“(29a) “miżura alternattiva tas-settur privat” tfisser kwalunkwe appoġġ li ma jikkwalifikax bħala appoġġ finanzjarju pubbliku straordinarju;”;

“(35) “funzjonijiet kritiċi” tfisser attivitajiet, servizzi jew operazzjonijiet li d-diskontinwità tagħhom fi Stat Membru wieħed jew aktar twassal għal tfixkil tas-servizzi li huma essenzjali għall-ekonomija reali jew għal tfixkil tal-istabbiltà finanzjarja fil-livell nazzjonali jew, fejn meħtieġ, fil-livell reġjonali ▌minħabba d-daqs, is-sehem mis-suq, l-interkonnettività esterna u interna, il-kumplessità jew l-attivitajiet transfruntiera ta’ istituzzjoni jew grupp, b’attenzjoni partikolari għas-sostitwibbiltà ta’ dawk l-attivitajiet, is-servizzi jew l-operazzjonijiet. Għall-finijiet ta’ dan il-punt, il-livell reġjonali għandu jiġi vvalutat b’referenza għall-unità territorjali li tikkorrispondi għall-livell 1 tal-unitajiet territorjali tan-Nomenklatura ta’ unitajiet territorjali għall-istatistika (livell NUTS 1) skont it-tfsira tar-Regolament 1059/2003 tal-Parlament Ewropew u tal-Kunsill* jew għall-livell NUTS 2 fejn tħarbit sinifikanti tas-servizzi fil-livell NUTS 2 jimplika riskju materjali ta’ kriżi sistemika fil-livell nazzjonali”;

_____________

* Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 154, 21.6.2003, p. 1).’;

“(71) “obbligazzjonijiet b’kapaċità ta’ rikapitalizzazzjoni interna” tfisser l-obbligazzjonijiet, inklużi dawk li jagħtu lok għall-provvedimenti tal-kontabilità, u l-istrumenti ta’ kapital li ma jikkwalifikawx bħala strumenti tal-Grad 1, tal-Grad 1 Addizzjonali u tal-Grad 2 ta’ Ekwità Komuni ta’ istituzzjoni jew entità kif imsemmija fil-punti (b), (c) jew (d) tal-Artikolu 1(1) u li ma humiex esklużi mill-kamp ta’ applikazzjoni tal-għodda ta’ rikapitalizzazzjoni interna skont l-Artikolu 44(2);”;

“(83d) “G-SII mhux tal-UE” tfisser G-SII mhux tal-UE kif definita fil-punt (134) tal-Artikolu 4(1) tar-Regolament (UE) Nru 575/2013;(83e)“entità G-SII” tfisser entità G-SII kif definita fil-punt (136) tal-Artikolu 4(1) tar-Regolament (UE) Nru 575/2013;”;

“(93a) “depożitu” tfisser, għall-finijiet tal-Artikoli 108 u 109, depożitu kif definit fil-punt (3) tal-Artikolu 2(1) tad-Direttiva 2014/49/UE;”;

“2. L-awtoritajiet kompetenti għandhom jiżguraw li l-istituzzjonijiet jaġġornaw il-pjanijiet ta’ rkupru tagħhom tal-anqas darba fis-sena jew wara bidla fl-istruttura legali jew organizzattiva tal-istituzzjoni, in-negozju jew is-sitwazzjoni finanzjarja tagħha, li jista’ jkollha effett materjali fuq il-pjan ta’ rkupru jew teħtieġ bidla materjali fih. L-awtoritajiet kompetenti jistgħu jitolbu lill-istituzzjonijiet jaġġornaw il-pjanijiet ta’ rkupru tagħhom aktar ta’ spiss.

Fin-nuqqas tal-bidliet imsemmija fl-ewwel subparagrafu fi 12-il xahar wara l-aħħar aġġornament annwali tal-pjan ta’ rkupru, l-awtoritajiet kompetenti jistgħu jirrinunzjaw b’mod eċċezzjonali, sal-perjodu ta’ 12-il xahar sussegwenti, l-obbligu li jaġġornaw il-pjan ta’ rkupru. Tali rinunzja ma għandhiex tingħata għal aktar minn żewġ perjodi konsekuttivi ta’ 12-il xahar.

3.Il-pjanijiet ta’ rkupru ma għandhomx jassumu l-aċċess għal jew ir-riċevuta ta’ kwalunkwe minn dawn li ġejjin:(a)appoġġ finanzjarju pubbliku straordinarju;(b)assistenza ta’ likwidità f’emerġenza ta’ bank ċentrali;(c)assistenza ta’ likwidità ta’ bank ċentrali pprovduta taħt termini ta’ kollateralizzazzjoni, maturità jew rata tal-imgħax mhux standard.

4.Il-pjanijiet ta’ rkupru għandhom jinkludu, fejn applikabbli, analiżi ta’ kif u meta istituzzjoni tista’ tapplika, fil-kundizzjonijiet indirizzati mill-pjan, għall-użu ta’ faċilitajiet ta’ bank ċentrali mhux esklużi mill-kamp ta’ applikazzjoni tal-pjan ta’ rkupru skont il-paragrafu 3 u tidentifika dawk l-assi li jkunu mistennija li jikkwalifikaw bħala kollateral.”;

“5. “5. Fejn l-awtorità kompetenti tivvaluta li hemm defiċjenzi materjali fil-pjan ta’ rkupru, jew impedimenti materjali għall-implimentazzjoni tiegħu, hija għandha tinnotifika lill-istituzzjoni jew lill-impriża prinċipali tal-grupp bil-valutazzjoni tagħha u titlob li l-istituzzjoni tissottometti, fi żmien 3 xhur, li jistgħu jiġu estiżi b’xahar wieħed (1) bl-approvazzjoni tal-awtoritajiet, pjan rivedut li juri kif dawk id-defiċjenzi jew l-impedimenti jiġu indirizzati.”;

“L-EBA tista’, fuq talba tal-awtorità ta’ riżoluzzjoni, tgħin lill-awtoritajiet ta’ riżoluzzjoni jaslu għal deċiżjoni konġunta f’konformità mal-punt (c) tal-Artikolu 31(2) tar-Regolament (UE) Nru 1093/2010.”;

“(aa) fejn applikabbli, deskrizzjoni dettaljata tar-raġunijiet għad-determinazzjoni li istituzzjoni għandha tiġi kkwalifikata bħala entità tal-likwidazzjoni, inkluż spjegazzjoni dwar kif l-awtorità tar-riżoluzzjoni waslet għall-konklużjoni li l-istituzzjoni hija nieqsa minn funzjonijiet kritiċi;”;

“(ja) deskrizzjoni ta’ kif l-istrateġiji ta’ riżoluzzjoni differenti jiksbu bl-aħjar mod il-miri tar-riżoluzzjoni stabbiliti fl-Artikolu 31;”;

“(pa) lista dettaljata u kwantifikata ta’ depożiti koperti u depożiti eliġibbli minn persuni fiżiċi u intrapriżi ta’ daqs mikro, żgħir u medju;”;

“8a. L-awtoritajiet ta’ riżoluzzjoni ma għandhomx jadottaw pjanijiet ta’ riżoluzzjoni meta jkunu nbdew proċedimenti ta’ insolvenza fil-konfront ta’ entità f’konformità mal-liġi nazzjonali applikabbli skont l-Artikolu 32b jew fejn japplika l-Artikolu 37(6).”;

“L-EBA għandha tissottometti abbozz ta’ standards tekniċi regolatorji lill-Kummissjoni sa ... [12-il xahar mid-data tad-dħul fis-seħħ ta’ din id-Direttiva emendatorja].”;

“L-identifikazzjoni tal-miżuri li għandhom jittieħdu fir-rigward tas-sussidjarji msemmija fil-punt (b) tal-ewwel subparagrafu li ma humiex entitajiet ta’ riżoluzzjoni jistgħu jkunu soġġetti għal approċċ simplifikat mill-awtoritajiet ta’ riżoluzzjoni jekk tali approċċ ma jaffettwax b’mod negattiv ir-riżolvibbiltà tal-grupp, filwaqt li jitqiesu d-daqs tas-sussidjarja, il-profil tar-riskju tagħha, in-nuqqas ta’ funzjonijiet kritiċi u l-istrateġija ta’ riżoluzzjoni tal-grupp.

Il-pjan ta’ riżoluzzjoni tal-grupp għandu jiddetermina jekk l-entitajiet fi ħdan grupp ta’ riżoluzzjoni, apparti mill-entità ta’ riżoluzzjoni, jikkwalifikawx bħala entitajiet ta’ likwidazzjoni. Mingħajr preġudizzju għal fatturi oħrajn li jistgħu jiġu meqjusa bħala rilevanti mill-awtoritajiet ta’ riżoluzzjoni, l-entitajiet li jipprovdu funzjonijiet kritiċi m’għandhomx jikkwalifikaw bħala entitajiet ta’ likwidazzjoni;

“2. Il-pjan tar-riżoluzzjoni tal-grupp għandu jitfassal abbażi tar-rekwiżiti stabbiliti fl-Artikolu 10 u tal-informazzjoni pprovduta skont l-Artikolu 11.”

“(-aa) fih deskrizzjoni dettaljata tar-raġunijiet li għalihom ġie determinat li entità ta’ grupp imsemmija fil-punti (a) sa (d) tal-paragrafu 1, għandha tiġi kkwalifikata bħala entità ta’ likwidazzjoni, inkluż spjegazzjoni dwar kif l-awtorità ta’ riżoluzzjoni waslet għall-konklużjoni li l-istituzzjoni hija nieqsa minn funzjonijiet kritiċi, u kif ġie meqjus il-proporzjon tal-ammont totali tal-iskopertura għar-riskju u d-dħul operattiv tagħha fl-ammont totali tal-iskopertura għar-riskju u d-dħul operattiv tal-grupp, kif ukoll il-proporzjon ta’ lieva finanzjarja tal-entità ta’ grupp fil-kuntest tal-grupp;”;

“5a. L-awtoritajiet ta’ riżoluzzjoni ma għandhomx jadottaw pjanijiet ta’ riżoluzzjoni meta jkunu nbdew proċedimenti ta’ insolvenza fil-konfront ta’ entità ▌f’konformità mal-liġi nazzjonali applikabbli skont l-Artikolu 32b jew fejn japplika l-Artikolu 37(6).”;

“L-EBA tista’, fuq talba tal-awtorità ta’ riżoluzzjoni, tgħin lill-awtoritajiet ta’ riżoluzzjoni jilħqu deċiżjoni konġunta f’konformità mal-punt (c) tal-Artikolu 31(2) tar-Regolament (UE) Nru 1093/2010.”;

“5. L-EBA għandha timmonitorja t-tfassil ta’ politiki interni għal, u l-implimentazzjoni ta’, il-valutazzjonijiet tar-riżolvibbiltà tal-istituzzjonijiet jew tal-gruppi previsti f’dan l-Artikolu u fl-Artikolu 16 mill-awtoritajiet ta’ riżoluzzjoni. L-EBA għandha tirrapporta lill-Kummissjoni dwar il-prattiki eżistenti dwar il-valutazzjonijiet tar-riżolvibbiltà u d-diverġenzi possibbli madwar l-Istati Membri sa … [PO jekk jogħġbok daħħal id-data = sentejn (2) wara d-data tad-dħul fis-seħħ ta’ din id-Direttiva] u timmonitorja l-implimentazzjoni ta’ kwalunkwe rakkomandazzjoni stabbilita f’dak ir-rapport, fejn xieraq.

Ir-rapport imsemmi fl-ewwel subparagrafu għandu jkopri mill-inqas dawn li ġejjin:(a)valutazzjoni tal-metodoloġiji żviluppati mill-awtoritajiet ta’ riżoluzzjoni biex iwettqu l-valutazzjonijiet tar-riżolvibbiltà, inkluża l-identifikazzjoni tal-oqsma ta’ diverġenza possibbli madwar l-Istati Membri;(b)valutazzjoni tal-kapaċitajiet ta’ ttestjar meħtieġa mill-awtoritajiet ta’ riżoluzzjoni biex tiġi żgurata implimentazzjoni effettiva tal-istrateġija ta’ riżoluzzjoni;(c)il-livell ta’ trasparenza lejn il-partijiet ikkonċernati rilevanti tal-metodoloġiji żviluppati mill-awtoritajiet ta’ riżoluzzjoni biex iwettqu l-valutazzjonijiet tar-riżolvibbiltà u l-eżitu tagħhom.”;

“7. Meta entità ma tkunx soġġetta għar-rekwiżit ta’ riżerva kkombinat fuq l-istess bażi bħall-bażi li fuqha tkun meħtieġa tikkonforma mar-rekwiżiti msemmija fl-Artikoli 45c u 45d, l-awtoritajiet ta’ riżoluzzjoni għandhom japplikaw il-paragrafi minn 1 sa 6 ta’ dan l-Artikolu abbażi tal-istima tar-rekwiżit ta’ riżerva kkombinat ikkalkolat f’konformità mar-Regolament Delegat tal-Kummissjoni (UE) 2021/1118*. Għandu japplika r-raba’ paragrafu tal-Artikolu 128 tad-Direttiva 2013/36/UE.

L-awtorità ta’ riżoluzzjoni għandha tinkludi r-rekwiżit ta’ riżerva kkombinat stmat imsemmi fl-ewwel subparagrafu fid-deċiżjoni li tiddetermina r-rekwiżiti msemmija fl-Artikoli 45c u 45d ta’ din id-Direttiva. L-entità għandha tagħmel ir-rekwiżit ta’ riżerva kkombinat stmat disponibbli għall-pubbliku flimkien mal-informazzjoni msemmija fl-Artikolu 45i(3).

______________________________

* Ir-Regolament Delegat tal-Kummissjoni (UE) 2021/1118 tas-26 ta’ Marzu 2021 li jissupplimenta d-Direttiva 2014/59/UE tal-Parlament Ewropew u tal-Kunsill fir-rigward ta’ standards tekniċi regolatorji li jispeċifikaw il-metodoloġija li għandha tintuża mill-awtoritajiet ta’ riżoluzzjoni biex jiġi stmat ir-rekwiżit imsemmi fl-Artikolu 104a tad-Direttiva 2013/36/UE tal-Parlament Ewropew u tal-Kunsill u r-rekwiżit ta’ riżerva kombinat għal entitajiet ta’ riżoluzzjoni fil-livell konsolidat tal-grupp ta’ riżoluzzjoni fejn il-grupp ta’ riżoluzzjoni ma huwiex soġġett għal dawk ir-rekwiżiti skont dik id-Direttiva (ĠU L 241, 8.7.2021, p. 1).;”

“Jekk il-miżuri proposti mill-entità kkonċernata effettivament inaqqsu jew ineħħu l-impedimenti għar-riżolvibbiltà, l-awtorità ta’ riżoluzzjoni għandha tieħu deċiżjoni, wara li tikkonsulta lill-awtorità kompetenti. Dik id-deċiżjoni għandha tindika li l-miżuri proposti effettivament inaqqsu jew ineħħu l-impedimenti għar-riżolvibbiltà u jirrikjedu li l-entità timplimenta l-miżuri proposti.”;

“8a. L-awtorità ta’ riżoluzzjoni għandha tippubblika, fl-aħħar ta’ kull ċiklu ta’ ppjanar ta’ riżoluzzjoni, lista anonimizzata li tippreżenta f’forma aggregata kwalunkwe xkiel sostantiv identifikat għar-riżolvabbiltà u azzjonijiet rilevanti biex jiġu indirizzati. Għandhom japplikaw id-dispożizzjonijiet dwar il-kunfidenzjalità stabbiliti fl-Artikolu 84 ta’ din id-Direttiva. ”;

“4. L-awtorità ta’ riżoluzzjoni fil-livell tal-grupp għandha tikkomunika kwalunkwe miżura proposta mill-impriża prinċipali tal-Unjoni lis-superviżur konsolidanti, lill-EBA, lill-awtoritajiet ta’ riżoluzzjoni tas-sussidjarji u lill-awtoritajiet ta’ riżoluzzjoni tal-ġuriżdizzjonijiet fejn jinsabu fergħat sinifikanti sa fejn ikun rilevanti għall-fergħa sinifikanti. L-awtorità ta’ riżoluzzjoni fil-livell tal-grupp u l-awtoritajiet ta’ riżoluzzjoni tas-sussidjarji, wara konsultazzjoni mal-awtoritajiet kompetenti u mal-awtoritajiet ta’ riżoluzzjoni tal-ġuriżdizzjonijiet fejn jinstabu fergħat sinifikanti, għandhom jagħmlu dak kollu li jistgħu biex jaslu għal deċiżjoni konġunta fi ħdan il-kulleġġ ta’ riżoluzzjoni fir-rigward tal-identifikazzjoni tal-impedimenti sostantivi, u jekk ikun meħtieġ, il-valutazzjoni tal-miżuri proposti mill-impriża prinċipali tal-Unjoni u l-miżuri meħtieġa mill-awtoritajiet sabiex jiġu indirizzati jew jitneħħew l-impedimenti, li għandhom iqisu l-impatt potenzjali tal-miżuri fl-Istati Membri kollha fejn jopera l-grupp.”;

