(2)Chun foráil a dhéanamh maidir le feidhmiú rianúil agus éifeachtach an tsásra comhair agus réitigh díospóidí dá bhforáiltear in Airteagail 60 agus 65 de Rialachán (AE) 2016/679, is gá rialacha a leagan síos maidir le stiúradh imeachtaí ag na húdaráis mhaoirseachta i gcásanna trasteorann, agus ag an mBord le linn réiteach díospóidí, lena n-áirítear gearáin trasteorann a láimhseáil. Is gá freisin, ar an gcúis sin, rialacha a leagan síos maidir le feidhmiú an chirt éisteacht a fháil ó na páirtithe sula nglacfaidh údaráis mhaoirseachta agus, de réir mar a bheidh, an Bord cinntí. Is é is aidhm don Rialachán seo, ar an gcaoi sin, an ceart chun dea-riaracháin a chosaint mar a chumhdaítear in Airteagal 41 de Chairt um Chearta Bunúsacha an Aontais Eorpaigh (an ‘Chairt’). Chun an cuspóir sin a bhaint amach, agus forálacha an Rialacháin seo á gcur i bhfeidhm, ba cheart do na húdaráis cosanta sonraí uile gníomhú ar bhealach neamhchlaonta agus neamhspleách agus i gcomhréir leis an smacht reachta, mar a chumhdaítear in Airteagal 2 den Chonradh ar an Aontas Eorpach.

(3)Is foinse bhunriachtanach faisnéise iad gearáin chun sáruithe ar rialacha cosanta sonraí a bhrath. Tá gá le nósanna imeachta soiléire agus éifeachtúla a shainiú chun gearáin a láimhseáil i gcásanna trasteorann ós rud é go bhféadfaidh údarás maoirseachta déileáil leis an ngearán seachas an t-údarás lenar taisceadh an gearán. Chuige sin, moltar gur cheart sásra éifeachtúil cumarsáide idir na húdaráis mhaoirseachta a chruthú le húsáid ionas go n-éascófar comhroinnt thapa agus shlán na faisnéise is gá chun gearáin a réiteach i gcomhréir le rialacha cosanta sonraí.

(4)Chun go mbeidh gearán inghlactha, ba cheart faisnéis shonraithe áirithe a bheith ann faoin sárú líomhnaithe, cibé acu an sárú leanúnach nó roimhe seo é. Níor cheart gur forais leordhóthanacha é scor an tsáraithe chun diúltú do ghearán. Dá bhrí sin, chun cabhrú le gearánaigh na fíorais is gá a chur faoi bhráid na n-údarás maoirseachta, ba cheart teimpléad gearáin a chur ar fáil. Níor cheart an fhaisnéis a shonraítear ar an teimpléad a éileamh ach amháin i gcásanna de phróiseáil trasteorann de réir bhrí Rialachán (AE) 2016/679 cé go bhféadfadh údaráis mhaoirseachta an fhoirm a úsáid i gcásanna nach mbaineann le próiseáil trasteorann. Is féidir an fhaisnéis a sheoladh isteach go leictreonach nó tríd an bpost. Níor cheart aon fhaisnéis bhreise a éileamh chun go measfaí gearán a bheith inghlactha. I gcás nach gcomhlíonann gearán na híoscheanglais, ba cheart don údarás maoirseachta é a dhiúltú agus an gearánach a chur ar an eolas faoin bhfaisnéis atá in easnamh. Is féidir leis an ngearánach ansin gearán iomlán a chur isteach arís. Cé nár cheart ceangal a bheith ar an ngearánach teagmháil a dhéanamh leis an bpáirtí atá faoi imscrúdú sula gcuirfear isteach an gearán, má bhí an gearánach i dteagmháil leis an bpáirtí atá faoi imscrúdú sular chuir sé isteach an gearán a bhaineann leis an ábhar céanna, ba cheart dó nó di an chumarsáid a bhaineann leis an teagmháil sin a chur isteach. Ba cheart d’údaráis mhaoirseachta a bheith in ann taisceadh gearán i bhformáid leictreonach atá áisiúil don úsáideoir a éascú agus aird á tabhairt ar riachtanais daoine faoi mhíchumas.

(5)Tá sé d’oibleagáid ar údaráis mhaoirseachta cinneadh a dhéanamh maidir le gearáin laistigh de thréimhse ama réasúnta. Braitheann an tréimhse ama réasúnach ar imthosca gach cáis agus, go háirithe, ar chomhthéacs an cháis, ar na céimeanna nós imeachta éagsúla a leanann an príomhúdarás maoirseachta, ar iompar na bpáirtithe le linn an nós imeachta agus ar chastacht an cháis. Ceanglaítear le hAirteagal 6 den Choinbhinsiún Eorpach um Chearta an Duine (ECHR) agus le hAirteagail 41 agus 47 den Chairt ré réasúnta fhoriomlán nósanna imeachta. Ós rud é go n-áirítear leigheasanna breithiúnacha faoi Airteagal 78 de Rialachán (AE) 2016/679 leis sin, níor cheart, de ghnáth, go dtógfadh nósanna imeachta os comhair údarás maoirseachta níos mó ná naoi mí, mura dtagann imthosca eisceachtúla chun cinn. Déantar foráil sa Rialachán seo maidir le faduithe i gcás moilleanna nó cuir isteach nach bhfuil aon smacht ag an bpríomhúdarás maoirseachta orthu. Chuige sin, ba cheart cistiú agus soláthar foirne leordhóthanach a áirithiú chun láimhseáil thráthúil agus éifeachtúil cásanna nach ndéanann difear don cheart chun dea-riaracháin a ráthú.

(6)Déanfar gach gearán a láimhseálann údarás maoirseachta de bhun Airteagal 57(1), pointe (f), de Rialachán (AE) 2016/679 a imscrúdú le gach dícheall cuí a mhéid is iomchuí agus é á chur san áireamh nach mór gach úsáid a bhainfidh an t-údarás maoirseachta as cumhachtaí a bheith éifeachtach, comhréireach agus athchomhairleach d’fhonn comhlíonadh Rialachán (AE) 2016/679 a áirithiú. Agus measúnú á dhéanamh acu ar a mhéid is iomchuí d’imscrúdú, ba cheart é a bheith mar aidhm ag údaráis mhaoirseachta réiteach sásúil a chur ar fáil don ghearánach, lena gceanglaítear imscrúdú a dhéanamh ar na gnéithe dlíthiúla agus fíorasacha ábhartha uile a eascraíonn as an ngearán, chun a áirithiú gur féidir cinneadh a dhéanamh go comhpháirteach agus gur féidir leigheas éifeachtach a thabhairt don ghearánach go tapa. Gan dochar don ghá atá le réiteach sásúil a chur ar fáil don ghearánach laistigh de thréimhse ghearr ama, ba cheart do na húdaráis mhaoirseachta imscrúdú a dhéanamh sa mhéid is gur féidir leo a dheimhniú dóibh féin an bhfuil gearán ina léiriú ar sháruithe níos tromchúisí nó níos sistéamaí, nó nach bhfuil. Tá pleanáil an nós imeachta tábhachtach chun toradh tapa a chinntiú. Níor cheart d’údaráis mhaoirseachta tagairt a dhéanamh do na cearta faoi Airteagal 79 de Rialachán (AE) 2016/679 mar chúis leis an imscrúdú ar ghearán a theorannú. Chun comhlíonadh Airteagal 47 den Chairt a áirithiú, ba cheart cinneadh inchomhairc a bheith mar thoradh ar ghearán a láimhseáil i gcónaí. Ach amháin má tharraingítear siar gearán, níor cheart go bhféadfaí gearáin a dhúnadh ná a fhoirceannadh ar shlí eile gan cinneadh is féidir a chur faoi bhráid athbhreithniú breithiúnach.

