P9_TA(2024)0218L-istabbiliment ta' sistema ta' Taxxa tal-Uffiċċju Reġistrat għall-intrapriżi mikro, żgħar u ta' daqs medju, u l-emenda tad-Direttiva 2011/16/UERiżoluzzjoni leġiżlattiva tal-Parlament Ewropew tal-10 ta' April 2024 dwar il-proposta għal direttiva tal-Kunsill li tistabbilixxi sistema ta’ Taxxa tal-Uffiċċju Reġistrat għall-intrapriżi mikro, żgħar u ta’ daqs medju, u li temenda d-Direttiva 2011/16/UE (COM(2023)0528 – C9-0340/2023 – 2023/0320(CNS))(Proċedura leġiżlattiva speċjali – konsultazzjoni)Il-Parlament Ewropew,

–wara li kkunsidra l-proposta tal-Kummissjoni lill-Kunsill (COM(2023)0528),

–wara li kkunsidra l-Artikolu 115 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0340/2023),

–wara li kkunsidra l-opinjoni motivata ppreżentata mill-Parlament Żvediż, fil-qafas tal-Protokoll Nru 2 dwar l-applikazzjoni tal-prinċipji ta’ sussidjarjetà u proporzjonalità li tiddikjara li l-abbozz ta’ att leġiżlattiv ma jimxix mal-prinċipju ta’ sussidjarjetà,

–wara li kkunsidra l-Artikolu 82 tar-Regoli ta’ Proċedura tiegħu,

–wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0064/2024),

1.Japprova l-proposta tal-Kummissjoni kif emendata;

2.Jistieden lill-Kummissjoni timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

4.Jitlob lill-Kunsill jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali.

Test propost mill-KummissjoniEmendaEmenda 1Proposta għal direttivaPremessa 1

(1)Fl-Unjoni, bħalissa ma hemm l-ebda approċċ komuni għall-komputazzjoni tal-bażi taxxabbli għan-negozji. Għalhekk, in-negozji tal-UE huma obbligati jikkonformaw mar-regoli ta’ sistemi tat-taxxa korporattiva differenti, skont l-Istat Membru li joperaw fih.

(1)Fl-Unjoni, bħalissa ma hemm l-ebda approċċ komuni għall-komputazzjoni tal-bażi taxxabbli għan-negozji meta dawn joperaw b’mod transfruntier. Għalhekk, in-negozji tal-Unjoni huma obbligati jikkonformaw mar-regoli ta’ sistemi tat-taxxa korporattiva differenti, skont l-Istat Membru li joperaw fih, u dan jikkostitwixxi ostaklu għall-intrapriżi żgħar u ta’ daqs medju (SMEs) meta jaċċessaw is-Suq Uniku. In-negozji tal-Unjoni, b’mod partikolari l-SMEs, jiffaċċjaw kostijiet ta’ konformità sinifikanti marbuta mat-tassazzjoni, minħabba n-nuqqas ta’ soluzzjoni għall-komputazzjoni tal-bażi taxxabbli tagħhom.

Emenda 2Proposta għal direttivaPremessa 2

(2)Il-koeżistenza u l-interazzjoni ta’ 27 sistema tat-taxxa korporattiva fuq l-introjtu differenti fl-Unjoni jwasslu għal kumplessità fil-konformità mar-regoli tat-taxxa u jwasslu għal kundizzjonijiet mhux ekwivalenti għan-negozji. Din is-sitwazzjoni attwali għandha impatt akbar fuq l-SMEs milli fuq kontribwenti akbar u saret aktar evidenti hekk kif il-globalizzazzjoni u d-diġitalizzazzjoni tal-ekonomija biddlu b’mod sinifikanti l-perċezzjoni tal-fruntieri u tal-mudelli ta’ negozju. It-tentattivi mill-gvernijiet sabiex jadattaw għal din ir-realtà l-ġdida rriżultaw f’rispons frammentat fost l-Istati Membri, li jwassal għal aktar distorsjonijiet fis-suq intern. Barra minn hekk, id-diversi oqfsa legali inevitabbilment iwasslu għal prattiki differenti tal-amministrazzjoni tat-taxxa fl-Istati Membri. Dan spiss jinvolvi proċeduri twal ikkaratterizzati minn nuqqas ta’ prevedibbiltà u minn inkonsistenza flimkien ma’ kostijiet għoljin tal-konformità.

(2)Il-koeżistenza u l-interazzjoni ta’ 27 sistema tat-taxxa korporattiva fuq l-introjtu differenti fl-Unjoni jwasslu għal kumplessità fil-kostijiet tal-konformità mar-regoli tat-taxxa u jwasslu għal kundizzjonijiet ekwivalenti għan-negozji li jista’ jkollhom impatt negattiv fuq l-investimenti transfruntieri u jfixklu l-iżvilupp tas-suq intern meta mqabbel ma’ dak ta’ pajjiżi terzi. Din is-sitwazzjoni attwali għandha impatt sinifikanti fuq l-SMEs u saret aktar evidenti hekk kif il-globalizzazzjoni u d-diġitalizzazzjoni tal-ekonomija biddlu b’mod sinifikanti l-perċezzjoni tal-fruntieri u tal-mudelli ta’ negozju b’mod partikolari l-iżvilupp ulterjuri tas-suq intern, li jirrikjedi li jittieħdu miżuri ulterjuri. Barra minn hekk, id-diversi oqfsa legali jwasslu għal prattiki differenti tal-amministrazzjoni tat-taxxa fl-Istati Membri. Dan spiss jinvolvi proċeduri twal ikkaratterizzati minn nuqqas ta’ prevedibbiltà u minn inkonsistenza flimkien ma’ kostijiet għoljin tal-konformità li fil-biċċa l-kbira tagħhom jaffettwaw lill-SMEs u jiskoraġġuhom milli jinvestu f’aktar minn Stat Membru wieħed. Fiduċja reċiproka u bona fide huma meħtieġa fost l-Istati Membri sabiex ikun hemm kooperazzjoni fid-deċiżjonijiet tat-taxxa u sabiex is-suq intern jitlesta, jittejjeb u jiġi żviluppat aktar.

Emenda 3Proposta għal direttivaPremessa 2a (ġdida)

(2a) L-24 miljun SME stabbiliti fl-Unjoni jirrappreżentaw żewġ terzi tal-impjiegi fis-settur privat u 99 % tan-negozji kollha fl-Unjoni, u huma s-sisien tal-ekonomija tal-Unjoni. Għalhekk huwa essenzjali li l-intrapriżi mikro u l-SMEs jiġu appoġġati sabiex jiġi promoss il-ħolqien tal-impjiegi, jissaħħaħ it-tkabbir, titħeġġeġ kompetizzjoni ġusta u trasparenti, tiġi appoġġata l-kompetittività u jiġi attirat l-investiment. Ostakli regolatorji jew piżijiet amministrattivi jibqgħu l-isfida ewlenija għall-SMEs tal-Unjoni.

Emenda 4Proposta għal direttivaPremessa 2b (ġdida)

(2b) L-SMEs jonfqu madwar 2,5 % tal-fatturat tagħhom fuq il-kostijiet tal-konformità relatati mal-obbligi tat-taxxa. Is-sitwazzjoni tal-intrapriżi żgħar ħafna hija partikolarment serja peress li l-kostijiet tal-konformità relatati mat-taxxi korporattivi fuq l-introjtu tagħhom jirrappreżentaw 90 % tal-kostijiet tal-konformità annwali stmati tan-negozji tal-Unjoni ta’ EUR 54 biljun. Kalkolu tar-riżultati taxxabbli bbażat fuq ir-regoli tal-Istat Membru fejn l-uffiċċju reġistrat (il-kwartieri ġenerali tal-SME) ikun residenti għal finijiet ta’ taxxa jenħtieġ li jnaqqas b’mod sinifikanti l-kost tal-konformità mar-regoli tat-taxxa u jillibera riżorsi finanzjarji biex l-SMEs ikunu jistgħu jinvestu.

Emenda 5Proposta għal direttivaPremessa 3

(3)Il-varjetà ta’ modi ta’ kif isir in-negozju fis-suq intern teħtieġ soluzzjonijiet differenti għal negozji differenti fir-rigward tal-indirizzar tal-isfidi kurrenti ppreżentati mill-operazzjonijiet transfruntiera tagħhom. Għal negozji iżgħar li ma humiex parti minn grupp, huwa aktar diffiċli li jespandu b’mod transfruntier milli għal negozji akbar. Għalhekk, huwa aktar impenjattiv għal dawk in-negozji iżgħar li jissieltu ma’ proċeduri kumplessi u ma’ kostijiet għoljin tal-konformità. Għalhekk huwa evidenti li l-intrapriżi mikro, żgħar u ta’ daqs medju, fl-istadji inizjali tal-espansjoni, jeħtieġu soluzzjoni bħal mekkaniżmu simplifikat għall-komputazzjoni tar-riżultat taxxabbli tagħhom meta joperaw bejn il-fruntieri esklużivament permezz ta’ stabbilimenti permanenti.

(3)Il-varjetà ta’ modi ta’ kif isir in-negozju fis-suq intern teħtieġ soluzzjonijiet differenti għal negozji differenti fir-rigward tal-indirizzar tal-isfidi kurrenti ppreżentati mill-operazzjonijiet transfruntiera tagħhom. Għal negozji iżgħar huwa aktar diffiċli li jespandu b’mod transfruntier milli għal negozji akbar. Għalhekk, huwa aktar impenjattiv għal dawk in-negozji iżgħar li jissieltu ma’ proċeduri kumplessi u ma’ kostijiet għoljin tal-konformità, kif ukoll mal-inċertezza involuta meta jinvestu l-assi tagħhom stess f’suq mhux magħruf. Għalhekk huwa evidenti li l-intrapriżi mikro, żgħar u ta’ daqs medju, fl-istadji inizjali tal-espansjoni, jeħtieġu soluzzjoni bħal mekkaniżmu simplifikat għall-komputazzjoni tar-riżultat taxxabbli tagħhom meta joperaw bejn il-fruntieri esklużivament permezz ta’ stabbilimenti permanenti jew massimu ta’ żewġ sussidjarji. It-trasparenza hija essenzjali għall-funzjonament bla xkiel tas-suq intern.

Emenda 6Proposta għal direttivaPremessa 3a (ġdida)

(3a) Il-ġlieda kontra l-frodi, l-evażjoni tat-taxxa u l-evitar tat-taxxa huma prijoritajiet politiċi prevalenti, peress li prattiki aggressivi tal-ippjanar tat-taxxa ma humiex aċċettabbli mill-perspettiva tal-integrità tas-suq intern u l-ġustizzja soċjali.

Emenda 7Proposta għal direttivaPremessa 4

(4)Sabiex jiġu rrimedjati l-inċertezza tat-taxxa u d-diffikultà li jiġu ssodisfati r-regoli ta’ sistema tat-taxxa mhux magħrufa meta wieħed jopera fi Stat(i) Membru/i ieħor/oħrajn (li huma wieħed mill-fatturi ewlenin li jimpedixxu lill-SMEs milli jespandu barra mill-pajjiż), jenħtieġ li r-riżultat taxxabbli tal-istabbilimenti permanenti jiġi kkalkolat fuq il-bażi tar-regoli tal-Istat Membru fejn l-Uffiċċju Reġistrat (kwartieri ġenerali tal-SME) ikun residenti għal finijiet ta’ taxxa. Dan ifisser ukoll li l-prinċipji li jirregolaw l-attribuzzjoni tal-introjtu għal stabbiliment permanenti, stabbiliti fil-konvenzjoni bilaterali applikabbli għall-evitar tat-tassazzjoni doppja bejn l-Istat Membru tal-istabbiliment permanenti u l-Istat Membru tal-Uffiċċju Reġistrat, ikomplu japplikaw ukoll. Sabiex jiġi żgurat li kwalunkwe regola ġdida tikkostitwixxi sors ta’ simplifikazzjoni għall-SMEs, jenħtieġ li l-applikazzjoni tagħhom tkun fakultattiva, u b’hekk titħalla f’idejn il-kontribwent.

