonijiet)

3.l-impjieg tal-ħaddiema fi Stati Membri oħrajn (il-kollokament tal-ħaddiema, ir-regoli dwar il-libertà tal-forniment ta’ servizzi, ir-rekwiżiti ta’ residenza għall-ħaddiema)

4.it-trattament indaqs (regoli li jipprojbixxu d-diskriminazzjoni fil-post tax-xogħol, regoli dwar paga indaqs għan-nisa u l-irġiel u paga indaqs għall-impjegati b’kuntratti fissi jew b’kuntratti ta’ impjieg permanenti)

5.ir-regoli dwar ir-rappreżentazzjoni tal-persunal

AC.Taxxi

1.VAT: informazzjoni dwar ir-regoli ġenerali, ir-rati u l-eżenzjonijiet, ir-reġistrazzjoni għall-VAT u l-ħlas tiegħu, kif tikseb rifużjoni

2.id-dazji tas-sisa: informazzjoni dwar ir-regoli ġenerali, ir-rati u l-eżenzjonijiet, ir-reġistrazzjoni għall-finijiet tat-taxxa tas-sisa u l-ħlas tat-taxxa tas-sisa, u kif tikseb rifużjoni

3.id-dazji doganali u taxxi u dazji oħrajn li jinġabru fuq l-importazzjonijiet

4.il-proċeduri doganali għall-importazzjonijiet u l-esportazzjonijiet skont il-Kodiċi Doganali tal-Unjoni

5.taxxi oħrajn: pagamenti, rati, dikjarazzjonijiet tat-taxxa

AD.Oġġetti

1.il-kisba ta’ markar CE

2.ir-regoli u r-rekwiżiti tal-prodott

3.l-identifikazzjoni ta’ standards applikabbli, speċifikazzjonijiet tekniċi u ċ-ċertifikazzjoni tal-prodotti

4.ir-rikonoxximent reċiproku ta’ prodotti li mhumiex soġġetti għall-ispeċifikazzjonijiet tal-Unjoni

5.ir-rekwiżiti rigward il-klassifikazzjoni, it-tikkettar u l-imballaġġ għas-sustanzi kimiċi perikolużi

6.il-bejgħ mill-bogħod/barra mill-post tan-negozju: l-informazzjoni li trid tingħata lill-klijenti minn qabel, il-konferma tal-kuntratt bil-miktub, l-irtirar minn kuntratt, il-konsenja tal-oġġetti, obbligi speċifiċi oħrajn

7.il-prodotti difettużi: id-drittijiet u l-garanziji tal-konsumatur, ir-responsabbiltajiet ta’ wara l-bejgħ, il-mezzi ta’ rimedju għal parti li ssofri dannu

8.iċ-ċertifikazzjoni, it-tikketti (EMAS, it-tikketti tal-enerġija, l-Ekodisinn, l-Ekotikketta tal-UE)

9.ir-riċiklaġġ u l-ġestjoni tal-iskart

AE.Servizzi

1.il-kisba ta’ liċenzji, awtorizzazzjonijiet jew permessi għall-bidu u l-operat ta’ persuna ġuridika għajr negozju

2.in-notifika lill-awtoritajiet dwar attivitajiet transfruntiera

3.ir-rikonoxximent tal-kwalifiki professjonali, inkluż l-edukazzjoni u t-taħriġ vokazzjonali

AF.Il-finanzjament ta’ persuna ġuridika għajr negozju

1.il-kisba ta’ aċċess għal finanzjament fil-livell tal-Unjoni, inklużi l-programmi ta’ finanzjament u l-għotjiet tal-Unjoni

2.il-kisba ta’ aċċess għal finanzjament fil-livell nazzjonali

3.inizjattivi indirizzati lill-persuni ġuridiċi għajr negozju (skambji, programmi ta’ mentoraġġ, eċċ.)

AG.Kuntratti pubbliċi

1.il-parteċipazzjoni f’offerti pubbliċi: regoli u proċeduri

2.il-preżentazzjoni ta’ offerta online bi tweġiba għal sejħa għall-offerti pubblika

3.ir-rapportar ta’ irregolaritajiet fir-rigward tal-proċess ta’ sejħiet għall-offerti

AH.Saħħa u sikurezza fuq ix-xogħol

1.l-obbligi dwar is-saħħa u s-sikurezza fir-rigward ta’ tipi differenti ta’ attività, inklużi l-prevenzjoni tar-riskji, l-informazzjoni u t-taħriġ”

[Em. 5]