(7)Ba cheart don phríomhúdarás maoirseachta cianrochtain ar an toirt a thabhairt do na húdaráis mhaoirseachta ar cháschomhad comhpháirteach ina bhfuil doiciméid ábhartha uile an cháis, lena n-áirítear an fhaisnéis inmheánach nó rúnda uile mar aon le haistriúchán ar na doiciméid uile go dtí an teanga chomhair. Ina theannta sin, ba cheart don phríomhúdarás maoirseachta na húdaráis mhaoirseachta eile a chur ar an eolas go gníomhach faoi athruithe móra a bhféadfadh gníomhaíocht a bheith ag teastáil ina leith go luath nó aird níos mó a thabhairt orthu. Tá gá le nósanna imeachta soiléire agus éifeachtúla a shainiú freisin chun gearáin a láimhseáil i gcásanna trasteorann, ós rud é go bhféadfaidh údarás maoirseachta déileáil leis an ngearán seachas an t-údarás lenar taisceadh an gearán.

(8)Ba cheart don údarás maoirseachta inniúil cianrochtain ar an gcáschomhad comhpháirteach a thabhairt do na páirtithe, ach féadfaidh an ceart rochtana seo a shrianadh faoi chúinsí áirithe. Leis an rochtain sin, ba cheart go gceadófaí leigheas breithiúnach éifeachtach a úsáid i gcomhréir le hAirteagal 47 den Chairt.

(9)Ionas go mbeidh údaráis mhaoirseachta in ann deireadh a chur go tapa le sáruithe ar Rialachán (AE) 2016/679 agus réiteach tapa a thabhairt do ghearánaigh, ba cheart do na húdaráis mhaoirseachta a bheith in ann féachaint, i gcás inarb iomchuí, le gearáin a réiteach trí réiteach cairdiúil idir na páirtithe. Níor cheart do na húdaráis mhaoirseachta a chur faoi deara go mbeadh láimhseáil gearáin ag brath ar rannpháirtíocht i bpróiseas socraíochta cairdiúil. Ba cheart go mbeadh socraíochtaí in ann a bheith i bhfoirm conartha idir na páirtithe faoin dlí is infheidhme, ach gur cheart go mbeidís ina gceangal ar na húdaráis. Ní chuireann an fíoras gur réitíodh gearán aonair trí shocrú cairdiúil cosc ar an údarás inniúil maoirseachta cás ex officio a shaothrú, mar shampla i gcás sáruithe sistéamacha nó atriallacha ar Rialachán (AE) 2016/679. Níor cheart úsáid a bhaint as féidearthacht ex officio den sórt sin, áfach, chun cinntí maidir le gearáin a chur siar.

(10)Chun feidhmiú éifeachtach na sásraí comhair agus comhsheasmhachta i gCaibidil VII de Rialachán (AE) 2016/679 a ráthú, tá sé tábhachtach go réiteofar cásanna trasteorann ar bhealach tráthúil agus i gcomhréir le meon an chomhair dhílis agus éifeachtaigh is bonn le hAirteagal 60 de Rialachán (AE) 2016/679. Ba cheart don phríomhúdarás maoirseachta a inniúlacht a fheidhmiú faoi chuimsiú dlúthchomhair leis na húdaráis mhaoirseachta eile lena mbaineann. Ar an gcaoi chéanna, ba cheart do na húdaráis mhaoirseachta lena mbaineann páirt ghníomhach a ghlacadh san imscrúdú ag céim luath d’fhonn teacht ar chomhthoil, agus leas iomlán á bhaint as na huirlisí dá bhforáiltear le Rialachán (AE) 2016/679. Ba cheart é sin a bheith i gcomhréir le sásra ‘ionad ilfhreastail’ de Rialachán (AE) 2016/679 agus ba cheart a ráthú leis, i gcás inarb infheidhme, go gcaithfear go neamh-idirdhealaitheach le páirtithe, le deimhneacht dhlíthiúil agus le neamhspleáchas maidir le cinntí arna n-eisiúint ag na húdaráis mhaoirseachta.

(11)Tá sé thar a bheith tábhachtach go dtiocfaidh na húdaráis mhaoirseachta ar chomhthoil maidir le príomhghnéithe an cháis trí achoimre ar phríomh-shaincheisteanna agus trí bharúlacha maidir leis an achoimre sin a luaithe is féidir agus sula nglacfar an dréachtchinneadh dá dtagraítear in Airteagal 60 de Rialachán (AE) 2016/679, rud a laghdóidh líon na gcásanna a chuirtear faoi bhráid an tsásra um réiteach díospóidí in Airteagal 65 de Rialachán (AE) 2016/679 agus a áiritheoidh ar deireadh réiteach tapa ar chásanna trasteorann.

(12)Ba cheart an comhar idir údaráis mhaoirseachta a bheith bunaithe ar idirphlé oscailte lenar féidir le húdaráis mhaoirseachta lena mbaineann tionchar fóinteach a bheith acu ar chúrsa an imscrúdaithe trína dtaithí agus a dtuairimí a roinnt leis an bpríomhúdarás maoirseachta. Féadfaidh an t-údarás maoirseachta lenar taisceadh gearán nó a éilíonn gníomhaíocht ex-officio achoimre ar phríomh-shaincheisteanna a chur ar fáil do phríomhúdarás maoirseachta ina leagtar amach a réamhthuairim ar phríomh-shaincheisteanna in imscrúdú. Ba cheart don phríomhúdarás maoirseachta an achoimre dheiridh ar phríomh-shaincheisteanna a dhréachtú. Ba cheart an achoimre ar phríomh-shaincheisteanna a bheith mar chuid den cháschomhad comhpháirteach, agus ba cheart gur doiciméad beo í a thugann an príomhúdarás maoirseachta cothrom le dáta le linn an nós imeachta. Ba cheart é a chur ar fáil ag céim luath go leor chun go bhféadfaí na húdaráis mhaoirseachta lena mbaineann a chur san áireamh go héifeachtach. Ba cheart an deis a bheith ag na húdaráis mhaoirseachta lena mbaineann a mbarúlacha a chur ar fáil maidir le haon nuashonrú ar an achoimre ar phríomh-shaincheisteanna. Ba cheart do na húdaráis mhaoirseachta a bheith in ann aon díospóid a ardú leis an mBord. Ba cheart d’údaráis mhaoirseachta iarracht a dhéanamh teacht ar chomhthoil a luaithe is féidir maidir le raon feidhme an imscrúdaithe.