(4)Sabiex jiġu rrimedjati l-inċertezza tat-taxxa u d-diffikultà li jiġu ssodisfati r-regoli ta’ sistema tat-taxxa mhux magħrufa meta wieħed jopera fi Stat(i) Membru/i ieħor/oħrajn (li huma wieħed mill-fatturi ewlenin li jimpedixxu lill-SMEs milli jespandu barra mill-pajjiż), jenħtieġ li r-riżultat taxxabbli tal-istabbilimenti permanenti jew sussidjarji jiġi kkalkolat fuq il-bażi tar-regoli tal-Istat Membru fejn l-Uffiċċju Reġistrat (kwartieri ġenerali tal-SME) ikun residenti għal finijiet ta’ taxxa. Dan ifisser ukoll li l-prinċipji li jirregolaw l-attribuzzjoni tal-introjtu għal stabbiliment permanenti jew sussidjarja, stabbiliti fil-konvenzjoni bilaterali applikabbli għall-evitar tat-tassazzjoni doppja bejn l-Istat Membru tal-istabbiliment permanenti jew sussidjarja u l-Istat Membru tal-Uffiċċju Reġistrat, ikomplu japplikaw ukoll. Sabiex jiġi żgurat li kwalunkwe regola ġdida tikkostitwixxi sors ta’ simplifikazzjoni għall-SMEs, jenħtieġ li l-applikazzjoni tagħhom tkun fakultattiva, u b’hekk titħalla f’idejn il-kontribwent, u jenħtieġ li jitħalla biżżejjed marġni sabiex japplikaw ir-regoli l-ġodda u jadattaw ruħhom għalihom.

Emenda 8Proposta għal direttivaPremessa 4a (ġdida)

(4a) L-ugwaljanza fir-rigward tat-trattament tat-taxxa għall-kontribwenti kollha, u b’mod partikolari għall-impriżi kollha, hija indispensabbli għas-suq intern. Approċċ koordinat għall-implimentazzjoni ta’ din ir-regola mis-sistemi nazzjonali tat-taxxa huwa essenzjali għall-funzjonament xieraq tas-suq intern, u jikkontribwixxi għall-prevenzjoni tal-evitar tat-taxxa u t-trasferiment tal-profitti.

Emenda 9Proposta għal direttivaPremessa 5

(5)Sabiex jiġu evitati prattiki abbużivi tat-taxxa, hemm imfassal regoli speċifiċi kontra l-abbuż tat-taxxa, pereżempju sabiex jiġu indirizzati r-riskji ta’ evitar tat-taxxa assoċjati mat-trasferiment tar-residenza tat-taxxa ta’ SME, u b’hekk jiġi evitat li l-post tal-uffiċċju reġistrat jiġi ddeterminat fuq il-bażi ta’ motivi tat-taxxa. Għaldaqstant, ikun neċessarju li tiġi mmonitorjata l-evoluzzjoni tal-fatturat attribwit lill-istabbiliment(i) permanenti sabiex jinżammu l-operazzjonijiet tagħhom bħala sekondarji għall-attività ewlenija li jenħtieġ li titwettaq mill-uffiċċju reġistrat. B’dan il-mod, ma jkunx hemm riskju li r-regoli jintużaw ħażin billi jiġu stabbiliti uffiċċji reġistrati vojta filwaqt li l-biċċa l-kbira tal-attivitajiet tan-negozju jsiru barra mill-pajjiż. Fuq l-istess nota, l-eliġibbiltà għas-sistema ta’ simplifikazzjoni tat-taxxa kif ukoll it-terminazzjoni u t-tiġdid tal-għażla jenħtieġ li jkunu soġġetti għal kundizzjonijiet stretti. Jenħtieġ li tali kundizzjonijiet ikunu akkumpanjati minn rekwiżiti relatati mal-fatturat tal-uffiċċju reġistrat meta mqabbel ma’ dak tal-istabbiliment(i) permanenti. L-għan ikun li jiġi enfasizzat aktar li n-negozju operat permezz tal-istabbiliment(i) permanenti jista’ jkun biss estensjoni tal-attività ewlenija tal-uffiċċju reġistrat. Barra minn hekk, ladarba ssir l-għażla li jiġi applikat il-qafas ta’ simplifikazzjoni tat-taxxa, jenħtieġ li dan ikollu durata obbligatorja, sabiex jiġu evitati sitwazzjonijiet li fihom ir-residenza tal-uffiċċju reġistrat titmexxa spiss sabiex jittieħed vantaġġ minn sitwazzjonijiet ta’ benefiċċju tat-taxxa okkażjonali u għal terminu qasir.

(5)Sabiex jiġu evitati prattiki abbużivi tat-taxxa, hemm imfassla regoli robusti u speċifiċi kontra l-abbuż tat-taxxa, pereżempju sabiex jiġu indirizzati r-riskji ta’ evitar tat-taxxa assoċjati mat-trasferiment tar-residenza tat-taxxa ta’ SME, u b’hekk jiġi evitat li l-post tal-uffiċċju reġistrat jiġi ddeterminat fuq il-bażi ta’ motivi tat-taxxa. Għaldaqstant, ikun neċessarju li tiġi mmonitorjata l-evoluzzjoni tal-fatturat attribwit lill-istabbiliment(i) permanenti u/jew lis-sussidjarji sabiex l-operazzjonijiet tagħhom jinżammu bħala sekondarji għall-attività ewlenija li jenħtieġ li titwettaq mill-uffiċċju reġistrat. B’dan il-mod, ma jkunx hemm riskju li r-regoli jintużaw ħażin billi jiġu stabbiliti uffiċċji reġistrati vojta filwaqt li l-biċċa l-kbira tal-attivitajiet tan-negozju jsiru barra mill-pajjiż.

Emenda 10Proposta għal direttivaPremessa 6

(6)It-tbaħħir internazzjonali huwa settur speċifiku ta’ attività soġġett għal reġimi ta’ taxxa speċjali f’diversi Stati Membri. Dawk ir-reġimi jikkonsistu l-aktar fil-komputazzjoni tal-bażi għat-taxxa fuq il-bażi tat-tunnellaġġ (jiġifieri l-kapaċità tat-trasport) tal-bastimenti operati minflok fuq il-bażi tal-profitti jew tat-telf attwali mġarrbin mill-kumpanija. Fuq din il-premessa, l-SMEs li jiksbu introjtu minn attivitajiet ta’ tbaħħir koperti minn reġim ta’ taxxa fuq it-tunnellaġġ jenħtieġ li jiġu esklużi milli jagħżlu r-regoli ta’ simplifikazzjoni tal-SMEs fir-rigward ta’ tali introjtu attribwit għal stabbiliment permanenti. Din l-esklużjoni tevita kumplikazzjonijiet addizzjonali, li jkunu mistennijin jirriżultaw mill-interazzjoni bejn il-qafas ta’ simplifikazzjoni tat-taxxa tal-SMEs u r-reġimi tat-taxxa fuq it-tunnellaġġ. Barra minn hekk, kumplikazzjoni potenzjali bħal din tkun tidher sproporzjonata, meta wieħed iqis in-nuqqas ta’ reġimi tat-taxxa speċjali bħal dawn f’xi Stati Membri. L-ebda settur ieħor ta’ attività ma jkun eskluż mill-kamp ta’ applikazzjoni tad-Direttiva.

(6)It-tbaħħir internazzjonali huwa settur speċifiku ta’ attività soġġett għal reġimi ta’ taxxa speċjali f’diversi Stati Membri. Dawk ir-reġimi jikkonsistu l-aktar fil-komputazzjoni tal-bażi għat-taxxa fuq il-bażi tat-tunnellaġġ (jiġifieri l-kapaċità tat-trasport) tal-bastimenti operati minflok fuq il-bażi tal-profitti jew tat-telf attwali mġarrbin mill-kumpanija. Fuq din il-premessa, l-SMEs li jiksbu introjtu minn attivitajiet ta’ tbaħħir koperti minn reġim ta’ taxxa fuq it-tunnellaġġ jenħtieġ li jiġu esklużi milli jagħżlu r-regoli ta’ simplifikazzjoni tal-SMEs fir-rigward ta’ tali introjtu attribwit għal stabbiliment permanenti jew għas-sussidjarja. Din l-esklużjoni tevita kumplikazzjonijiet addizzjonali, li jkunu mistennijin jirriżultaw mill-interazzjoni bejn il-qafas ta’ simplifikazzjoni tat-taxxa tal-SMEs u r-reġimi tat-taxxa fuq it-tunnellaġġ. Barra minn hekk, kumplikazzjoni potenzjali bħal din tkun tidher sproporzjonata, meta wieħed iqis in-nuqqas ta’ reġimi tat-taxxa speċjali bħal dawn f’xi Stati Membri. Fi kwalunkwe każ, dik l-esklużjoni jenħtieġ li tiġi evalwata kif xieraq wara ħames snin mill-implimentazzjoni ta’ din id-Direttiva. L-ebda attività oħra għajr dik koperta mir-reġim ta’ taxxa fuq it-tunnellaġġ ma tkun eskluża mill-kamp ta’ applikazzjoni tad-Direttiva.

Emenda 11Proposta għal direttivaPremessa 7

(7)Il-proposta għandha l-għan li tipprovdi simplifikazzjoni proċedurali sinifikanti, u għalhekk jenħtieġ li jiġi stabbilit punt uniku ta’ servizz, fejn id-dikjarazzjoni tat-taxxa, il-valutazzjonijiet tat-taxxa u l-ġbir tat-taxxa dovuta mill-istabbiliment(i) permanenti jew susissdjarji jiġu indirizzati minn awtorità tat-taxxa waħda (“awtorità tad-dikjarazzjoni”), jiġifieri l-awtorità tat-taxxa fl-Istat Membru tal-uffiċċju reġistrat. Dan il-punt uniku ta’ servizz jenħtieġ li joffri l-karatteristiċi kollha tas-simplifikazzjoni biex ma jsirx ostaklu ieħor għan-negozji li jixtiequ jinvestu barra mill-pajjiż. B’rispett sħiħ tas-sovranità tal-Istati Membri fi kwistjonijiet tat-taxxa, awditi, appelli u proċeduri għas-soluzzjoni tat-tilwim jinżammu primarjament domestiċi u f’konformità mar-regoli proċedurali tal-Istat Membru rispettiv. Sabiex jiġi appoġġat il-funzjonament ta’ punt uniku ta’ servizz, ikun kritiku li jiġu previsti awditi konġunti, u jinħoloq obbligu ta’ kooperazzjoni għall-awtoritajiet tat-taxxa tal-Istati Membri li permezz tagħhom l-Istat Membru tal-uffiċċju reġistrat jenħtieġ li jikkoopera jekk l-awtorità tat-taxxa tal-istabbiliment permanenti jew tas-sussidjarja titlob awditu li jkopri l-komputazzjoni tar-riżultat taxxabbli tal-kontribwent tiegħu. F’dak is-sens, jekk l-Istat Membru tal-uffiċċju reġistrat iwettaq awditu fuq inizjattiva proprja, huwa jenħtieġ li jistieden lill-Istat Membru ospitanti biex iwettaq tali awditu b’mod konġunt.

