–ag féachaint don iarraidh ar tharscaoileadh dhíolúine Andris Ameriks ó Ionchúisitheoir na Rannóige um Chomhordú Frith-Éillithe de chuid Roinn an Dlí Choiriúil in Oifig an Ionchúisitheora Phoiblí i Ríge, dar dáta an 24 Bealtaine 2023 agus arna tarchur ar an dáta céanna ag Ionchúisitheoir Ginearálta Phoblacht na Laitvia, i gcomhthéacs imeachtaí coiriúla atá le tionscnamh i bPoblacht na Laitvia, a fógraíodh sa suí iomlánach an 14 Meitheamh 2023,
–tar éis éisteacht a thabhairt do Nils Ušakovs, thar ceann Andris Ameriks, i gcomhréir le Riail 9(6) dá Rialacha Nós Imeachta,
–ag féachaint d’Airteagail 8 agus 9 de Phrótacal Uimh. 7 ar Phribhléidí agus Díolúintí an Aontais Eorpaigh agus d’Airteagal 6(2) d’Ionstraim an 20 Meán Fómhair 1976 maidir le toghadh chomhaltaí Pharlaimint na hEorpa trí vótáil chomhchoiteann dhíreach,
–ag féachaint d’Airteagail 29 agus 30 de Bhunreacht na Laitvia,
–ag féachaint do na breithiúnais a thug Cúirt Bhreithiúnais an Aontais Eorpaigh (CBAE) an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013 agus an 19 Nollaig 2019 breithiúnas ón gCúirt Bhreithiúnais an 21 Deireadh Fómhair 2008, Marra v De Gregorio agus Clemente, C-200/07 agus C-201/07, ECLI:EU:C:2008:579; breithiúnas ón gCúirt Ghinearálta an 19 Márta 2010, Gollnisch v Parlaimint, T-42/06, ECLI:EU:T:2010:102; breithiúnas ón gCúirt Bhreithiúnais an 6 Meán Fómhair 2011, Patriciello, C-163/10, ECLI:EU:C:2011:543; breithiúnas ón gCúirt Ghinearálta an 17 Eanáir 2013, Gollnisch v an Pharlaimint, T-346/11 agus T-347/11, ECLI:EU:T:2013:23; breithiúnas ón gCúirt Bhreithiúnais an 19 Nollaig 2019, Junqueras Vies, C-502/19, ECLI:EU:C:2019:1115.,
–ag féachaint do Riail 5(2), do Riail 6(1) agus do Riail 9 dá Rialacha Nós Imeachta,
–ag féachaint don tuarascáil ón gCoiste um Ghnóthaí Dlíthiúla (A9-0169/2024),
A.de bhrí gur iarr Ionchúisitheoir na Rannóige um Chomhordú Frith-Éillithe de chuid Roinn an Dlí Choiriúil in Oifig Ionchúisitheora Phoiblí Ríge tarscaoileadh díolúine Andris Ameriks, Feisire de Pharlaimint na hEorpa, a toghadh i Laitvia, d’fhonn imeachtaí coiriúla a thionscnamh ina choinne mar gheall ar chion coiriúil arb é atá ann breab a fháil roimh dó gníomh neamhdhleathach chun leasa tríú páirtí a dhéanamh agus úsáid á baint as a fheidhm oifigiúil, i gcomhréir le hAirteagal 320(4) de Chód Coiriúil na Laitvia;
B.de bhrí, le linn na tréimhse ón 22 Iúil 2017 go dtí an 17 Meán Fómhair 2017, gur líomhnaíodh gur éiligh Andris Ameriks, ina cháil mar Leas-Uachtarán ar Bhardas Ríge, i bpost freagrachta, inter alia, breab ó úinéir idirghabhálaí cuideachta iompair mionbhus arb ionann é agus 50 % de na suimeanna a fuair an chuideachta sin ó Bhardas Ríge do phaisinéirí arna n-iompar ag a cúram agus a bheadh i dteideal laghduithe ar tháillí iompair;
C.de bhrí gur toghadh Andris Ameriks chuig Parlaimint na hEorpa tar éis na dtoghchán Eorpach i mí na Bealtaine 2019;