“9. “9. Fin-nuqqas ta’ deċiżjoni konġunta dwar it-teħid ta’ kwalunkwe miżura msemmija fil-punti (g), (h) jew (k) tal-Artikolu 17(5), l-EBA tista’, fuq talba tal-awtorità ta’ riżoluzzjoni f’konformità mal-paragrafi 6, 6a jew 7 ta’ dan l-Artikolu, tgħin lill-awtoritajiet ta’ riżoluzzjoni jaslu għal ftehim f’konformità mal-Artikolu 19(3) tar-Regolament (UE) Nru 1093/2010.”;

“Artikolu 27

Miżuri ta’ intervent bikri

1.L-Istati Membri għandhom jiżguraw li l-awtoritajiet kompetenti jqisu mingħajr wisq dewmien u, jekk xieraq, japplikaw miżuri ta’ intervent bikri meta istituzzjoni jew entità msemmija fil-punti (b), (c) jew (d) tal-Artikolu 1(1) tissodisfa kwalunkwe waħda mill-kundizzjonijiet li ġejjin:(a)l-istituzzjoni jew l-entità tissodisfa l-kundizzjonijiet imsemmija fl-Artikolu 102 tad-Direttiva 2013/36/UE jew fl-Artikolu 38 tad-Direttiva (UE) 2019/2034, jew l-awtorità kompetenti tkun iddeterminat li l-arranġamenti, l-istrateġiji, il-proċessi u l-mekkaniżmi implimentati mill-istituzzjoni jew mill-entità u l-fondi proprji u l-likwidità miżmuma minn dik l-istituzzjoni jew l-entità ma jiżgurawx ġestjoni tajba u kopertura tar-riskji tagħha, u tapplika waħda minn dawn li ġejjin:(i)l-istituzzjoni jew l-entità ma tkunx ħadet l-azzjonijiet ta’ rimedju meħtieġa mill-awtorità kompetenti, inklużi l-miżuri msemmija fl-Artikolu 104 tad-Direttiva 2013/36/UE jew fl-Artikolu 49 tad-Direttiva (UE) 2019/2034;(ii)l-awtorità kompetenti tqis li l-azzjonijiet ta’ rimedju għajr il-miżuri ta’ intervent bikri ma humiex biżżejjed biex jindirizzaw il-problemi▌;(b)l-istituzzjoni jew l-entità tikser jew x’aktarx tikser, fit-12-il xahar wara l-valutazzjoni tal-awtorità kompetenti, ir-rekwiżiti stabbiliti fit-Titolu II tad-Direttiva 2014/65/UE, fl-Artikoli minn 3 sa 7, fl-Artikoli minn 14 sa 17, jew fl-Artikoli 24, 25 u 26 tar-Regolament (UE) Nru 600/2014, jew fl-Artikoli 45e jew 45f ta’ din id-Direttiva.

Meta jseħħ deterjorament sinifikanti tal-kundizzjonijiet, jew iqumu ċirkostanzi avversi jew tinkiseb informazzjoni ġdida dwar entità, l-awtorità kompetenti tista’ tiddetermina li l-kundizzjoni msemmija fil-punt (a)(ii) tal-ewwel subparagrafu tiġi ssodisfata mingħajr ma qabel tkun ħadet azzjonijiet ta’ rimedju oħrajn, inkluż l-eżerċitar tas-setgħat imsemmija fl-Artikolu 104 tad-Direttiva 2013/36/UE jew fl-Artikolu 39 tad-Direttiva (UE) 2019/2034.

Għall-finijiet tal-ewwel subparagrafu, il-punt (b) ta’ dan il-paragrafu, l-Istati Membri għandhom jiżguraw li l-awtoritajiet kompetenti f’konformità mad-Direttiva 2014/65/UE jew f’konformità mar-Regolament (UE) Nru 600/2014, jew, skont kif xieraq, l-awtorità ta’ riżoluzzjoni tinforma lill-awtorità kompetenti mingħajr dewmien bil-ksur jew bil-probabbiltà ta’ ksur.

1a.Għall-finijiet tal-paragrafu 1, il-miżuri ta’ intervent bikri għandhom jinkludu dawn li ġejjin:(a)ir-rekwiżit li l-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) jagħmel waħda minn dawn li ġejjin:(i)jimplimenta wieħed/waħda jew aktar mill-arranġamenti jew mill-miżuri stabbiliti fil-pjan ta’ rkupru;(ii)jaġġorna l-pjan ta’ rkupru f’konformità mal-Artikolu 5(2) fejn iċ-ċirkostanzi li wasslu għall-intervent bikri jkunu differenti mis-suppożizzjonijiet stabbiliti fil-pjan ta’ rkupru inizjali u jimplimenta wieħed/waħda jew aktar mill-arranġamenti jew mill-miżuri stabbiliti fil-pjan ta’ rkupru aġġornat f’perjodu ta’ żmien speċifiku;(b)ir-rekwiżit li l-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) isejjaħ jew, jekk il-korp maniġerjali jonqos milli jikkonforma ma’ dak ir-rekwiżit, isejjaħ direttament, laqgħa tal-azzjonisti tal-istituzzjoni jew tal-entità u, fiż-żewġ każijiet, jistabbilixxi l-aġenda u jitlob li jitqiesu ċerti deċiżjonijiet sabiex jiġu adottati mill-azzjonisti;(c)ir-rekwiżit li l-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) ifassal pjan ta’ azzjoni, f’konformità mal-pjan ta’ rkupru, fejn applikabbli, għan-negozjar dwar ir-ristrutturar tad-dejn ma’ xi wħud mill-kredituri tiegħu jew mal-kredituri kollha tiegħu;(d)ir-rekwiżit li tinbidel l-istruttura legali tal-istituzzjoni;(e)ir-rekwiżit li jitneħħa jew jiġi sostitwit il-maniġment superjuri jew il-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) fl-intier tiegħu jew fir-rigward tal-individwi, f’konformità mal-Artikolu 28;(f)il-ħatra ta’ amministratur temporanju wieħed jew aktar għall-istituzzjoni jew l-entità msemmija fil-punti (b), (c) jew (d) tal-Artikolu 1(1) f’konformità mal-Artikolu 29.(fa)ir-rekwiżit għall-korp maniġerjali tal-entità li jfassal pjan li l-entità tista’ timplimenta fejn il-korp korporattiv rilevanti tal-entità jiddeċiedi li jibda l-istralċ volontarju tal-entità.

2.L-awtoritajiet kompetenti għandhom jagħżlu l-miżuri xierqa u f’waqthom ta’ intervent bikri abbażi ta’ dak li huwa proporzjonat għall-objettivi segwiti, filwaqt li jqisu s-serjetà tal-ksur jew tal-ksur probabbli u l-ħeffa tad-deterjorament fis-sitwazzjoni finanzjarja tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), fost informazzjoni rilevanti oħra.

3.Għal kull waħda mill-miżuri msemmija fil-paragrafu 1a, l-awtoritajiet kompetenti għandhom jistabbilixxu data ta’ skadenza li tkun xierqa għat-tlestija ta’ dik il-miżura u li tippermetti lill-awtorità kompetenti tevalwa l-effettività tagħha.

L-evalwazzjoni tal-miżura għandha titwettaq immedjatament wara li tintlaħaq l-iskadenza u għandha tiġi kondiviża mal-awtorità ta’ riżoluzzjoni. Meta l-evalwazzjoni tikkonkludi li l-miżuri ma ġewx implimentati bis-sħiħ jew mhumiex effettivi, l-awtorità kompetenti għandha tagħmel valutazzjoni tal-kundizzjoni msemmija fl-fil-punt (a) tal-Artikolu 32(1), wara li tkun ikkonsultat l-awtorità ta’ riżoluzzjoni.

4.L-EBA għandha, sa … [PO jekk jogħġbok daħħal id-data = 12-il xahar mid-data tad-dħul fis-seħħ ta’ din id-Direttiva emendatorja], toħroġ abbozz ta’ standards tekniċi regolatorji biex tippromwovi l-applikazzjoni konsistenti tal-iskattaturi għall-użu tal-miżuri msemmija fil-paragrafu 1 ta’ dan l-Artikolu.

Tiġi delegata s-setgħa lill-Kummissjoni biex tadotta l-istandards tekniċi regolatorji msemmija fl-ewwel subparagrafu f’konformità mal-Artikoli 10 sa 14 tar-Regolament (UE) Nru 1093/2010.

Artikolu 28

Sostituzzjoni tal-maniġment superjuri jew tal-korp maniġerjali

Għall-finijiet tal-punt (e) tal-Artikolu 27(1a), l-Istati Membri għandhom jiżguraw li l-maniġment superjuri jew il-korp maniġerjali l-ġdid, jew il-membri individwali ta’ dawk il-korpi, jinħatru f’konformità mad-dritt tal-Unjoni u mal-liġi nazzjonali u jkunu soġġetti għall-approvazzjoni jew għall-kunsens tal-awtorità kompetenti.”;

“1. Għall-finijiet tal-punt (f) tal-Artikolu 27(1a), l-Istati Membri għandhom jiżguraw li l-awtoritajiet kompetenti jkunu jistgħu, abbażi ta’ dak li huwa proporzjonat fiċ-ċirkostanzi, jaħtru kwalunkwe amministratur temporanju biex jagħmel waħda minn dawn li ġejjin:(a)jissostitwixxi temporanjament il-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1);(b)jaħdem temporanjament mal-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1).

L-awtorità kompetenti għandha tispeċifika l-għażla tagħha taħt il-punti (a) jew (b) fil-mument tal-ħatra tal-amministratur temporanju.

Għall-finijiet tal-punt (b) tal-ewwel subparagrafu, l-awtorità kompetenti għandha tispeċifika aktar fil-mument tal-ħatra tal-amministratur temporanju r-rwol, id-dmirijiet u s-setgħat ta’ dak l-amministratur temporanju u kwalunkwe rekwiżit li l-korp maniġerjali tal-istituzzjoni jew tal-entità jikkonsulta jew jikseb il-kunsens tal-amministratur temporanju qabel ma jieħu deċiżjonijiet jew azzjonijiet speċifiċi.

L-Istati Membri għandhom jirrikjedu li l-awtorità kompetenti tagħmel pubblika l-ħatra ta’ kwalunkwe amministratur temporanju, ħlief meta l-amministratur temporanju ma jkollux is-setgħa li jirrappreżenta jew li jieħu deċiżjonijiet f’isem l-istituzzjoni jew l-entità msemmija fil-punti (b), (c) jew (d) tal-Artikolu 1(1).

L-Istati Membri għandhom jiżguraw ukoll li kwalunkwe amministratur temporanju jissodisfa r-rekwiżiti stabbiliti fl-Artikolu 91(1), (2) u (8) tad-Direttiva 2013/36/UE. Il-valutazzjoni mill-awtoritajiet kompetenti ta’ jekk l-amministratur temporanju jikkonformax ma’ dawk ir-rekwiżiti għandha tkun parti integrali mid-deċiżjoni li jinħatar dak l-amministratur temporanju.

2.L-awtorità kompetenti għandha tispeċifika s-setgħat tal-amministratur temporanju fil-mument tal-ħatra tiegħu, abbażi ta’ dak li huwa proporzjonat fiċ-ċirkostanzi. Tali setgħat jistgħu jinkludu xi wħud mis-setgħat jew is-setgħat kollha tal-korp maniġerjali tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), skont l-istatuti tal-istituzzjoni jew tal-entità u skont il-liġi nazzjonali, inkluża s-setgħa li jiġu eżerċitati xi wħud mill-funzjonijiet amministrattivi jew il-funzjonijiet amministrattivi kollha tal-korp maniġerjali tal-istituzzjoni jew tal-entità. Is-setgħat tal-amministratur temporanju b’rabta mal-istituzzjoni jew mal-entità għandhom ikunu konformi mad-dritt tal-kumpaniji applikabbli. Tali setgħat jistgħu jiġu aġġustati f’każ ta’ bidla fiċ-ċirkostanzi mill-awtorità kompetenti.

3.L-awtorità kompetenti għandha tispeċifika r-rwol u l-funzjonijiet tal-amministratur temporanju fil-mument tal-ħatra. Tali rwoli u funzjonijiet jistgħu jinkludu:(a)l-aċċertament tal-pożizzjoni finanzjarja tal-istituzzjoni jew tal-entità msemmija fil-punti (b), (c) jew (d) tal-Artikolu 1(1);(b)il-ġestjoni tan-negozju jew ta’ parti min-negozju tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) biex tiġi ppreservata jew titreġġa’ lura l-pożizzjoni finanzjarja tagħha;(c)it-teħid ta’ miżuri biex titreġġa’ lura l-ġestjoni tajba u prudenti tan-negozju tal-istituzzjoni jew tal-entità msemmija fil-punti (b), (c) jew (d) tal-Artikolu 1(1).

L-awtorità kompetenti għandha tispeċifika kwalunkwe limitu fuq ir-rwol u l-funzjonijiet tal-amministratur temporanju fil-mument tal-ħatra tiegħu.”;

“Fi kwalunkwe każ, l-amministratur temporanju jista’ jeżerċita s-setgħa li jsejjaħ laqgħa ġenerali tal-azzjonisti tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) u li jistabbilixxi l-aġenda ta’ tali laqgħa biss bil-kunsens minn qabel tal-awtorità kompetenti.”;

“6. Fuq talba tal-awtorità kompetenti, l-amministratur temporanju għandu jfassal rapporti dwar il-pożizzjoni finanzjarja tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) u dwar l-atti mwettqa matul il-ħatra tiegħu, f’intervalli stabbiliti mill-awtorità kompetenti, mill-inqas darba wara li jkunu għaddew l-ewwel sitt xhur, u, fi kwalunkwe każ, fi tmiem il-mandat tiegħu.”;

“7. L-amministratur temporanju għandu jiġi nnominat għal massimu ta’ sena. Dak il-perjodu jista’ jiġi mġedded eċċezzjonalment darba jekk il-kundizzjonijiet għan-nomina tal-amministratur temporanju jkomplu jiġu ssodisfati. L-awtorità kompetenti għandha tkun responsabbli biex tiddetermina jekk dawk il-kundizzjonijiet humiex issodisfati u tiġġustifika tali deċiżjoni lill-azzjonisti.”;

“Koordinazzjoni ta’ miżuri ta’ intervent bikri b’rabta mal-gruppi”;

“1. Meta l-kundizzjonijiet għall-impożizzjoni ta’ miżuri ta’ intervent bikri skont l-Artikolu 27 jiġu ssodisfati b’rabta ma’ impriża prinċipali tal-Unjoni, is-superviżur konsolidanti għandu jinnotifika lill-EBA u jikkonsulta lill-awtoritajiet kompetenti l-oħrajn fi ħdan il-kulleġġ superviżorju qabel ma jiddeċiedi li japplika miżura ta’ intervent bikri.

2.Wara n-notifika u l-konsultazzjoni msemmija fil-paragrafu 1, is-superviżur konsolidanti għandu jiddeċiedi jekk japplikax miżuri ta’ intervent bikri skont l-Artikolu 27 fir-rigward tal-impriża prinċipali tal-Unjoni rilevanti, filwaqt li jqis l-impatt ta’ dawk il-miżuri fuq l-entitajiet fi grupp fi Stati Membri oħrajn. Is-superviżur konsolidanti għandu jinnotifika d-deċiżjoni lill-EBA u lill-awtoritajiet kompetenti l-oħrajn fi ħdan il-kulleġġ superviżorju.

3.Meta jiġu ssodisfati l-kundizzjonijiet għall-impożizzjoni ta’ miżuri ta’ intervent bikri skont l-Artikolu 27 b’rabta ma’ sussidjarja ta’ impriża prinċipali tal-Unjoni, l-awtorità kompetenti responsabbli għas-superviżjoni fuq bażi individwali li jkollha l-intenzjoni tieħu miżura f’konformità ma’ dawk l-Artikoli għandha tinnotifika lill-EBA u tikkonsulta lis-superviżur konsolidanti.

Malli jirċievi n-notifika, is-superviżur konsolidanti jista’ jivvaluta l-impatt probabbli tal-impożizzjoni ta’ miżuri ta’ intervent bikri skont l-Artikolu 27 lill-istituzzjoni jew lill-entità msemmija fil-punti (b), (c) jew (d) tal-Artikolu 1(1) inkwistjoni fuq il-grupp jew fuq l-entitajiet fi grupp fi Stati Membri oħrajn. Is-superviżur konsolidanti għandu jikkomunika dik il-valutazzjoni lill-awtorità kompetenti fi żmien 3 ijiem.

Wara tali notifika u konsultazzjoni, l-awtorità kompetenti għandha tiddeċiedi jekk tapplikax miżura ta’ intervent bikri. Id-deċiżjoni għandha tagħti kunsiderazzjoni xierqa lil kwalunkwe valutazzjoni tas-superviżur konsolidanti. L-awtorità kompetenti għandha tinnotifika d-deċiżjoni lill-EBA, lis-superviżur konsolidanti u lil awtoritajiet kompetenti oħrajn fi ħdan il-kulleġġ superviżorju.