Emenda 12Proposta għal direttivaPremessa 7a (ġdida)

(7a) Is-soluzzjoni ta’ punt uniku ta’ servizz hija apprezzata mill-SMEs tal-Unjoni u l-ħolqien tiegħu jirrappreżenta għodda ta’ faċilitazzjoni fakultattiva għall-proċeduri relatati mat-taxxa tal-SMEs. L-esperjenza pożittiva tad-dikjarazzjoni tal-VAT permezz tal-punt uniku ta’ servizz, b’130,000 kumpanija li ppreżentaw id-dikjarazzjoni tal-VAT tagħhom permezz tal-punt uniku ta’ servizz u aktar minn EUR 17-il biljun miġbura fi dħul mill-VAT fl-2022, timmotiva r-replikazzjoni tal-mudell fil-kuntest ta’ din id-Direttiva.

Emenda 13Proposta għal direttivaPremessa 13a (ġdida)

(13a) Ir-rapport ta’ evalwazzjoni tal-Kummissjoni jenħtieġ li jivvaluta l-aspetti rilevanti kollha tal-implimentazzjoni ta’ din id-Direttiva u jiffoka fuq il-vantaġġi ta’ estensjoni possibbli tal-kamp ta’ applikazzjoni, l-adegwatezza tar-rekwiżiti ta’ eliġibbiltà, l-adegwatezza tas-sitwazzjonijiet ta’ esklużjoni, jiġifieri l-istabbiliment ta’ sussidjarji, u l-ħtieġa ta’ esklużjoni tal-attivitajiet ta’ tbaħħir. Jenħtieġ li l-Kummissjoni tindirizza dawk l-aspetti fil-proposta possibbli tagħha biex temenda din id-Direttiva, jew tagħti raġunijiet biex tiġġustifika għaliex mhuwiex meħtieġ li jinbidlu r-regoli eżistenti.

Emenda 14Proposta għal direttivaPremessa 13b (ġdida)

(13b) Peress li t-tnaqqis potenzjali tal-kostijiet tal-konformità mar-regoli tat-taxxa mill-SMEs jiddependi direttament mill-adozzjoni volontarja tagħhom tar-regoli stabbiliti f’din id-Direttiva, il-Kummissjoni jenħtieġ li tipprevedi kampanja ta’ informazzjoni dettaljata u komprensiva madwar l-Unjoni li jkollha l-SMEs fil-mira. Tali kampanja ta’ informazzjoni jenħtieġ li tiġi integrata fi strateġija ta’ komunikazzjoni usa’ dwar il-liġi l-ġdida tal-Unjoni relatata mat-taxxa u l-impatt tagħha fuq in-negozji tal-Unjoni. L-informazzjoni kollha jenħtieġ li tiġi pprovduta bil-lingwi uffiċjali kollha tal-Istati Membri.

Emenda 15Proposta għal direttivaPremessa 14

(14)L-Istati Membri jistgħu jipproċessaw data personali skont din id-Direttiva biss għall-fini tal-verifika tar-rekwiżiti ta’ eliġibbiltà jew tad-determinazzjoni tal-obbligazzjoni ta’ taxxa ta’ stabbilimenti permanenti. Kwalunkwe pproċessar ta’ data personali mwettaq għal dan l-għan jenħtieġ li jikkonforma mar-Regolament (UE) 2016/679.

(14)L-Istati Membri jistgħu jipproċessaw data personali skont din id-Direttiva biss għall-fini tal-verifika tar-rekwiżiti ta’ eliġibbiltà jew tad-determinazzjoni tal-obbligazzjoni ta’ taxxa ta’ stabbilimenti permanenti u sussidjarji. Kwalunkwe pproċessar ta’ data personali mwettaq għal dan l-għan jenħtieġ li jikkonforma mar-Regolament (UE) 2016/679.

Emenda 16Proposta għal direttivaPremessa 15

(15)Huwa pprovdut perjodu ta’ żamma li jippermetti lill-Istati Membri jikkonformaw mal-biċċa l-kbira tar-regoli dwar il-preskrizzjoni, u b’hekk isegwu mill-qrib dawn ir-regoli domestiċi fir-rigward tal-punt tat-tluq jew tas-sospensjoni tiegħu. Madankollu, jenħtieġ li l-perjodu ta’ żamma ma jmurx lil hinn minn dak li huwa neċessarju sabiex jiġi żgurat li l-awtoritajiet tat-taxxa kompetenti jkunu jistgħu jiddeterminaw l-obbligazzjonijiet ta’ taxxa, b’hekk jintlaħaq bilanċ bejn il-kapaċità tal-awtorità tat-taxxa li tiżgura valutazzjoni u ġbir xierqa tat-taxxi u d-dritt tal-kontribwenti għaċ-ċertezza legali.

(15)Huwa pprovdut perjodu ta’ żamma proporzjonat li jippermetti lill-Istati Membri jikkonformaw mal-biċċa l-kbira tar-regoli dwar il-preskrizzjoni, u b’hekk isegwu mill-qrib dawn ir-regoli domestiċi fir-rigward tal-punt tat-tluq jew tas-sospensjoni tiegħu. Madankollu, jenħtieġ li l-perjodu ta’ żamma ma jmurx lil hinn minn dak li huwa neċessarju sabiex jiġi żgurat li l-awtoritajiet tat-taxxa kompetenti jkunu jistgħu jiddeterminaw l-obbligazzjonijiet ta’ taxxa, b’hekk jintlaħaq bilanċ bejn il-kapaċità tal-awtorità tat-taxxa li tiżgura valutazzjoni u ġbir xierqa tat-taxxi u d-dritt tal-kontribwenti għaċ-ċertezza legali.

Emenda 17Proposta għal direttivaPremessa 17

(17)Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill u ta l-opinjoni tiegħu fi […].

Emenda 18Proposta għal direttivaPremessa 18

(18)Billi l-objettiv ta’ din id-Direttiva, jiġifieri s-simplifikazzjoni tar-regoli tat-taxxa għal ċerti SMEs li joperaw fis-suq intern permezz ta’ stabbiliment(i) permanenti, ma jistax jintlaħaq b’mod suffiċjenti mill-Istati Membri iżda pjuttost, minħabba l-isfidi eżistenti li huma kkawżati mill-interazzjoni bejn 27 sistema tat-taxxa korporattiva differenti , jista’ jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stipulat f’dan l-Artikolu, din id-Direttiva ma tmurx lil hinn minn dak li huwa neċessarju sabiex jintlaħaq dak l-objettiv;

(18)Billi l-objettiv ta’ din id-Direttiva, jiġifieri s-simplifikazzjoni tar-regoli tat-taxxa għal ċerti SMEs li joperaw b’mod transfruntier fis-suq intern permezz ta’ stabbiliment(i) permanenti u sa żewġ sussidjarji, ma jistax jintlaħaq b’mod suffiċjenti mill-Istati Membri individwalment iżda pjuttost, minħabba l-isfidi eżistenti li huma kkawżati mill-interazzjoni bejn 27 sistema tat-taxxa korporattiva nazzjonali differenti, jista’ jintlaħaq aħjar fil-livell tal-Unjoni permezz ta’ kooperazzjoni reċiproka bejn l-Istati Membri, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stipulat f’dan l-Artikolu, din id-Direttiva ma tmurx lil hinn minn dak li huwa neċessarju sabiex jintlaħaq dak l-objettiv;

Emenda 19Proposta għal direttivaArtikolu 1 – paragrafu 1

Din id-Direttiva tistabbilixxi regoli għall-komputazzjoni tar-riżultat taxxabbli ta’ stabbilimenti permanenti ta’ SMEs li jissodisfaw il-kriterji stabbiliti fl-Artikolu 2(1) (“regoli dwar it-Tassazzjoni tal-Uffiċċju Reġistrat”).

Din id-Direttiva tistabbilixxi regoli għall-komputazzjoni tar-riżultat taxxabbli ta’ stabbilimenti permanenti u sussidjarji ta’ SMEs li jissodisfaw il-kriterji stabbiliti fl-Artikolu 2(1) (“regoli dwar it-Tassazzjoni tal-Uffiċċju Reġistrat”).

Emenda 20Proposta għal direttivaArtikolu 2 – paragrafu 1 – punt e

(e)joperaw fi Stati Membri oħrajn esklużivament permezz ta’ stabbiliment permanenti wieħed jew aktar;

(e)joperaw fi Stati Membri oħrajn permezz ta’ stabbiliment permanenti wieħed jew aktar u/jew sa żewġ sussidjarji;

Emenda 21Proposta għal direttivaArtikolu 2 – paragrafu 2 – parti introduttorja

2.Il-Kummissjoni għandha s-setgħa li tadotta atti delegati f’konformità mal-Artikolu 16 sabiex temenda l-Annessi I sa IV, sabiex jitqiesu l-bidliet fil-liġijiet tal-Istati Membri li jikkonċernaw:

Emenda 22Proposta għal direttivaArtikolu 2 – paragrafu 3

3.Din id-Direttiva ma għandhiex taffettwa d-dritt tal-Istat Membru fejn ikun jinsab stabbiliment permanenti li jiddetermina r-rata tat-taxxa applikabbli, u lanqas l-applikabilità ta’ konvenzjonijiet bilaterali għall-evitar tat-tassazzjoni doppja, jew ir-regoli dwar il-protezzjoni soċjali tal-ħaddiema fl-Istat Membru tal-istabbiliment permanenti.

3.Din id-Direttiva ma għandhiex taffettwa d-dritt tal-Istat Membru fejn ikun jinsab stabbiliment permanenti jew is-sussidjarja li jiddetermina r-rata tat-taxxa applikabbli, u lanqas l-applikabbiltà ta’ konvenzjonijiet bilaterali għall-evitar tat-tassazzjoni doppja, jew ir-regoli dwar il-protezzjoni soċjali tal-ħaddiema fl-Istat Membru tal-istabbiliment permanenti jew is-sussidjarja.

