“1. Din id-Direttiva tistabbilixxi regoli u proċeduri relatati mal-istabbiliment u mal-funzjonament ta’ skemi ta’ garanzija tad-depożiti (SGD), mal-kopertura u mar-ripagament ta’ depożiti, u mal-użu ta’ fondi tal-SGD għal miżuri li għandhom l-għan li jiżguraw l-aċċess tad-depożitanti għad-depożiti tagħhom.”;

“(d) istituzzjonijiet ta’ kreditu, u fergħat ta’ istituzzjonijiet ta’ kreditu li għandhom l-uffiċċju prinċipali tagħhom barra l-Unjoni, li huma affiljati mal-iskemi msemmijin fil-punti (a), (b) jew (c) ta’ dan il-paragrafu.”;

“(3) “depożitu” tfisser bilanċ ta’ kreditu li jirriżulta minn fondi li jitħallew f’kont jew minn sitwazzjonijiet temporanji li joħorġu minn tranżazzjonijiet bankarji normali abitwalment imwettqin minn istituzzjonijiet ta’ kreditu fl-operat tagħhom, u li istituzzjoni ta’ kreditu għandha tħallas lura taħt il-kondizzjonijiet legali u kontrattwali applikabbli, inkluż depożitu ta’ żmien fiss u depożitu ta’ tfaddil, iżda eskluż bilanċ ta’ kreditu meta:”;

“(13) “impenn ta’ pagament” tfisser obbligu irrevokabbli u kompletament kollateralizzat ta’ istituzzjoni ta’ kreditu sabiex tħallas lil SGD ammont monetarju meta tintalab tagħmel dan minn dik l-SGD, u meta l-kollateral:

(19) “awtorità ta’ riżoluzzjoni” tfisser awtorità ta’ riżoluzzjoni kif definita fil-punt (18) tal-Artikolu 2 tad-Direttiva 2014/59/UE;(20)“depożiti ta’ fondi tal-klijenti” tfisser fondi li d-detenturi ta’ kontijiet li huma istituzzjonijiet finanzjarji kif definiti fil-punt (26) tal-Artikolu 4(1) tar-Regolament (UE) Nru 575/2013 jiddepożitaw matul in-negozju tagħhom ma’ istituzzjoni ta’ kreditu għall-kont tal-klijenti tagħhom;(21)“qafas tal-Unjoni dwar l-għajnuna mill-Istat” tfisser il-qafas stabbilit bl-Artikoli 107, 108 u 109 tat-TFUE u r-regolamenti u l-atti kollha tal-Unjoni, inklużi l-linji gwida, il-komunikazzjonijiet u l-avviżi, magħmulin jew adottati skont l-Artikolu 108(4) jew l-Artikolu 109 tat-TFUE;(22)“ħasil tal-flus” tfisser ħasil tal-flus kif definit fl-Artikolu 2, il-punt (1), ta’ [jekk jogħġbok daħħal ir-referenza – proposta għar-Regolament dwar il-Ġlieda Kontra l-Ħasil tal-Flus - COM/2021/420 final]*”;(23)“finanzjament tat-terroriżmu” tfisser finanzjament tat-terroriżmu kif definit fl-Artikolu 2, il-punt (2), ta’ [jekk jogħġbok daħħal ir-referenza – proposta għar-Regolament dwar il-Ġlieda Kontra l-Ħasil tal-Flus - COM/2021/420 final]. **’;

“3. Ishma f’kumpaniji tal-bini Irlandiżi, minbarra dawk ta’ natura kapitali koperti mill-Artikolu 5(1), il-punt (b), għandhom jiġu ttrattati bħala depożiti.”;

____________________________________________

* [Jekk jogħġbok daħħal referenza sħiħa – proposta għar-Regolament dwar il-Ġlieda Kontra l-Ħasil tal-Flus - COM/2021/420 final].

** [Jekk jogħġbok daħħal referenza sħiħa – proposta għar-Regolament dwar il-Ġlieda Kontra l-Ħasil tal-Flus - COM/2021/420 final.

“2. Skema kuntrattwali kif imsemmija fil-punt (b) tal-Artikolu 1(2)) ta’ din id-Direttiva tista’ tiġi uffiċjalment rikonoxxuta bħala SGD jekk tikkonforma ma’ din id-Direttiva.

IPS tista’ tiġi uffiċjalment rikonoxxuta bħala SGD jekk tissodisfa l-kriterji stabbiliti fl-Artikolu 113(7) tar-Regolament (UE) Nru 575/2013 u tkun konformi ma’ din id-Direttiva.

L-Istati Membri għandhom jiżguraw li, sa ... [36 xahar mid-data tad-dħul fis-seħħ ta’ din id-Direttiva emendatorja], IPS li hija rikonoxxuta bħala SGD skont dan il-paragrafu tissegrega l-mezzi finanzjarji disponibbli tagħha li huma soġġetti għal livell fil-mira f’konformità mal-Artikolu 10(2) ta’ din id-Direttiva mill-mezzi finanzjarji addizzjonali għat-twettiq ta’ mandati għajr dawk regolati skont din id-Direttiva.”;

“4. L-Istati Membri għandhom jiżguraw li meta istituzzjoni ta’ kreditu ma tikkonformax mal-obbligi tagħha bħala membru ta’ SGD, dik l-SGD għandha tinnotifika minnufih b’dan lill-awtorità maħtura u lill-awtorità kompetenti ta’ dik l-istituzzjoni ta’ kreditu.

L-Istati Membri għandhom jiżguraw li l-awtorità kompetenti, f’kooperazzjoni mal-awtorità maħtura, tieħu minnufih il-miżuri xierqa kollha, inkluż, fejn meħtieġ, l-impożizzjoni ta’ penali, sabiex tiżgura li l-istituzzjoni ta’ kreditu kkonċernata tikkonforma mal-obbligi tagħha bħala membru ta’ SGD. ▌

L-Istati Membri għandhom jistabbilixxu regoli dwar il-penali applikabbli fil-każ ta’ ksur mill-istituzzjonijiet ta’ kreditu tal-obbligi li jaqgħu fuqhom bħala membru ta’ SGD. Il-penali għandhom ikunu effettivi, proporzjonati u dissważivi.”;

“4a. L-Istati Membri għandhom jiżguraw li meta istituzzjoni ta’ kreditu tonqos milli tħallas il-kontribuzzjonijiet imsemmijin fl-Artikolu 10 u fl-Artikolu 11(4) fil-perjodu ta’ żmien speċifikat mill-SGD, dik l-SGD għandha, għall-perjodu tad-dewmien, titlob rata tal-imgħax statutorja fuq l-ammont dovut.”;

“5. L-Istati Membri għandhom jiżguraw li l-SGD tinforma lill-awtorità maħtura meta l-miżuri msemmijin fil-paragrafi 4 u 4a jonqsu milli jirrestawraw il-konformità mill-istituzzjoni ta’ kreditu. L-Istati Membri għandhom jiżguraw li l-awtorità maħtura tivvaluta jekk l-istituzzjoni għadhiex tissodisfa l-kundizzjonijiet għall-issoktar tas-sħubija tal-SGD u tinforma lill-awtorità kompetenti bl-eżitu ta’ dik il-valutazzjoni.