(13)Ar mhaithe le comhar cuimsitheach éifeachtach idir na húdaráis mhaoirseachta uile lena mbaineann agus an príomhúdarás maoirseachta, ba cheart aon doiciméad a thíolacfaidh na húdaráis mhaoirseachta lena mbaineann agus na páirtithe a bheith gonta agus an fhoclaíocht a bheith iontu i dtéarmaí atá soiléir agus beacht go leor ionas go mbeidh siad sothuigthe do na húdaráis mhaoirseachta uile. Féadfaidh na húdaráis mhaoirseachta, dá bhrí sin, a bheith in ann teorainn a chur le fad na n-aighneachtaí ó na páirtithe. Ba cheart na hargóintí dlíthiúla a ghrúpáil trí thagairt a dhéanamh don chuid den achoimre ar phríomh-shaincheisteanna lena mbaineann siad.

(14)I gcásanna nach n-ardaítear saincheisteanna conspóideacha (cásanna neamhchonspóideacha), ní gá plé forleathan idir na húdaráis mhaoirseachta chun teacht ar chomhthoil agus, dá bhrí sin, d’fhéadfaí déileáil leo ar bhealach níos tapúla. I gcás nach n-ardóidh aon cheann de na húdaráis mhaoirseachta lena mbaineann barúlacha maidir leis an achoimre ar phríomh-shaincheisteanna, ba cheart don phríomhúdarás maoirseachta an dréachtchinneadh a chur in iúl laistigh de 3 mhí ón ngéarán a fháil.

(15)Ba cheart do na húdaráis mhaoirseachta leas a bhaint as gach modh is gá chun teacht ar chomhthoil de mheon an chomhair dhílis agus éifeachtaigh. Dá bhrí sin, má tá éagsúlacht tuairime idir na húdaráis mhaoirseachta lena mbaineann agus an príomhúdarás maoirseachta maidir le raon feidhme nó saincheisteanna nós imeachta cáis, ba cheart do na húdaráis mhaoirseachta an t-ábhar a ardú go tapa leis an mBord. Ba cheart don Bhord na cinntí nós imeachta is gá a dhéanamh. Ba cheart don Bhord agus do na húdaráis mhaoirseachta féachaint leis na himeachtaí atá ar siúl a thabhairt chun críche a luaithe is féidir. Ba cheart don phríomhúdarás maoirseachta nó do cheann de na húdaráis mhaoirseachta lena mbaineann a bheith in ann cinneadh ceangailteach práinneach ón mBord a iarraidh freisin gan iarraidh a bheith déanta faoi Airteagal 61 nó faoi Airteagal 62.

scriosta

(17)Chun é a chur ar chumas an ghearánaigh a ceart nó a cheart chun leigheas breithiúnach éifeachtach a fheidhmiú faoi Airteagal 78 de Rialachán (AE) 2016/679, ba cheart cinneadh a d’fhéadfaí agóid a dhéanamh ina choinne os comhair cúirte náisiúnta a bheith mar thoradh ar láimhseáil aon ghearáin.

scriosta

(19)Is gá soiléiriú a dhéanamh ar roinnt na bhfreagrachtaí idir an príomhúdarás maoirseachta agus an t-údarás maoirseachta lenar taisceadh an gearán i gcás ina ndiúltófar gearán i gcás trasteorann. Mar phointe teagmhála don ghearánach le linn an imscrúdaithe, ba cheart don údarás maoirseachta lenar taisceadh an gearán a bheith freagrach as gach cumarsáid leis an ngearánach. Ba cheart gach cumarsáid den sórt sin a roinnt leis an bpríomhúdarás maoirseachta. Ós rud é, faoi Airteagal 60(8) agus (9) de Rialachán (AE) 2016/679, go bhfuil sé de fhreagracht ar an údarás maoirseachta lenar taisceadh an gearán an cinneadh críochnaitheach lena ndiúltaítear an gearán a ghlacadh, ar cinneadh é nach mór dó a dhlí nós imeachta náisiúnta a chomhlíonadh, ba cheart don údarás maoirseachta sin a bheith rannpháirteach freisin ag an bpríomhúdarás maoirseachta, agus an dréachtchinneadh faoi Airteagal 60(3) agus aon chinneadh críochnaitheach faoi Airteagal 60(7) go (9) de Rialachán (AE) 2016/679 á ullmhú aige.

(21)Chun coimirciú éifeachtach a dhéanamh ar an gceart chun dea-riaracháin, agus ar na cearta chun cosanta, mar a chumhdaítear sa Chairt, lena n-áirítear an ceart atá ag gach duine éisteacht a fháil, sula ndéanfar aon bheart aonair a dhéanfadh dochar dó nó di, tá sé tábhachtach foráil a dhéanamh do rialacha soiléire maidir le feidhmiú an chirt sin do gach páirtí lena mbaineann i gcás. Ba cheart an ceart a bheith ag gach páirtí diúltú don cheart chun éisteacht a fháil.

(22)Leis na rialacha maidir leis an nós imeachta riaracháin arna chur i bhfeidhm ag údaráis mhaoirseachta agus Rialachán (AE) 2016/679 á fhorfheidhmiú, ba cheart a áirithiú go mbeidh ceart éisteachta ag na páirtithe agus go mbeidh an deis ag na páirtithe a gcuid tuairimí a chur in iúl go héifeachtach maidir le fírinne agus ábharthacht na bhfíoras, na n-agóidí agus na n-imthosca a chuir an t-údarás maoirseachta chun cinn le linn an nós imeachta, rud a chuirfidh ar a gcumas a gcearta cosanta a fheidhmiú. Leagtar amach sna réamhthorthaí an réamhsheasamh maidir leis an sárú líomhnaithe ar Rialachán (AE) 2016/679 tar éis imscrúdú a dhéanamh. Dá bhrí sin, is cosaint nós imeachta bhunriachtanach iad lena n-áirithítear go n-urramaítear an ceart chun éisteacht a fháil. Ba cheart na doiciméid uile is gá a sholáthar do na páirtithe chun barúil a thabhairt go héifeachtach ar ábhair atá ábhartha don imscrúdú, trí rochtain a fháil ar an gcáschomhad comhpháirteach riaracháin.

(23)Ba cheart na réamhthorthaí a chur in iúl i dtéarmaí, fiú má tá siad gonta, go bhfuil siad sách soiléir chun a chur ar chumas na bpáirtithe cineál an tsáraithe líomhnaithe ar Rialachán (AE) 2016/679 a shainaithint i gceart. Comhlíontar an oibleagáid an fhaisnéis uile is gá a thabhairt do na páirtithe chun gur féidir leo éisteacht a fháil mura gcuireann an cinneadh críochnaitheach san áireamh ach fíorais a raibh deis ag na páirtithe a dtuairimí a chur in iúl ina leith. Ní gá, áfach, go mbeadh cinneadh críochnaitheach an phríomhúdaráis maoirseachta ina mhacasamhail de na réamhthorthaí. Ba cheart cead a bheith ag an bpríomhúdarás maoirseachta sa chinneadh críochnaitheach freagairtí na bpáirtithe ar na réamhthorthaí a chur san áireamh, agus, i gcás inarb infheidhme, an dréachtchinneadh athbhreithnithe faoi Airteagal 60(5) de Rialachán (AE) 2016/679, agus an cinneadh ón mBord lena réitítear an díospóid idir na húdaráis mhaoirseachta faoi Airteagal 65(1), pointe (a) den Rialachán sin. Ba cheart go mbeadh an príomhúdarás maoirseachta in ann a mheasúnú féin a dhéanamh ar na fíorais agus ar na cáilíochtaí dlíthiúla arna gcur chun cinn ag na páirtithe chun na hagóidí a thréigean i gcás ina gcinnfidh an t-údarás maoirseachta go bhfuil siad gan bhunús nó chun a argóintí a fhorlíonadh agus a athdhréachtú, i bhfíoras agus i ndlí araon, chun tacú leis na hagóidí atá á gcoimeád aige.