Emenda 23Proposta għal direttivaArtikolu 3 – paragrafu 1 – punt 1a (ġdid)

(1a) “sussidjarja” tfisser sussidjarja skont it-tifsira tal-Artikolu 3(1), il-punt (b), tad-Direttiva tal-Kunsill 2011/96/UE li tinsab fi Stat Membru ieħor u hija kkontrollata mill-uffiċċju reġistrat;

Emenda 24Proposta għal direttivaArtikolu 3 – paragrafu 1 – punt 2

(2)“uffiċċju reġistrat” tfisser SME, kif imsemmija fl-Artikolu 2(1), li topera fi Stat(i) Membru/i ieħor/oħrajn esklużivament permezz ta’ stabbiliment permanenti wieħed jew aktar;

(2)“uffiċċju reġistrat” tfisser SME, kif imsemmija fl-Artikolu 2(1), li topera fi Stat(i) Membru/i ieħor/oħrajn permezz ta’ stabbiliment permanenti wieħed jew aktar u/jew sa żewġ sussidjarji;

Emenda 25Proposta għal direttivaArtikolu 3 – paragrafu 1 – punt 4

(4)“regoli tat-tassazzjoni tal-uffiċċju reġistrat” tfisser ir-regoli tat-tassazzjoni tal-Istat Membru tal-uffiċċju reġistrat li jintużaw sabiex jiġi kkalkolat ir-riżultat taxxabbli tal-uffiċċju reġistrat u tal-istabbilimenti permanenti tiegħu;

Emenda 26Proposta għal direttivaArtikolu 3 – paragrafu 1 – punt 5

(5)“Stat Membru ospitanti” tfisser l-Istat Membru li fih jinsab l-istabbiliment permanenti ta’ SME msemmija fl-Artikolu 2(1);

(5)“Stat Membru ospitanti” tfisser l-Istat Membru li fih jinsabu l-istabbiliment permanenti jew sussidjarja ta’ SME msemmija fl-Artikolu 2(1);

Emenda 27Proposta għal direttivaArtikolu 3 – paragrafu 1 – punt 6

(6)“riżultat taxxabbli tal-istabbiliment permanenti” tfisser l-introjtu jew it-telf taxxabbli kkalkolat f’konformità mar-regoli tat-Tassazzjoni tal-Uffiċċju Reġistrat;

(6)“riżultat taxxabbli tal-istabbiliment permanenti” tfisser l-introjtu jew it-telf taxxabbli attribwit għall-istabbiliment permanenti u sa żewġ sussidjarji u kkalkolat f’konformità mar-regoli tat-Tassazzjoni tal-Uffiċċju Reġistrat;

Emenda 28Proposta għal direttivaArtikolu 3 – paragrafu 1 – punt 8

(8)“dikjarazzjoni tat-taxxa fuq it-tassazzjoni tal-Uffiċċju reġistrat” tfisser id-dikjarazzjoni tat-taxxa ppreżentata minn SME msemmija fl-Artikolu 2(1) li tkopri r-riżultati taxxabbli tal-uffiċċju reġistrat u tal-istabbiliment(i) permanenti, kif ikkalkolati f’konformità mar-regoli tat-tassazzjoni tal-uffiċċju reġistrat.

(8)“dikjarazzjoni tat-taxxa fuq it-tassazzjoni tal-Uffiċċju reġistrat” tfisser id-dikjarazzjoni tat-taxxa ppreżentata minn SME msemmija fl-Artikolu 2(1) li tkopri r-riżultati taxxabbli tal-uffiċċju reġistrat u tal-istabbiliment(i) permanenti jew sussidjarji, kif ikkalkolati f’konformità mar-regoli tat-tassazzjoni tal-uffiċċju reġistrat.

Emenda 29Proposta għal direttivaArtikolu 4 – paragrafu 1 – parti introduttorja

1.L-uffiċċju reġistrat jista’ jagħżel li japplika r-regoli tat-tassazzjoni tal-uffiċċju reġistrat fir-rigward tal-istabbiliment(i) permanenti tiegħu fi Stati Membri oħrajn jekk jissodisfa r-rekwiżiti li ġejjin:

1.L-uffiċċju reġistrat jista’ jagħżel li japplika r-regoli tat-tassazzjoni tal-uffiċċju reġistrat fir-rigward tal-istabbiliment(i) permanenti u s-sussidjarji tiegħu fi Stati Membri oħrajn jekk jissodisfa r-rekwiżiti li ġejjin:

Emenda 30Proposta għal direttivaArtikolu 4 – paragrafu 1 – punt a

(a)il-fatturat konġunt tal-istabbilimenti permanenti tiegħu ma jaqbiżx, għall-aħħar sentejn fiskali, ammont ugwali għad-doppju tal-fatturat iġġenerat mill-uffiċċju reġistrat;

(a)il-fatturat konġunt tal-istabbilimenti permanenti u s-sussidjarji tiegħu ma jaqbiżx, għall-aħħar tliet snin fiskali, ammont ugwali għat-triplu tal-fatturat iġġenerat mill-uffiċċju reġistrat;

Emenda 31Proposta għal direttivaArtikolu 4 – paragrafu 1 – punt b

(b)kien residenti għal finijiet tat-taxxa fl-Istat Membru tal-uffiċċju reġistrat matul l-aħħar sentejn fiskali;

(b)kien residenti għal finijiet tat-taxxa fl-Istat Membru tal-uffiċċju reġistrat matul l-aħħar sena fiskali jew, jekk aktar reċentement, minn meta ġie stabbilit l-uffiċċju reġistrat;

Emenda 32Proposta għal direttivaArtikolu 4 – paragrafu 1 – punt c

(c)issodisfa l-kundizzjonijiet stabbiliti fl-Artikolu 2(1), il-punt d) għall-aħħar sentejn fiskali.

(c)issodisfa l-kundizzjonijiet stabbiliti fl-Artikolu 2(1), il-punt (d), għall-aħħar sena fiskali jew, jekk aktar reċentement, minn meta ġie stabbilit l-uffiċċju reġistrat.

Emenda 33Proposta għal direttivaArtikolu 4 – paragrafu 2

2.Jekk l-uffiċċju reġistrat jagħżel li japplika r-regoli tat-tassazzjoni tal-uffiċċju reġistrat f’konformità mal-paragrafu 1, huwa għandu japplika dawk ir-regoli għall-istabbilimenti permanenti jew is-sussidjarji kollha tiegħu fi Stati Membri oħrajn. Jekk joħloq stabbiliment permanenti ġdid fi Stat Membru ieħor, għandu japplika r-regoli tat-tassazzjoni tal-uffiċċju reġistrat għat-tali stabbiliment permanenti mill-mument tal-istabbiliment tiegħu. Jekk joħloq l-ewwel sussidjarja fi Stat Membru ieħor, għandu japplika r-regoli tat-tassazzjoni tal-uffiċċju reġistrat għal dik is-sussidjarja mill-mument li tiġi stabbilita u għandu jinforma lill-Istat Membru ospitanti dwar dan.

Emenda 34Proposta għal direttivaArtikolu 4 – paragrafu 2a (ġdid)

2a.Ir-rekwiżit imsemmi fil-paragrafu 1, il-punt (a), ma għandux jiġi applikat meta l-uffiċċju reġistrat ikun ġie stabbilit inqas minn tliet snin qabel id-data tal-għażla li jiġu applikati r-regoli tat-tassazzjoni tal-uffiċċju reġistrat.

Emenda 35Proposta għal direttivaArtikolu 5 – paragrafu 1

Meta l-uffiċċju reġistrat jikseb introjtu minn attivitajiet ta’ tbaħħir u dan l-introjtu jkun soġġett għal taxxa fuq it-tunnellaġġ fl-Istat Membru tal-uffiċċju reġistrat, tali uffiċċju reġistrat għandu jiġi eskluż mill-applikazzjoni tar-regoli tat-tassazzjoni tal-uffiċċju reġistrat fir-rigward tal-istabbiliment(i) permanenti tiegħu fi Stati Membri oħrajn sal-punt li dan/dawn jiksbu introjtu minn attivitajiet ta’ tbaħħir.

Meta l-uffiċċju reġistrat jikseb introjtu minn attivitajiet ta’ tbaħħir u dan l-introjtu jkun soġġett għal taxxa fuq it-tunnellaġġ fl-Istat Membru tal-uffiċċju reġistrat, tali uffiċċju reġistrat għandu jiġi eskluż mill-applikazzjoni tar-regoli tat-tassazzjoni tal-uffiċċju reġistrat fir-rigward tal-istabbiliment(i) permanenti u s-sussidjarji tiegħu fi Stati Membri oħrajn sal-punt li dan/dawn jiksbu introjtu minn attivitajiet ta’ tbaħħir.

Emenda 36Proposta għal direttivaArtikolu 6 – paragrafu 1

1.L-uffiċċju reġistrat li jagħżel li japplika r-regoli tat-tassazzjoni tal-uffiċċju reġistrat għall-istabbiliment(i) permanenti tiegħu għandu jinnotifika l-għażla tiegħu lill-awtorità tad-dikjarazzjoni, flimkien mal-isem tal-Istat(i) Membru/i ospitanti. In-notifika għandha ssir tal-anqas 3 xhur qabel tmiem is-sena fiskali ta’ qabel is-sena fiskali li fiha dik l-SME tkun tixtieq tibda tapplika r-regoli tat-tassazzjoni tal-uffiċċju reġistrat.

1.L-uffiċċju reġistrat li jagħżel li japplika r-regoli tat-tassazzjoni tal-uffiċċju reġistrat għall-istabbiliment(i) permanenti u/jew is-sussidjarja/i tiegħu għandu jinnotifika l-għażla tiegħu lill-awtorità tad-dikjarazzjoni, flimkien mal-isem tal-Istat(i) Membru/i ospitanti. In-notifika għandha ssir tal-anqas xahrejn qabel tmiem is-sena fiskali ta’ qabel is-sena fiskali li fiha dik l-SME tkun tixtieq tibda tapplika r-regoli tat-tassazzjoni tal-uffiċċju reġistrat.

Emenda 37Proposta għal direttivaArtikolu 6 – paragrafu 1a (ġdid)

1a.Biex jiġi stabbilit l-ewwel stabbiliment permanenti tagħha jew sussidjarja fi Stat Membru ieħor, SME tista’ tapplika r-regoli tat-tassazzjoni tal-uffiċċju reġistrat mis-sena li fiha jiġi stabbilit l-istabbiliment permanenti jew is-sussidjarja, mingħajr il-bżonn li l-awtorità tad-dikjarazzjoni tiġi nnotifikata tliet xhur qabel tmiem is-sena tat-taxxa preċedenti.

Emenda 38Proposta għal direttivaArtikolu 6 – paragrafu 2

2.L-awtorità tad-dikjarazzjoni għandha tivverifika jekk ir-rekwiżiti ta’ eliġibbiltà stabbiliti fl-Artikolu 4 ikunux issodisfati u għandha tinforma lill-uffiċċju reġistrat bis-sejbiet tagħha fi żmien xahrejn min-notifika msemmija fil-paragrafu 1.

Emenda 39Proposta għal direttivaArtikolu 6 – paragrafu 2a (ġdid)

2a.L-awtorità tad-dikjarazzjoni għandha tikseb konferma mill-Istat Membru ospitanti li l-istabbiliment fl-Istat Membru ospitanti jikkostitwixxi stabbiliment permanenti għall-finijiet tat-trattati bilaterali dwar it-taxxa.

Emenda 40Proposta għal direttivaArtikolu 6 – paragrafu 3 – subparagrafu 1

3.Jekk ir-rekwiżiti ta’ eliġibbiltà jiġu ssodisfati, l-awtorità tad-dikjarazzjoni għandha tinforma lill-awtoritajiet tat-taxxa tal-Istati Membri ospitanti fi żmien xahrejn min-notifika msemmija fil-paragrafu 1 li r-riżultat taxxabbli tal-istabbilimenti permanenti rilevanti għandu jiġi kkalkolat f’konformità mar-regoli tat-tassazzjoni tal-uffiċċju reġistrat mis-sena fiskali ta’ wara, kif applikat fl-Istat Membru tal-uffiċċju reġistrat. L-awtorità tat-taxxa tal-Istat(i) Membru/i ospitanti għandha tikkomunika lill-Awtorità tad-dikjarazzjoni r-rata tat-taxxa applikabbli.

3.Jekk ir-rekwiżiti ta’ eliġibbiltà jiġu ssodisfati, l-awtorità tad-dikjarazzjoni għandha tinforma lill-awtoritajiet tat-taxxa tal-Istati Membri ospitanti fi żmien xahar min-notifika msemmija fil-paragrafu 1 li r-riżultat taxxabbli tal-istabbilimenti permanenti u s-sussidjarji rilevanti għandu jiġi kkalkolat f’konformità mar-regoli tat-tassazzjoni tal-uffiċċju reġistrat mis-sena fiskali ta’ wara, kif applikat fl-Istat Membru tal-uffiċċju reġistrat. L-awtorità tat-taxxa tal-Istat(i) Membru/i ospitanti għandha tikkomunika lill-Awtorità tad-dikjarazzjoni r-rata tat-taxxa applikabbli.