6.L-Istati Membri għandhom jiżguraw li meta l-awtorità kompetenti tiddeċiedi li tirtira l-awtorizzazzjoni f’konformità mal-Artikolu 18 tad-Direttiva 2013/36/UE, l-istituzzjoni ta’ kreditu ma tibqax membru tal-SGD. L-Istati Membri għandhom jiżguraw li d-depożiti miżmumin fid-data li fiha istituzzjoni ta’ kreditu ma tibqax membru tal-SGD jibqgħu koperti minn dik l-SGD għal perjodu massimu ta’ sitt xhur.”;

“L-awtoritajiet maħtura għandu jkollhom is-setgħat ta’ infurzar meħtieġa, inklużi s-setgħat li jimponu penali jew miżuri amministrattivi oħra, biex jirrimedjaw il-ksur ta’ din id-Direttiva minn SGD.”;

“13. ▌L-ABE għandha tiżviluppa abbozzi ta’ standards tekniċi regolatorji dwar l-ambitu, il-kontenut u l-proċeduri tat-testijiet tal-istress imsemmijin fil-paragrafu 10.

L-ABE għandha tippreżenta dawk l-abbozzi ta’ standards tekniċi regolatorji lill-Kummissjoni sa ... [24 xahar mid-data tad-dħul fis-seħħ ta’ din id-Direttiva emendatorja].

Is-setgħa hija delegata lill-Kummissjoni biex tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1093/2010.”;

“1. Dawn li ġejjin għandhom ikunu esklużi minn kwalunkwe ripagament minn SGD:”

“(c) depożiti li jirriżultaw minn tranżazzjonijiet li b’rabta magħhom kien hemm kundanna kriminali għall-ħasil tal-flus u għall-finanzjament tat-terroriżmu;”;

“(f) depożiti li d-detentur tagħhom qatt ma ġie identifikat skont l-Artikolu 16 tar-Regolament (UE) …. [jekk jogħġbok daħħal referenza qasira – proposta għar-Regolament dwar il-Ġlieda Kontra l-Ħasil tal-Flus - COM/2021/420 final], meta dawk id-depożiti ma jkunux disponibbli, ħlief meta detentur jitlob ħlas u jagħti prova li n-nuqqas ta’ identifikazzjoni ma kienx ikkawżat mill-azzjoni tiegħu;”;

“(ka) depożiti minn persuni jew entitajiet ġuridiċi soġġetti għal sanzjonijiet finanzjarji mmirati adottati mill-Unjoni.”;

“2. B’deroga mill-paragrafu 1, il-punt (i), l-Istati Membri jistgħu jiddeċiedu li d-depożiti miżmumin minn skemi ta’ pensjoni personali u minn skemi ta’ pensjoni okkupazzjonali ta’ intrapriżi żgħar jew ta’ daqs medju jkunu inklużi sal-livell ta’ kopertura stabbilit fl-Artikolu 6(1).”;

“Minbarra l-paragrafu 1, l-Istati Membri għandhom jiżguraw li d-depożiti li ġejjin ikunu protetti bħala minimu sa ammont ta’ EUR 500 000 u ammont massimu ta’ EUR 2 500 000 għal tal-anqas 6 xhur wara li l-ammont ikun ġie kkreditat jew mill-mument meta tali depożiti jsiru legalment trasferibbli:”;

“(a) depożiti li jirriżultaw minn tranżazzjonijiet ta’ proprjetà immobbli relatati ma’ proprjetajiet residenzjali privati u depożiti maħsubin għal tali tranżazzjonijiet, dment li dawk it-tranżazzjonijiet jiġu konklużi f’perjodu ta’ erba’ xhur minn persuna fiżika, u dment li dik il-persuna fiżika tkun tista’ tipprovdi dokumenti li jagħtu prova ta’ tali tranżazzjoni;”;

“Sa ... [36 xahar mid-data tad-dħul fis-seħħ ta’ din id-Direttiva emendatorja], il-Kummissjoni għandha twettaq rieżami tal-ammonti li huma protetti kif imsemmi fl-ewwel subparagrafu u kif traspost mill-Istati Membri, bil-ħsieb li tiddetermina jekk l-ammont massimu msemmi f’dak is-subparagrafu għandux jitnaqqas, filwaqt li tqis jekk l-ammonti li huma protetti humiex proporzjonati u jiżgurawx kundizzjonijiet ekwi madwar l-Unjoni. Il-Kummissjoni għandha tippreżenta rapport, akkumpanjat, meta xieraq, minn proposta leġiżlattiva, lill-Parlament Ewropew u lill-Kunsill.”;

“2a. l-Istati Membri għandhom jiżguraw li l-livell ta’ kopertura stabbilit fil-paragrafu 2 jissupplimenta l-livell ta’ kopertura stabbilit fil-paragrafu 1.”

“6. L-Istati Membri għandhom jiżguraw li l-istituzzjonijiet ta’ kreditu jirrapportaw lill-SGD tagħhom, mill-anqas darba fis-sena, l-ammont aggregat ta’ depożiti eliġibbli. L-Istati Membri għandhom jiżguraw li l-SGD ikunu jistgħu fi kwalunkwe ħin jitolbu lill-istituzzjonijiet ta’ kreditu jinformawhom dwar l-ammont aggregat ta’ depożiti eliġibbli ta’ kull depożitant.”;

“7. L-Istati Membri għandhom jiżguraw li l-SGD tirrimborża l-imgħax fuq depożiti li jkunu dovuti sad-data li fiha awtorità amministrattiva rilevanti tagħmel determinazzjoni kif imsemmi fl-Artikolu 2(1), il-punt (8)(a), jew awtorità ġudizzjarja tieħu deċiżjoni kif imsemmi fl-Artikolu 2(1), il-punt (8)(a), iżda li ma jkunux ġew ikkreditati jew iddebitati fit-tali data. Il-livell ta’ kopertura stabbilit fl-Artikolu 6(1) jew, fiċ-ċirkostanzi msemmijin fl-Artikolu 6(2), il-livell ta’ kopertura stabbilit f’dak il-paragrafu, ma għandux jinqabeż.