(24)Ba cheart ceart éisteachta a thabhairt do na páirtithe ag céimeanna iomchuí an nós imeachta, go háirithe sula dtíolactar dréachtchinneadh athbhreithnithe faoi Airteagal 60(5) de Rialachán (AE) 2016/679 nó sula nglacfaidh an Bord cinneadh ceangailteach de bhun Airteagal 65(1), pointe (a), de Rialachán (AE) 2016/679.

(25)Ba cheart an deis a thabhairt do ghearánaigh baint a bheith acu leis na himeachtaí arna dtionscnamh ag údarás maoirseachta d’fhonn saincheisteanna a bhaineann le sárú féideartha ar Rialachán (AE) 2016/679 a shainaithint nó a shoiléiriú. Má tá tús curtha ag údarás maoirseachta cheana féin le himscrúdú maidir le hábhar an ghearáin nó má dhéileálafaidh sé leis an ngearán in imscrúdú ex officio tar éis an gearán a fháil, ní chuireann sé sin bac ar cháilíocht an ábhair sonraí mar ghearánach.

scriosta

(27)Agus spriocdhátaí á leagan síos agus fad na n-aighneachtaí á theorannú ag páirtithe chun a dtuairimí maidir le réamhthorthaí a chur ar fáil, ba cheart d’údaráis mhaoirseachta aird a thabhairt ar chastacht na saincheisteanna a tarraingíodh anuas i réamhthorthaí, chomh maith le cumas na bpáirtithe atá faoi imscrúdú agus na ngearánach freagra a thabhairt, chun a áirithiú go mbeidh deis leordhóthanach ag na páirtithe a dtuairimí a chur ar fáil go fóinteach maidir leis na saincheisteanna a tarraingíodh anuas. Níor cheart nósanna imeachta atá rófhada a bheith mar thoradh air sin, áfach.

scriosta

(29)Ar mhaithe leis an nós imeachta um réiteach díospóidí a thabhairt i gcrích go héifeachtúil agus go hionchuimsitheach, i gcás inar cheart go mbeadh na húdaráis mhaoirseachta uile in ann a dtuairimí a thabhairt agus aird á tabhairt ar na srianta ama le linn réiteach díospóidí, ba cheart go gcomhlíonfadh foirm agus struchtúr na n-agóidí ábhartha réasúnaithe ceanglais áirithe. Dá bhrí sin, ba cheart go sainaithneofaí go soiléir le hagóidí ábhartha agus réasúnaithe an t-easaontas leis an dréachtchinneadh agus ba cheart an fhoclaíocht a bheith iontu i dtéarmaí atá soiléir, comhleanúnach agus beacht go leor.

(30)Féadfaidh foráil a dhéanamh maidir le rochtain ar an gcáschomhad comhpháirteach de mheon den cheart chun dea-riaracháin atá cumhdaithe sa Chairt. Ba cheart rochtain ar an gcáschomhad comhpháirteach a thabhairt do na páirtithe. Féadfar rochtain na bpáirtithe ar an gcáschomhad comhpháirteach a theorannú arna iarraidh sin do pháirtí chun a gcearta atá aitheanta go dlíthiúil nó cearta daoine eile a chosaint, nó ar mhaithe le leas an phobail. Ní mór teorannú den sórt sin a bheith comhréireach i bhfianaise na gceart aitheanta faoi seach atá ag daoine eile nó i bhfianaise leas an phobail.

(31)Agus rochtain á tabhairt acu ar an gcáschomhad comhpháirteach, ba cheart do na húdaráis mhaoirseachta a áirithiú go gcosnófar rúin ghnó agus faisnéis rúnda eile faoi chosaint an dlí agus faisnéis a chosaint ar mhaithe le leas an phobail i gcomhréir le dlí náisiúnta is infheidhme. Áirítear i gcatagóir faisnéise rúnda eile faisnéis seachas rúin ghnó, a bhféadfaí a mheas gur faisnéis rúnda í, a mhéid a dhéanfadh nochtadh na faisnéise sin dochar suntasach do rialaitheoir, do phróiseálaí nó do dhuine nádúrtha nó dlítheanach. Ba cheart do na húdaráis mhaoirseachta a bheith in ann a iarraidh ar pháirtithe atá faoi imscrúdú a thíolacann nó a thíolaic doiciméid nó ráitis faisnéis rúnda a shainaithint agus leagan neamhrúnda a chur ar fáil.

(33)Agus ábhar á tharchur chuig réiteach díospóidí faoi Airteagal 65 de Rialachán (AE) 2016/679, ba cheart don phríomhúdarás maoirseachta an fhaisnéis uile is gá a sholáthar don Bhord chun a chur ar a chumas measúnú a dhéanamh ar inghlacthacht agóidí ábhartha réasúnaithe agus an cinneadh a dhéanamh de bhun Airteagal 65(1), pointe (a), de Rialachán (AE) 2016/679. A luaithe a gheobhaidh an Bord na doiciméid uile is gá a, ba cheart don Bhord tarchur an ábhair a chlárú i gcomhréir le hAirteagal 65(2) de Rialachán (AE) 2016/679.

(34)Ba cheart baint a bheith ag cinneadh ceangailteach an Bhoird faoi Airteagal 65(1), pointe (a), de Rialachán (AE) 2016/679 go heisiach le hábhair as ar eascair an réiteach díospóide agus ba cheart é a dhréachtú i dteanga shoiléir bheacht, rud a chuirfidh ar chumas an phríomhúdaráis mhaoirseachta a chinneadh críochnaitheach a ghlacadh ar bhonn chinneadh an Bhoird.

(36)Chun cuíchóiriú a dhéanamh ar an nós imeachta maidir le tuairimí práinneacha agus cinntí ceangailteacha práinneacha ón mBord a ghlacadh faoi Airteagal 66(2) de Rialachán (AE) 2016/679, is gá rialacha nós imeachta a shonrú maidir le huainiú na hiarrata ar thuairim phráinneach nó ar chinneadh ceangailteach práinneach, maidir leis na doiciméid atá le cur faoi bhráid an Bhoird agus ar cheart don Bhord a chinneadh a bhunú orthu, maidir le cé chuige ar cheart tuairim nó cinneadh an Bhoird a chur, agus maidir le hiarmhairtí thuairim nó chinneadh an Bhoird. Ba cheart gach beart féideartha laistigh de chumhachtaí na n-údarás maoirseachta, de bhun Airteagal 58 den Rialachán sin, a áireamh sna bearta sealadacha, de bhun Airteagal 66(1) de Rialachán (AE) 2016/679.