4.Meta aktar minn awtorità kompetenti waħda jkollhom il-ħsieb li japplikaw miżura ta’ intervent bikri skont l-Artikolu 27 għal aktar minn istituzzjoni jew entità waħda msemmija fil-punti (b), (c) jew (d) tal-Artikolu 1(1) fl-istess grupp, is-superviżur konsolidanti u l-awtoritajiet kompetenti rilevanti l-oħrajn għandhom jivvalutaw jekk huwiex aktar xieraq li jaħtru l-istess amministratur temporanju għall-entitajiet kollha kkonċernati jew li jikkoordinaw l-applikazzjoni tal-miżuri l-oħrajn ta’ intervent bikri għal aktar minn istituzzjoni jew entità waħda sabiex jiġu ffaċilitati s-soluzzjonijiet li jreġġgħu lura l-pożizzjoni finanzjarja tal-istituzzjoni jew tal-entità kkonċernata. Il-valutazzjoni għandha tieħu l-forma ta’ deċiżjoni konġunta tas-superviżur konsolidanti u tal-awtoritajiet kompetenti rilevanti l-oħrajn. Id-deċiżjoni konġunta għandha tintlaħaq fi żmien 5 ijiem mid-data tan-notifika msemmija fil-paragrafu 1. Id-deċiżjoni konġunta għandha tkun motivata u stabbilita f’dokument li għandu jiġi pprovdut mis-superviżur konsolidanti lill-impriża prinċipali tal-Unjoni.

L-EBA tista’, fuq talba ta’ awtorità kompetenti, tgħin lill-awtoritajiet kompetenti jaslu għal ftehim f’konformità mal-Artikolu 31 tar-Regolament (UE) Nru 1093/2010.

Fin-nuqqas ta’ deċiżjoni konġunta fi żmien 5 ijiem, is-superviżur konsolidanti u l-awtoritajiet kompetenti tas-sussidjarji jistgħu jieħdu deċiżjonijiet individwali dwar il-ħatra ta’ amministratur temporanju għall-istituzzjonijiet jew l-entitajiet imsemmija fil-punti (b), (c) jew (d) tal-Artikolu 1(1), li għalihom għandhom responsabbiltà u dwar l-applikazzjoni tal-miżuri l-oħrajn ta’ intervent bikri.”;

“6. “6. L-EBA tista’, fuq talba ta’ kwalunkwe awtorità kompetenti, tgħin lill-awtoritajiet kompetenti li jkollhom il-ħsieb li japplikaw waħda jew aktar mill-miżuri fil-punt (a) tal-Artikolu 27(1a) ta’ din id-Direttiva fir-rigward tal-punti (4), (10), (11) u (19) tat-Taqsima A tal-Anness ta’ din id-Direttiva, fil-punt (c) tal-Artikolu 27(1a) ta’ din id-Direttiva jew fil-punt (d) tal-Artikolu 27(1a) ta’ din id-Direttiva jilħqu ftehim f’konformità mal-Artikolu 19(3) tar-Regolament (UE) Nru 1093/2010.”;

“Artikolu 30a

Tħejjija għar-riżoluzzjoni

1.L-Istati Membri għandhom jiżguraw li l-awtoritajiet kompetenti jinnotifikaw lill-awtoritajiet ta’ riżoluzzjoni mingħajr dewmien bi kwalunkwe waħda minn dawn li ġejjin:(a)kwalunkwe waħda mill-miżuri msemmija fl-Artikolu 104(1) tad-Direttiva 2013/36/UE li jirrikjedu li tittieħed minn istituzzjoni jew entità msemmija fil-punti (b), (c) jew (d) tal-Artikolu 1(1) ta’ din id-Direttiva li għandhom l-għan li jindirizzaw deterjorament tas-sitwazzjoni ta’ istituzzjoni, entità jew grupp;(b)meta l-attività superviżorja turi li l-kundizzjonijiet stabbiliti fl-Artikolu 27(1) ta’ din id-Direttiva huma ssodisfati b’rabta ma’ istituzzjoni jew entità msemmija fil-punti (b), (c) jew (d) tal-Artikolu 1(1) ta’ din id-Direttiva, il-valutazzjoni li dawk il-kundizzjonijiet huma ssodisfati, irrispettivament minn kwalunkwe miżura ta’ intervent bikri;(c)l-applikazzjoni ta’ kwalunkwe waħda mill-miżuri ta’ intervent bikri msemmija fl-Artikolu 27.

L-awtoritajiet kompetenti għandhom jimmonitorjaw mill-qrib, f’kooperazzjoni mill-qrib mal-awtoritajiet ta’ riżoluzzjoni, is-sitwazzjoni tal-istituzzjoni jew tal-entità u l-konformità tagħhom mal-miżuri msemmija fil-punt (a) tal-ewwel subparagrafu, li għandhom l-għan li jindirizzaw deterjorament fis-sitwazzjoni ta’ dik l-istituzzjoni jew l-entità, u mal-miżuri ta’ intervent bikri msemmija fil-punt (c) tal-ewwel subparagrafu.

2.L-awtoritajiet kompetenti għandhom jinnotifikaw lill-awtoritajiet ta’ riżoluzzjoni mill-aktar fis possibbli meta jqisu li hemm riskju materjali li waħda jew aktar miċ-ċirkostanzi fl-Artikolu 32(4) japplikaw b’rabta ma’ istituzzjoni jew entità msemmija fil-punti (b), (c) jew (d) tal-Artikolu 1(1). Dik in-notifika għandu jkun fiha:(a)ir-raġunijiet għan-notifika;(b)ħarsa ġenerali lejn il-miżuri li jipprevjenu l-falliment tal-istituzzjoni jew tal-entità f’perjodu ta’ żmien raġonevoli, l-impatt mistenni tagħhom fuq l-istituzzjoni jew l-entità fir-rigward taċ-ċirkostanzi msemmija fl-Artikolu 32(4) u l-perjodu ta’ żmien mistenni għall-implimentazzjoni ta’ dawk il-miżuri.

Wara li jkunu rċevew in-notifika msemmija fl-ewwel subparagrafu, l-awtoritajiet ta’ riżoluzzjoni għandhom jivvalutaw, f’kooperazzjoni mill-qrib mal-awtoritajiet kompetenti, x’jikkostitwixxi perjodu ta’ żmien raġonevoli għall-finijiet tal-valutazzjoni tal-kundizzjoni msemmija fil-punt (b) tal-Artikolu 32(1), filwaqt li jqisu l-ħeffa tad-deterjorament tal-kundizzjonijiet tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), l-impatt potenzjali fuq is-sistema finanzjarja, fuq il-protezzjoni tad-depożitanti u fuq il-preservazzjoni tal-fondi tal-klijent, ir-riskju li proċess twil iżid l-ispejjeż ġenerali għall-konsumaturi u għall-ekonomija, il-ħtieġa li tiġi implimentata b’mod effettiv l-istrateġija ta’ riżoluzzjoni u kwalunkwe kunsiderazzjoni rilevanti oħra. L-awtoritajiet ta’ riżoluzzjoni għandhom jikkomunikaw dik il-valutazzjoni lill-awtoritajiet kompetenti mill-aktar fis possibbli.

Wara n-notifika msemmija fl-ewwel subparagrafu, l-awtoritajiet kompetenti u l-awtoritajiet ta’ riżoluzzjoni għandhom, f’kooperazzjoni mill-qrib, jimmonitorjaw is-sitwazzjoni tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), l-implimentazzjoni ta’ kwalunkwe miżura rilevanti fil-perjodu ta’ żmien mistenni tagħha u kwalunkwe żvilupp rilevanti ieħor. Għal dak il-għan, l-awtoritajiet ta’ riżoluzzjoni u l-awtoritajiet kompetenti għandhom jiltaqgħu regolarment, bi frekwenza stabbilita mill-awtoritajiet ta’ riżoluzzjoni wara li jqisu ċ-ċirkostanzi tal-każ. L-awtoritajiet kompetenti u l-awtoritajiet ta’ riżoluzzjoni għandhom jipprovdu lil xulxin bi kwalunkwe informazzjoni rilevanti mingħajr dewmien.

3.L-awtoritajiet kompetenti għandhom jipprovdu lill-awtoritajiet ta’ riżoluzzjoni bl-informazzjoni kollha mitluba mill-awtoritajiet ta’ riżoluzzjoni meħtieġa għal dawn kollha li ġejjin:(a)l-aġġornament tal-pjan ta’ riżoluzzjoni u t-tħejjija għar-riżoluzzjoni possibbli tal-istituzzjoni jew tal-entità msemmija fil-punti (b), (c) jew (d) tal-Artikolu 1(1);(b)it-twettiq tal-valwazzjoni msemmija fl-Artikolu 36.

Meta tali informazzjoni ma tkunx diġà disponibbli għall-awtoritajiet kompetenti, l-awtoritajiet ta’ riżoluzzjoni u l-awtoritajiet kompetenti għandhom jikkooperaw u jikkoordinaw biex jiksbu dik l-informazzjoni. Għal dak il-għan, l-awtoritajiet kompetenti għandu jkollhom is-setgħa li jitolbu lill-istituzzjoni jew lill-entità msemmija fil-punti (b), (c) jew (d) tal-Artikolu 1(1) biex tipprovdi tali informazzjoni, inkluż permezz ta’ spezzjonijiet fuq il-post, u biex tipprovdi dik l-informazzjoni lill-awtoritajiet ta’ riżoluzzjoni.

4.Is-setgħat tal-awtoritajiet ta’ riżoluzzjoni għandhom jinkludu s-setgħa li jikkummerċjalizzaw lil xerrejja potenzjali, jew jagħmlu arranġamenti għal tali kummerċjalizzazzjoni, l-istituzzjoni jew l-entità msemmija fil-punti (b), (c) jew (d) tal-Artikolu 1(1), lil xerrejja potenzjali, jew jirrikjedu li l-istituzzjoni jew l-entità tagħmel dan, għall-finijiet li ġejjin:(a)biex tipprepara għar-riżoluzzjoni ta’ dik l-istituzzjoni jew l-entità, soġġetta għall-kundizzjonijiet stabbiliti fl-Artikolu 39(2) u d-dispożizzjonijiet dwar il-kunfidenzjalità stabbiliti fl-Artikolu 84;(b)biex tinforma l-valutazzjoni mill-awtorità ta’ riżoluzzjoni dwar il-kundizzjoni msemmija fil-punt (b) tal-Artikolu 32(1).

4a.Fejn, fl-eżerċizzju tas-setgħa msemmija fil-paragrafu 4, l-awtorità ta’ riżoluzzjoni tiddeċiedi li tikkummerċjalizza direttament lil xerrejja potenzjali, għandha tqis kif dovut iċ-ċirkostanzi tal-każ u l-impatt potenzjali tal-eżerċizzju ta’ dik is-setgħa fuq il-pożizzjoni ġenerali tal-entità.

5.Għall-finijiet tal-paragrafu 4, l-awtoritajiet ta’ riżoluzzjoni għandu jkollhom is-setgħa li jitolbu lill-istituzzjoni jew lill-entità msemmija fil-punti (b), (c) jew (d) tal-Artikolu 1(1) tistabbilixxi pjattaforma diġitali għall-kondiviżjoni tal-informazzjoni li hija meħtieġa għall-kummerċjalizzazzjoni ta’ dik l-istituzzjoni jew l-entità ma’ xerrejja potenzjali jew ma’ konsulenti u valwaturi involuti mill-awtorità ta’ riżoluzzjoni. F’tali każ, għandu japplika l-punt (e) tal-Artikolu 84(1).

6.Id-determinazzjoni li l-kundizzjonijiet stabbiliti fl-Artikolu 27(1) huma ssodisfati u l-adozzjoni minn qabel ta’ miżuri ta’ intervent bikri ma għandhomx ikunu kundizzjonijiet meħtieġa biex l-awtoritajiet ta’ riżoluzzjoni jħejju għar-riżoluzzjoni tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), jew jeżerċitaw is-setgħa msemmija fil-paragrafi 4 u 5 ta’ dan l-Artikolu.

7.L-awtoritajiet ta’ riżoluzzjoni għandhom jinformaw lill-awtoritajiet kompetenti bi kwalunkwe azzjoni meħuda skont il-paragrafi 4 u 5 mingħajr dewmien.

8.L-Istati Membri għandhom jiżguraw li l-awtoritajiet kompetenti u l-awtoritajiet ta’ riżoluzzjoni jikkooperaw mill-qrib:(a)meta jikkunsidraw li jieħdu l-miżuri msemmija fil-punt (a) tal-ewwel subparagrafu tal-paragrafu 1 ta’ dan l-Artikolu, li għandhom l-għan li jindirizzaw deterjorament fis-sitwazzjoni ta’ istituzzjoni jew entità msemmija fil-punti (b), (c) jew (d) tal-Artikolu 1(1), kif ukoll il-miżuri msemmija fil-punt (c) tal-ewwel subparagrafu tal-paragrafu 1 ta’ dan l-Artikolu;(b)meta jikkunsidraw li jieħdu kwalunkwe waħda mill-azzjonijiet imsemmija fil-paragrafi 4 u 5;(c)matul l-implimentazzjoni tal-azzjonijiet imsemmija fil-punti (a) u (b) ta’ dan is-subparagrafu.

L-awtoritajiet kompetenti u l-awtoritajiet ta’ riżoluzzjoni għandhom jiżguraw li dawk il-miżuri u l-azzjonijiet ikunu konsistenti, ikkoordinati u effettivi.”;

“(c) li jiġu protetti l-fondi pubbliċi billi tiġi mminimizzata d-dipendenza fuq l-appoġġ finanzjarju pubbliku straordinarju, b’mod partikolari meta jiġi pprovdut mill-baġit ta’ Stat Membru;(d)li jiġu protetti d-depożiti koperti u, sa fejn possibbli, anke l-parti mhux koperta tad-depożiti eliġibbli ta’ persuni fiżiċi u ta’ intrapriżi ta’ daqs mikro, żgħir u medju, u li jiġu protetti l-investituri koperti mid-Direttiva 97/9/KE;”;

“1. L-Istati Membri għandhom jiżguraw li l-awtoritajiet ta’ riżoluzzjoni jieħdu azzjoni ta’ riżoluzzjoni b’rabta ma’ istituzzjoni jekk l-awtoritajiet ta’ riżoluzzjoni jiddeterminaw, malli jirċievu komunikazzjoni skont il-paragrafu 2 jew fuq inizjattiva tagħhom stess skont il-proċedura stabbilita fil-paragrafu 2, li jiġu ssodisfati l-kundizzjonijiet kollha li ġejjin:(a)l-istituzzjoni qed tfalli jew x’aktarx tfalli;(b)▌ma jkun hemm l-ebda prospett raġonevoli li kwalunkwe miżura alternattiva tas-settur privat, inklużi miżuri minn IPS, azzjoni superviżorja, miżuri ta’ intervent bikri, jew valwazzjoni negattiva jew konverżjoni tal-istrumenti kapitali u l-obbligazzjonijiet eliġibbli rilevanti kif imsemmija flArtikolu 59(2) meħuda fir-rigward tal-istituzzjoni, jipprevjenu l-istituzzjoni milli tfalli jew li x’aktarx tfalli f’perjodu ta’ żmien raġonevoli;(c)azzjoni ta’ riżoluzzjoni hija fl-interess pubbliku skont il-paragrafu 5.

2.L-Istati Membri għandhom jiżguraw li l-awtorità kompetenti tagħmel valutazzjoni tal-kundizzjoni msemmija fil-punt (a) tal-paragrafu 1, wara li tkun ikkonsultat mal-awtorità ta’ riżoluzzjoni.

L-Istati Membri jistgħu jistabbilixxu li, minbarra l-awtorità kompetenti, il-valutazzjoni tal-kundizzjoni msemmija fil-punt (a) tal-paragrafu 1 tista’ ssir mill-awtorità ta’ riżoluzzjoni, wara li tikkonsulta mal-awtorità kompetenti, meta l-awtoritajiet ta’ riżoluzzjoni skont il-liġi nazzjonali jkollhom l-għodod meħtieġa biex jagħmlu tali valutazzjoni, inkluż, b’mod partikolari, aċċess adegwat għall-informazzjoni rilevanti. F’każ bħal dan, l-Istati Membri għandhom jiżguraw li l-awtorità kompetenti tipprovdi lill-awtorità ta’ riżoluzzjoni, mingħajr dewmien, kwalunkwe informazzjoni rilevanti li din tal-aħħar titlob biex twettaq il-valutazzjoni tagħha, qabel jew wara li tiġi infurmata mill-awtorità ta’ riżoluzzjoni bl-intenzjoni tagħha li tagħmel dik il-valutazzjoni.