Meta r-rati tal-imgħax fuq ċerti depożiti jaqbżu b’mod sinifikanti r-rata tal-imgħax tas-suq prevalenti, kif iddeterminat u bbażat fuq data trasparenti u disponibbli għall-pubbliku, l-SGD għandha s-setgħa li taġġusta r-rata rimborżata biex tirrifletti r-rata tal-imgħax prevalenti fis-suq fi żmien id-determinazzjoni magħmula mill-awtorità amministrattiva rilevanti jew is-sentenza maħruġa mill-awtorità ġudizzjarja. Dak l-aġġustament għandu jsir biex jipprevjeni periklu morali. Il-kriterji u l-metodoloġija għad-definizzjoni ta’ “jaqbżu b’mod sinifikanti” u għall-aġġustament, għandhom jiġu stabbiliti b’mod trasparenti, f’konformità mal-linji gwida żviluppati mill-ABE u soġġett għall-approvazzjoni tal-awtorità kompetenti.”;

“Artikolu 7a

Oneru tal-provi għall-eliġibbiltà u l-intitolament għad-depożiti

L-Istati Membri għandhom jiżguraw li fil-każijiet imsemmijin fl-Artikolu 6(2) u fl-Artikolu 7(3) depożitant jew, meta xieraq, detentur ta’ kont, jagħti prova jew li d-depożiti kkonċernati jissodisfaw il-kundizzjonijiet tal-Artikolu 6(2), jew l-intitolament għad-depożiti fiċ-ċirkostanzi msemmijin fl-Artikolu 7(3).”;

“1. L-SGD għandhom jiżguraw li l-ammont ripagabbli jkun disponibbli malajr kemm jista’ jkun u fi kwalunkwe każ f’anqas minn sebat ijiem ta’ xogħol mid-data li fiha awtorità amministrattiva rilevanti tagħmel determinazzjoni kif imsemmi fl-Artikolu 2(1), il-punt (8)(a), jew awtorità ġudizzjarja tagħti deċiżjoni kif imsemmi fl-Artikolu 2(1), il-punt (8)(b).”;

“3. B’deroga mill-paragrafu 1, l-Istati Membri għandhom jippermettu lill-SGD japplikaw perjodu ▌itwal għar-ripagament tad-depożiti msemmija fl-Artikolu 6(2), l-Artikolu 7(3) u l-Artikolu 8b, li ma għandux jaqbeż l-20 jum ta’ xogħol mid-data li fiha dawk l-SGD ikunu rċevew id-dokumentazzjoni sħiħa li huma talbu mingħand depożitant jew, fejn xieraq, mingħand detentur ta’ kont, sabiex jeżaminaw il-pretensjonijiet u jivverifikaw li l-kundizzjonijiet għar-ripagament ikunu ssodisfati. Għad-depożiti msemmija fl-Artikolu 6(2) u l-Artikolu 7(3), meta l-SGD ma jkunux jistgħu jagħmlu l-ammont ripagabbli disponibbli f’anqas minn sebat ijiem ta’ xogħol, huma għandhom jiżguraw li d-depożitanti jkollhom aċċess għal ammont xieraq tad-depożiti koperti tagħhom biex ikopru l-għoli tal-ħajja fi żmien ħamest ijiem ta’ xogħol minn meta jagħmlu talba għal dak l-ammont.”;

“(c) b’deroga mill-paragrafu 9, ma kien hemm l-ebda tranżazzjoni relatata mad-depożitu matul l-aħħar 24 xahar (il-kont ikun inattiv), ħlief meta depożitant ikollu wkoll depożiti f’kont ieħor li ma jkunx inattiv”;

“9. L-Istati Membri għandhom jiżguraw li meta ma jkun hemm l-ebda tranżazzjoni relatata mad-depożitu matul l-aħħar 24 xahar, l-SGD ikunu jistgħu jistabbilixxu livell limitu dwar il-kostijiet amministrattivi li kieku jiġġarrbu minn dawk l-SGD sabiex jagħmlu ripagament bħal dan. L-SGD ma għandhomx ikunu obbligati jieħdu passi attivi sabiex iħallsu lura lid-depożitanti f’livell taħt dak il-livell limitu. L-Istati Membri għandhom jiżguraw li l-SGD iħallsu lura lid-depożitanti taħt dak il-livell limitu meta jintalbu jagħmlu dan minn dawk id-depożitanti.”;

“Artikolu 8a

Ripagament ta’ depożiti li jaqbżu l-EUR 10 000

L-Istati Membri għandhom jiżguraw li meta l-ammonti li għandhom jiġu rimborżati jaqbżu l-EUR 10 000, l-SGD għandhom jirrimborżaw lid-depożitanti permezz ta’ trasferimenti ta’ kreditu kif definiti fl-Artikolu 2, il-punt (20), tad-Direttiva 2014/92/UE tal-Parlament Ewropew u tal-Kunsill*.

“Artikolu 8b

Kopertura tad-depożiti ta’ fondi tal-klijenti

1.L-Istati Membri għandhom jiżguraw li d-depożiti ta’ fondi tal-klijenti jkunu koperti mill-SGD meta japplika dan kollu li ġej:(a)tali depożiti jsiru f’isem u esklussivament għan-nom ta’ klijenti li huma eliġibbli għall-protezzjoni f’konformità mal-Artikolu 5(1);(b)tali depożiti jsiru sabiex jiġu ssegregati l-fondi tal-klijenti f’konformità mar-rekwiżiti ta’ salvagwardja stabbiliti fid-dritt tal-Unjoni li jirregola l-attivitajiet tal-entitajiet imsemmijin fl-Artikolu 5(1), il-punt (d);(c)il-klijenti msemmijin fil-punt (a) jiġu identifikati jew ikunu identifikabbli, taħt ir-responsabbiltà aħħarija tal-entità li jkollha l-kont f’isem il-klijenti, qabel id-data li fiha awtorità amministrattiva rilevanti tagħmel determinazzjoni kif imsemmi fl-Artikolu 2(1), il-punt (8)(a), jew awtorità ġudizzjarja tieħu deċiżjoni kif imsemmi fl-Artikolu 2(1), il-punt (8)(b).