(38)Chuathas i gcomhairle leis an Maoirseoir Eorpach ar Chosaint Sonraí agus leis an mBord Eorpach um Chosaint Sonraí i gcomhréir le hAirteagal 42(2) de Rialachán (AE) 2018/1725 agus thug siad tuairim chomhpháirteach an 19 Meán Fómhair 2023,

Airteagal 1

Ábhar agus raon feidhme

Leagtar síos leis an Rialachán seo rialacha nós imeachta maidir le gearáin a láimhseáil agus maidir le himscrúduithe a dhéanamh i gcásanna atá bunaithe ar ghearáin agus ex officio ag údaráis mhaoirseachta aon uair a bheidh údaráis mhaoirseachta ó níos mó ná Ballstát amháin rannpháirteach sa chás, chomh maith le rialacha nós imeachta maidir le leigheasanna breithiúnacha gaolmhara.

(1)ciallaíonn ‘páirtí atá faoi imscrúdú’ an rialaitheoir nó na rialaitheoirí agus/nó an próiseálaí nó na próiseálaithe a ndearnadh gearán fúthu i leith sárú líomhnaithe ar Rialachán (AE) 2016/679, nó a ndearnadh imscrúdú air ina leith, chomh maith lena n-ionadaí nó lena n-ionadaithe;

(2)ciallaíonn ‘achoimre ar phríomh-shaincheisteanna’ an achoimre atá le cur ar fáil ag an bpríomhúdarás maoirseachta do na húdaráis mhaoirseachta lena mbaineann ina sainaithnítear na príomh-shaincheisteanna ábhartha fíorasacha agus dlí laistigh de réamhraon feidhme an imscrúdaithe agus tuairimí fíorasacha agus dlí an phríomhúdaráis maoirseachta maidir leis an gcás;

(3)ciallaíonn ‘réamhthorthaí’ an doiciméad arna sholáthar ag an bpríomhúdarás maoirseachta do na páirtithe ina leagtar amach na líomhaintí, na fíorais ábhartha, an fhianaise thacaíochta, anailís dhlíthiúil, agus, i gcás inarb infheidhme, na bearta ceartaitheacha atá beartaithe;

1.Maidir le gearán faoi réir an Rialacháin seo, soláthrófar an fhaisnéis a cheanglaítear sa teimpléad, mar a leagtar amach san Iarscríbhinn.

2.Laistigh de 3 seachtaine tar éis dó inghlacthacht an ghearáin a admháil, déanfaidh an t-údarás maoirseachta lenar taisceadh an gearán an méid seo a leanas, de bhun mhír 1b:

scriosta

scriosta

scriosta

scriosta

II Gearáin agus nósanna imeachta ex officio

Gearáin a láimhseáil

1. Agus measúnú á dhéanamh ar a mhéid is cuí ar cheart gearán a imscrúdú i ngach cás féachfaidh an príomhúdarás maoirseachta leis an méid seo a leanas a áirithiú:

(a)leigheas éifeachtach agus tráthúil a chur ar fáil don ghearánach;

(b)imscrúdú ar na heilimintí ábhartha fíorasacha agus dlíthiúla is gá chun an gearán a chinneadh go comhpháirteach agus chun cinneadh a eisiúint faoi Airteagal 60(7), (8) agus (9) de Rialachán (AE) 2016/679;

(c)imscrúdú ar aon eilimintí eile is gá chun Rialachán (AE) 2016/679 a fhorfheidhmiú go héifeachtúil, lena n-áirítear feidhmiú ex officio cumhachtaí de bhun Airteagal 58(2), Airteagal 83 nó Airteagal 84 de Rialachán (AE) 2016/679, go háirithe i gcás sáruithe sistéamacha, tromchúiseacha nó atriallacha.

1.Féadfar gearán a réiteach trí shocrú cairdiúil idir an gearánach agus an páirtí atá faoi imscrúdú ag céim ar bith de na himeachtaí. Féadfaidh an t-údarás fála gearáin nó an príomhúdarás maoirseachta an próiseas deonach sin a spreagadh agus a éascú.

scriosta

Comhar faoi Airteagal 60 de Rialachán (AE) 2016/679 agus le húdaráis ábhartha eile

scriosta

1.Tabharfaidh an príomhúdarás maoirseachta cianrochtain láithreach, neamhshrianta agus leanúnach do na húdaráis mhaoirseachta eile lena mbaineann ar an gcáschomhad iomlán comhpháirteach, agus áireoidh sé sa cháschomhad comhpháirteach an fhaisnéis ábhartha uile, go háirithe doiciméid, aighneachtaí, meamraim agus faisnéis eile a bhaineann leis an gcás laistigh de sheachtain amháin tar éis iad a thabhairt ar aird nó a fháil.

2.Soláthróidh an príomhúdarás maoirseachta faisnéis ábhartha de réir bhrí Airteagal 60(1) agus (3) den Rialachán sin go gníomhach do na húdaráis mhaoirseachta eile lena mbaineann agus, i gcás inar gá maidir le réiteach díospóidí de réir Airteagal 65 de Rialachán (AE) 2016/679, don Bhord, laistigh de sheachtain amháin tar éis dó í a tháirgeadh nó a fháil. Cumhdóidh an fhaisnéis sin faisnéis maidir le mórchéimeanna sa nós imeachta, lena n-áirítear i gcás inarb infheidhme:

(a)faisnéis maidir le himscrúdú ex officio nó nós imeachta gearán a oscailt;

(e)an achoimre ar na príomh-shaincheisteanna a eisiúint nó a thabhairt cothrom le dáta in imscrúdú i gcomhréir le hAirteagal 9;

(f)faisnéis a bhaineann le céimeanna arb é is aidhm dóibh sárú ar Rialachán (AE) 2016/679 a shuíomh sula n-ullmhaítear na réamhchinntí agus sula n-ullmhaítear an dréachtchinneadh;

(i)tuairimí an ghearánaigh ar an leagan neamhrúnda de na réamhthorthaí agus, más infheidhme, gnéithe eile den imscrúdú ar ina leith a rinne an gearánach aighneachtaí foirmiúla i scríbhinn;

1.Laistigh de 4 seachtaine tar éis dó gearán a fháil, nó iarraidh a fháil nós imeachta ex officio a oscailt, dréachtóidh an príomhúdarás maoirseachta achoimre ar na príomh-shaincheisteanna a mheastar is gá a chinneadh chun an cás a chinneadh, chun críche an chomhair faoi Airteagal 60(1) de Rialachán (AE) 2016/679, agus cuirfidh sé an achoimre sin ar fáil do na húdaráis mhaoirseachta lena mbaineann. Déanfar an achoimre a dhréachtú ar bhealach neamhchlaonta, agus aon fhíorais agus argóintí éagsúla á gcur san áireamh. Agus cás á aistriú chuig an bpríomhúdarás maoirseachta de bhun Airteagal 3(2), pointe (c), pointe (i), féadfaidh an t-údarás maoirseachta lena mbaineann dréacht d’achoimre ar na príomh-shaincheisteanna a sholáthar, nach mbeidh ina cheangal ar an bpríomhúdarás maoirseachta.