Il-valutazzjoni tal-kundizzjoni msemmija fil-punt (b) tal-paragrafu 1 għandha ssir mill-awtorità ta’ riżoluzzjoni f’kooperazzjoni mill-qrib mal-awtorità kompetenti, wara li tikkonsulta lil awtorità nominata tal-SGD u, fejn xieraq, IPS li tiegħu l-istituzzjoni hija membru, mingħajr dewmien. Il-konsultazzjoni mal-IPS għandha tinkludi kunsiderazzjoni tad-disponibbiltà tal-miżuri mill-IPS li jistgħu jipprevjenu l-falliment tal-istituzzjoni fi żmien raġonevoli. L-awtorità kompetenti għandha, mingħajr dewmien, tipprovdi lill-awtorità ta’ riżoluzzjoni bi kwalunkwe informazzjoni rilevanti li l-awtorità ta’ riżoluzzjoni titlob biex tinforma l-valutazzjoni tagħha. L-awtorità kompetenti tista’ wkoll tinforma lill-awtorità ta’ riżoluzzjoni li hija tqis li l-kundizzjoni stabbilita fil-punt (b) tal-paragrafu 1 hija ssodisfata.”;

“(d) ikun meħtieġ appoġġ finanzjarju pubbliku straordinarju, ħlief meta tali appoġġ jingħata f’waħda mill-forom imsemmija fl-Artikolu 32c;

“5. Għall-finijiet tal-punt (c) tal-paragrafu 1, azzjoni ta’ riżoluzzjoni għandha tiġi ttrattata bħala fl-interess pubbliku meta l-azzjoni ta’ riżoluzzjoni tkun meħtieġa sabiex jintlaħqu u jkunu proporzjonati ma’ wieħed jew aktar mill-objettivi ta’ riżoluzzjoni msemmija fl-Artikolu 31 u meta l-istralċ tal-istituzzjoni taħt proċedimenti normali ta’ insolvenza ma jilħaqx dawk l-objettivi ta’ riżoluzzjoni b’mod aktar effettiv.

L-azzjoni ta’ riżoluzzjoni għandha tiġi preżunta li mhijiex fl-interess pubbliku għall-finijiet tal-punt (c) tal-paragrafu 1 ta’ dan l-Artikolu meta l-awtorità ta’ riżoluzzjoni tkun iddeċidiet li tapplika obbligi simplifikati għal istituzzjoni skont l-Artikolu 4. Il-preżunzjoni għandha tkun rifutabbli u m’għandhiex tapplika fejn awtorità ta’ riżoluzzjoni tivvaluta li wieħed mill-għanijiet tar-riżoluzzjoni jew aktar ikunu f’riskju jekk l-istituzzjoni tiġi stralċata taħt proċedimenti ta’ insolvenza normali.

L-Istati Membri għandhom jiżguraw li meta twettaq il-valutazzjoni msemmija fl-ewwel subparagrafu, l-awtorità ta’ riżoluzzjoni, abbażi tal-informazzjoni disponibbli għaliha fiż-żmien meta saret dik il-valutazzjoni, tivvaluta u tqabbel l-appoġġ finanzjarju pubbliku straordinarju kollu ▌li jingħata lill-istituzzjoni, kemm fil-każ ta’ riżoluzzjoni kif ukoll fil-każ ta’ stralċ f’konformità mal-liġi nazzjonali applikabbli.”;

5a.L-EBA għandha tikkontribwixxi għall-monitoraġġ u l-promozzjoni tal-applikazzjoni effettiva u konsistenti tal-valutazzjoni tal-interess pubbliku msemmija fil-paragrafu 5.

Sa ... [sentejn mid-data ta’ applikazzjoni ta’ din id-Direttiva emendatorja], l-EBA għandha tipprovdi rapport dwar il-kamp ta’ applikazzjoni u l-applikazzjoni tal-paragrafu 5 madwar l-Unjoni. Dak ir-rapport għandu jiġi kondiviż mal-Kummissjoni sabiex tiġi vvalutata l-effettività tal-miżuri deskritti fil-paragrafu 5 u l-impatt tagħhom fuq il-kundizzjonijiet ekwi.

Abbażi tal-eżitu tar-rapport, l-EBA tista’ tiżviluppa standards tekniċi regolatorji bil-għan li tikkonverġi l-prattiki u toħloq kundizzjonijiet ekwi fost l-Istati Membri sa ... [sentejn mid-data ta’ applikazzjoni ta’ din id-Direttiva emendatorja]. ”

“Artikolu 32a

Il-kundizzjonijiet għar-riżoluzzjoni fir-rigward ta’ korp ċentrali u istituzzjonijiet ta’ kreditu affiljati b’mod permanenti ma’ korp ċentrali

L-Istati Membri għandhom jiżguraw li l-awtoritajiet ta’ riżoluzzjoni ▌jieħdu azzjoni ta’ riżoluzzjoni b’rabta ma’ korp ċentrali u l-istituzzjonijiet ta’ kreditu kollha affiljati miegħu b’mod permanenti li huma parti mill-istess grupp ta’ riżoluzzjoni biss meta l-korp ċentrali u l-istituzzjonijiet ta’ kreditu kollha affiljati miegħu b’mod permanenti, jew il-grupp ta’ riżoluzzjoni li għalih jappartjenu, jikkonformaw b’mod ġenerali mal-kundizzjonijiet stabbiliti fl-Artikolu 32(1).

Artikolu 32b

Proċedimenti fir-rigward ta’ istituzzjonijiet u entitajiet li ma humiex soġġetti għal azzjoni ta’ riżoluzzjoni

1.L-Istati Membri għandhom jiżguraw li, meta awtorità ta’ riżoluzzjoni tiddetermina li istituzzjoni jew entità msemmija fil-punti (b), (c) jew (d) tal-Artikolu 1(1) tissodisfa l-kundizzjonijiet stabbiliti fil-punti (a) u (b) tal-Artikolu 32(1), iżda mhux il-kundizzjoni stabbilita fil-punt (c) tal-Artikolu 32(1), l-awtorità amministrattiva jew ġudizzjarja nazzjonali rilevanti għandha s-setgħa li tibda mingħajr dewmien il-proċedura għall-istralċ tal-istituzzjoni jew tal-entità b’mod ordnat f’konformità mal-liġi nazzjonali applikabbli.

2.L-Istati Membri għandhom jiżguraw li istituzzjoni jew entità msemmija fil-punti (b), (c) jew (d) tal-Artikolu 1(1), li tiġi stralċjata b’mod ordnat f’konformità mal-liġi nazzjonali applikabbli toħroġ mis-suq jew ittemm l-attivitajiet bankarji tagħha f’perjodu ta’ żmien raġonevoli.

3.L-Istati Membri għandhom jiżguraw li meta awtorità ta’ riżoluzzjoni tiddetermina li istituzzjoni jew entità msemmija fil-punti (b), (c) jew (d) tal-Artikolu 1(1) tissodisfa l-kundizzjonijiet fil-punti (a) u (b) tal-Artikolu 32(1), iżda mhux il-kundizzjoni fil-punt (c) tal-Artikolu 32(1), id-determinazzjoni li l-istituzzjoni jew l-entità qed tfalli jew x’aktarx tfalli skont il-punt (a) tal-Artikolu 32(1) hija kundizzjoni għall-irtirar tal-awtorizzazzjoni mill-awtorità kompetenti skont l-Artikolu 18 tad-Direttiva 2013/36/UE.

4.L-Istati Membri għandhom jiżguraw li l-irtirar tal-awtorizzazzjoni tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) huwa kundizzjoni suffiċjenti sabiex awtorità amministrattiva jew ġudizzjarja nazzjonali rilevanti tkun tista’ tibda mingħajr dewmien il-proċedura biex tiġi stralċjata l-istituzzjoni jew l-entità b’mod ordnat f’konformità mal-liġi nazzjonali applikabbli.”:

“Artikolu 32c

Appoġġ finanzjarju pubbliku straordinarju

1.L-Istati Membri għandhom jiżguraw li l-appoġġ finanzjarju pubbliku straordinarju barra mill-azzjoni ta’ riżoluzzjoni jista’ jingħata lil istituzzjoni jew entità kif imsemmi fil-punti (b), (c) jew (d) tal-Artikolu 1(1), fuq bażi eċċezzjonali biss f’wieħed mill-każijiet li ġejjin u diment li l-appoġġ finanzjarju pubbliku straordinarju jikkonforma mal-kundizzjonijiet u r-rekwiżiti stabbiliti fil-qafas tal-Unjoni dwar l-għajnuna mill-Istat:(a)meta, sabiex jiġi rrimedjat disturb serju fl-ekonomija ta’ Stat Membru ta’ natura eċċezzjonali jew sistemika u sabiex tiġi ppreservata l-istabbiltà finanzjarja, l-appoġġ finanzjarju pubbliku straordinarju jieħu kwalunkwe waħda mill-forom li ġejjin:(i)garanzija tal-gvern biex tappoġġa l-faċilitajiet ta’ likwidità pprovduti minn banek ċentrali f’konformità mal-kundizzjonijiet tal-banek ċentrali;(ii)garanzija tal-gvern ta’ obbligazzjonijiet maħruġa ġodda;(iii)akkwiżizzjoni ta’ strumenti ta’ fondi proprji għajr strumenti tal-Grad 1 ta’ Ekwità Komuni, jew ta’ strumenti kapitali oħrajn jew użu ta’ miżuri ta’ assi indeboliti, bi prezzijiet, durata u termini oħrajn li ma jagħtux vantaġġ mhux dovut lill-istituzzjoni jew l-entità kkonċernata, sakemm ebda miċ-ċirkostanzi msemmija fil-punti (a), (b) jew (c) tal-Artikolu 32(4) u lanqas iċ-ċirkostanzi msemmija fl-Artikolu 59(3) ma jkunu preżenti fiż-żmien meta jingħata l-appoġġ pubbliku;(b)meta l-appoġġ finanzjarju pubbliku straordinarju jieħu l-forma ta’ intervent kosteffettiv minn skema ta’ garanzija tad-depożiti ▌f’konformità mal-kundizzjonijiet stabbiliti fl-Artikoli 11a u 11b tad-Direttiva 2014/49/UE, diment li l-ebda waħda miċ-ċirkostanzi msemmija fl-Artikolu 32(4) ma tkun preżenti;(c)meta l-appoġġ finanzjarju pubbliku straordinarju jieħu l-forma ta’ intervent kosteffettiv minn skema ta’ garanzija tad-depożiti fil-kuntest tal-istralċ ta’ istituzzjoni tal-kreditu skont l-Artikolu 32b u f’konformità mal-kundizzjonijiet stabbiliti fl-Artikolu 11(5) tad-Direttiva 2014/49/UE;(d)meta l-appoġġ finanzjarju pubbliku straordinarju jieħu l-forma ta’ għajnuna mill-Istat skont it-tifsira tal-Artikolu 107(1) tat-TFUE mogħtija fil-kuntest tal-istralċ tal-istituzzjoni jew tal-entità skont l-Artikolu 32b ta’ din id-Direttiva, għajr l-appoġġ mogħti minn skema ta’ garanzija tad-depożiti skont l-Artikolu 11(5) tad-Direttiva 2014/49/UE.

2.Il-miżuri ta’ appoġġ imsemmija fil-punt (a) tal-paragrafu 1 għandhom jissodisfaw il-kundizzjonijiet kollha li ġejjin:(a)il-miżuri jkunu limitati għal istituzzjonijiet jew entitajiet solventi, kif ikkonfermat mill-awtorità kompetenti;(b)il-miżuri jkunu ta’ natura prekawzjonarja u temporanja u jkunu bbażati fuq strateġija definita minn qabel għall-ħruġ mill-miżura ta’ appoġġ approvata mill-awtorità kompetenti, inkluża data ta’ terminazzjoni speċifikata b’mod ċar, data tal-bejgħ jew skeda ta’ ħlas lura għal kwalunkwe waħda mill-miżuri pprovduti; din l-informazzjoni m’għandhiex tiġi żvelata qabel sena wara l-konklużjoni tal-istrateġija għall-ħruġ mill-miżura ta’ appoġġ, jew l-implimentazzjoni tal-pjan ta’ rimedju, jew il-valutazzjoni skont is-seba’ paragrafu ta’ dan il-paragrafu;(c)il-miżuri jkunu proporzjonati biex jirrimedjaw il-konsegwenzi tad-disturb serju jew biex jippreservaw l-istabbiltà finanzjarja;(d)il-miżuri ma jintużawx biex jikkumpensaw għat-telf li l-istituzzjoni jew l-entità tkun ġarrbet jew li x’aktarx iġġarrab matul it-12-il xahar li ġejjin.

Għall-finijiet tal-punt (a) tal-ewwel subparagrafu, istituzzjoni jew entità għandha titqies li hija solventi meta l-awtorità kompetenti tkun ikkonkludiet li ma seħħ l-ebda ksur, jew li x’aktarx iseħħ fit-12-il xahar ta’ wara, abbażi tal-aspettattivi attwali, ta’ kwalunkwe wieħed mir-rekwiżiti msemmija fl-Artikolu 92(1) tar-Regolament (UE) Nru 575/2013, fl-Artikolu 104a tad-Direttiva 2013/36/UE, fl-Artikolu 11(1) tar-Regolament (UE) 2019/2033, fl-Artikolu 40 tad-Direttiva (UE) 2019/2034 jew tar-rekwiżiti applikabbli rilevanti skont id-dritt tal-Unjoni jew il-liġi nazzjonali.

Għall-finijiet tal-punt (d) tal-ewwel subparagrafu, l-awtorità kompetenti rilevanti għandha tikkwantifika t-telf li l-istituzzjoni jew l-entità ġarrbet jew x’aktarx iġġarrab. Dik il-kwantifikazzjoni għandha tkun ibbażata, bħala minimu, fuq rieżamijiet tal-kwalità tal-assi mwettqa mill-BĊE, l-EBA jew l-awtoritajiet nazzjonali jew, fejn xieraq, waqt spezzjonijiet fil-post imwettqa mill-awtorità kompetenti. Meta tali eżerċizzji ma jistgħux isiru fiż-żmien dovut, l-awtorità kompetenti tista’ tibbaża l-valutazzjoni tagħha fuq il-karta bilanċjali tal-istituzzjoni jew tal-entità, diment li l-karta bilanċjali tikkonforma mar-regoli u l-istandards kontabilistiċi applikabbli, kif ikkonfermati minn awditur estern indipendenti. L-awtorità kompetenti għandha tagħmel l-għalmu tagħha biex tiżgura li l-kwantifikazzjoni tkun ibbażata fuq il-valur fis-suq tal-assi, obbligazzjonijiet u prodotti li ma jidhrux fuq il-karta bilanċjali tal-istituzzjoni jew tal-entità.

Il-miżuri ta’ appoġġ imsemmija fil-punt (a)(iii) tal-paragrafu 1 għandhom ikunu limitati għal miżuri li ġew ivvalutati mill-awtorità kompetenti kif meħtieġ biex tiġi żgurata s-solvenza tal-istituzzjoni jew tal-entità billi jiġi indirizzat id-defiċit ta’ kapital tagħha stabbilit fix-xenarju avvers ta’ testijiet tal-istress nazzjonali, tal-Unjoni jew tal-SSM jew eżerċizzji ekwivalenti mwettqa mill-Bank Ċentrali Ewropew, mill-EBA jew mill-awtoritajiet nazzjonali, fejn applikabbli, ikkonfermati mill-awtorità kompetenti.

B’deroga mill-punt (a)(iii) tal-paragrafu 1, l-akkwiżizzjoni ta’ strumenti tal-Grad 1 ta’ Ekwità Komuni għandha tkun permessa b’mod eċċezzjonali meta n-natura tad-defiċit identifikat tkun tali li l-akkwiżizzjoni ta’ kwalunkwe strument ieħor ta’ fondi proprji jew ta’ strumenti kapitali oħrajn ma tkunx tagħmilha possibbli għall-istituzzjoni jew għall-entità kkonċernata li tindirizza d-defiċit ta’ kapital tagħha stabbilit fix-xenarju avvers fit-test tal-istress rilevanti jew f’eżerċizzju ekwivalenti. L-ammont ta’ strumenti tal-Grad 1 ta’ Ekwità Komuni akkwiżiti ma għandux jaqbeż 2 % tal-ammont totali tal-iskopertura għar-riskju tal-istituzzjoni jew tal-entità kkonċernata kkalkolat f’konformità mal-Artikolu 92(3) tar-Regolament (UE) Nru 575/2013.

F’każ li kwalunkwe waħda mill-miżuri ta’ appoġġ imsemmija fil-punt (a) tal-paragrafu 1 ma tiġix mifdija, imħallsa lura jew itterminata b’xi mod ieħor f’konformità mat-termini tal-istrateġija ▌għall-ħruġ mill-miżura ta’ appoġġ stabbilita fiż-żmien meta ngħatat tali miżura, l-awtorità kompetenti għandha titlob lill-istituzzjoni jew lill-entità jissottomettu pjan ta’ rimedju ta’ darba. Il-pjan ta’ rimedju għandu jiddeskrivi l-passi li għandhom jittieħdu sabiex tinżamm jew terġa’ tinkiseb konformità mar-rekwiżiti superviżorji, il-vijabbiltà fit-tul tal-istituzzjoni jew tal-entità u l-kapaċità tagħha li tħallas lura l-ammont ipprovdut, kif ukoll il-perjodu ta’ żmien assoċjat.