Emenda 41Proposta għal direttivaArtikolu 6 – paragrafu 3 – subparagrafu 3

L-Istat Membru ospitanti jista’ jikkontesta d-deċiżjoni tal-awtorità tad-dikjarazzjoni rigward l-issodisfar tar-rekwiżiti ta’ eliġibbiltà f’konformità mad-dispożizzjonijiet stabbiliti fl-Artikolu 13. Minkejja proċedimenti bħal dawn, l-SMEs jistgħu jibdew japplikaw ir-regoli tat-tassazzjoni tal-uffiċċju reġistrat.

L-Istat Membru ospitanti jista’ jikkontesta d-deċiżjoni tal-awtorità tad-dikjarazzjoni rigward l-issodisfar tar-rekwiżiti ta’ eliġibbiltà f’konformità mad-dispożizzjonijiet stabbiliti fl-Artikolu 13. F’dak il-każ, għandhom jiġu applikati r-regoli nazzjonali tal-Istat Membru tal-uffiċċju reġistrat. Minkejja proċedimenti bħal dawn, l-SMEs jistgħu jibdew japplikaw ir-regoli tat-tassazzjoni tal-uffiċċju reġistrat.

Emenda 42Proposta għal direttivaArtikolu 6 – paragrafu 3 – punt 4

Jekk l-awtorità tad-dikjarazzjoni tikkonkludi li r-rekwiżiti ta’ eliġibbiltà ma jkunux issodisfati, għandha tinforma lill-uffiċċju reġistrat fi żmien xahrejn min-notifika msemmija fil-paragrafu 1 u l-uffiċċju reġistrat jista’ jappella kontriha f’konformità mad-dritt nazzjonali.

Jekk l-awtorità tad-dikjarazzjoni tikkonkludi li r-rekwiżiti ta’ eliġibbiltà ma jkunux issodisfati, għandha tinforma lill-uffiċċju reġistrat fi żmien xahar min-notifika msemmija fil-paragrafu 1 u l-uffiċċju reġistrat jista’ jappella kontriha f’konformità mad-dritt nazzjonali u jkompli japplika r-regoli tat-tassazzjoni tal-uffiċċju reġistrat. Id-deċiżjoni finali għandu jkollha effetti legali biss mis-sena fiskali ta’ wara.

Emenda 43Proposta għal direttivaArtikolu 6 – paragrafu 4

4.Meta Stat Membru ospitanti jikkonkludi li l-preżenza ta’ SME fit-territorju tiegħu tikkwalifika bħala stabbiliment permanenti, għandu jinforma lill-awtorità tad-dikjarazzjoni. Malli tirċievi dik l-informazzjoni, l-awtorità tad-dikjarazzjoni għandha tinforma lill-awtorità tat-taxxa kompetenti tal-Istat Membru ospitanti dwar jekk l-uffiċċju reġistrat japplikax ir-regoli tat-tassazzjoni tal-uffiċċju reġistrat fir-rigward tal-istabbilimenti permanenti tiegħu.

4.Meta Stat Membru ospitanti jikkonkludi li l-preżenza ta’ SME fit-territorju tiegħu tikkwalifika bħala stabbiliment permanenti jew sussidjarja, għandu jinforma lill-awtorità tad-dikjarazzjoni. Malli tirċievi dik l-informazzjoni, l-awtorità tad-dikjarazzjoni għandha tinforma lill-awtorità tat-taxxa kompetenti tal-Istat Membru ospitanti dwar jekk l-uffiċċju reġistrat japplikax ir-regoli tat-tassazzjoni tal-uffiċċju reġistrat fir-rigward tal-istabbilimenti permanenti jew is-sussidjarji tiegħu. L-uffiċċju reġistrat irid jiġi infurmat kif xieraq dwar dawk il-proċeduri, mingħajr dewmien żejjed.

Emenda 44Proposta għal direttivaArtikolu 7 – paragrafu 1

1.L-uffiċċju reġistrat li jkun għażel li japplika r-regoli tat-tassazzjoni tal-uffiċċju reġistrat għall-istabbilimenti permanenti tiegħu fi Stat Membru ospitanti wieħed jew aktar għandu japplika dawk ir-regoli għal perjodu ta’ 5 snin fiskali.

1.L-uffiċċju reġistrat li jkun għażel li japplika r-regoli tat-tassazzjoni tal-uffiċċju reġistrat għall-istabbilimenti permanenti jew is-sussidjarji tiegħu fi Stat Membru ospitanti wieħed jew aktar għandu japplika dawk ir-regoli għal perjodu ta’ seba’ snin fiskali li jista’ jiġġedded.

Emenda 45Proposta għal direttivaArtikolu 7 – paragrafu 2

2.Fi tmiem il-perjodu msemmi fil-paragrafu 1, ir-regoli tat-tassazzjoni tal-uffiċċju reġistrat ma għandhomx jibqgħu japplikaw fir-rigward tal-istabbilimenti permanenti li jinsabu fl-Istati Membri ospitanti, sakemm l-uffiċċju reġistrat ma jinnotifikax lill-awtorità tad-dikjarazzjoni l-għażla tiegħu li jġedded l-applikazzjoni tar-regoli tat-tassazzjoni tal-uffiċċju reġistrat, f’konformità mal-proċedura stabbilita fl-Artikolu 9.

2.Fi tmiem il-perjodu msemmi fil-paragrafu 1, ir-regoli tat-tassazzjoni tal-uffiċċju reġistrat ma għandhomx jibqgħu japplikaw fir-rigward tal-istabbilimenti permanenti u s-sussidjarji li jinsabu fl-Istati Membri ospitanti, sakemm l-uffiċċju reġistrat ma jinnotifikax lill-awtorità tad-dikjarazzjoni l-għażla tiegħu li jġedded l-applikazzjoni tar-regoli tat-tassazzjoni tal-uffiċċju reġistrat, f’konformità mal-proċedura stabbilita fl-Artikolu 9.

Emenda 46Proposta għal direttivaArtikolu 8 – paragrafu 1 – parti introduttorja

1.L-għażla li jiġu applikati r-regoli tat-tassazzjoni tal-uffiċċju reġistrat għandha tintemm qabel tmiem il-perjodu ta’ 5 snin imsemmi fl-Artikolu 7(1) għal kwalunkwe waħda mir-raġunijiet li ġejjin:

1.L-għażla li jiġu applikati r-regoli tat-tassazzjoni tal-uffiċċju reġistrat għandha tintemm qabel tmiem il-perjodu ta’ seba’ snin imsemmi fl-Artikolu 7(1) għal kwalunkwe waħda mir-raġunijiet li ġejjin:

Emenda 47Proposta għal direttivaArtikolu 8 – paragrafu 1 – punt a

(a)l-SME msemmija fl-Artikolu 2(1) tittrasferixxi r-residenza tat-taxxa tagħha barra mill-Istat Membru tal-uffiċċju reġistrat;

(a)l-SME msemmija fl-Artikolu 2(1) tittrasferixxi r-residenza tat-taxxa tagħha barra mill-Istat Membru tal-uffiċċju reġistrat, jekk l-SME tixtieq tieqaf tapplika r-regoli tat-tassazzjoni;

Emenda 48Proposta għal direttivaArtikolu 8 – paragrafu 1 – punt b

(b)għall-aħħar sentejn fiskali, il-fatturat konġunt tal-istabbilimenti permanenti tagħha jkun qabeż ammont li jkun ugwali għat-triplu tal-fatturat tal-uffiċċju reġistrat.

(b)għall-aħħar tliet snin fiskali, il-fatturat konġunt tal-istabbilimenti permanenti u s-sussidjarji tagħha jkun qabeż ammont li jkun ugwali għat-triplu tal-fatturat tal-uffiċċju reġistrat;

Emenda 49Proposta għal direttivaArtikolu 8 – paragrafu 1 – punt ba (ġdid)

(ba)l-SME msemmija fl-Artikolu 2(1) ma għadhiex meqjusa bħala SME;

Emenda 50Proposta għal direttivaArtikolu 8 – paragrafu 1 – punt bb (ġdid)

(bb)l-SME msemmija fl-Artikolu 2(1) tistabbilixxi aktar minn żewġ sussidjarji.

Emenda 51Proposta għal direttiva Artikolu 8 – paragrafu 2

2.Fi kwalunkwe wieħed mill-każijiet imsemmijin fil-paragrafu 1, ir-regoli tat-tassazzjoni tal-uffiċċju reġistrat ma għandhomx jibqgħu japplikaw mis-sena fiskali li ssegwi dik li fiha jseħħu r-raġunijiet imsemmijin fil-paragrafu 1.

2.Ir-regoli tat-tassazzjoni tal-uffiċċju reġistrat ma għandhomx jibqgħu japplikaw mis-sena fiskali li ssegwi dik li fiha jseħħu r-raġunijiet imsemmijin fil-paragrafu 1.

Emenda 52Proposta għal direttivaArtikolu 8 – paragrafu 3

3.L-awtorità li tippreżenta għandha tinforma lill-Istati Membri ospitanti bit-terminazzjoni msemmija fil-paragrafu 1 qabel tmiem is-sena fiskali li fiha seħħew ir-raġunijiet għal dik it-terminazzjoni.

3.L-awtorità li tippreżenta għandha tinforma lill-Istati Membri ospitanti bit-terminazzjoni msemmija fil-paragrafu 1 malajr kemm jista’ jkun u, fi kwalunkwe każ, qabel tmiem is-sena fiskali li fiha seħħew ir-raġunijiet għat-terminazzjoni.

Emenda 53Proposta għal direttivaArtikolu 8 – paragrafu 4

4.Jekk l-SME msemmija fl-Artikolu 2(1) tittrasferixxi r-residenza tat-taxxa tagħha lil Stat Membru ieħor, hija tista’ tagħżel li tapplika r-regoli tat-tassazzjoni tal-uffiċċju reġistrat tal-Istat Membru l-ġdid tagħha tar-residenza tat-taxxa f’konformità mal-Artikoli 4 sa 7. Din għandha titqies bħala għażla ġdida. Ir-rekwiżit stabbilit fl-Artikolu 4(1), il-punt (b), ma għandux japplika jekk it-trasferiment tar-residenza tat-taxxa tal-SME jkun sar għal raġunijiet kummerċjali validi skont it-tifsira tal-Artikolu 15(1), il-punt (a), tad-Direttiva tal-Kunsill 2009/133/KE.