2.L-Istati Membri għandhom jiżguraw li l-livell ta’ kopertura msemmi fl-Artikolu 6(1) japplika għal kull klijent li jissodisfa l-kundizzjonijiet stabbiliti fil-paragrafu 1, il-punt (c), ta’ dan l-Artikolu. B’deroga mill-Artikolu 7(1), meta jiġi ddeterminat l-ammont ripagabbli għal klijent individwali, l-SGD ma għandhiex tqis id-depożiti ta’ fondi aggregati li jsiru minn dak il-klijent mal-istess istituzzjoni ta’ kreditu.

3.L-Istati Membri għandhom jiżguraw li r-ripagamenti tad-depożiti koperti tal-SGD isiru lill-klijent direttament.

4.L-ABE għandha tiżviluppa abbozzi ta’ standards tekniċi regolatorji sabiex tispeċifika:(a)id-dettalji tekniċi relatati mal-identifikazzjoni tal-klijenti għar-ripagament f’konformità mal-Artikolu 8;

▌(c)ir-regoli sabiex jiġu evitati pretensjonijiet multipli għal żborżi lill-istess benefiċjarju.

Meta tiżviluppa dawk l-abbozzi ta’ standards tekniċi regolatorji, l-ABE għandha tqis dawn kollha li ġejjin:(a)l-ispeċifiċitajiet tal-mudell kummerċjali tat-tipi differenti ta’ istituzzjonijiet finanzjarji msemmijin fl-Artikolu 5(1), il-punt (d);(b)ir-rekwiżiti speċifiċi tad-dritt applikabbli tal-Unjoni li jirregolaw l-attivitajiet tal-istituzzjonijiet finanzjarji msemmijin fl-Artikolu 5(1), il-punt (d), għat-trattament ta’ fondi tal-klijenti.

L-ABE għandha tissottometti dawk l-abbozzi ta’ standards tekniċi regolatorji lill-Kummissjoni sa … [OP – jekk jogħġbok daħħal id-data = 12-il xahar wara d-data tad-dħul fis-seħħ ta’ din id-Direttiva].

Is-setgħa hija delegata lill-Kummissjoni biex tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1093/2010.

Artikolu 8c

Sospensjoni tar-ripagamenti f’każ ta’ tħassib dwar il-ħasil tal-flus jew il-finanzjament tat-terroriżmu

1.L-Istati Membri għandhom jiżguraw li l-awtorità maħtura tinforma lill-SGD fi żmien 24 siegħa mill-mument li fih l-awtorità maħtura tkun irċeviet l-informazzjoni msemmija fl-Artikolu 48(4) ta’ [jekk jogħġbok daħħal ir-referenza – proposta għal Direttiva dwar il-Ġlieda Kontra l-Ħasil tal-Flus li tħassar id-Direttiva (UE) 2015/849 - COM(2021) 423 final] dwar l-eżitu tal-miżuri ta’ diliġenza dovuta tal-klijent imsemmijin fl-Artikolu 15(4) tar-Regolament (UE) …. [jekk jogħġbok daħħal referenza qasira – proposta għar-Regolament dwar il-Ġlieda Kontra l-Ħasil tal-Flus - COM/2021/420 final]. L-Istati Membri għandhom jiżguraw li l-informazzjoni skambjata bejn l-awtorità maħtura u l-SGD tkun limitata għall-informazzjoni li hija strettament neċessarja għall-eżerċitar tal-kompiti u tar-responsabbiltajiet tal-SGD skont din id-Direttiva u li tali skambju ta’ informazzjoni jirrispetta r-rekwiżiti stabbiliti fid-Direttiva 96/9/KE tal-Parlament Ewropew u tal-Kunsill**.

2.L-Istati Membri għandhom jiżguraw li l-SGD jissospendu r-ripagament imsemmi fl-Artikolu 8(1) meta depożitant jew kwalunkwe persuna intitolata għal somom miżmumin fil-kont tagħha tkun ġiet akkużata b’reat li jirriżulta minn ħasil tal-flus jew finanzjament tat-terroriżmu, jew relatat ma’ dawn, sakemm tinqata’ s-sentenza tal-qorti.

3.L-Istati Membri għandhom jiżguraw li l-SGD jissospendu r-ripagament imsemmi fl-Artikolu 8(1) għall-istess durata kif stabbilita fl-Artikolu 20 ta’ [jekk jogħġbok daħħal referenza qasira – proposta għal Direttiva dwar il-Ġlieda Kontra l-Ħasil tal-Flus li tħassar id-Direttiva (UE) 2015/849 - COM(2021) 423 final] meta jiġu nnotifikati mill-Unità tal-Intelligence Finanzjarja msemmija fl-Artikolu 32 tad-Direttiva (UE) [jekk jogħġbok daħħal ir-referenza – proposta għal Direttiva dwar il-Ġlieda Kontra l-Ħasil tal-Flus li tħassar id-Direttiva (UE) 2015/849 - COM(2021) 423 final] li dik l-Unità ddeċidiet li tissospendi tranżazzjoni jew li żżomm il-kunsens għall-proċediment ta’ tali tranżazzjoni, jew li tissospendi kont tal-bank jew ta’ pagament f’konformità mal-Artikolu 20(1) jew (2) tad-Direttiva (UE) [jekk jogħġbok daħħal ir-referenza – proposta għal Direttiva dwar il-Ġlieda Kontra l-Ħasil tal-Flus li tħassar id-Direttiva (UE) 2015/849 - COM(2021) 423 final].

4.L-Istati Membri għandhom jiżguraw li l-SGD ma jinżammux responsabbli għal kwalunkwe miżura meħuda f’konformità mal-istruzzjonijiet tal-Unità tal-Intelligence Finanzjarja. L-SGD għandhom jużaw kwalunkwe informazzjoni riċevuta mill-Unità tal-Intelligence Finanzjarja għall-finijiet ta’ din id-Direttiva biss.

____________________________________________

* Id-Direttiva 2014/92/UE tal-Parlament Ewropew u tal-Kunsill tat-23 ta’ Lulju 2014 dwar il-komparabbiltà tat-tariffi relatati mal-kontijiet tal-ħlas, il-qlib tal-kontijiet tal-ħlas u l-aċċess għal kontijiet tal-ħlas b’karatteristiċi bażiċi (ĠU L 257, 28.8.2014, p. 214).