Meta l-awtorità kompetenti ma tirrikonoxxix il-pjan ta’ rimedju ta’ darba bħala kredibbli jew vijabbli jew meta l-istituzzjoni jew l-entità tonqos milli tikkonforma mal-pjan ta’ rimedju, għandha ssir valutazzjoni ta’ jekk l-istituzzjoni jew l-entità hijiex qed tfalli jew aktarx tfalli f’konformità mal-Artikolu 32.

3.L-EBA għandha, sa [PO jekk jogħġbok daħħal id-data = sena (1) wara d-data tad-dħul fis-seħħ ta’ din id-Direttiva], toħroġ linji gwida f’konformità mal-Artikolu 16 tar-Regolament (UE) Nru 1093/2010 dwar it-tip ta’ testijiet, rieżamijiet jew eżerċizzji msemmija fir-raba’ subparagrafu tal-paragrafu 2, li jista’ jwassal għall-miżuri ta’ appoġġ imsemmija fil-punt (a)(iii) tal-paragrafu 1.”;

“2. L-Istati Membri għandhom jiżguraw li l-awtoritajiet ta’ riżoluzzjoni jieħdu azzjoni ta’ riżoluzzjoni b’rabta ma’ entità msemmija fil-punti (c) jew (d) tal-Artikolu 1(1), meta dik l-entità tissodisfa l-kundizzjonijiet stabbiliti fl-Artikolu 32(1).

Għal dawk il-finijiet, entità msemmija fil-punti (c) jew (d) tal-Artikolu 1(1) għandha titqies li qed tfalli jew x’aktarx tfalli fi kwalunkwe waħda miċ-ċirkostanzi li ġejjin:(a)l-entità tissodisfa waħda jew aktar mill-kundizzjonijiet stabbiliti fil-punti (b), (c) jew (d) tal-Artikolu 32(4);(b)l-entità tikser materjalment jew ikun hemm elementi oġġettivi li juru li l-entità, fil-futur qrib, se tikser materjalment ir-rekwiżiti applikabbli stabbiliti fir-Regolament (UE) Nru 575/2013 jew fid-Direttiva 2013/36/UE.”;

“L-Istati Membri għandhom jiżguraw li l-awtoritajiet ta’ riżoluzzjoni jinnotifikaw lill-istituzzjoni jew l-entità msemmija fil-punti (b), (c) jew (d) tal-Artikolu 1(1) u lill-awtoritajiet imsemmija fil-punti minn (a) sa (h) tal-Artikolu 83(2) mingħajr dewmien meta jeżerċitaw is-setgħa msemmija fil-paragrafu 1 ta’ dan l-Artikolu wara li jkun ġie ddeterminat li l-istituzzjoni jew l-entità qed tfalli jew x’aktarx tfalli skont il-punt (a) tal-Artikolu 32(1) u qabel ma tittieħed id-deċiżjoni ta’ riżoluzzjoni.”;

“B’deroga mill-ewwel subparagrafu, l-Istati Membri għandhom jiżguraw li, fejn tali setgħat jiġu eżerċitati fir-rigward tad-depożiti eliġibbli u dawk id-depożiti ma jitqisux bħala mhux disponibbli għall-finijiet tad-Direttiva 2014/49/UE, id-depożitanti jkollhom aċċess għal ammont xieraq ta’ kuljum minn dawk id-depożiti.”;

“1. L-Istati Membri għandhom jiżguraw li l-awtoritajiet ta’ riżoluzzjoni jkunu jistgħu jaħtru maniġer speċjali biex jissostitwixxi jew jaħdem mal-korp maniġerjali tal-istituzzjoni taħt riżoluzzjoni jew l-istituzzjoni tranżitorja. L-awtoritajiet ta’ riżoluzzjoni għandhom jippubblikaw il-ħatra ta’ maniġer speċjali. L-awtoritajiet ta’ riżoluzzjoni għandhom jiżguraw li l-maniġer speċjali jkollu l-kwalifiki, il-kapaċità u l-għarfien sabiex iwettaq il-funzjonijiet tiegħu.

L-Artikolu 91 tad-Direttiva 2013/36/UE ma għandux japplika għall-ħatra ta’ maniġers speċjali.”;

“Il-maniġer speċjali għandu jkollu s-setgħat kollha tal-azzjonisti u tal-korp maniġerjali tal-istituzzjoni taħt riżoluzzjoni jew tal-istituzzjoni tranżitorja.”;

“5. “5. L-Istati Membri għandhom jirrikjedu li maniġer speċjali jfassal rapporti għall-awtorità ta’ riżoluzzjoni tal-ħatra dwar is-sitwazzjoni ekonomika u finanzjarja tal-istituzzjoni taħt riżoluzzjoni jew tal-istituzzjoni tranżitorja u dwar l-atti mwettqa fit-twettiq ta’ dmirijietu, f’intervalli regolari stabbiliti mill-awtorità tar-riżoluzzjoni u fil-bidu u fl-aħħar tal-mandat tiegħu.”;

“1. “1. Qabel ma jiġi ddeterminat jekk il-kundizzjonijiet għar-riżoluzzjoni jew il-kundizzjonijiet għall-valwazzjoni negattiva jew għall-konverżjoni ta’ strumenti kapitali u obbligazzjonijiet eliġibbli rilevanti kif imsemmi fl-Artikolu 59 humiex issodisfati, l-awtoritajiet ta’ riżoluzzjoni għandhom jiżguraw li titwettaq valwazzjoni ġusta, prudenti u realistika tal-assi u l-obbligazzjonijiet tal-istituzzjoni jew l-entità msemmija fil-punti (b), (c) jew (d) tal-Artikolu 1(1) minn persuna li tkun indipendenti minn kwalunkwe awtorità pubblika, inkluża l-awtorità ta’ riżoluzzjoni, u tal-istituzzjoni jew l-entità msemmija fil-punti (b), (c) jew (d) tal-Artikolu 1(1).”;

“7a. “7a. Fejn meħtieġ biex jinforma d-deċiżjonijiet imsemmija fil-punti (c) u (d) tal-paragrafu 4, il-valwatur għandu jikkomplementa l-informazzjoni fil-punt (c) tal-paragrafu 6 bi stima tal-valur tal-assi u l-obbligazzjonijiet li ma jidhrux fuq il-karta bilanċjali, inklużi l-obbligazzjonijiet u l-assi kontinġenti.”;

“11. L-EBA għandha timmonitorja l-azzjonijiet u t-tħejjija tal-awtoritajiet ta’ riżoluzzjoni biex tiżgura implimentazzjoni effettiva tal-għodod u s-setgħat ta’ riżoluzzjoni fil-każ ta’ riżoluzzjoni. L-EBA għandha tirrapporta lill-Kummissjoni dwar is-sitwazzjoni attwali tal-prattiki eżistenti u d-diverġenzi possibbli madwar l-Istati Membri sa … [PO jekk jogħġbok daħħal id-data = sentejn (2) wara d-data tad-dħul fis-seħħ ta’ din id-Direttiva] u timmonitorja l-implimentazzjoni ta’ kwalunkwe rakkomandazzjoni stabbilita f’dak ir-rapport, fejn xieraq.

Ir-rapport imsemmi fl-ewwel subparagrafu għandu jkopri mill-inqas dawn li ġejjin:(a)l-arranġamenti fis-seħħ għall-implimentazzjoni tal-għodda ta’ rikapitalizzazzjoni interna u l-livell ta’ involviment mal-infrastrutturi tas-suq finanzjarju u mal-awtoritajiet ta’ pajjiżi terzi, fejn rilevanti;(b)l-arranġamenti fis-seħħ għall-operazzjonalizzazzjoni tal-użu ta’ għodod ta’ riżoluzzjoni oħrajn;(c)il-livell ta’ trasparenza lejn il-partijiet ikkonċernati rilevanti rigward l-arranġamenti msemmija fil-punti (a) u (b).”;

“Sabiex l-għodda tal-istituzzjoni tranżitorja tkun effettiva u b’kont meħud tal-ħtieġa li jinżammu l-funzjonijiet kritiċi fl-istituzzjoni tranżitorja jew sabiex jintlaħaq kwalunkwe wieħed mill-objettivi ta’ riżoluzzjoni, l-Istati Membri għandhom jiżguraw li l-awtoritajiet ta’ riżoluzzjoni jkollhom is-setgħa li jittrasferixxu lil istituzzjoni tranżitorja dawn kollha li ġejjin:”;

“L-applikazzjoni tal-għodda ta’ rikapitalizzazzjoni interna għall-għan imsemmi fil-punt (b) tal-Artikolu 43(2) ma għandhiex tinterferixxi mal-kapaċità tal-awtorità ta’ riżoluzzjoni li tikkontrolla l-istituzzjoni tranżitorja. Meta l-applikazzjoni tal-għodda ta’ rikapitalizzazzjoni interna tippermetti li l-kapital tal-istituzzjoni tranżitorja jiġi pprovdut bis-sħiħ permezz tal-konverżjoni ta’ obbligazzjonijiet b’kapaċità ta’ rikapitalizzazzjoni interna f’ishma jew f’tipi oħrajn ta’ strumenti kapitali, ir-rekwiżit li l-istituzzjoni tranżitorja tkun kompletament jew parzjalment proprjetà ta’ awtorità pubblika waħda jew aktar jista’ jiġi rrinunzjat.”;

“(b) tali trasferiment huwa meħtieġ biex jiġi żgurat il-funzjonament tajjeb tal-istituzzjoni taħt riżoluzzjoni, tal-istituzzjoni tranżitorja jew tal-veikolu tal-immaniġġar tal-assi nfushom; jew”;

“1. “1. L-Istati Membri għandhom jiżguraw li l-għodda ta’ rikapitalizzazzjoni interna tkun tista’ tiġi applikata għall-obbligazzjonijiet kollha, inklużi dawk li jagħtu lok għal provvediment ta’ kontabbiltà, ta’ istituzzjoni jew entità msemmija fil-punti (b), (c) jew (d) tal-Artikolu 1(1), li ma humiex esklużi mill-kamp ta’ applikazzjoni ta’ dik l-għodda skont il-paragrafi 2 jew 3 ta’ dan l-Artikolu.”;

“5. L-arranġament ta’ finanzjament tar-riżoluzzjoni jista’ jagħmel kontribuzzjoni kif imsemmi fil-paragrafu 4 meta jiġu ssodisfati l-kundizzjonijiet kollha li ġejjin:(a)tkun saret kontribuzzjoni għall-assorbiment tat-telf u r-rikapitalizzazzjoni ugwali għal ammont mhux inqas minn 8 % tal-obbligazzjonijiet totali, inklużi l-fondi proprji tal-istituzzjoni taħt riżoluzzjoni, imkejla f’konformità mal-valwazzjoni prevista fl-Artikolu 36, mill-azzjonisti u mid-detenturi ta’ strumenti oħrajn ta’ sjieda, mid-detenturi ta’ strumenti kapitali rilevanti u ta’ obbligazzjonijiet oħrajn b’kapaċità ta’ rikapitalizzazzjoni interna permezz ta’ tnaqqis, valwazzjoni negattiva jew konverżjoni skont l-Artikolu 48(1) u l-Artikolu 60(1), u mill-iskema ta’ garanzija tad-depożiti skont l-Artikolu 109, fejn rilevanti;(b)il-kontribuzzjoni tal-arranġament ta’ finanzjament ta’ riżoluzzjoni ma taqbiżx 5 % tal-obbligazzjonijiet totali, inklużi l-fondi proprji tal-istituzzjoni taħt riżoluzzjoni, imkejla f’konformità mal-valwazzjoni prevista fl-Artikolu 36.”;

“6a. L-Istati Membri għandhom jiżguraw li istituzzjoni ta’ kreditu li toħroġ strumenti eliġibbli li jikkwalifikaw bħala strumenti AT1, livell 2 jew obbligazzjonijiet eliġibbli tkun tista’ tbigħ dawk l-istrumenti lil depożitant eżistenti f’dik l-istituzzjoni ta’ kreditu li jikkwalifika bħala klijent bl-imnut, kif definit fil-punt (11) tal-Artikolu 4(1) tad-Direttiva 2014/65/UE, fejn il-kundizzjonijiet fil-punti (a), (b) u (c) tal-paragrafu 1 ta’ dan l-Artikolu huma ssodisfati biss u fejn iż-żewġ kundizzjonijiet li ġejjin ikunu ssodisfati meta jsir l-akkwist:(a)id-depożitant li jikkwalifika bħala klijent bl-imnut ma jinvestix ammont aggregat li jaqbeż 10 % tal-portafoll ta’ strumenti finanzjarji tiegħu fi strumenti msemmijin f’dan il-paragrafu;(b)l-ammont inizjali tal-investiment investit fi strument wieħed jew aktar minn dawk imsemmijin f’dan il-paragrafu huwa mill-inqas EUR 30 000.

L-istituzzjoni ta’ kreditu għandha tiżgura li l-kundizzjonijiet tal-punti (a) u (b) ta’ dan il-paragrafu huma ssodisfati meta jsir l-akkwist, abbażi tal-informazzjoni pprovduta mill-klijent bl-imnut f’konformità mal-paragrafu 3.

6b.L-istrumenti eliġibbli msemmija fil-paragrafu 6a mibjugħin mill-istituzzjoni ta’ kreditu emittenti lid-depożitanti tagħha li jikkwalifikaw bħala investituri bl-imnut mingħajr ma jissodisfaw il-kundizzjonijiet stabbiliti f’dak il-paragrafu m’għandhomx jgħoddu għall-finijiet tar-rekwiżiti skont l-Artikolu 45e jew 45f sa meta dawk l-istrumenti jkunu għadhom fil-pussess tad-depożitant li lilu jkunu ġew mibjugħin.

6c.L-awtoritajiet ta’ riżoluzzjoni għandhom, bħala parti mill-valutazzjoni tar-riżolvibbiltà f’konformità mal-Artikoli 15 u 16, jimmonitorjaw annwalment fuq bażi speċifika ta’ grupp u ta’ istituzzjoni sa liema punt investituri bl-imnut għandhom strumenti eliġibbli tal-MREL, u jirrapportaw ir-riżultati lill-EBA mill-inqas darba fis-sena. ”;

“7a. L-Istati Membri m’għandhomx ikunu meħtieġa japplikaw il-paragrafi 6a u 6b ta’ dan l-Artikolu għal strumenti msemmijin fil-paragrafu 6a maħruġa qabel ... [12-il xahar mid-data tad-dħul fis-seħħ ta’ din id-Direttiva emendatorja].

8.Sa … [PO jekk jogħġbok daħħal id-data = 24 xahar wara d-data tad-dħul fis-seħħ ta’ din id-Direttiva], l-EBA għandha tirrapporta lill-Kummissjoni dwar l-applikazzjoni ta’ dan l-Artikolu. Dak ir-rapport għandu jqabbel il-miżuri adottati mill-Istati Membri biex jikkonformaw ma’ dan l-Artikolu, janalizza l-effettività tagħhom fil-protezzjoni tal-investituri fil-livell tal-konsumatur u jivvaluta l-impatt tagħhom fuq l-operazzjonijiet transfruntiera.

Abbażi ta’ dak ir-rapport, il-Kummissjoni tista’ tissottometti proposta leġiżlattiva biex temenda din id-Direttiva.”;

“1. “1. L-Istati Membri għandhom jiżguraw li l-istituzzjonijiet u l-entitajiet imsemmija fil-punti (b), (c) u (d) tal-Artikolu 1(1) jissodisfaw, f’kull ħin, ir-rekwiżiti għall-fondi proprji u l-obbligazzjonijiet eliġibbli, fejn meħtieġ mill-awtorità ta’ riżoluzzjoni u kif iddeterminat minnha f’konformità ma’ dan l-Artikolu u mal-Artikoli minn 45a sa 45i.”;

“10. L-awtoritajiet ta’ riżoluzzjoni jistgħu jippermettu lill-entitajiet ta’ riżoluzzjoni jikkonformaw mar-rekwiżiti msemmija fil-paragrafi 4, 5 u 7 bl-użu ta’ fondi proprji jew obbligazzjonijiet kif imsemmi fil-paragrafi 1 u 3 meta jiġu ssodisfati l-kundizzjonijiet kollha li ġejjin:(a)għal entitajiet li huma entitajiet G-SII jew entitajiet ta’ riżoluzzjoni li huma soġġetti għall-Artikolu 45c(5) jew (6), l-awtorità ta’ riżoluzzjoni ma tkunx naqqset ir-rekwiżit imsemmi fil-paragrafu 4 ta’ dan l-Artikolu, skont l-ewwel subparagrafu ta’ dak il-paragrafu;(b)l-obbligazzjonijiet imsemmija fil-paragrafu 1 ta’ dan l-Artikolu li ma jissodisfawx il-kundizzjoni msemmija fil-punt (d) tal-Artikolu 72b(2) tar-Regolament (UE) Nru 575/2013 jikkonformaw mal-kundizzjonijiet stabbiliti fil-punti minn (b) sa (e) tal-Artikolu 72b(4) ta’ dak ir-Regolament.”;

“4. L-EBA għandha tiżviluppa abbozzi ta’ standards tekniċi regolatorji li jispeċifikaw il-metodoloġija li għandha tintuża mill-awtoritajiet ta’ riżoluzzjoni biex jistmaw ir-rekwiżit imsemmi fl-Artikolu 104a tad-Direttiva 2013/36/UE u r-rekwiżit ta’ riżerva kkombinat għal:(a)l-entitajiet ta’ riżoluzzjoni fil-livell konsolidat tal-grupp ta’ riżoluzzjoni, fejn il-grupp ta’ riżoluzzjoni ma jkunx soġġett għal dawk ir-rekwiżiti skont id-Direttiva 2013/36/UE;(b)l-entitajiet li huma stess ma humiex entitajiet ta’ riżoluzzjoni, fejn l-entità ma hijiex soġġetta għal dawk ir-rekwiżiti skont id-Direttiva 2013/36/UE fuq l-istess bażi bħar-rekwiżiti msemmija fl-Artikolu 45f ta’ din id-Direttiva.