D.de bhrí nach mbaineann an cion líomhnaithe le tuairimí a chuir Andris Ameriks in iúl ná le vótaí a chaith sé i gcomhlíonadh a dhualgas de bhun Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;
E.de bhrí go bhforáiltear le hAirteagal 9 de Phrótacal Uimh. 7 ar Phribhléidí agus Díolúintí an Aontais Eorpaigh go dteachtfaidh Feisirí de Pharlaimint na hEorpa, ina gcríoch náisiúnta, na díolúintí a thugtar do chomhaltaí Pharlaimint a Stáit;
F.de bhrí go bhforáiltear le hAirteagail 29 agus 30 de Bhunreacht na Laitvia an méid seo a leanas:
G.de bhrí nach féidir le Parlaimint na hEorpa ról cúirte a ghlacadh, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir breithiúnas ón gCúirt Ghinearálta an 30 Aibreán 2019, Briois v Parlaimint, T-214/18, ECLI:EU:T:2019:266;;
H.de bhrí gurb é is cuspóir do dhíolúine pharlaiminteach ná Parlaimint na hEorpa agus a Feisirí a chosaint ar imeachtaí dlíthiúla a bhaineann le gníomhaíochtaí a dhéantar agus dualgais pharlaiminteacha á gcomhlíonadh agus nach féidir a scaradh ó na dualgais sin;
I.de bhrí nárbh fhéidir leis an imscrúdú an áit agus an t-am beacht ina ndearnadh an choir líomhnaithe a shuíomh go cinnte;
J.de bhrí go ndearnadh an choir líomhnaithe i gcoinne Andris Ameriks in 2017 agus nár chuir Ionchúisitheoir Ginearálta Phoblacht na Laitvia an iarraidh ar tharscaoileadh díolúine ar aghaidh ach go dtí an 23 Bealtaine 2023; de bhrí nach dtugtar aon údar diongbháilte leis an moill sin ar ghníomhaíocht;
K.de bhrí go leanann sé ó chásdlí CBAE go bhfuil ‘rogha an-leathan ag an bParlaimint maidir leis an treo a bhfuil sé ar intinn aici a thabhairt do chinneadh tar éis iarraidh ar tharscaoileadh díolúine (...), mar gheall ar chineál polaitiúil an chinnidh sin’ Breithiúnas ón gCúirt Bhreithiúnais an 17 Eanáir 2013, Gollnisch, T-346/11 agus T-347/11, ECLI:EU:T:2013:23, mír 59 agus an cásdlí a luaitear.;
L.de bhrí go n-ardaítear le comhréireacht na fianaise nithiúla sin amhras tromchúiseach go bhféadfadh sé gurbh é an rún a bhí ann ná an bonn a bhaint ó ghníomhaíocht pholaitiúil Andris Ameriks, agus go háirithe a ghníomhaíocht mar Fheisire de Pharlaimint na hEorpa; de bhrí, ar bhonn na faisnéise agus na mínithe a thugtar sa chás seo, lena n-áirítear na freagraí a thug Leas-Ionchúisitheoir Poiblí Phoblacht na Laitvia le linn an mhalartaithe tuairimí a bhí leis, gurb ann d’éiginnteachtaí maidir leis na gnéithe ar a bhfuil an iarraidh ar tharscaoileadh díolúine bunaithe agus maidir le hamhras tromchúiseach ar an nós imeachta, lena n-áirítear an ráiteas ar na cúiseanna is bonn leis an iarraidh ar tharscaoileadh díolúine;
M.de bhrí go ndealraíonn sé, dá bhrí sin, gur cás é sin inar féidir glacadh leis gurb ann do chás fumus persecutionis, i.e. ‘fianaise nithiúil’ Breithiúnas ón gCúirt Bhreithiúnais an 17 Meán Fómhair 2020, Troszczynski, C-12/19, ECLI:EU:C:2020:725, pointe 26. ina léirítear gur tionscnaíodh na himeachtaí dlíthiúla le hintinn an bonn a bhaint ó ghníomhaíocht pholaitiúil Andris Ameriks, agus, dá bhrí sin, inter alia, a ghníomhaíocht mar Fheisire de Pharlaimint na hEorpa;