** Id-Direttiva 96/9/KE tal-Parlament Ewropew u tal-Kunsill tal-11 ta’ Marzu 1996 dwar il-protezzjoni legali ta’ databases (ĠU L 77, 27.3.1996, p. 20).”;

‘2. Mingħajr preġudizzju għal drittijiet li huma jista’ jkollhom skont id-dritt nazzjonali, l-SGD li jagħmlu pagamenti taħt garanzija fi ħdan qafas nazzjonali għandu jkollhom id-dritt ta’ surroga għad-drittijiet tad-depożitanti fi proċedimenti ta’ stralċ jew ta’ riorganizzazzjoni għal ammont ekwivalenti għall-pagamenti tal-SGD magħmulin lid-depożitanti. L-SGD li jagħmlu kontribuzzjoni fil-kuntest tal-għodod ta’ riżoluzzjoni msemmijin fl-Artikolu 37(3), il-punt (a) jew (b), tad-Direttiva 2014/59/UE, jew fil-kuntest tal-miżuri meħudin f’konformità mal-Artikolu 11(5) ta’ din id-Direttiva, għandu jkollhom pretensjoni kontra l-istituzzjoni ta’ kreditu residwa għal kwalunkwe telf imġarrab bħala riżultat ta’ kwalunkwe kontribuzzjoni magħmula għar-riżoluzzjoni skont l-Artikolu 109 tad-Direttiva 2014/59/UE jew għat-trasferiment magħmul skont l-Artikolu 11(5) ta’ din id-Direttiva għal ammont ugwali għall-kontribuzzjoni tagħhom dment li l-istituzzjoni ta’ kreditu residwa tiġi stralċata. Dik il-pretensjoni għandha tikklassifika fl-istess livell bħad-depożiti koperti skont id-dritt nazzjonali li jirregola l-proċedimenti normali ta’ insolvenza.

3.L-Istati Membri għandhom jiżguraw li d-depożitanti li d-depożiti tagħhom ma jkunux tħallsu lura jew ġew irrikonoxxuti mill-SGD sal-iskadenzi stabbiliti fl-Artikolu 8(1) u (3) ikunu jistgħu jitolbu r-ripagament tad-depożiti tagħhom fi żmien 5 snin.”;

“Għall-kalkolu tal-livell fil-mira msemmi fl-ewwel subparagrafu, il-perjodu ta’ referenza għandu jkun bejn il-31 ta’ Diċembru ta’ qabel id-data li fiha għandu jintlaħaq il-livell fil-mira u dik id-data.

Meta jiddeterminaw jekk l-SGD tkunx laħqet dak il-livell fil-mira, l-Istati Membri għandhom iqisu biss il-mezzi finanzjarji disponibbli li jkunu kkontribwew direttament jew ġew irkuprati minn membri għall-SGD, netti mit-tariffi u mill-imposti amministrattivi. Dawk il-mezzi finanzjarji disponibbli għandhom jinkludu introjtu mill-investiment derivat minn fondi kkontribwiti minn membri għall-SGD, iżda għandhom jeskludu ripagamenti mhux mitlubin minn depożitanti eliġibbli matul il-proċeduri ta’ żborż, kwalunkwe obbligazzjoni tad-dejn dovuta mill-SGD, inkluż self minn SGD oħrajn u l-arranġamenti ta’ finanzjament alternattiv kif imsemmija fl-Artikolu 10(9). Self pendenti lil SGD oħrajn skont l-Artikolu 12 għandu jiġi ttrattat bħala assi tal-SGD li pprovdiet is-self u jista’ jingħadd mal-livell fil-mira ta’ dik l-SGD.”;

“Meta, wara li jintlaħaq il-livell fil-mira msemmi fl-ewwel subparagrafu għall-ewwel darba u l-mezzi finanzjarji disponibbli, wara żborż tal-fondi tal-SGD f’konformità mal-Artikolu 8(1) u mal-Artikolu 11(2), (3), u (5), ikunu tnaqqsu għal anqas minn żewġ terzi tal-livell fil-mira, l-SGD għandhom jistabbilixxu l-kontribuzzjoni regolari f’livell li jippermetti li jintlaħaq il-livell fil-mira fi żmien erba’ snin.

Meta, wara li l-livell fil-mira msemmi fl-ewwel subparagrafu jintlaħaq għall-ewwel darba u l-mezzi finanzjarji disponibbli, wara żborż tal-fondi tal-SGD f’konformità mal-Artikolu 8(1) u mal-Artikolu 11(2), (3), u (5), ikunu tnaqqsu b’anqas minn terz tal-livell fil-mira, l-SGD għandhom jistabbilixxu l-kontribuzzjoni regolari f’livell li jippermetti li jintlaħaq il-livell fil-mira fi żmien sentejn.”;

L-Istati Membri jistgħu jestendu l-perjodu inizjali msemmi fl-ewwel subparagrafu għal mhux aktar minn erba’ snin jekk l-SGD tkun għamlet żborzi kumulattivi ta’ aktar minn 0,8 % tad-depożiti koperti biex tħallas lura lid-depożitanti.”;

“3. Il-mezzi finanzjarji disponibbli li l-SGD tqis sabiex tilħaq il-livell fil-mira msemmi fil-paragrafu 2 jistgħu jinkludu impenji ta’ pagament, pagabbli fi żmien 48 siegħa fuq talba tal-SGD. Is-sehem totali ta’ impenji ta’ pagament bħal dawn ma għandux jaqbeż it-30 % tal-ammont totali ta’ mezzi finanzjarji disponibbli ġġenerati f’konformità mal-paragrafu 2.

L-ABE għandha toħroġ linji gwida dwar l-impenji ta’ pagament li jistabbilixxu l-kriterji għall-ammissibbiltà ta’ dawk l-impenji;”

“7. L-Istat Membru għandu jiżgura li l-SGD, l-awtoritajiet maħtura, jew l-awtoritajiet kompetenti jistabbilixxu l-istrateġija ta’ investiment għall-mezzi finanzjarji disponibbli tal-SGD, u li dik l-istrateġija ta’ investiment tikkonforma mal-prinċipju ta’ diversifikazzjoni u ta’ investimenti f’assi b’riskju baxx u likwidi.

L-Istati Membri għandhom jiżguraw li l-istrateġija ta’ investiment imsemmija fl-ewwel subparagrafu ta’ dan il-paragrafu tikkonforma mal-prinċipji stabbiliti fl-Artikoli 4, 8 u 10 tar-Regolament Delegat tal-Kummissjoni (UE) 2016/451*.