Emenda 54Proposta għal direttivaArtikolu 10 – paragrafu 1 – parti introduttorja

L-uffiċċju reġistrat ma għandux ikun intitolat li jġedded l-għażla għall-applikazzjoni tar-regoli tat-tassazzjoni tal-uffiċċju reġistrat jekk matul il-perjodu ta’ 5 snin minn meta r-regoli dwar it-tassazzjoni tal-uffiċċju reġistrat jkunu bdew japplikaw inizjalment, isseħħ kwalunkwe waħda mis-sitwazzjonijiet li ġejjin:

L-uffiċċju reġistrat ma għandux ikun intitolat li jġedded l-għażla għall-applikazzjoni tar-regoli tat-tassazzjoni tal-uffiċċju reġistrat jekk isseħħ kwalunkwe waħda mis-sitwazzjonijiet li ġejjin:

Emenda 55Proposta għal direttivaArtikolu 10 – paragrafu 1 – punt a

(a)għal kwalunkwe sentejn fiskali meħudin separatament, il-fatturat konġunt tal-istabbilimenti permanenti jkun qabeż ammont ugwali għad-doppju tal-fatturat tal-Uffiċċju Reġistrat;

(a)għal kwalunkwe tliet snin fiskali meħudin separatament, il-fatturat konġunt tal-istabbilimenti permanenti jew tas-sussidjarji jkun qabeż ammont ugwali għat-triplu tal-fatturat tal-Uffiċċju Reġistrat;

Emenda 56Proposta għal direttivaArtikolu 10 – paragrafu 1 – punt b

(b)l-SME tkun stabbiliet sussidjarja waħda jew aktar fl-Unjoni jew barra minnha;

(b)l-SME tkun stabbiliet aktar minn żewġ sussidjarji fl-Unjoni;

Emenda 57Proposta għal direttivaArtikolu 10 – paragrafu 1 – punt c

(c)il-kriterju stabbilit fl-Artikolu 2(1), il-punt (d) ma jkunx ġie ssodisfat għal sentejn fiskali konsekuttivi.

(c)il-kriterju stabbilit fl-Artikolu 2(1), il-punt (d) ma jkunx ġie ssodisfat għal tliet snin fiskali konsekuttivi.

Emenda 58Proposta għal direttivaArtikolu 11 – paragrafu 1

1.L-uffiċċju reġistrat għandu jippreżenta d-dikjarazzjoni tat-taxxa tal-uffiċċju reġistrat lill-awtorità tad-dikjarazzjoni.

1.L-uffiċċju reġistrat għandu jippreżenta d-dikjarazzjoni tat-taxxa tal-uffiċċju reġistrat lill-awtorità tad-dikjarazzjoni. L-Istat Membru tal-uffiċċju reġistrat għandu jassisti lill-SME fl-elaborazzjoni tad-dikjarazzjoni tat-taxxa, b’mod partikolari fir-rigward tal-attribuzzjoni tar-riżultat taxxabbli għal kull stabbiliment permanenti u sussidjarja fi Stati Membri oħra.

Emenda 59Proposta għal direttivaArtikolu 11 – paragrafu 2 – punt b

(b)l-obbligazzjoni ta’ taxxa tal-SME fir-rigward tar-riżultat taxxabbli ta’ kull stabbiliment permanenti fi Stati Membri oħrajn. L-obbligazzjoni ta’ taxxa għandha tiġi kkalkolata billi tiġi applikata r-rata tat-taxxa nazzjonali tal-Istat Membru ospitanti rispettiv għar-riżultat taxxabbli, hekk kif tkun ġiet ikkalkolata f’konformità mar-regoli tat-tassazzjoni tal-uffiċċju reġistrat.

(b)l-obbligazzjoni ta’ taxxa tal-SME fir-rigward tar-riżultat taxxabbli ta’ kull stabbiliment permanenti u sa żewġ sussidjarji fi Stati Membri oħrajn. L-obbligazzjoni ta’ taxxa għandha tiġi kkalkolata billi tiġi applikata r-rata tat-taxxa nazzjonali tal-Istat Membru ospitanti rispettiv għar-riżultat taxxabbli, hekk kif tkun ġiet ikkalkolata f’konformità mar-regoli tat-tassazzjoni tal-uffiċċju reġistrat.

Emenda 60Proposta għal direttivaArtikolu 11 – paragrafu 3 – parti introduttorja

3.Meta stabbiliment permanenti wieħed jew aktar tal-SME ma jkunx meħtieġ iħejji rapporti separati tal-kontabilità finanzjarja skont id-dritt tal-Istat Membru ospitanti, id-dikjarazzjoni tat-taxxa HOT għandha tinkludi l-informazzjoni li ġejja:

Emenda 61Proposta għal direttivaArtikolu 11 – paragrafu 3 – punt a

(a)l-assi u l-obbligazzjonijiet attribwiti lill-istabbiliment(i) permanenti;

(a)l-assi u l-obbligazzjonijiet attribwiti lill-istabbiliment(i) permanenti u sa żewġ sussidjarji;

Emenda 62Proposta għal direttivaArtikolu 11 – paragrafu 3 – punt b

(b)il-profitti attribwibbli għall-istabbiliment(i) permanenti fi Stati Membri oħrajn.

(b)il-profitti attribwibbli għall-istabbiliment(i) permanenti u sa żewġ sussidjarji fi Stati Membri oħrajn.

Emenda 63Proposta għal direttivaArtikolu 11 – paragrafu 4 – punt b

(b)abbozz ta’ avviż ta’ valutazzjoni tat-taxxa għal kull stabbiliment permanenti.

(b)abbozz ta’ avviż ta’ valutazzjoni tat-taxxa għal kull stabbiliment permanenti u sussidjarja.

Emenda 64Proposta għal direttivaArtikolu 11 – paragrafu 5 – subparagrafu 1 – punt b

(b)abbozz ta’ avviż ta’ valutazzjoni tat-taxxa għall-istabbiliment(i) permanenti rilevanti;

(b)abbozz ta’ avviż ta’ valutazzjoni tat-taxxa għall-istabbiliment(i) permanenti rilevanti u s-sussidjarji;

Emenda 65Proposta għal direttivaArtikolu 11 – paragrafu 8

8.Jekk l-awtorità tat-taxxa tal-Istat Membru ospitanti tirrifjuta l-abbozz tal-avviż ta’ valutazzjoni tat-taxxa, hija għandha tirrevedi dan l-abbozz ta’ valutazzjoni tat-taxxa b’rabta mal-attribuzzjoni tal-profitti lill-istabbiliment permanenti f’konformità mad-dispożizzjonijiet stabbiliti fil-konvenzjoni bilaterali applikabbli għall-evitar tat-tassazzjoni doppja bejn l-Istat Membru ospitanti u dak tal-uffiċċju reġistrat. Wara li l-attribuzzjoni tal-profitti lill-istabbiliment permanenti tkun ġiet riveduta u kkomunikata lill-awtorità tad-dikjarazzjoni f’konformità mal-Artikolu 8ae tad-Direttiva 2011/16/UE, l-awtorità tad-dikjarazzjoni għandha tikkalkola mill-ġdid ir-riżultat taxxabbli f’konformità mar-regoli tat-tassazzjoni tal-Istat Membru tal-uffiċċju reġistrat, u għandha tinħareġ valutazzjoni tat-taxxa riveduta minn dan l-Istat Membru. Il-kontribwent għandu jkun intitolat li jappella kontra din il-valutazzjoni tat-taxxa riveduta quddiem il-qrati tal-Istat Membru tal-uffiċċju reġistrat. Kwalunkwe tilwima dwar l-ammont tal-profitti attribwibbli għall-istabbiliment permanenti għandha tiġi solvuta f’konformità mal-konvenzjoni bilaterali applikabbli għall-evitar tat-tassazzjoni doppja, jew mad-dispożizzjonijiet stabbiliti fid-Direttiva tal-Kunsill (UE) 2017/1852 tal-10 ta’ Ottubru 201717.

8.Jekk l-awtorità tat-taxxa tal-Istat Membru ospitanti tirrifjuta l-abbozz tal-avviż ta’ valutazzjoni tat-taxxa, hija għandha tirrevedi dan l-abbozz ta’ valutazzjoni tat-taxxa b’rabta mal-attribuzzjoni tal-profitti lill-istabbiliment permanenti u s-sussidjarji f’konformità mad-dispożizzjonijiet stabbiliti fil-konvenzjoni applikabbli għall-evitar tat-tassazzjoni doppja li għalihom l-Istat Membru ospitanti u dak tal-uffiċċju reġistrat huma parti. Wara li l-attribuzzjoni tal-profitti lill-istabbiliment permanenti u s-sussidjarji tkun ġiet riveduta u kkomunikata lill-awtorità tad-dikjarazzjoni f’konformità mal-Artikolu 8ae tad-Direttiva 2011/16/UE, l-awtorità tad-dikjarazzjoni għandha tikkalkola mill-ġdid ir-riżultat taxxabbli f’konformità mar-regoli tat-tassazzjoni tal-Istat Membru tal-uffiċċju reġistrat, u għandha tinħareġ valutazzjoni tat-taxxa riveduta minn dan l-Istat Membru. Il-kontribwent għandu jkun intitolat li jappella kontra din il-valutazzjoni tat-taxxa riveduta quddiem il-qrati tal-Istat Membru tal-uffiċċju reġistrat. Kwalunkwe tilwima dwar l-ammont tal-profitti attribwibbli għall-istabbiliment permanenti u s-sussidjarji għandha tiġi solvuta f’konformità mal-konvenzjoni applikabbli għall-evitar tat-tassazzjoni doppja, jew mad-dispożizzjonijiet stabbiliti fid-Direttiva tal-Kunsill (UE) 2017/1852 tal-10 ta’ Ottubru 201717.

_________________

17 Id-Direttiva tal-Kunsill (UE) 2017/1852 tal-10 ta’ Ottubru 2017 dwar Mekkaniżmi għas-Soluzzjoni tat-Tilwim dwar it-Taxxa fl-Unjoni Ewropea (ĠU L 265, 14.10.2017, p. 1-14).

Emenda 66Proposta għal direttivaArtikolu 11 – paragrafu 9

9.Meta, skont ir-regoli tat-taxxa tal-Istat Membru ospitanti, ċerti spejjeż assoċjati mal-impjegati tal-istabbiliment permanenti jkunu deduċibbli għal finijiet tat-taxxa sa fejn l-ammonti rispettivi jkunu intaxxati fil-livell tal-impjegat jew ikunu soġġetti għal imposti tas-sigurtà soċjali, u ma jkun hemm l-ebda trattament tat-taxxa simili fl-Istat Membru tal-uffiċċju reġistrat li jippermetti tali tnaqqis, l-Istat Membru tal-uffiċċju reġistrat u dak ospitanti għandhom jieħdu miżuri xierqa sabiex jipprevjenu d-diskrepanzi possibbli.

9.Meta, skont ir-regoli tat-taxxa tal-Istat Membru ospitanti, ċerti spejjeż assoċjati mal-impjegati tal-istabbiliment permanenti jew is-sussidjarja jkunu deduċibbli għal finijiet tat-taxxa sa fejn l-ammonti rispettivi jkunu intaxxati fil-livell tal-impjegat jew ikunu soġġetti għal imposti tas-sigurtà soċjali, u ma jkun hemm l-ebda trattament tat-taxxa simili fl-Istat Membru tal-uffiċċju reġistrat li jippermetti tali tnaqqis, l-Istat Membru tal-uffiċċju reġistrat u dak ospitanti għandhom, bil-gwida tal-Kummissjoni, jieħdu miżuri xierqa sabiex jipprevjenu d-diskrepanzi possibbli.

Emenda 67Proposta għal direttivaArtikolu 11 – paragrafu 9 (ġdid)

9a. Il-Kummissjoni għandha, permezz ta’ atti ta’ implimentazzjoni, tistabbilixxi gwida dwar miżuri xierqa fir-rigward ta’ diskrepanzi kif imsemmi fil-paragrafu 8 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 15.

Emenda 68Proposta għal direttivaArtikolu 12 – titolu

Ġbir tat-taxxa dovuta mill-istabbiliment(i) permanenti fl-Istat(i) Membru/i ospitanti

Ġbir tat-taxxa dovuta mill-istabbilimenti permanenti u s-sussidjarji fl-Istati Membri ospitanti

Emenda 69Proposta għal direttivaArtikolu 12 – paragrafu 1

1.L-uffiċċju reġistrat għandu jħallas, permezz tal-awtorità tad-dikjarazzjoni, l-obbligazzjonijiet ta’ taxxa fuq l-introjtu fir-rigward kemm tar-riżultat taxxabbli tiegħu kif ukoll tar-riżultat taxxabbli tal-istabbiliment(i) permanenti tiegħu fl-Istat(i) Membru/i ospitanti.