(a)na fíorais ábhartha;

(b)réamh-shainaithint raon feidhme an imscrúdaithe, go háirithe forálacha Rialachán (AE) 2016/679 lena mbaineann an sárú líomhnaithe, agus, i gcás inarb infheidhme, léiriú má dhealraíonn sé go ndearnadh sárú orthu;

(c)réamh-mheasúnuithe fíorasacha nó dlíthiúla, a dhéileálann leis na tuairimí ábhartha uile arna gcur in iúl ag páirtithe agus an achoimre á dréachtú, lena n-áirítear cásdlí ábhartha Eorpach, chomh maith le treoirlínte, moltaí agus dea-chleachtais arna n-eisiúint ag an mBord;

3.Féadfaidh na húdaráis mhaoirseachta lena mbaineann barúlacha fíorasacha nó dlí a thabhairt maidir leis an achoimre ar phríomh-shaincheisteanna. Ní mór na barúlacha sin a chur ar fáil laistigh de 4 seachtaine ón achoimre ar phríomh-shaincheisteanna nó aon nuashonrú a dhéantar orthu a fháil, i gcomhréir le hAirteagal 60 de Rialachán (AE) 2016/679.

scriosta

scriosta

6.I gcásanna nár chuir aon cheann de na húdaráis mhaoirseachta lena mbaineann barúlacha ar fáil faoi mhír 3 den Airteagal seo a thugann dúshlán don achoimre ar phríomh-shaincheisteanna nó a ardaíonn ceisteanna tábhachtacha fíorasacha nó dlí eile, measfar gur cásanna neamhchonspóideacha iad. I gcásanna den sórt sin, 3 mhí a bheidh sa spriocdháta chun dréachtchinneadh a eisiúint dá dtagraítear in Airteagal 4(1b).

Comhar le húdaráis ábhartha eile

1.Cuirfidh údarás maoirseachta lena mbaineann iarraidh faoi bhráid an phríomhúdaráis maoirseachta faoi Airteagal 61 nó Airteagal 62 de Rialachán (AE) 2016/679 nó an dá rud, i gcás, tar éis barúlacha na n-údarás maoirseachta lena mbaineann de bhun Airteagal 9(3) a fháil, nach n-aontaíonn údarás maoirseachta lena mbaineann le measúnú an phríomhúdaráis maoirseachta maidir leis an méid seo a leanas:

(b)réamhmheasúnuithe fíorasacha nó dlí arna sainaithint ag an bpríomhúdarás maoirseachta de bhun Airteagal 9(2), pointe (c);

scriosta

3.I gcásanna nach dtagann faoi Airteagal 9(6) den Rialachán seo, déanfaidh an príomhúdarás maoirseachta imscrúdú ar fhíorais atá ábhartha do thuairimí éagsúla agus rachaidh sé i dteagmháil leis na húdaráis mhaoirseachta lena mbaineann, agus a dhícheall á dhéanamh aige, ar bhonn a mbarúlacha maidir leis an achoimre ar phríomh-shaincheisteanna, agus, i gcás inarb infheidhme, mar fhreagairt ar iarrataí faoi Airteagail 61 agus 62 de Rialachán (AE) 2016/679, chun teacht ar chomhthoil. Bainfear úsáid as an gcomhthoil mar bhonn chun go leanfaidh an príomhúdarás maoirseachta den imscrúdú agus chun na réamhthorthaí a dhréachtú.

4.Más rud é, laistigh de 4 seachtaine tar éis dhul in éag na sprioc-amanna le haghaidh barúlacha, nach ngineann an nós imeachta dá bhforáiltear i mír 3 den Airteagal seo comhthoil idir an príomhúdarás maoirseachta agus ceann amháin nó níos mó de na húdaráis mhaoirseachta lena mbaineann maidir leis na hábhair dá dtagraítear in Airteagal 9(2), iarrfaidh an príomhúdarás maoirseachta nó údarás maoirseachta lena mbaineann cinneadh nós imeachta ón mBord faoi Airteagal 26a den Rialachán seo.

5.Agus cinneadh nós imeachta ón mBord á iarraidh aige de bhun mhír 4 den Airteagal seo, cuirfidh an t-údarás maoirseachta iarrthach an méid seo a leanas ar fáil:

(a)an fhaisnéis ábhartha dá dtagraítear in Airteagal 9(2), lena n-áirítear aon nuashonrú nuair a tharlaíonn siad;

(b)barúlacha na n-údarás maoirseachta lena mbaineann nach n-aontaíonn le réamh-shainaithint an phríomhúdaráis maoirseachta ar raon feidhme an imscrúdaithe nó le measúnú fíorasach nó dlíthiúil ar eilimintí na hachoimre ar phríomh-shaincheisteanna dá dtagraítear in Airteagal 9(2);

6.Glacfaidh an Bord cinneadh ceangailteach práinneach maidir leis an achoimre ar na príomh-shaincheisteanna nó maidir le síneadh a chur leis an tréimhse dá dtagraítear i mír 4, i gcomhréir le hAirteagal 26a, ar bhonn na ndoiciméad uile a gheofar.

scriosta

scriosta

scriosta

Cinntí atá dírithe ar pháirtithe atá faoi imscrúdú

Réamhthorthaí agus an ceart éisteacht a fháil

1.Tar éis na gcomhairliúchán agus na nósanna imeachta faoi Airteagail 9 agus 10 den Rialachán seo, i gcás ina bhfuil sé beartaithe ag an bpríomhúdarás maoirseachta dréachtchinneadh a chur faoi bhráid na n-údarás maoirseachta eile lena mbaineann de réir bhrí Airteagal 60(3) de Rialachán (AE) 2016/679, dréachtóidh sé réamhthorthaí.

Cuirfear i láthair sna réamhthorthaí líomhaintí a ardaíodh ar bhealach uileghabhálach agus soiléir go leor chun a chur ar chumas na bpáirtithe atá faoi imscrúdú aird a thabhairt ar an iompar arna imscrúdú ag an bpríomhúdarás maoirseachta. Go háirithe, déanfaidh siad na fíorais uile, lena n-áirítear an fhianaise ar fad ar a bhfuiltear ag brath a liostú, agus an measúnú dlíthiúil iomlán a ardaíodh i gcoinne na bpáirtithe atá faoi imscrúdú a leagan amach go soiléir, ionas go n-éistfear leo agus gur féidir leo a dtuairimí a chur in iúl maidir leis na fíorais agus na conclúidí dlíthiúla a bhfuil sé ar intinn ag an bpríomhúdarás maoirseachta feidhm a bhaint astu sa dréachtchinneadh de réir bhrí Airteagal 60(3) de Rialachán (AE) 2016/679, agus an fhianaise ar fad ar a bhfuil sé ag brath a liostú.

Léireofar sna réamhthorthaí na bearta ceartaitheacha a ndearna an príomhúdarás maoirseachta a mheas.