_______________

* Ir-Regolament Delegat tal-Kummissjoni (UE) 2016/451 tas-16 ta’ Diċembru 2015 li jistipula l-prinċipji ġenerali u l-kriterji għall-istrateġija ta’ investiment u regoli għall-amministrazzjoni tal-Fond Uniku ta’ Riżoluzzjoni (ĠU L 79, 30.3.2016, p. 2).”;

“7a. L-Istati Membri għandhom jiżguraw li l-SGD ikunu jistgħu jqiegħdu l-mezzi finanzjarji disponibbli kollha tagħhom jew parti minnhom mal-bank ċentrali nazzjonali jew mat-teżor nazzjonali tagħhom, dment li tkun deċiżjoni kosteffettiva għall-SGD u dawk il-mezzi finanzjarji disponibbli jinżammu f’kont segregat u li jkunu faċilment disponibbli għall-użu mill-SGD f’konformità mal-Artikoli 11 u 12.”;

‘‘9. L-Istati Membri għandhom jiżguraw li l-SGD ikollhom fis-seħħ arranġamenti ta’ finanzjament alternattivi u adegwati sabiex jippermettulhom li jiksbu fondi f’qasir żmien sabiex jissodisfaw il-pretensjonijiet kontra dawk l-SGD. L-Istati Membri għandhom jiżguraw li l-arranġamenti alternattivi ta’ finanzjament tal-SGD ma jiġux iffinanzjati permezz ta’ fondi pubbliċi.”;

“11. L-Istati Membri għandhom jiżguraw li, fil-kuntest tal-miżuri msemmijin fl-Artikolu 11(1), (2), (3) u (5), l-SGD jistgħu jużaw il-fondi li joriġinaw mill-arranġamenti ta’ finanzjament alternattivi msemmijin fl-Artikolu 10(9)▌, qabel ma jiġbru l-kontribuzzjonijiet straordinarji msemmijin fl-Artikolu 10(8). ▌

12.L-ABE għandha tiżviluppa abbozzi ta’ standards tekniċi regolatorji sabiex tispeċifika:(a)il-metodoloġija għall-kalkolu tal-mezzi finanzjarji disponibbli li jikkwalifikaw għal-livell fil-mira msemmi fil-paragrafu 2, inkluża d-delineazzjoni tal-mezzi finanzjarji disponibbli tal-SGD u l-kategoriji ta’ mezzi finanzjarji disponibbli li jirriżultaw minn fondi kkontribwiti;(b)id-dettalji tal-proċess sabiex jintlaħaq il-livell fil-mira msemmi fil-paragrafu 2 wara li SGD tkun użat il-mezzi finanzjarji disponibbli f’konformità mal-Artikolu 11.

L-ABE għandha tissottometti dawk l-abbozzi ta’ standards tekniċi regolatorji lill-Kummissjoni sa … [OP jekk jogħġbok daħħal id-data = 24 xahar wara d-data tad-dħul fis-seħħ ta’ din id-Direttiva].

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f’konformità mal-Artikoli 10 sa 14 tar-Regolament (UE) Nru 1093/2010.

13.Minn… [OP – jekk jogħġbok daħħal id-data = 24 xahar wara d-data tad-dħul fis-seħħ ta’ din id-Direttiva], l-ABE għandha tiżviluppa linji gwida sabiex tgħin lill-SGD bid-diversifikazzjoni tal-mezzi finanzjarji disponibbli tagħhom u dwar kif l-SGD jistgħu jinvestu f’assi b’riskju baxx applikabbli għall-mezzi finanzjarji disponibbli tal-SGD.”;

“Artikolu 11

Użu ta’ fondi

1.L-Istati Membri għandhom jiżguraw li l-SGD jużaw il-mezzi finanzjarji disponibbli msemmijin fl-Artikolu 10 primarjament sabiex jiżguraw ir-ripagamenti lid-depożitanti f’konformità mal-Artikolu 8▌.

2.L-Istati Membri għandhom jiżguraw li l-SGD jużaw il-mezzi finanzjarji disponibbli sabiex jiffinanzjaw ir-riżoluzzjoni tal-istituzzjonijiet ta’ kreditu f’konformità mal-Artikolu 109 tad-Direttiva 2014/59/UE. L-Istati Membri għandhom jiżguraw li l-awtoritajiet ta’ riżoluzzjoni jiddeterminaw l-ammont li SGD għandha tikkontribwixxi għall-finanzjament tar-riżoluzzjoni tal-istituzzjonijiet ta’ kreditu, wara li dawk l-awtoritajiet ta’ riżoluzzjoni jkunu kkonsultaw lill-SGD dwar ir-riżultati tat-test tal-anqas kost imsemmi fl-Artikolu 11e ta’ din id-Direttiva. L-Istati Membri għandhom jiżguraw li l-SGD iwieġbu, mingħajr dewmien, għal tali konsultazzjoni.

3.L-Istati Membri għandhom jippermettu lill-SGD jużaw il-mezzi finanzjarji disponibbli għall-miżuri preventivi kif imsemmi fl-Artikolu 11a għall-benefiċċju ta’ istituzzjoni ta’ kreditu meta jkun japplika dan kollu li ġej:(a)ma jkunx ġie ddeterminat li l-istituzzjoni ta’ kreditu qed tfalli jew li x’aktarx tfalli, skont l-Artikolu 32(4) tad-Direttiva 2014/59/UE;(b)l-SGD tkun ikkonfermat li l-kost tal-miżura ma jaqbiżx il-kost tar-ripagament lid-depożitanti kif ikkalkolat f’konformità mal-Artikolu 11e;(c)ikunu ssodisfati l-kundizzjonijiet kollha stabbiliti fl-Artikoli 11a u 11b.

4.Meta jintużaw il-mezzi finanzjarji disponibbli għal miżuri preventivi jew għal miżuri alternattivi kif imsemmi fil-paragrafi 3 u 5, l-istituzzjonijiet ta’ kreditu affiljati għandhom jipprovdu mingħajr dewmien żejjed lill-SGD il-mezzi użati għal tali miżuri, meta jkunu neċessarji fil-forma ta’ kontribuzzjonijiet straordinarji, meta tkun tapplika kwalunkwe waħda minn dawn li ġejjin:(a)tinqala’ l-ħtieġa d-depożitanti li jitħallsu lura jew li jkun hemm intervent fl-ambitu tar-riżoluzzjoni, u l-mezzi finanzjarji disponibbli tal-SGD jammontaw għal anqas minn żewġ terzi tal-livell fil-mira;(b)il-mezzi finanzjarji disponibbli tal-SGD jaqgħu taħt l-40 % tal-livell fil-mira wara l-finanzjament ta’ miżuri preventivi, sakemm l-iskeda ta’ ripagament tal-istituzzjoni jew l-istituzzjonijiet li lilhom jingħataw il-miżuri preventivi ma tipprevedix rimborż minn dawk l-istituzzjonijiet fi żmien 12-il xahar, li jirriżulta li l-mezzi finanzjarji disponibbli jaqbżu l-40 % tal-livell fil-mira.