1.L-uffiċċju reġistrat għandu jħallas, permezz tal-awtorità tad-dikjarazzjoni, l-obbligazzjonijiet ta’ taxxa fuq l-introjtu fir-rigward kemm tar-riżultat taxxabbli tiegħu kif ukoll tar-riżultat taxxabbli tal-istabbilimenti permanenti u s-sussidjarji tiegħu fl-Istati Membri ospitanti.

Emenda 70Proposta għal direttivaArtikolu 12 – paragrafu 2

2.L-awtorità tad-dikjarazzjoni għandha tiġbor it-taxxa li tikkorrispondi għall-obbligazzjoni ta’ taxxa ta’ kull stabbiliment permanenti tal-uffiċċju reġistrat fl-Unjoni, tapplika r-rata tat-taxxa tal-Istat Membru ospitanti rispettiv u tittrasferixxi l-ammont rilevanti lill-awtorità kompetenti tal-Istat Membru ospitanti rispettiv.

2.L-awtorità tad-dikjarazzjoni għandha tiġbor it-taxxa li tikkorrispondi għall-obbligazzjoni ta’ taxxa ta’ kull stabbiliment permanenti u sussidjarja tal-uffiċċju reġistrat fl-Unjoni, tapplika r-rata tat-taxxa tal-Istat Membru ospitanti rispettiv u tittrasferixxi l-ammont rilevanti lill-awtorità kompetenti tal-Istat Membru ospitanti rispettiv mingħajr dewmien.

Emenda 71Proposta għal direttivaArtikolu 12 – paragrafu 3

3.Permezz tal-atti ta’ implimentazzjoni, il-Kummissjoni għandha tistabbilixxi l-arranġamenti prattiċi neċessarji sabiex tiżgura l-ġbir u t-trasferiment tat-taxxa li tikkorrispondi għall-obbligazzjoni ta’ taxxa tal-istabbiliment(i) permanenti mill-Istat Membru tal-uffiċċju reġistrat lill-Istat Membru ospitanti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 15.

3.Permezz tal-atti ta’ implimentazzjoni, il-Kummissjoni għandha tistabbilixxi l-arranġamenti prattiċi neċessarji sabiex tiżgura l-ġbir u t-trasferiment tat-taxxa li tikkorrispondi għall-obbligazzjoni ta’ taxxa tal-istabbiliment(i) permanenti jew is-sussidjarji mill-Istat Membru tal-uffiċċju reġistrat lill-Istat Membru ospitanti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 15.

Emenda 72Proposta għal direttivaArtikolu 13 – paragrafu 1

1.Sakemm ma jkunx speċifikat mod ieħor, ir-regoli ta’ din id-Direttiva ma għandhomx jaffettwaw ir-regoli nazzjonali tal-Istati Membri li jirregolaw il-verifiki tat-taxxa lokali, ir-rimedji legali u l-proċedimenti, jew il-mekkaniżmi għas-soluzzjoni tat-tilwim disponibbli fil-livell tal-Unjoni jew previsti fil-konvenzjonijiet bilaterali tat-taxxa applikabbli dwar l-evitar tat-tassazzjoni doppja. L-obbligi kummerċjali, ta’ kontabilità u fiskali ta’ stabbilimenti permanenti u sussidjarji skont ir-regoli nazzjonali tal-Istat Membru ospitanti ma għandhomx jiġu affettwati minn din id-Direttiva.

Emenda 73Proposta għal direttivaArtikolu 13 – paragrafu 2

2.L-awtorità tat-taxxa tal-Istat Membru ospitanti tista’ titlob li awditu jitwettaq b’mod konġunt mal-awtorità tad-dikjarazzjoni fir-rigward tal-komputazzjoni tar-riżultat taxxabbli tal-istabbiliment permanenti f’konformità mar-regoli tat-tassazzjoni tal-uffiċċju reġistrat, tal-attribuzzjoni tal-profitti lill-istabbiliment permanenti u/jew tar-rata tat-taxxa applikabbli. L-awditi konġunti għandhom jitwettqu f’konformità mad-Direttiva tal-Kunsill 2011/16/UE18 . Minkejja d-dispożizzjonijiet fid-Direttiva msemmija hawn fuq, l-awtorità kompetenti rikjesta għandha taċċetta talba bħal din mill-awtoritajiet tal-Istat Membru ospitanti.

2.L-awtoritajiet tat-taxxa tal-Istat Membru ospitanti jistgħu jitolbu li awditu jitwettaq b’mod konġunt mal-awtorità tad-dikjarazzjoni fir-rigward tal-komputazzjoni tar-riżultat taxxabbli tal-istabbiliment permanenti jew is-sussidjarja f’konformità mar-regoli tat-tassazzjoni tal-uffiċċju reġistrat, tal-attribuzzjoni tal-profitti lill-istabbiliment permanenti u/jew is-sussidjarja u/jew tar-rata tat-taxxa applikabbli. L-awditi konġunti għandhom jitwettqu f’konformità mad-Direttiva tal-Kunsill 2011/16/UE18 . Minkejja d-Direttiva 2011/16/UE, it-talba għal awditu konġunt tista’ ssir ukoll mill-awtorità tat-taxxa tal-Istat Membru tal-uffiċċju reġistrat lill-awtorità tat-taxxa tal-Istat Membru ospitanti ta’ kull stabbiliment permanenti jew sussidjarja.

_________________

18 Id-Direttiva tal-Kunsill 2011/16/UE tal-15 ta’ Frar 2011 dwar il-kooperazzjoni amministrattiva fil-qasam tat-tassazzjoni u li tħassar id-Direttiva 77/799/KEE (ĠU L 64, 11.3.2011, p. 1).

Emenda 74Proposta għal direttivaArtikolu 13 – paragrafu 2a (ġdid)

2a.Jekk għandu jsir awditu fuq l-inizjattiva tal-Istat Membru tal-uffiċċju reġistrat, l-Istat Membru tal-uffiċċju reġistrat għandu jistieden lill-Istat Membru ospitanti biex iwettaq tali awditu b’mod konġunt.

Emenda 75Proposta għal direttivaArtikolu 14 – paragrafu 1 – punt 2Direttiva 2011/16/UEArtikolu 8ae – paragrafu 1

1.Jekk uffiċċju reġistrat kif definit fl-Artikolu 3, il-punt (2), tad-Direttiva dwar l-istabbiliment ta’ regoli tat-tassazzjoni tal-Uffiċċju Reġistrat għall-intrapriżi mikro, żgħar u ta’ daqs medju20, li jagħżel li japplika r-regoli tat-tassazzjoni tal-uffiċċju reġistrat għall-istabbiliment(i) permanenti tiegħu f’konformità mal-Artikolu 6 ta’ dik id-Direttiva, jissodisfa r-rekwiżiti ta’ eliġibbiltà għall-applikazzjoni ta’ tali regoli, l-awtorità kompetenti tal-Istat Membru tal-uffiċċju reġistrat għandha, permezz ta’ skambju awtomatiku ta’ informazzjoni, tikkomunika lill-awtorità kompetenti tal-Istat Membru tal-istabbiliment permanenti li r-riżultat taxxabbli tal-istabbiliment permanenti rilevanti għandu jiġi kkalkolat f’konformità mar-regoli tat-tassazzjoni tal-uffiċċju reġistrat. Komunikazzjoni bħal din għandha ssir fi żmien xahrejn min-notifika mill-Uffiċċju Reġistrat tal-għażla tiegħu li japplika r-regoli tat-tassazzjoni tal-uffiċċju reġistrat.

1.Jekk uffiċċju reġistrat kif definit fl-Artikolu 3, il-punt (2), tad-Direttiva dwar l-istabbiliment ta’ regoli tat-tassazzjoni tal-Uffiċċju Reġistrat għall-intrapriżi mikro, żgħar u ta’ daqs medju20, li jagħżel li japplika r-regoli tat-tassazzjoni tal-uffiċċju reġistrat għall-istabbiliment(i) permanenti tiegħu jew is-sussidjarji tiegħu f’konformità mal-Artikolu 6 ta’ dik id-Direttiva, jissodisfa r-rekwiżiti ta’ eliġibbiltà għall-applikazzjoni ta’ tali regoli, l-awtorità kompetenti tal-Istat Membru tal-uffiċċju reġistrat għandha, permezz ta’ skambju awtomatiku ta’ informazzjoni, tikkomunika lill-awtorità kompetenti tal-Istat Membru tal-istabbiliment permanenti jew is-sussidjarji li r-riżultat taxxabbli tal-istabbiliment permanenti jew is-sussidjarji rilevanti għandu jiġi kkalkolat f’konformità mar-regoli tat-tassazzjoni tal-uffiċċju reġistrat. Komunikazzjoni bħal din għandha ssir fi żmien xahar min-notifika mill-Uffiċċju Reġistrat tal-għażla tiegħu li japplika r-regoli tat-tassazzjoni tal-uffiċċju reġistrat.

______________________

20 Id-Direttiva…[ĠU: Jekk jogħġbok daħħal in-numru, id-data, it-titolu u r-referenza tal-ĠU ta’ dik id-Direttiva].

Emenda 76Proposta għal direttivaArtikolu 14 – paragrafu 1 – punt 2Direttiva 2011/16/UEArtikolu 8ae – paragrafu 2

2.L-awtorità kompetenti tal-Istat Membru tal-istabbiliment permanenti għandha tikkomunika lill-awtorità kompetenti tal-Istat Membru tal-uffiċċju reġistrat r-rata tat-taxxa applikabbli għall-fini tad-determinazzjoni tal-obbligazzjoni ta’ taxxa tal-istabbiliment(i) permanenti li jinsab(u) fit-territorju tagħha, fi żmien 3 xhur min-notifika mill-awtorità kompetenti tal-Istat Membru tal-uffiċċju reġistrat tad-deċiżjoni dwar l-applikazzjoni tar-regoli dwar it-tassazzjoni tal-uffiċċju reġistrat.

2.L-awtorità kompetenti tal-Istat Membru tal-istabbiliment permanenti jew is-sussidjarja għandha tikkomunika lill-awtorità kompetenti tal-Istat Membru tal-uffiċċju reġistrat r-rata tat-taxxa applikabbli għall-fini tad-determinazzjoni tal-obbligazzjoni ta’ taxxa tal-istabbiliment(i) permanenti jew is-sussidjarji li jinsab(u) fit-territorju tagħha, fi żmien xahrejn min-notifika mill-awtorità kompetenti tal-Istat Membru tal-uffiċċju reġistrat tad-deċiżjoni dwar l-applikazzjoni tar-regoli dwar it-tassazzjoni tal-uffiċċju reġistrat.

Emenda 77Proposta għal direttivaArtikolu 14 – paragrafu 1 – punt 2Direttiva 2011/16/UEArtikolu 8ae – paragrafu 3

3.L-awtorità kompetenti tal-Istat Membru tal-uffiċċju reġistrat għandha, permezz ta’ skambju awtomatiku ta’ informazzjoni, tikkomunika l-informazzjoni speċifikata fil-paragrafu 2 ta’ dan l-Artikolu lill-awtorità(jiet) kompetenti tal-Istat(i) Membru/i tal-istabbiliment(i) permanenti f’konformità mal-arranġamenti prattiċi adottati skont l-Artikolu 21.