I gcás ina smaoiníonn an príomhúdarás maoirseachta ar fhíneáil a fhorchur, liostóidh sé sna réamhthorthaí na heilimintí ábhartha ar a bhfuil sé i gceist aige brath orthu chun a chinneadh an bhforchuirfidh sé fíneáil riaracháin agus chun an fhíneáil a ríomh. Go háirithe, liostóidh an príomhúdarás maoirseachta na fíorais agus na hábhair dlí fhíor-riachtanacha a bhféadfadh forchur na fíneála agus na n-eilimintí a liostaítear in Airteagal 83(2) de Rialachán (AE) 2016/679 a bheith mar thoradh orthu, lena n-áirítear aon tosca géaraitheacha nó maolaitheacha a chuirfidh sé san áireamh.

3.Tabharfaidh an príomhúdarás maoirseachta fógra faoi réamhthorthaí do gach ceann de na páirtithe atá faoi imscrúdú a fhéadfaidh a bheith faoi réir feidhmiú cumhachta ceartaithí, agus don údarás maoirseachta ar taisceadh an gearán leis agus do na húdaráis mhaoirseachta lena mbaineann. Tabharfaidh an t-údarás maoirseachta lenar taisceadh an gearán fógra don ghearánach faoi na réamhthorthaí.

scriosta

scriosta

6.Féadfaidh na páirtithe atá faoi imscrúdú, ina bhfreagra i scríbhinn ar réamhthorthaí, na fíorais agus na hargóintí dlíthiúla ar fad atá ar eolas acu agus atá ábhartha dá gcosaint i gcoinne líomhaintí an phríomhúdaráis maoirseachta a leagan amach. Cuirfidh siad i gceangal aon doiciméad ábhartha mar chruthúnas ar na fíorais a leagtar amach. Ní dhéileálfaidh an príomhúdarás maoirseachta, ina dhréachtchinneadh, ach amháin le líomhaintí, lena n-áirítear na fíorais agus an measúnú dlíthiúil bunaithe ar na fíorais sin, ar tugadh deis do na páirtithe a dtuairimí a thabhairt ina leith.

scriosta

Dréachtchinntí agus dréachtchinntí athbhreithnithe a thíolacadh agus glacadh an chinnidh chríochnaithigh

Tar éis dó an dréachtchinneadh a chur faoi bhráid na n-údarás maoirseachta lena mbaineann de bhun Airteagal 60(3) de Rialachán (AE) 2016/679 agus i gcás nach ndearna aon cheann de na húdaráis mhaoirseachta lena mbaineann agóid i gcoinne an dréachtchinnidh laistigh de na tréimhsí dá dtagraítear in Airteagal 60(4) agus (5) de Rialachán (AE) 2016/679,déanfaidh an príomhúdarás maoirseachta, laistigh de 4 seachtaine ó dheireadh na dtréimhsí dá dtagraítear in Airteagal 60(4) agus (5) de Rialachán (AE) 2016/679, a chinneadh faoi Airteagal 60(7) agus Airteagal 60(9) de Rialachán (AE) 2016/679 a ghlacadh agus tabharfaidh sé fógra ina leith do phríomhbhunaíocht nó bunaíocht aonair an rialaitheora nó an phróiseálaithe, de réir mar a bheidh, agus cuirfidh sé na húdaráis mhaoirseachta lena mbaineann agus an Bord ar an eolas faoin gcinneadh atá i gceist, lena n-áirítear achoimre ar na fíorais agus na forais ábhartha.

scriosta

(a)beidh siad bunaithe ar ghnéithe fíorasacha a áirítear sa dréachtchinneadh, nó ar an bhfianaise sa cháschomhad comhpháirteach nó ar aon fhianaise bhreise a thíolacfar in éineacht leis an agóid ábhartha réasúnaithe;

(b)gan raon feidhme an cháis mar a shainítear sa leagan is déanaí den achoimre ar na príomh-shaincheisteanna a athrú; agus

scriosta

scriosta

Tarchur chuig réiteach díospóidí faoi Airteagal 65(1)(a) de Rialachán (AE) 2016/679

1.Mura leanann an príomhúdarás maoirseachta na hagóidí ábhartha réasúnaithe nó má tá sé den tuairim nach bhfuil na hagóidí ábhartha ná réasúnaithe, cuirfidh sé an t-ábhar faoi bhráid an tsásra um réiteach díospóidí a leagtar amach in Airteagal 65 de Rialachán (AE) 2016/679, laistigh de 4 seachtaine tar éis dó na hagóidí ábhartha agus réasúnaithe uile a fháil nó tar éis dhul in éag an amlíne de bhun Airteagal 60(4) de Rialachán (AE) 2016/679. Ní chuirfear san áireamh agóidí ábhartha agus réasúnaithe arna bhfáil tar éis an spriocdháta.

2.Agus an t-ábhar á tharchur chuig réiteach díospóidí, cuirfidh an príomhúdarás maoirseachta gach ceann de na nithe seo a leanas ar fáil don Bhord:

(b)achoimre ar na fíorais ábhartha, lena n-áirítear cur síos ar na gníomhaíochtaí próiseála, cur síos ar eagraíocht an rialaitheora agus an áit ina ndéantar na cinntí ábhartha maidir le críocha agus modhanna phróiseáil na sonraí pearsanta;

(d)tuairimí arna thabhairt i scríbhinn ag na páirtithe, de bhun Airteagal 14;

scriosta

(f)na hagóidí ábhartha agus réasúnaithe nár lean an príomhúdarás maoirseachta, agus na hagóidí ar dhiúltaigh an príomhúdarás maoirseachta dóibh toisc nach raibh siad ábhartha ná réasúnaithe;

(g)na cúiseanna ar ar a mbonn nár lean an príomhúdarás maoirseachta na hagóidí nó a dhiúltaigh sé toisc nach raibh na hagóidí ábhartha ná réasúnaithe;

3.Cláróidh an Bord ábhar atá á chur faoi bhráid an tsásra um réiteach díospóidí laistigh de 2 sheachtain tar éis dó na doiciméid uile a liostaítear i mír 2 a fháil nó iarrfaidh sé ath-thíolacadh ina n-áireofar aon fhaisnéis atá in easnamh laistigh de sheachtain eile. Agus an t-ábhar á chlárú aige, déanfaidh an Bord na díospóidí idir na húdaráis mhaoirseachta atá mar raon feidhme an nós imeachta a liostú agus a struchtúrú os comhair an Bhoird, agus cuirfidh sé ar fáil do gach údarás maoirseachta iad láithreach.

scriosta

scriosta

scriosta

(c)tuairimí an údaráis mhaoirseachta a tharchuireann an t-ábhar nó tuairimí an Choimisiúin i dtaobh, de réir mar a bheidh, an raibh sé de cheangal ar údarás maoirseachta an dréachtchinneadh a chur in iúl don Bhord de bhun Airteagal 64(1) de Rialachán (AE) 2016/679, nó nár lean údarás maoirseachta tuairim ón mBord arna heisiúint de bhun Airteagal 64 de Rialachán (AE) 2016/679, lena n-áirítear míniú ar na pointí nár leanadh agus tagairt don chuid ábhartha den chinneadh arna ghlacadh.