5.Meta istituzzjoni ta’ kreditu tiġi stralċata f’konformità mal-Artikolu 32b tad-Direttiva 2014/59/UE sabiex toħroġ mis-suq jew ittemm l-attività bankarja tagħha, l-Istati Membri għandhom jippermettu lill-SGD jużaw il-mezzi finanzjarji disponibbli għal miżuri alternattivi sabiex jippreżervaw l-aċċess tad-depożitanti għad-depożiti tagħhom, inkluż it-trasferiment ta’ assi u ta’ obbligazzjonijiet u trasferiment ta’ ktieb tad-depożiti, meta japplika dan kollu li ġej:(a)l-SGD tikkonferma li l-kost tal-miżura ma jaqbiżx il-kost tar-ripagament lid-depożitanti kif ikkalkolat f’konformità mal-Artikolu 11e ta’ din id-Direttiva;(b)▌jiġu ssodisfati l-kundizzjonijiet kollha stabbiliti fl-Artikolu 11d ta’ din id-Direttiva;(c)meta l-miżura tieħu l-forma ta’ trasferiment ta’ assi jew obbligazzjonijiet, it-trasferiment jinkludi l-obbligazzjonijiet li jieħdu l-forma ta’ wieħed jew aktar minn dawn:(i)depożiti koperti;(ii)depożiti eleġibbli minn persuni fiżiċi u intrapriżi mikro, żgħar, u ta’ daqs medju;(iii)depożiti minn persuni fiżiċi u minn impriżi mikro, żgħar u ta’ daqs medju li jkunu depożiti eliġibbli kieku mhux għall-fatt li jkunu saru permezz ta’ fergħat barra mill-Unjoni ta’ istituzzjonijiet stabbiliti fl-Unjoni.(iv)kwalunkwe obbligazzjoni li kklassifikat bħala superjuri għad-depożiti koperti fil-ġerarkija tal-kredituri nazzjonali ta’ pretensjonijiet f’insolvenza.”;

“Artikolu 11a

Miżuri preventivi

1.▌L-Istati Membri għandhom jiżguraw li l-SGD jużaw il-mezzi finanzjarji disponibbli għall-miżuri preventivi msemmijin fl-Artikolu 11(3), dment li jiġu ssodisfati l-kundizzjonijiet kollha li ġejjin:(a)it-talba ta’ istituzzjoni ta’ kreditu għall-finanzjament ta’ tali miżuri preventivi tkun akkumpanjata minn nota li jkun fiha miżuri kif imsemmijin fl-Artikolu 11b;(b)l-istituzzjoni ta’ kreditu tkun ikkonsultat lill-awtorità kompetenti dwar il-miżuri previsti fin-nota msemmijin fl-Artikolu 11b;(c)l-użu ta’ miżuri preventivi mill-SGD huwa marbut ma’ kundizzjonijiet imposti fuq l-istituzzjoni ta’ kreditu appoġġata, li jinvolvu tal-anqas monitoraġġ tar-riskju aktar strett tal-istituzzjoni ta’ kreditu, akkumpanjat minn arranġamenti ta’ governanza li jiffaċilitaw tali monitoraġġ, drittijiet ta’ verifika akbar għall-SGD u rappurtar aktar frekwenti lill-awtoritajiet kompetenti;(d)l-użu tal-miżuri preventivi mill-SGD jiddependi mill-aċċess effettiv tad-depożitanti għal depożiti koperti;(e)l-istituzzjonijiet ta’ kreditu affiljati jkunu jistgħu jħallsu l-kontribuzzjonijiet straordinarji f’konformità mal-Artikolu 11(4);(f)l-istituzzjoni ta’ kreditu tikkonforma mal-obbligi tagħha skont din id-Direttiva, ma tkunx diġà ngħatat għajnuna finanzjarja pubblika straordinarja f’konformità mal-Artikolu 32c(1), il-punt (a), tad-Direttiva 2014/59/UE fl-aħħar ħames snin u tkun ikkonformat bis-sħiħ mal-kalendarju tar-rimborż jew tkun ħallset lura bis-sħiħ kwalunkwe għajnuna finanzjarja pubblika straordinarja jew miżura preventiva preċedenti;(fa)il-miżuri preventivi ma jintużawx biex jikkumpensaw għat-telf li l-istituzzjoni jew l-entità ta’ kreditu tkun ġarrbet jew li x’aktarx iġġarrab fil-futur qrib, ħlief jekk in-nuqqas ta’ din il-miżura jwassal għal tfixkil tal-istabbiltà finanzjarja.

2.L-Istati Membri għandhom jiżguraw li l-SGD ikollhom sistemi ta’ monitoraġġ u proċeduri ta’ teħid ta’ deċiżjonijiet fis-seħħ li huma xierqa għall-għażla u għall-implimentazzjoni ta’ miżuri preventivi u għall-monitoraġġ tar-riskji affiljati.

3.L-Istati Membri għandhom jiżguraw li l-SGD jistgħu jimplimentaw miżuri preventivi biss meta l-awtorità maħtura tkun ikkonfermat li l-kundizzjonijiet kollha stabbiliti fil-paragrafu 1 ikunu ġew issodisfati. L-awtorità maħtura għandha tinnotifika lill-awtorità kompetenti u lill-awtorità ta’ riżoluzzjoni.

Meta l-istituzzjoni benefiċjarja tappartjeni għal IPS kif imsemmi fl-Artikolu 1(2), il-punt (c), dik l-IPS għandha tiddetermina, abbażi tar-riżultati tat-test tal-inqas kost imsemmi fl-Artikolu 11e, l-ammont tal-mezzi finanzjarji disponibbli għal miżuri preventivi li għandhom jiġu nnotifikati lill-awtorità maħtura.

4.L-Istati Membri għandhom jiżguraw li l-SGD ▌tuża l-mezzi finanzjarji disponibbli tagħha għal miżuri ta’ appoġġ kapitali, inklużi r-rikapitalizzazzjonijiet, il-miżuri ta’ indeboliment tal-assi u l-garanziji tal-assi, biss meta jiġu ssodisfati l-kundizzjonijiet skont l-Artikolu 11b.

L-Istati Membri għandhom jiżguraw li l-SGD tittrasferixxi l-parteċipazzjonijiet tagħha ta’ ishma jew strumenti kapitali oħrajn fl-istituzzjoni ta’ kreditu appoġġata ▌ malli ċ-ċirkostanzi kummerċjali u finanzjarji jippermettu.