L-EBA għandha tissottometti dawk l-abbozzi ta’ standards tekniċi regolatorji lill-Kummissjoni sa ... [OP jekk jogħġbok daħħal id-data = 12-il xahar wara d-data tad-dħul fis-seħħ ta’ din id-Direttiva emendatorja].

Il-Kummissjoni qed tingħata s-setgħa li tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli minn 10 sa 14 tar-Regolament (UE) Nru 1093/2010.”;

“Artikolu 45ca

Determinazzjoni tar-rekwiżit minimu għall-fondi proprji u l-obbligazzjonijiet eliġibbli għal strateġiji ta’ trasferiment▌

1.Meta jiġi applikat l-Artikolu 45c għal entità ta’ riżoluzzjoni li l-istrateġija ta’ riżoluzzjoni ppreferuta tagħha tipprevedi, indipendentement jew flimkien ma’ għodod ta’ riżoluzzjoni oħrajn, ▌ l-użu tal-għodda tal-bejgħ ta’ negozju jew l-għodda tal-istituzzjoni tranżitorja▌, l-awtorità ta’ riżoluzzjoni għandha tistabbilixxi l-ammont ta’ rikapitalizzazzjoni previst fl-Artikolu 45c(3) b’mod proporzjonat abbażi tal-kriterji li ġejjin, kif rilevanti:(a)id-daqs, il-mudell tan-negozju, il-mudell ta’ finanzjament u l-profil tar-riskju tal-entità ta’ riżoluzzjoni jew, skont ma jkun rilevanti, id-daqs tal-parti tal-entità ta’ riżoluzzjoni li hija soġġetta għall-għodda tal-bejgħ ta’ negozju jew l-għodda tal-istituzzjoni tranżitorja;(b)l-ishma, strumenti oħrajn ta’ sjieda, assi, drittijiet jew obbligazzjonijiet li għandhom jiġu ttrasferiti lil riċevitur kif identifikati fil-pjan ta’ riżoluzzjoni, filwaqt li jitqiesu:(i)il-linji tan-negozju ewlenin u l-funzjonijiet kritiċi tal-entità ta’ riżoluzzjoni;(ii)l-obbligazzjonijiet esklużi mir-rikapitalizzazzjoni interna skont l-Artikolu 44(2);(iii)is-salvagwardji msemmija fl-Artikoli minn 73 sa 80;(iiia)ir-rekwiżiti ta’ fondi proprji mistennija għal kwalunkwe istituzzjoni tranżitorja li tista’ tkun meħtieġa biex timplimenta l-ħruġ mis-suq tal-entità ta’ riżoluzzjoni, sabiex tiġi żgurata konformità mill-istituzzjoni tranżitorja mar-Regolament (UE) Nru 575/2013, id-Direttiva 2013/36/UE u d-Direttiva 2014/65/UE, kif applikabbli;(iiib)id-domanda mistennija mir-riċevitur biex it-tranżazzjoni tkun newtrali fil-kapital rigward ir-rekwiżiti applikabbli għall-entità li takkwista;(c)il-valur u l-kummerċjabbiltà mistennija tal-ishma, ta’ strumenti oħrajn ta’ sjieda, assi, drittijiet jew obbligazzjonijiet tal-entità ta’ riżoluzzjoni msemmija fil-punt (b), filwaqt li jitqiesu:(i)kwalunkwe impediment materjali għar-riżolvibbiltà, identifikat mill-awtorità ta’ riżoluzzjoni, li huwa ▌relatat mal-applikazzjoni tal-għodda tal-bejgħ ta’ negozju jew tal-għodda tal-istituzzjoni tranżitorja;(ii)it-telf li jirriżulta mill-assi, mid-drittijiet jew mill-obbligazzjonijiet li jifdal fl-istituzzjoni residwa;(iia)ambjent tas-suq potenzjalment avvers fiż-żmien tar-riżoluzzjoni;(d)jekk l-istrateġija ta’ riżoluzzjoni ppreferuta tipprevedix it-trasferiment ta’ ishma jew ta’ strumenti oħrajn ta’ sjieda maħruġa mill-entità ta’ riżoluzzjoni, jew tal-assi, tad-drittijiet u tal-obbligazzjonijiet kollha, jew ta’ parti minnhom, tal-entità ta’ riżoluzzjoni;(e)jekk l-istrateġija ta’ riżoluzzjoni ppreferuta tipprevedix l-applikazzjoni tal-għodda tas-separazzjoni tal-assi.

▌

3.L-applikazzjoni tal-paragrafu 1 ma għandhiex tirriżulta f’ammont li jkun ogħla mill-ammont li jirriżulta mill-applikazzjoni tal-Artikolu 45c(3) jew f’ammont li huwa aktar baxx minn 13,5 % tal-ammont totali tal-iskopertura għar-riskju, ikkalkolat f’konformità mal-Artikolu 92(3) tar-Regolament (UE) Nru 575/2013, u aktar baxx minn 5 % tal-miżura ta’ skopertura totali tal-entità rilevanti msemmija fil-paragrafu 1 ta’ dan l-Artikolu, ikkalkolat f’konformità mal-Artikoli 429 u 429a tar-Regolament (UE) Nru 575/2013.”;

“Ir-rekwiżit imsemmi fl-Artikolu 45(1) għal entità ta’ riżoluzzjoni li hija entità G-SII għandu jikkonsisti f’dan li ġej:”;

“B’deroga mill-ewwel u t-tieni subparagrafi ta’ dan il-paragrafu, l-impriżi prinċipali tal-Unjoni li ma humiex entitajiet ta’ riżoluzzjoni huma stess, iżda li huma sussidjarji ta’ entitajiet ta’ pajjiżi terzi, għandhom jikkonformaw mar-rekwiżiti stabbiliti fl-Artikoli 45c u 45d fuq bażi konsolidata.”;

“(a) kif ir-rekwiżit għall-fondi proprji u l-obbligazzjonijiet eliġibbli stabbiliti f’konformità mal-Artikolu 45e jew mal-Artikolu 45f ġie implimentat fil-livell nazzjonali, inkluż l-Artikolu 45ca u, b’mod partikolari, jekk kienx hemm diverġenzi fil-livelli stabbiliti għal entitajiet komparabbli madwar l-Istati Membri;”

“L-obbligu msemmi fil-paragrafu 2 ma għandux jibqa’ japplika wara li jiġi sottomess it-tieni rapport.”;

“1a. B’deroga mill-Artikolu 45(1), l-awtoritajiet ta’ riżoluzzjoni għandhom jiddeterminaw perjodi tranżitorji xierqa għall-istituzzjonijiet jew l-entitajiet imsemmija fil-punti (b), (c) u (d) tal-Artikolu 1(1), u jikkonformaw mar-rekwiżiti fl-Artikoli 45e jew 45f jew mar-rekwiżiti fl-Artikolu 45b(4), (5) jew (7), jekk l-istituzzjonijiet jew l-entitajiet ikunu soġġetti għal dawk ir-rekwiżiti b’riżultat tad-dħul fis-seħħ ta’ ... [din id-Direttiva emendatorja]. L-iskadenza għall-istituzzjonijiet u l-entitajiet biex jikkonformaw mar-rekwiżiti fl-Artikoli 45e jew 45f jew mar-rekwiżiti li jirriżultaw mill-applikazzjoni tal-Artikolu 45b(4), (5) jew (7) għandha tkun ... [erba’ snin mid-data ta’ applikazzjoni ta’ din id-Direttiva emendatorja].

L-awtorità ta’ riżoluzzjoni għandha tiddetermina livelli ta’ mira intermedji għar-rekwiżiti fl-Artikoli 45e jew 45f jew għar-rekwiżiti li jirriżultaw mill-applikazzjoni tal-Artikolu 45b(4), (5) jew (7), kif xieraq, li l-istituzzjonijiet jew l-entitajiet imsemmijin fl-ewwel subparagrafu ta’ dan il-paragrafu għandhom jikkonformaw magħhom ... [sentejn mid-data ta’ applikazzjoni ta’ din id-Direttiva emendatorja]. Il-livelli ta’ mira intermedji għanhdom, bħala regola, jiżguraw akkumulazzjoni lineari ta’ fondi proprji u obbligazzjonijiet eliġibbli għall-iskopijiet tar-rekwiżit.

L-awtorità ta’ riżoluzzjoni tista’ tistabbilixxi perjodu tranżitorju li jintemm wara ... [erba’ snin mid-data ta’ applikazzjoni ta’ din id-Direttiva emendatorja], fejn ġustifikat kif dovut u fejn xieraq abbażi tal-kriterji msemmijin fil-paragrafu 7, filwaqt li tqis: (a)l-iżvilupp tas-sitwazzjoni finanzjarja tal-entità; (b)il-prospett li l-entità tkun tista' tiżgura l-konformità f'perijodu ta' żmien raġonevoli mar-rekwiżiti tal-Artikolu 45e jew 45f jew ma' rekwiżit li jirriżulta mill-applikazzjoni tal-Artikolu 45b(4), (5) jew (7); u (c)jekk l-entità hijiex kapaċi tissostitwixxi obbligazzjonijiet li ma jkunux għadhom jissodisfaw il-kriterji ta’ eliġibbiltà jew maturità u jekk le, jekk dak in-nuqqas ta’ kapaċità huwiex ta’ natura idjosinkratika jew huwiex dovut għal disturb mifrux mas-suq kollu.”;

“4. “4. Ir-rekwiżiti msemmija fl-Artikolu 45b(4) u (7) u fl-Artikolu 45c(5) u (6), kif applikabbli, ma għandhomx japplikaw fil-perjodu ta’ tliet snin wara d-data li fiha l-entità ta’ riżoluzzjoni jew il-grupp li minnu hija parti l-entità ta’ riżoluzzjoni jkunu ġew identifikati bħala GSII jew G-SII mhux tal-UE, jew l-entità ta’ riżoluzzjoni tibda tkun fis-sitwazzjoni msemmija fl-Artikolu 45c(5) jew (6).”;

“Il-valutazzjoni msemmija fil-paragrafu 1 ta’ dan l-Artikolu għandha tistabbilixxi l-ammont li bih l-obbligazzjonijiet b’kapaċità ta’ rikapitalizzazzjoni interna jeħtieġ li jiġu valwati b’mod negattiv jew ikkonvertiti:(a)sabiex jitreġġa’ lura l-proporzjon tal-kapital tal-Grad 1 ta’ Ekwità Komuni tal-istituzzjoni taħt riżoluzzjoni jew, fejn applikabbli, sabiex jiġi stabbilit il-proporzjon tal-istituzzjoni tranżitorja, filwaqt li titqies kwalunkwe kontribuzzjoni ta’ kapital mill-arranġament ta’ finanzjament ta’ riżoluzzjoni magħmul skont il-punt (d) tal-Artikolu 101(1) ta’ din id-Direttiva;(b)sabiex tiġi sostnuta l-fiduċja suffiċjenti tas-suq fl-istituzzjoni taħt riżoluzzjoni jew fl-istituzzjoni tranżitorja, filwaqt li titqies kwalunkwe obbligazzjoni kontinġenti, u sabiex l-istituzzjoni taħt riżoluzzjoni tkun tista’ tkompli tissodisfa, għal mill-inqas sena (1), il-kundizzjonijiet għall-awtorizzazzjoni u tkompli twettaq l-attivitajiet li għalihom hija awtorizzata skont id-Direttiva 2013/36/UE jew id-Direttiva 2014/65/UE.”;

“(i) l-istrumenti kapitali u l-obbligazzjonijiet eliġibbli rilevanti f’konformità mal-Artikolu 59 maħruġa mill-istituzzjoni skont is-setgħa msemmija fl-Artikolu 59(2); jew”;

“F’ċirkostanzi eċċezzjonali, l-awtorità ta’ riżoluzzjoni tista’ testendi d-data tal-għeluq ta’ xahar wieħed (1) għas-sottomissjoni tal-pjan ta’ riorganizzazzjoni tan-negozju b’xahar ieħor.”;

“L-awtorità ta’ riżoluzzjoni tista’ tirrikjedi li l-istituzzjoni jew l-entità msemmija fil-punti (b), (c) jew (d) tal-Artikolu 1(1) tinkludi elementi addizzjonali fil-pjan ta’ riorganizzazzjoni tan-negozju.”;

“3. “3. Meta awtorità ta’ riżoluzzjoni tnaqqas għal żero l-ammont ta’ kapital ta’, jew l-ammont pendenti pagabbli fir-rigward ta’, obbligazzjoni, inkluża obbligazzjoni li tagħti lok għal provvediment ta’ kontabilità, permezz tas-setgħa msemmija fil-punt (e) tal-Artikolu 63(1), dik l-obbligazzjoni u kwalunkwe obbligu jew pretensjoni li jirriżultaw b’rabta magħha, li ma jkunux dovuti fil-mument meta tiġi eżerċitata s-setgħa, għandhom jiġu ttrattati bħala rilaxxati għall-finijiet kollha, u ma għandhomx ikunu jistgħu jiġu pprovati fi kwalunkwe proċediment sussegwenti b’rabta mal-istituzzjoni taħt riżoluzzjoni jew ma’ kwalunkwe entità suċċessur fi kwalunkwe stralċ sussegwenti.”;

“(b) l-obbligazzjoni ma tkunx depożitu kif imsemmi fil-punti (a) jew (b) talArtikolu 108(1)”;

“Meta l-awtorità ta’ riżoluzzjoni, fil-kuntest tal-valutazzjoni tar-riżolvibbiltà ta’ istituzzjoni jew entità msemmija fil-punti (b), (c) jew (d) tal-Artikolu 1(1) f’konformità mal-Artikoli 15 u 16, jew fi kwalunkwe ħin ieħor, tiddetermina li, fi klassi ta’ obbligazzjonijiet li tinkludi l-obbligazzjonijiet eliġibbli, l-ammont ta’ obbligazzjonijiet li ma jinkludux it-terminu kuntrattwali msemmi fil-paragrafu 1 ta’ dan l-Artikolu, flimkien mal-obbligazzjonijiet li huma esklużi mill-applikazzjoni tal-għodda ta’ rikapitalizzazzjoni interna f’konformità mal-Artikolu 44(2) jew li x’aktarx jiġu esklużi f’konformità mal-Artikolu 44(3), jammonta għal aktar minn 10 % ta’ dik il-klassi, hija għandha tivvaluta minnufih l-impatt ta’ dak il-fatt partikolari fuq ir-riżolvibbiltà ta’ dik l-istituzzjoni jew l-entità, inkluż l-impatt fuq ir-riżolvibbiltà li jirriżulta mir-riskju ta’ ksur tas-salvagwardji tal-kredituri previsti fl-Artikolu 73 meta jiġu applikati s-setgħat ta’ valwazzjoni negattiva u ta’ konverżjoni għall-obbligazzjonijiet eliġibbli.

Meta l-awtorità ta’ riżoluzzjoni tikkonkludi, abbażi tal-valutazzjoni msemmija fil-ħames subparagrafu ta’ dan il-paragrafu, li l-obbligazzjonijiet li ma jinkludux it-terminu kuntrattwali msemmi fil-paragrafu 1 ta’ dan l-Artikolu joħolqu impediment sostantiv għar-riżolvibbiltà, hija għandha tapplika s-setgħat previsti fl-Artikolu 17 kif xieraq biex tneħħi dak l-impediment għar-riżolvibbiltà.”;

“2a. L-istituzzjonijiet u l-entitajiet imsemmija fil-punt (b), (c) jew (d) tal-Artikolu 1(1), għandhom jirrapportaw lill-awtorità ta’ riżoluzzjoni fuq bażi annwali dan li ġej:(a)l-ammonti totali pendenti tal-obbligazzjonijiet kollha rregolati mil-liġi ta’ pajjiż terz;(b)għall-elementi msemmijin fil-punt (a):(i)il-kompożizzjoni tagħhom, inkluż il-profil ta’ maturità tagħhom;(ii)il-klassifikazzjoni tagħhom fi proċedimenti ta’ insolvenza normali;(iii)jekk l-obbligazzjoni hijiex eskluża taħt l-Artikolu 44(2);(iv)jekk dawn jinkludux fid-dispożizzjonijiet kuntrattwali t-terminu meħtieġ mill-paragrafu 1;(v)meta tkun saret determinazzjoni li hija legalment jew mod ieħor imprattikabbli li tiġi inkluża r-rikonoxximent kuntrattwali ta’ klawżola ta’ rikapitalizzazzjoni interna f’konformità mal-paragrafu 2, il-kategorija tar-responsabbiltà skont il-paragrafu 7.