3.Cláróidh Cathaoirleach an Bhoird an tarchur tráth nach déanaí ná seachtain amháin tar éis na doiciméid uile dá dtagraítear i míreanna 1 agus 2 a fháil.

(a)achoimre ar na fíorais ábhartha, lena n-áirítear fianaise ar shárú ar Rialachán (AE) 2016/679;

(b)tuairisc ar an mbeart sealadach a glacadh ar chríoch Bhallstát an údaráis mhaoirseachta a d’iarr an tuairim, a fhad agus na cúiseanna lena ghlacadh, lena n-áirítear an bonn cirt leis an ngéarghá a bhaineann le gníomhú chun cearta agus saoirsí na n-ábhar sonraí a chosaint;

(c)bonn cirt leis an ngéarghá atá le bearta críochnaitheacha, lena n-áirítear míniú ar chineál eisceachtúil na n-imthosca lena gceanglaítear go nglacfar na bearta lena mbaineann.

2.Díreofar tuairim phráinneach an Bhoird chuig na húdaráis mhaoirseachta uile. Beidh sé cosúil le tuairim de réir bhrí Airteagal 64(1) de Rialachán (AE) 2016/679 agus cuirfidh sé ar chumas na n-údarás an beart sealadach a choinneáil nó a leasú i gcomhréir le hoibleagáidí Airteagal 64(7) de Rialachán (AE) 2016/679.

Cinntí práinneacha ceangailteacha faoi Airteagal 66(2) de Rialachán (AE) 2016/679

1.Déanfar iarraidh ar chinneadh ceangailteach práinneach ón mBord de bhun Airteagal 66(2) de Rialachán (AE) 2016/679 tráth nach déanaí ná 3 seachtaine tar éis ghlacadh na mbeart sealadach arna nglacadh faoi Airteagail 61(8), 62(7) nó 66(1) de Rialachán (AE) 2016/679. Beidh gach ceann de na nithe seo a leanas san iarraidh sin:

(a)achoimre ar na fíorais ábhartha, lena n-áirítear fianaise ar shárú ar Rialachán (AE) 2016/679;

(b)an beart sealadach a glacadh ar chríoch Bhallstát an údaráis mhaoirseachta a d’iarr an cinneadh, fad an chinnidh sin agus na cúiseanna lena ghlacadh, go háirithe an bonn cirt leis an ngéarghá a bhaineann le gníomhú chun cearta agus saoirsí na n-ábhar sonraí a chosaint;

(c)faisnéis faoi aon bhearta imscrúdaitheacha a rinneadh ar a chríoch féin agus freagraí a fuarthas ó na páirtithe atá faoi imscrúdú nó aon fhaisnéis eile atá i seilbh an údaráis mhaoirseachta iarrthaigh;

(d)bonn cirt maidir leis an ngéarghá atá le bearta críochnaitheacha a ghlacadh, agus aird á tabhairt ar chineál eisceachtúil na n-imthosca lena gceanglaítear an beart críochnaitheach a ghlacadh, nó cruthúnas gur mhainnigh údarás maoirseachta an fhaisnéis a iarradh faoi Airteagal 61(5) de Rialachán (AE) 2016/679 a sholáthar nó gur mhainnigh sé freagra a thabhairt ar iarraidh de bhun Airteagal 61(8) nó 62(2) de Rialachán (AE) 2016/679;

(f)i gcás ina bhfuil siad ar fáil, tuairimí na bpáirtithe. Sa chás nach é an t-údarás iarrthach an príomhúdarás maoirseachta, deonóidh an t-údarás iarrthach an ceart chun éisteacht a fháil do na páirtithe atá faoi imscrúdú a ndearnadh bearta sealadacha ina leith de bhun Airteagal 66(1) de Rialachán (AE) 2016/679.

2.Díreofar an cinneadh ceangailteach práinneach dá dtagraítear i mír 1 chuig an bpríomhúdarás maoirseachta agus chuig na húdaráis mhaoirseachta uile lena mbaineann agus sonrófar ann na húdaráis mhaoirseachta ar ghá dóibh bearta críochnaitheacha a ghlacadh, más infheidhme, i bhfianaise thuairim phráinneach nó chinneadh práinneach an Bhoird de bhun Airteagal 66(2) de Rialachán (AE) 2016/679.

3.I gcás ina nglacfaidh an Bord cinneadh ceangailteach práinneach lena léirítear gur cheart bearta críochnaitheacha a ghlacadh, glacfaidh an t-údarás maoirseachta nó na húdaráis mhaoirseachta ar a ndírítear an cinneadh na bearta sin sula rachaidh na bearta sealadacha arna nglacadh faoi Airteagal 66(1) de Rialachán (AE) 2016/679 in éag.

4.Tabharfaidh údarás maoirseachta atá freagrach as bearta críochnaitheacha a ghlacadh fógra faoina chinneadh maidir leis na bearta críochnaitheacha do na páirtithe atá faoi imscrúdú agus cuirfidh sé an Bord ar an eolas. I gcás nach é an príomhúdarás maoirseachta an t-údarás iarrthach, cuirfidh an t-údarás iarrthach na páirtithe atá faoi imscrúdú, ar glacadh na bearta sealadacha ina gcoinne, ar an eolas faoi chinneadh an Bhoird agus faoi na bearta críochnaitheacha arna nglacadh ag an bpríomhúdarás maoirseachta. Cuirfidh an t-údarás maoirseachta a fhaigheann gearáin an gearánach ar an eolas faoi chinneadh an Bhoird agus faoi na bearta críochnaitheacha arna nglacadh ag an bpríomhúdarás maoirseachta.

scriosta

Beidh feidhm ag Caibidlí I, II agus III maidir le himscrúduithe ex officio a osclaítear tar éis theacht i bhfeidhm an Rialacháin seo agus maidir le himscrúduithe atá bunaithe ar ghearáin i gcás inar taisceadh an gearán tar éis theacht i bhfeidhm an Rialacháin seo.

Beidh feidhm ag Caibidlí V agus VI maidir leis na cásanna uile a chuirtear faoi bhráid réiteach díospóidí faoi Airteagal 65 agus nós imeachta práinne faoi Airteagal 66(2) agus (3) de Rialachán (AE) 2016/679 tar éis theacht i bhfeidhm an Rialacháin seo.

Teacht i bhfeidhm agus cur i bhfeidhm

1.Sainaithint an duine nó an eintitis atá ag déanamh an ghearáin

2.Sonraí teagmhála 1a

Ainm, seoladh agus aon sonraí teagmhála eile de chuid an ghearánaigh atá ar fáil, lena n-áirítear, i gcás ina dtíolactar an gearán go leictreonach, seoladh ríomhphoist.

3.Eintiteas a sáraíonn a phróiseáil ar do shonraí pearsanta Rialachán (AE) 2016/679

An fhaisnéis go léir atá i do sheilbh a sholáthar chun sainaithint an eintitis is ábhar do do ghearáin a éascú, lena n-áirítear ainm, seoladh agus aon sonraí teagmhála eile de chuid an eintitis sin.