3.L-awtorità kompetenti tal-Istat Membru tal-uffiċċju reġistrat għandha, permezz ta’ skambju awtomatiku ta’ informazzjoni, tikkomunika l-informazzjoni speċifikata fil-paragrafu 2 ta’ dan l-Artikolu lill-awtoritàjiet kompetenti tal-Istat(i) Membru/i tal-istabbilimenti permanenti jew is-sussidjarji f’konformità mal-arranġamenti prattiċi adottati skont l-Artikolu 21.

Emenda 78Proposta għal direttivaArtikolu 14 – paragrafu 1 – punt 2Direttiva 2011/16/UEArtikolu 8ae – paragrafu 4 – punt iii

(iii)abbozz ta’ avviż ta’ valutazzjoni tat-taxxa għall-istabbiliment(i) permanenti rilevanti;

(iii)abbozz ta’ avviż ta’ valutazzjoni tat-taxxa għall-istabbiliment(i) permanenti rilevanti u s-sussidjarji;

Emenda 79Proposta għal direttivaArtikolu 14 – paragrafu 1 – punt 2Direttiva 2011/16/UEArtikolu 8ae – paragrafu 6

6.Meta l-awtorità tat-taxxa tal-Istat Membru tal-istabbiliment(i) permanenti tirrevedi l-abbozz tal-avviż ta’ valutazzjoni tat-taxxa b’rabta mal-attribuzzjoni tal-profitti lill-istabbiliment permanenti f’konformità mad-dispożizzjonijiet stabbiliti fil-konvenzjoni bilaterali applikabbli għall-evitar tat-tassazzjoni doppja bejn l-ospitant u l-Istati Membri tal-uffiċċju reġistrat, wara ċ-ċaħda tal-abbozz tal-avviż ta’ valutazzjoni tat-taxxa maħruġ mill-Istat Membru tal-uffiċċju reġistrat, l-awtorità kompetenti tal-Istat Membru tal-istabbiliment(i) permanenti għandha tikkomunika tali avviż rivedut ta’ valutazzjoni tat-taxxa lill-awtorità kompetenti tal-Istat Membru tal-uffiċċju reġistrat, fi żmien xahar mill-ħruġ tiegħu, għall-fini tal-komputazzjoni mill-ġdid tar-riżultat taxxabbli tal-istabbiliment permanenti, tal-ħruġ ta’ valutazzjoni tat-taxxa riveduta u tal-ġbir tat-taxxa.

6.Meta l-awtorità tat-taxxa tal-Istat Membru tal-istabbiliment(i) permanenti jew is-sussidjarji tirrevedi l-abbozz tal-avviż ta’ valutazzjoni tat-taxxa b’rabta mal-attribuzzjoni tal-profitti lill-istabbiliment permanenti jew is-sussidjarji f’konformità mad-dispożizzjonijiet stabbiliti fil-konvenzjoni bilaterali applikabbli għall-evitar tat-tassazzjoni doppja bejn l-ospitant u l-Istati Membri tal-uffiċċju reġistrat, wara ċ-ċaħda tal-abbozz tal-avviż ta’ valutazzjoni tat-taxxa maħruġ mill-Istat Membru tal-uffiċċju reġistrat, l-awtorità kompetenti tal-Istat Membru tal-istabbiliment(i) permanenti jew is-sussidjarji għandha tikkomunika tali avviż rivedut ta’ valutazzjoni tat-taxxa lill-awtorità kompetenti tal-Istat Membru tal-uffiċċju reġistrat, fi żmien xahar mill-ħruġ tiegħu, għall-fini tal-komputazzjoni mill-ġdid tar-riżultat taxxabbli tal-istabbiliment permanenti jew is-sussidjarja, tal-ħruġ ta’ valutazzjoni tat-taxxa riveduta u tal-ġbir tat-taxxa.

Emenda 80Proposta għal direttivaArtikolu 17 – paragrafu 1

Il-Parlament Ewropew għandu jiġi infurmat mill-Kummissjoni dwar l-adozzjoni ta’ atti delegati, dwar kwalunkwe oġġezzjoni fformulata għalihom, u dwar ir-revoka tad-delega tas-setgħat mill-Kunsill.

Il-Parlament Ewropew għandu jiġi infurmat mill-Kummissjoni dwar l-adozzjoni ta’ atti delegati u ta’ implimentazzjoni, dwar kwalunkwe oġġezzjoni fformulata għalihom, u dwar ir-revoka tad-delega tas-setgħat mill-Kunsill.

Emenda 81Proposta għal direttivaArtikolu 18 – paragrafu 2

2.L-informazzjoni, inkluża d-data personali, ipproċessata f’konformità ma’ din id-Direttiva, għandha tinżamm biss sakemm tkun neċessarja sabiex jintlaħqu l-finijiet ta’ din id-Direttiva, b’mod partikolari l-verifika tar-rekwiżiti ta’ eliġibbiltà u d-determinazzjoni tal-obbligazzjoni ta’ taxxa tal-kontribwenti, f’konformità mar-regoli domestiċi ta’ kull kontrollur tad-data dwar il-preskrizzjoni, iżda fi kwalunkwe każ għal mhux aktar minn 10 snin.

2.L-informazzjoni, inkluża d-data personali, ipproċessata f’konformità ma’ din id-Direttiva, għandha tinżamm biss sakemm tkun strettament neċessarja sabiex jintlaħqu l-finijiet ta’ din id-Direttiva (il-“perjodu ta’ żamma”), b’mod partikolari l-verifika tar-rekwiżiti ta’ eliġibbiltà u d-determinazzjoni tal-obbligazzjoni ta’ taxxa tal-kontribwenti, f’konformità mar-regoli domestiċi ta’ kull kontrollur tad-data dwar il-preskrizzjoni. Il-perjodu ta’ żamma għandu jibda meta d-data personali għall-finijiet ta’ din id-Direttiva tiġi pproċessata għall-ewwel darba u, fi kwalunkwe każ, ma għandux jaqbeż is-seba’ snin.

Emenda 82Proposta għal direttivaArtikolu 19 – paragrafu 1

1.5 snin wara li din id-Direttiva tibda tapplika, il-Kummissjoni għandha teżamina u tevalwa l-funzjonament tagħha u tirrapporta lill-Parlament Ewropew u lill-Kunsill għal dak il-għan. Fir-rapport il-Kummissjoni għandha, fost l-oħrajn, teżamina jekk ir-regoli tat-tassazzjoni tal-uffiċċju reġistrat għandhomx jiġu applikati wkoll għal sussidjarja waħda jew aktar tal-SMEs. Meta jkun xieraq, ir-rapport għandu jkun akkumpanjat minn proposta sabiex tiġi emendata din id-Direttiva.

Emenda 83Proposta għal direttivaArtikolu 19 – paragrafu 1 – subparagrafu 1a (ġdid)

Ir-rapport imsemmi fl-ewwel subparagrafu ta’ dan il-paragrafu għandu jevalwa wkoll l-estensjoni possibbli tal-kamp ta’ applikazzjoni ta’ din id-Direttiva, b’mod partikolari għal kumpaniji oħra msemmija fl-Artikoli 3(5) u (6) tad-Direttiva 2013/34/UE, l-adegwatezza tar-rekwiżiti ta’ eliġibbiltà stabbiliti fl-Artikolu 4 ta’ din id-Direttiva fid-dawl tal-konformità tal-SMEs mar-regoli tat-tassazzjoni tal-uffiċċju reġistrat u, b’mod partikolari, l-adegwatezza tar-rekwiżit relatat mal-fatturat konġunt tal-istabbilimenti permanenti u/jew is-sussidjarji. Ir-rapport għandu jevalwa wkoll l-adegwatezza tal-kriterji stabbiliti fl-Artikolu 10 ta’ din id-Direttiva, jiġifieri l-esklużjoni tal-SMEs li għandhom aktar minn żewġ sussidjarji, u l-adegwatezza tal-esklużjoni tal-attivitajiet ta’ tbaħħir stabbiliti fl-Artikolu 5 ta’ din id-Direttiva. Ir-rapport għandu jivvaluta wkoll jekk il-proċeduri stabbiliti f’din id-Direttiva jistgħux jiġu ssimplifikati aktar u kif jistgħu jagħmlu dan biex jitnaqqsu l-kostijiet tal-konformità u jekk hemmx tagħlimiet li għandhom jittieħdu mill-applikazzjoni ta’ din id-Direttiva għat-tassazzjoni korporattiva b’mod ġenerali.

Emenda 84Proposta għal direttivaArtikolu 19 – paragrafu 2

2.L-Istati Membri għandhom jikkomunikaw lill-Kummissjoni l-informazzjoni rilevanti għall-evalwazzjoni tad-Direttiva, f’konformità mal-paragrafu 3, inkluż id-data aggregata dwar in-numru ta’ SMEs eliġibbli meta mqabblin mal-SMEs li rrikorrew għall-inklużjoni fakultattiva, il-fatturat u l-kostijiet tal-konformità tagħhom meta mqabblin mal-fatturat; data dwar in-numru ta’ SMEs li espandew b’mod transfruntier billi waqqfu stabbiliment permanenti u n-numru ta’ SMEs li ġew skwalifikati minħabba l-ħolqien ta’ sussidjarja, jew l-kostijiet tal-konformità għall-SMEs li japplikaw l-għażla.

2.L-Istati Membri għandhom jikkomunikaw lill-Kummissjoni l-informazzjoni rilevanti għall-evalwazzjoni tad-Direttiva, f’konformità mal-paragrafu 3, inkluż id-data aggregata dwar in-numru ta’ SMEs eliġibbli meta mqabblin mal-SMEs li rrikorrew għall-inklużjoni fakultattiva, il-fatturat u l-kostijiet tal-konformità tagħhom meta mqabblin mal-fatturat; data dwar in-numru ta’ SMEs li espandew b’mod transfruntier billi waqqfu stabbiliment permanenti u n-numru ta’ SMEs li ġew skwalifikati minħabba l-ħolqien ta’ aktar minn żewġ sussidjarji, jew l-kostijiet tal-konformità għall-SMEs li japplikaw l-għażla.

Emenda 85Proposta għal direttivaArtikolu 19 – paragrafu 2a (ġdid)

2a. Il-Kummissjoni għandha tevalwa l-ostakli legali potenzjali fl-applikazzjoni ta’ din id-Direttiva bħan-nuqqas ta’ definizzjoni komuni u armonizzata tal-istabbilimenti permanenti u s-sussidjarji fl-Unjoni, u tqis l-istandards internazzjonali.

Emenda 86Proposta għal direttivaArtikolu 20 – paragrafu 1 – subparagrafu 1

Sal-31 ta’ Diċembru 2025, l-Istati Membri għandhom jadottaw u jippubblikaw id-dispożizzjonijiet neċessarji sabiex jikkonformaw ma’ din id-Direttiva. Huma għandhom jgħarrfu minnufih lill-Kummissjoni f’dak ir-rigward.

Sal-31 ta’ Diċembru 2024, l-Istati Membri għandhom jadottaw u jippubblikaw id-dispożizzjonijiet neċessarji sabiex jikkonformaw ma’ din id-Direttiva. Huma għandhom jgħarrfu minnufih lill-Kummissjoni f’dak ir-rigward.

Emenda 87Proposta għal direttivaArtikolu 20 – paragrafu 1 – punt 2

Għandhom japplikaw dawk il-miżuri mill-1 ta’ Jannar 2026.

Għandhom japplikaw dawk il-miżuri mill-1 ta’ Jannar 2025.