Meta l-istituzzjonijiet u l-entitajiet ikunu parti minn grupp ta’ riżoluzzjoni, ir-rapport għandu jsir mill-entità ta’ riżoluzzjoni rigward il-grupp ta’ riżoluzzjoni, sa fejn meħtieġ skont it-tieni u t-tielet subparagrafi tal-paragrafu 1.”;

“8a. L-EBA għandha tiżviluppa abbozzi ta’ standards tekniċi implimentattivi biex tispeċifika proċeduri u formati uniformi u mudelli għar-rapportar lill-awtoritajiet ta’ riżoluzzjoni msemmija fil-paragrafu 2a.

L-EBA għandha tissottometti dak l-abbozz ta’ standards tekniċi ta’ implimentazzjoni lill-Kummissjoni sa ... [sena mid-data tad-dħul fis-seħħ ta’ din id-Direttiva emendatorja].

Tiġi delegata s-setgħa lill-Kummissjoni biex tadotta l-istandards tekniċi ta’ implimentazzjoni msemmija fl-ewwel subparagrafu ta’ dan il-paragrafu f’konformità mal-Artikolu 15 tar-Regolament (UE) Nru 1093/2010.”;

“(e) huwa meħtieġ appoġġ finanzjarju pubbliku straordinarju mill-istituzzjoni jew mill-entità msemmija fil-punti (b), (c) jew (d) tal-Artikolu 1(1), ħlief meta dak l-appoġġ jingħata f’waħda mill-forom imsemmija fl-Artikolu 32c.”;

“(b) wara li jitqiesu ż-żmien, il-ħtieġa li jiġu implimentati b’mod effettiv is-setgħat ta’ valwazzjoni negattiva u ta’ konverżjoni jew l-istrateġija ta’ riżoluzzjoni għall-grupp ta’ riżoluzzjoni, u ċirkostanzi rilevanti oħrajn, ma hemm l-ebda prospett raġonevoli li kwalunkwe azzjoni, inklużi miżuri alternattivi tas-settur privat, azzjoni superviżorja jew miżuri ta’ intervent bikri, għajr il-valwazzjoni negattiva jew il-konverżjoni tal-istrumenti kapitali u l-obbligazzjonijiet eliġibbli msemmija fil-paragrafu 1a, jipprevjenu l-falliment tal-istituzzjoni jew tal-entità msemmija fil-punti (b), (c) jew (d) tal-Artikolu 1(1), jew tal-grupp f’perjodu ta’ żmien raġonevoli.”;

“(m) is-setgħa li l-awtorità kompetenti tintalab tivvaluta l-akkwirent ta’ parteċipazzjoni kwalifikanti fil-ħin permezz ta’ deroga mil-limiti ta’ żmien stabbiliti fl-Artikolu 22 tad-Direttiva 2013/36/UE u fl-Artikolu 12 tad-Direttiva 2014/65/UE;”;

“(n) is-setgħa li jsiru talbiet skont l-Artikolu 17(5) tar-Regolament (UE) Nru 596/2014 f’isem l-istituzzjoni taħt riżoluzzjoni.”;

“(a) soġġett għall-Artikolu 3(6) u l-Artikolu 85(1), ir-rekwiżiti biex jinkisbu approvazzjoni jew kunsens minn kwalunkwe persuna pubblika jew privata, inklużi l-azzjonisti jew il-kredituri tal-istituzzjoni taħt riżoluzzjoni u l-awtoritajiet kompetenti għall-finijiet tal-Artikoli minn 22 sa 27 tad-Direttiva 2013/36/UE;”;

“3. Il-paragrafu 1 għandu japplika għal kwalunkwe kuntratt finanzjarju li jikkonforma ma’ dawn kollha li ġejjin:(a)il-kuntratt joħloq obbligu ġdid, jew jemenda materjalment obbligu eżistenti wara d-dħul fis-seħħ tad-dispożizzjonijiet adottati fil-livell nazzjonali għat-traspożizzjoni ta’ dan l-Artikolu;”(b)il-kuntratt jipprevedi l-eżerċitar ta’ dritt ta’ terminazzjoni wieħed jew aktar jew tad-drittijiet ta’ infurzar tal-interessi ta’ garanzija, li għalihom japplikaw l-Artikoli 33a, 68, 69, 70 jew 71 kieku l-kuntratt finanzjarju kien irregolat bil-liġijiet ta’ Stat Membru.”;

“(d) meta jiġi ddeterminat it-telf li l-iskema ta’ garanzija tad-depożiti kienet iġġarrab kieku l-istituzzjoni ġiet stralċjata taħt proċedimenti normali ta’ insolvenza, japplikaw il-kriterji u l-metodoloġija msemmija fl-Artikolu 11e tad-Direttiva 2014/49/UE u fi kwalunkwe att delegat adottat skont dak l-Artikolu.”;

“6a. Dan l-Artikolu m’għandux jipprekludi l-iskambju ta’ informazzjoni bejn l-awtoritajiet ta’ riżoluzzjoni u l-awtoritajiet tat-taxxa fl-istess Stat Membru sa fejn tali skambju huwa stabbilit fil-liġi nazzjonali ta’ dak l-Istat Membru. Fejn dik l-informazzjoni toriġina fi Stat Membru ieħor, għandha tiġi żvelata biss bil-qbil espress tal-awtorità rilevanti li tkun żvelatha.”;

“6a. Sabiex jiġu ffaċilitati l-kompiti msemmija fl-Artikoli 10(1), 15(1) u 17(1) u sabiex tiġi skambjata kwalunkwe informazzjoni rilevanti, l-awtorità ta’ riżoluzzjoni ta’ istituzzjoni b’fergħat sinifikanti fi Stati Membri oħrajn għandha tistabbilixxi u tippresjedi kulleġġ ta’ riżoluzzjoni.

L-awtorità ta’ riżoluzzjoni tal-istituzzjoni msemmija fl-ewwel subparagrafu għandha tiddeċiedi liema awtoritajiet jipparteċipaw f’laqgħa jew f’attività tal-kulleġġ ta’ riżoluzzjoni, filwaqt li tqis ir-rilevanza tal-attività li għandha tiġi ppjanata jew ikkoordinata għal dawk l-awtoritajiet, b’mod partikolari l-impatt potenzjali fuq l-istabbiltà tas-sistema finanzjarja fl-Istati Membri kkonċernati u l-kompiti msemmija fl-ewwel subparagrafu.

L-awtorità ta’ riżoluzzjoni tal-istituzzjoni msemmija fl-ewwel subparagrafu għandha żżomm lill-membri kollha tal-kulleġġ tar-riżoluzzjoni infurmati bis-sħiħ, bil-quddiem, dwar l-organizzazzjoni ta’ tali laqgħat, il-kwistjonijiet ewlenin li għandhom jiġu diskussi u l-attivitajiet li għandhom jiġu kkunsidrati. L-awtorità ta’ riżoluzzjoni tal-istituzzjoni msemmija fl-ewwel subparagrafu għandha żżomm lill-membri kollha tal-kulleġġ infurmati bis-sħiħ, fil-ħin, dwar l-azzjonijiet meħuda f’dawk il-laqgħat jew il-miżuri mwettqa.”;

“4a. L-Artikolu 84m’għandux jipprekludi l-iskambju ta’ informazzjoni bejn l-awtoritajiet ta’ riżoluzzjoni u l-awtoritajiet tat-taxxa fl-istess Stat Membru sa fejn tali skambju huwa stabbilit fil-liġi nazzjonali ta’ dak l-Istat Membru. Fejn dik l-informazzjoni toriġina fi Stat Membru ieħor, għandha tiġi żvelata biss bil-qbil espress tal-awtorità rilevanti li tkun żvelatha.”;

“1. Meta awtorità ta’ riżoluzzjoni tiddeċiedi li istituzzjoni jew kwalunkwe entità msemmija fil-punti (b), (c) jew (d) tal-Artikolu 1(1) li hija sussidjarja fi grupp tissodisfa l-kundizzjonijiet imsemmija fl-Artikolu 32 jew 33, dik l-awtorità għandha tinnotifika l-informazzjoni li ġejja mingħajr dewmien lill-awtorità ta’ riżoluzzjoni fil-livell ta’ grupp, jekk differenti, lis-superviżur konsolidanti u lill-membri tal-kulleġġ ta’ riżoluzzjoni għall-grupp inkwistjoni:(a)id-deċiżjoni li l-istituzzjoni jew l-entità msemmija fil-punti (b), (c) jew (d) tal-Artikolu 1(1) tissodisfa l-kundizzjonijiet imsemmija fil-punti (a) u (b) tal-Artikolu 32(1), jew fl-Artikolu 33(1) jew (2), kif applikabbli, jew il-kundizzjonijiet imsemmija fl-Artikolu 33(4);(b)l-eżitu tal-valutazzjoni tal-kundizzjoni msemmija fil-punt (c) tal-Artikolu 32(1);(c)l-azzjonijiet ta’ riżoluzzjoni jew il-miżuri ta’ insolvenza li l-awtorità ta’ riżoluzzjoni tqis li huma xierqa għal dik l-istituzzjoni jew dik l-entità.

L-informazzjoni msemmija fl-ewwel subparagrafu tista’ tiġi inkluża fin-notifiki kkomunikati skont l-Artikolu 81(3) lid-destinatarji msemmija fl-ewwel subparagrafu ta’ dan il-paragrafu.”;

“L-EBA tista’, fuq talba tal-awtorità ta’ riżoluzzjoni, tgħin lill-awtoritajiet ta’ riżoluzzjoni jilħqu deċiżjoni konġunta f’konformità mal-punt (c) tal-Artikolu 31(2) tar-Regolament (UE) Nru 1093/2010.”;

“L-EBA tista’, fuq talba tal-awtorità ta’ riżoluzzjoni, tgħin lill-awtoritajiet ta’ riżoluzzjoni jilħqu deċiżjoni konġunta f’konformità mal-punt (c) tal-Artikolu 31(2) tar-Regolament (UE) Nru 1093/2010.”;

“4. L-awtoritajiet ta’ riżoluzzjoni għandhom jikkonkludu arranġamenti ta’ kooperazzjoni mhux vinkolanti mal-awtoritajiet rilevanti ta’ pajjiżi terzi msemmija fil-paragrafu 2 ta’ dan l-Artikolu, fejn xieraq. Dawk l-arranġamenti għandhom ikunu konformi mal-arranġament qafas tal-EBA.

L-awtoritajiet kompetenti għandhom jikkonkludu arranġamenti ta’ kooperazzjoni mhux vinkolanti mal-awtoritajiet rilevanti ta’ pajjiżi terzi msemmija fil-paragrafu 2 ta’ dan l-Artikolu, fejn xieraq. Dawk l-arranġamenti għandhom ikunu konformi mal-arranġament qafas tal-EBA u għandhom jiżguraw li l-informazzjoni divulgata lill-awtoritajiet ta’ pajjiżi terzi tkun soġġetta għal garanzija li r-rekwiżiti ta’ segretezza professjonali mill-inqas ekwivalenti għal dawk imsemmija fl-Artikolu 84.”

“L-Istati Membri għandhom jiżguraw li l-awtoritajiet ta’ riżoluzzjoni u l-ministeri kompetenti jiskambjaw informazzjoni kunfidenzjali, inklużi pjanijiet ta’ rkupru, mal-awtoritajiet rilevanti ta’ pajjiżi terzi biss jekk jiġu ssodisfati l-kundizzjonijiet kollha li ġejjin:”;

“L-Istati Membri għandhom jiżguraw li l-awtoritajiet kompetenti jiskambjaw informazzjoni kunfidenzjali mal-awtoritajiet rilevanti ta’ pajjiżi terzi biss jekk jiġu ssodisfati l-kundizzjonijiet li ġejjin:(a)b’rabta mal-informazzjoni relatata mal-irkupru u r-riżoluzzjoni, il-kundizzjonijiet stabbiliti fl-ewwel subparagrafu;(b)b’rabta ma’ informazzjoni oħra disponibbli għall-awtoritajiet kompetenti, il-kundizzjonijiet stabbiliti fl-Artikolu 55 tad-Direttiva 2013/36/UE.

Għall-finijiet tat-tieni subparagrafu, l-informazzjoni relatata mal-irkupru u r-riżoluzzjoni għandha tinkludi l-informazzjoni kollha direttament relatata mal-kompiti tal-awtoritajiet kompetenti skont din id-Direttiva, b’mod partikolari l-ippjanar tal-irkupru u l-pjanijiet ta’ rkupru, il-miżuri ta’ intervent bikri u l-iskambji mal-awtoritajiet ta’ riżoluzzjoni rigward l-ippjanar tar-riżoluzzjoni, il-pjanijiet ta’ riżoluzzjoni u l-azzjoni ta’ riżoluzzjoni.”;

“2. “2. Meta l-awtorità ta’ riżoluzzjoni tiddetermina li l-użu tal-arranġament ta’ finanzjament ta’ riżoluzzjoni għall-finijiet imsemmija fil-paragrafu 1 ta’ dan l-Artikolu x’aktarx iwassal biex parti mit-telf ta’ istituzzjoni jew entità kif imsemmi fil-punti (b), (c) jew (d) tal-Artikolu 1(1) tiġi mgħoddija lill-arranġament ta’ finanzjament ta’ riżoluzzjoni, għandhom japplikaw il-prinċipji li jirregolaw l-użu tal-arranġament ta’ finanzjament ta’ riżoluzzjoni stabbilit fl-Artikolu 44.”;

“Jekk, wara l-perjodu inizjali ta’ żmien imsemmi fil-paragrafu 1 ta’ dan l-Artikolu, il-mezzi finanzjarji disponibbli jonqsu taħt il-livell fil-mira speċifikat f’dak il-paragrafu, għandhom jerġgħu jibdew il-kontribuzzjonijiet regolari miġbura f’konformità mal-Artikolu 103 sakemm jintlaħaq il-livell fil-mira. L-awtoritajiet ta’ riżoluzzjoni jistgħu jiddifferixxu l-ġbir tal-kontribuzzjonijiet regolari miġbura f’konformità mal-Artikolu 103 għal massimu ta’ tliet snin fejn l-ammont li għandu jinġabar jilħaq ammont li jkun proporzjonat għall-kostijiet tal-proċess tal-ġbir, diment li tali differiment ma jaffettwax materjalment il-kapaċità tal-awtorità ta’ riżoluzzjoni li tuża l-arranġamenti ta’ finanzjament ta’ riżoluzzjoni skont l-Artikolu 101. Wara li jkun intlaħaq il-livell fil-mira għall-ewwel darba u fejn il-mezzi finanzjarji disponibbli jkunu sussegwentement tnaqqsu għal inqas minn żewġ terzi tal-livell fil-mira, dawk il-kontribuzzjonijiet għandhom jiġu stabbiliti f’livell li jippermetti li jintlaħaq il-livell fil-mira fi żmien erba’ snin.”;

“3. Il-mezzi finanzjarji disponibbli li għandhom jitqiesu sabiex jintlaħaq il-livell fil-mira speċifikat fl-Artikolu 102 jistgħu jinkludu impenji ta’ pagament irrevokabbli li huma kompletament sostnuti b’kollateral ta’ assi b’riskju baxx mhux aggravati minn kwalunkwe dritt ta’ parti terza, għad-dispożizzjoni ħielsa u allokati għall-użu esklussiv mill-awtoritajiet ta’ riżoluzzjoni għall-finijiet speċifikati fl-Artikolu 101(1). Is-sehem tal-impenji ta’ pagament irrevokabbli ma għandux jaqbeż 30 % tal-ammont totali ta’ kontribuzzjonijiet miġbura f’konformità ma’ dan l-Artikolu. Fi ħdan dak il-limitu, l-awtorità ta’ riżoluzzjoni għandha tiddetermina kull sena s-sehem tal-impenji ta’ pagament irrevokabbli fl-ammont totali ta’ kontribuzzjonijiet li għandhom jinġabru f’konformità ma’ dan l-Artikolu.”;

“3a. L-awtorità ta’ riżoluzzjoni għandha teżerċita l-impenji ta’ pagament irrevokabbli magħmula skont il-paragrafu 3 ta’ dan l-Artikolu meta jkun meħtieġ l-użu tal-arranġamenti ta’ finanzjament ta’ riżoluzzjoni skont l-Artikolu 101.

Meta entità ma tibqax fil-kamp ta’ applikazzjoni tal-Artikolu 1 u ma tkunx għadha soġġetta għall-obbligu li tħallas il-kontribuzzjonijiet f’konformità mal-paragrafu 1 ta’ dan l-Artikolu, l-awtorità ta’ riżoluzzjoni għandha teżerċita l-impenji ta’ pagament irrevokabbli magħmula skont il-paragrafu 3 u li jkunu għadhom dovuti. Jekk il-kontribuzzjoni marbuta mal-impenn ta’ pagament irrevokabbli titħallas kif xieraq mal-ewwel sejħa, l-awtorità ta’ riżoluzzjoni għandha tikkanċella l-impenn u tirritorna l-kollateral. Jekk il-kontribuzzjoni ma titħallasx kif xieraq mal-ewwel sejħa, l-awtorità ta’ riżoluzzjoni għandha tieħu l-kollateral f’idejha u tikkanċella l-impenn.”;

“Il-kontribuzzjonijiet ex post straordinarji ma għandhomx jaqbżu tliet darbiet 12,5 % tal-livell fil-mira speċifikat fl-Artikolu 102.”;

“1. L-Istati Membri għandhom jiżguraw li, fil-liġijiet nazzjonali tagħhom li jirregolaw il-proċedimenti normali ta’ insolvenza:(a)dawn li ġejjin ikollhom l-istess klassifikazzjoni ta’ prijorità, li tkun ogħla mill-klassifikazzjoni prevista għall-pretensjonijiet ta’ kredituri ordinarji mhux garantiti:(i)depożiti li huma esklużi minn kopertura skont l-Artikolu 5 tad-Direttiva 2014/49/UE;(ii)dik il-parti tad-depożiti eliġibbli ta’ entitajiet legali li mhumiex intrapriżi ta’ daqs mikro, żgħir u medju li teċċedi l-livell ta’ kopertura previst fl-Artikolu 6 tad-Direttiva 2014/49/UE;(iii)dik il-parti tad-depożiti eliġibbli ta’ gvernijiet ċentrali u reġjonali li teċċedi l-livell ta’ kopertura previst fl-Artikolu 6 tad-Direttiva 2014/49/UE;(iv)dik il-parti tad-depożiti ta’ persuni ġuridiċi li mhumiex intrapriżi ta’ daqs mikro, żgħir u medju li jkunu depożiti eliġibbli kieku ma ġewx magħmula permezz ta’ fergħat li jinsabu barra mill-Unjoni ta’ istituzzjonijiet stabbiliti fl-Unjoni, li teċċedi l-livell ta’ kopertura previst fl-Artikolu 6 tad-Direttiva 2014/49/UE;(b)dawn li ġejjin għandhom l-istess grad ta’ prijorità li huwa ogħla minn dak previst fil-punt (a):(i)depożiti koperti;(ii)skemi ta’ garanzija ta’ depożiti għall-pretensjoni tagħhom skont l-Artikolu 9(2) tad-Direttiva 2014/49/UE;(iii)depożiti eliġibbli oħrajn għajr dawk imsemmijin fil-punti (a)(ii) u (iii); u(iv)depożiti li jkunu depożiti eliġibbli kieku ma ġewx magħmula permezz ta’ fergħat li jinsabu barra mill-Unjoni ta’ istituzzjonijiet stabbiliti fl-Unjoni, għajr dawk imsemmijin fil-punt (a)(iv).”;

“8. Meta l-għodod ta’ riżoluzzjoni msemmija fil-punt (a) jew (b) tal-Artikolu 37(3) jintużaw għat-trasferiment ta’ parti biss mill-assi, id-drittijiet jew l-obbligazzjonijiet tal-istituzzjoni taħt riżoluzzjoni, l-arranġament ta’ finanzjament ta’ riżoluzzjoni għandu jkollu pretensjoni kontra l-istituzzjoni jew l-entità residwa msemmija fil-punti (b), (c) jew (d) tal-Artikolu 1(1), għal kwalunkwe spiża u telf imġarrba mill-arranġament ta’ finanzjament ta’ riżoluzzjoni bħala riżultat ta’ kwalunkwe kontribuzzjoni magħmula għar-riżoluzzjoni skont l-Artikolu 101(1) b’rabta mat-telf illi kieku kienu jġarrbu l-kredituri.

9.L-Istati Membri għandhom jiżguraw li l-pretensjonijiet tal-arranġament ta’ finanzjament ta’ riżoluzzjoni msemmi fil-paragrafu 8 ta’ dan l-Artikolu u fl-Artikolu 37(7) ikollhom, fil-liġijiet nazzjonali tagħhom li jirregolaw il-proċedimenti normali ta’ insolvenza, klassifikazzjoni ta’ prijorità ppreferuta, li għandha tkun ogħla mill-klassifikazzjoni prevista għall-pretensjonijiet ta’ depożiti u ta’ skemi ta’ garanzija tad-depożiti skont il-paragrafu 1 ta’ dan l-Artikolu.”;

“1. L-Istati Membri għandhom jiżguraw li, meta l-awtoritajiet ta’ riżoluzzjoni jieħdu azzjoni ta’ riżoluzzjoni fir-rigward ta’ istituzzjoni ta’ kreditu, u diment li tali azzjoni tiżgura li d-depożitanti jkomplu jkollhom aċċess għad-depożiti tagħhom, ▌l-iskema ta’ garanzija tad-depożiti li magħha tkun affiljata dik l-istituzzjoni ta’ kreditu għandha tikkontribwixxi l-ammonti li ġejjin:(a)meta tiġi applikata l-għodda ta’ rikapitalizzazzjoni interna, indipendentement jew flimkien mal-għodda ta’ separazzjoni tal-assi, l-ammont li bih id-depożiti koperti kienu jiġu valwati b’mod negattiv jew ikkonvertiti sabiex jassorbu t-telf u jirrikapitalizzaw l-istituzzjoni taħt riżoluzzjoni skont l-Artikolu 46(1) kieku d-depożiti koperti kienu inklużi fil-kamp ta’ applikazzjoni tar-rikapitalizzazzjoni interna;(b)meta jiġu applikati l-għodod tal-bejgħ ta’ negozju jew tal-istituzzjoni tranżitorja, indipendentement jew flimkien ma’ għodod ta’ riżoluzzjoni oħrajn:(i)l-ammont meħtieġ biex tiġi koperta d-differenza bejn il-valur tad-depożiti koperti u tal-obbligazzjonijiet bl-istess klassifikazzjoni ta’ prijorità jew bi klassifikazzjoni ta’ prijorità ogħla mid-depożiti u l-valur tal-assi tal-istituzzjoni taħt riżoluzzjoni li għandhom jiġu ttrasferiti lil riċevitur; u(ii)fejn rilevanti, ammont meħtieġ biex tiġi żgurata n-newtralità tal-kapital tar-riċevitur wara t-trasferiment.

Fil-każijiet imsemmija fil-punt (b) tal-ewwel subparagrafu, meta t-trasferiment lir-riċevitur jinkludi depożiti li ma jkunux depożiti koperti jew obbligazzjonijiet oħrajn b’kapaċità ta’ rikapitalizzazzjoni interna u l-awtorità ta’ riżoluzzjoni tivvaluta li ċ-ċirkostanzi msemmija fl-Artikolu 44(3) japplikaw għal dawk id-depożiti jew l-obbligazzjonijiet, l-iskema ta’ garanzija tad-depożiti għandha tikkontribwixxi:(a)l-ammont meħtieġ biex tiġi koperta d-differenza bejn il-valur tad-depożiti, inklużi d-depożiti li ma humiex koperti, u tal-obbligazzjonijiet bl-istess klassifikazzjoni ta’ prijorità jew bi prijorità ogħla mid-depożiti u l-valur tal-assi tal-istituzzjoni taħt riżoluzzjoni li għandhom jiġu ttrasferiti lil riċevitur; u(b)fejn rilevanti, ammont meħtieġ biex tiġi żgurata n-newtralità tal-kapital tat-trasferiment għar-riċevitur.

L-Istati Membri għandhom jiżguraw li, ladarba l-iskema ta’ garanzija tad-depożiti tkun għamlet kontribuzzjoni fil-każijiet imsemmija fit-tieni subparagrafu, l-istituzzjoni taħt riżoluzzjoni toqgħod lura milli takkwista ishma f’impriżi oħrajn, kif ukoll distribuzzjonijiet b’rabta mal-kapital tal-Grad 1 ta’ Ekwità Komuni jew pagamenti fuq strumenti tal-Grad 1 Addizzjonali, jew minn attivitajiet oħrajn li jistgħu jwasslu għal ħruġ ta’ fondi.

Fil-każijiet kollha, il-kost tal-kontribuzzjoni tal-iskema ta’ garanzija tad-depożiti ma għandux ikun akbar mill-kost tal-ħlas lura lid-depożitanti kif ikkalkolat mill-iskema ta’ garanzija tad-depożiti skont l-Artikolu 11e tad-Direttiva 2014/49/UE.

Meta jiġi ddeterminat permezz ta’ valwazzjoni skont l-Artikolu 74 li l-kost tal-kontribuzzjoni tal-iskema ta’ garanzija tad-depożiti għar-riżoluzzjoni kien akbar mit-telf li l-istituzzjoni kienet iġġarrab kieku ġiet stralċjata taħt proċedimenti normali ta’ insolvenza, l-iskema ta’ garanzija tad-depożiti għandha tkun intitolata għall-ħlas tad-differenza mill-arranġament ta’ finanzjament tar-riżoluzzjoni f’konformità mal-Artikolu 75.

2.L-Istati Membri għandhom jiżguraw li l-awtorità ta’ riżoluzzjoni tiddetermina l-ammont tal-kontribuzzjoni tal-iskema ta’ garanzija tad-depożiti f’konformità mal-paragrafu 1 wara li tkun ikkonsultat l-iskema ta’ garanzija tad-depożiti dwar il-kost stmat tal-ħlas lura lid-depożitanti skont l-Artikolu 11e tad-Direttiva 2014/49/UE u f’konformità mal-kundizzjonijiet imsemmija fl-Artikolu 36 ta’ din id-Direttiva.

L-awtorità ta’ riżoluzzjoni għandha tinnotifika d-deċiżjoni tagħha kif imsemmi fl-ewwel subparagrafu lill-iskema ta’ garanzija tad-depożiti li magħha hija affiljata l-istituzzjoni. L-iskema ta’ garanzija tad-depożiti għandha timplimenta dik id-deċiżjoni mingħajr dewmien.”;

“2a. Meta l-fondi tal-iskema ta’ garanzija tad-depożiti jintużaw f’konformità mal-punt (a) tal-ewwel subparagrafu tal-paragrafu 1 biex jikkontribwixxu għar-rikapitalizzazzjoni tal-istituzzjoni taħt riżoluzzjoni, l-Istati Membri għandhom jiżguraw li l-iskema ta’ garanzija tad-depożiti tittrasferixxi l-parteċipazzjonijiet tagħha ta’ ishma jew ta’ strumenti kapitali oħrajn fl-istituzzjoni taħt riżoluzzjoni lis-settur privat hekk kif iċ-ċirkostanzi kummerċjali u finanzjarji jippermettu dan.

L-Istati Membri għandhom jiżguraw li l-iskema ta’ garanzija tad-depożiti tikkummerċjalizza l-ishma u strumenti kapitali oħrajn imsemmija fl-ewwel subparagrafu b’mod miftuħ u trasparenti, u li l-bejgħ la jirrappreżentahom ħażin u lanqas jiddiskrimina bejn xerrejja potenzjali. Kwalunkwe bejgħ bħal dan għandu jsir fuq termini kummerċjali.

2b.Il-kontribuzzjoni tal-iskema ta’ garanzija tad-depożiti skont it-tieni subparagrafu tal-paragrafu 1 għandha tingħadd mal-limiti stabbiliti fil-punt (a) tal-Artikolu 44(5) u fil-punt (a) tal-Artikolu 44(8).

Meta l-użu tal-iskema ta’ garanzija tad-depożiti skont it-tieni subparagrafu tal-paragrafu 1, flimkien mal-kontribuzzjoni għall-assorbiment tat-telf u r-rikapitalizzazzjoni magħmula mill-azzjonisti u mid-detenturi ta’ strumenti oħrajn ta’ sjieda, id-detenturi ta’ strumenti kapitali rilevanti u obbligazzjonijiet oħrajn b’kapaċità ta’ rikapitalizzazzjoni interna, jippermetti l-użu tal-arranġament ta’ finanzjament ta’ riżoluzzjoni, il-kontribuzzjoni tal-iskema ta’ garanzija tad-depożiti għandha tkun limitata għall-ammont meħtieġ biex jintlaħqu l-limiti stabbiliti fil-punt (a) tal-Artikolu 44(5) u fil-punt (a) tal-Artikolu 44(8). Wara l-kontribuzzjoni tal-iskema ta’ garanzija tad-depożiti, l-arranġament ta’ finanzjament ta’ riżoluzzjoni għandu jintuża f’konformità mal-prinċipji li jirregolaw l-użu tal-arranġament ta’ finanzjament ta’ riżoluzzjoni stabbilit fl-Artikoli 44 u 101.

B’deroga mil-limitazzjoni fuq kontributi mill-iskema ta’ garanzija ta’ depożiti skont it-tieni subparagrafu ta’ dan il-paragrafu, fejn il-kundizzjonijiet skont l-Artikolu 44(7) jiġu ssodisfati, għandu jkun meħtieġ kontribut addizzjonali tal-iskema ta’ garanzija ta’ depożiti. Dak il-kontribut addizzjonali għandu jkun ugwali għall-ammont kontribwit mill-arranġament ta’ finanzjament ta’ riżoluzzjoni ’il fuq mill-limitu ta’ 5 % speċifikat fil-punt (b) tal-Artikolu 44(5), immultiplikat bis-sehem ta’ depożiti koperti bħala parti mill-obbligazzjonijiet totali fl-ambitu tat-trasferiment.

Madankollu, l-ewwel u t-tieni subparagrafi ma għandhomx japplikaw għal istituzzjonijiet li jissodisfaw mill-inqas waħda mill-kundizzjonijiet li ġejjin:(a)l-istituzzjoni ġiet identifikata bħala entità ta’ likwidazzjoni fil-pjan ta’ riżoluzzjoni tal-grupp jew fil-pjan ta’ riżoluzzjoni.”;(b)l-istituzzjoni kisret il-mira intermedja jew finali tal-MREL tagħha, kif xieraq, f’erba’ kwarti f’temp ta’ erba’ snin li jintemmu sitt xhur qabel id-determinazzjoni ta’ falliment jew li x’aktarx tfalli skont l-Artikolu 32(1), il-punt (a). Il-perjodu ta’ erba’ snin ma jqisx iż-żewġ trimestri konsekuttivi li jippreċedu immedjatament tali determinazzjoni ta’ falliment jew li x’aktarx tfalli.

“(e) nuqqas ta’ konformità mar-rekwiżit minimu għall-fondi proprji u l-obbligazzjonijiet eliġibbli msemmija fl-Artikolu 45e jew 45f.”;

“Kooperazzjoni u skambju ta’ informazzjoni fost l-istituzzjonijiet u l-awtoritajiet”;

“L-awtoritajiet ta’ riżoluzzjoni, l-awtoritajiet kompetenti, l-EBA, il-Bord Uniku ta’ Riżoluzzjoni, il-BĊE u membri oħrajn tas-Sistema Ewropea ta’ Banek Ċentrali għandhom jipprovdu lill-Kummissjoni, fuq talba tagħha u fil-perjodu ta’ żmien speċifikat, bi kwalunkwe informazzjoni meħtieġa għat-twettiq tal-kompiti tagħha relatati mal-iżvilupp tal-politika, inkluż it-twettiq ta’ valutazzjonijiet tal-impatt, it-tħejjija ta’ proposti leġiżlattivi, u l-parteċipazzjoni fil-proċess leġiżlattiv. Il-Kummissjoni u l-persunal tal-Kummissjoni għandhom ikunu soġġetti għar-rekwiżiti tas-segretezza professjonali stabbiliti fl-Artikolu 88 tar-Regolament (UE) Nru 806/2014 tal-Parlament Ewropew u tal-Kunsill* fir-rigward tal-informazzjoni riċevuta.”;

______________________________

* Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku ta’ Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1).

“Artikolu 128a

Simulazzjonijiet tal-immaniġġar tal-kriżijiet

1.L-EBA għandha tikkoordina eżerċizzji regolari madwar l-Unjoni kollha biex tittestja l-applikazzjoni ta’ din id-Direttiva, tar-Regolament (UE) Nru 806/2014 u tad-Direttiva 2014/49/UE f’sitwazzjonijiet transfruntiera fuq l-aspetti kollha li ġejjin:(a)il-kooperazzjoni tal-awtoritajiet kompetenti matul l-ippjanar tal-irkupru;(b)il-kooperazzjoni fost l-awtoritajiet ta’ riżoluzzjoni u l-awtoritajiet kompetenti qabel il-falliment u matul ir-riżoluzzjoni tal-istituzzjonijiet finanzjarji, inkluż fl-implimentazzjoni ta’ skemi ta’ riżoluzzjoni adottati skont l-Artikolu 18 tar-Regolament (UE) Nru 806/2014.

2.L-EBA għandha tipproduċi rapport li jistabbilixxi s-sejbiet u l-konklużjonijiet ewlenin tal-eżerċizzji. Ir-rapport għandu jsir pubbliku.”.