4a.L-ABE għandha tiżviluppa abbozzi ta’ standards tekniċi regolatorji sabiex tispeċifika dawn li ġejjin:(a)il-kundizzjonijiet imsemmija fil-paragrafu 1, il-punt (c);(b)is-sistemi ta’ monitoraġġ u l-proċeduri ta’ teħid ta’ deċiżjonijiet li l-SGD għandu jkollhom stabbiliti f’konformità mal-paragrafu 2;(c)b’kont meħud tar-rekwiżiti stabbiliti fl-Artikolu 11b, il-modalitajiet ta’ kooperazzjoni bejn l-awtoritajiet ta’ riżoluzzjoni, l-awtoritajiet maħtura u l-awtoritajiet kompetenti skont il-paragrafi 1 u 3 ta’ dan l-Artikolu.

L-ABE għandha tippreżenta dawk l-abbozzi ta’ standards tekniċi regolatorji lill-Kummissjoni sa ... [sena wara d-data tad-dħul fis-seħħ ta’ din id-Direttiva emendatorja].

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1093/2010.

“Artikolu 11b

Rekwiżiti għall-finanzjament ta’ miżuri preventivi

1.L-Istati Membri għandhom jiżguraw li l-istituzzjonijiet ta’ kreditu li jitolbu lil SGD tiffinanzja miżuri preventivi f’konformità mal-Artikolu 11(3) jippreżentaw lill-awtorità kompetenti ▌nota b’miżuri li dawk l-istituzzjonijiet ta’ kreditu jieħdu impenn li jwettqu sabiex jiżguraw ▌il-konformità mar-rekwiżiti superviżorji applikabbli stabbiliti f’konformità mad-Direttiva 2013/36/UE u r-Regolament (UE) Nru 575/2013.

2.In-nota msemmija fil-paragrafu 1 għandha tistabbilixxi azzjonijiet sabiex jittaffa r-riskju ta’ deterjorament tas-solidità finanzjarja u tissaħħaħ il-pożizzjoni kapitali u ta’ likwidità tal-istituzzjoni ta’ kreditu.

2a.Meta l-mezzi finanzjarji ta’ SGD jintużaw għal miżuri preventivi f’konformità mal-Artikolu 11(3) ta’ din id-Direttiva, l-awtorità kompetenti għandha tirrikjedi lill-istituzzjoni ta’ kreditu benefiċjarja taġġorna, kif applikabbli, il-pjan ta’ rkupru kif definit fl-Artikolu 2(1), il-punt (32) tad-Direttiva 2014/59/UE jew il-pjan ta’ rkupru tal-grupp kif definit fl-Artikolu 2(1), il-punt (33) ta’ dik id-Direttiva. L-awtorità kompetenti għandha tidderieġi lill-istituzzjoni ta’ kreditu appoġġata biex timplimenta l-miżuri msemmija fl-Artikolu 6(6), it-tielet subparagrafu, tad-Direttiva 2014/59/UE meta l-kundizzjonijiet skont l-Artikolu 6(6) ta’ dik id-Direttiva jiġu ssodisfati.

3.L-Istati Membri għandhom jiżguraw li, fil-każ ta’ miżura ta’ appoġġ kapitali skont il-paragrafu 1, il-mezzi finanzjarji disponibbli ta’ SGD ikopru biss id-defiċit ta’ kapital attwali abbażi tal-elementi li ġejjin, kif evidenzjat fin-nota:(a)id-defiċit ta’ kapital inizjali kif identifikat f’test tal-istress tal-Unjoni, ir-rieżami tal-kwalità tal-assi jew eżerċizzju ekwivalenti, jew matul ir-rieżami superviżorju u l-proċess ta’ evalwazzjoni, kif ikkonfermat mill-awtorità kompetenti;(b)miżuri ta’ ġenerazzjoni tal-kapital li għandhom jiġu implimentati fi żmien sitt xhur mis-sottomissjoni ta’ dak il-pjan ta’ riorganzizazzjoni tan-negozju;(c)salvagwardji li jipprevjenu l-ħruġ ta’ fondi, inklużi l-miżuri msemmija fil-paragrafu 5;(d)fejn xieraq, il-kontribuzzjonijiet mill-azzjonisti u d-detenturi tad-dejn subordinat tal-istituzzjoni ta’ kreditu appoġġata.

Meta tiddetermina d-defiċit ta’ kapital, il-SGD tista’ tqis ukoll kwalunkwe valutazzjoni tal-adegwatezza kapitali li tħares ’il quddiem, inkluż il-pjan ta’ konservazzjoni tal-kapital imsemmi fl-Artikolu 142 tad-Direttiva 2013/36/UE.

L-Istati Membri għandhom jiżguraw li meta istituzzjoni ta’ kreditu tkun membru ta’ IPS kif imsemmi fl-Artikolu 1(2), il-punt (c), id-defiċit ta’ kapital jiġi ddeterminat mill-IPS.

Meta tiddetermina d-defiċit ta’ kapital, l-SGD għandha tinnotifika lill-awtorità kompetenti.

4.L-Istati Membri għandhom jiżguraw li▌ in-nota msemmija fil-paragrafu 1 tipprevedi strateġija ta’ ħruġ mill-miżuri preventivi, inkluża skeda ta’ ripagament speċifikata b’mod ċar mill-istituzzjoni ta’ kreditu ta’ kwalunkwe fond ripagabbli riċevut bħala parti mill-miżuri preventivi. Dik l-informazzjoni ma għandhiex tiġi żvelata qabel sena wara l-konklużjoni tal-istrateġija ta’ ħruġ jew l-implimentazzjoni tal-pjan ta’ rimedju jew il-konklużjoni tal-valutazzjoni skont l-Artikolu 11c(3).

5.L-Istati Membri għandhom jiżguraw li l-ebda dividend, xiri lura ta’ ishma jew rimunerazzjoni varjabbli ma jitħallsu u li ma jittieħed l-ebda impenn irrevokabbli biex jitħallsu dividendi, xiri lura ta’ ishma jew rimunerazzjoni varjabbli mill-istituzzjoni ta’ kreditu appoġġata. L-awtorità kompetenti tista’ eċċezzjonalment tirrestrinġi parzjalment dik il-projbizzjoni fejn l-istituzzjoni ta’ kreditu tistabbilixxi għas-sodisfazzjon tal-awtorità kompetenti li hija legalment marbuta li tħallas id-dividendi. ▌L-Istati Membri għandhom jiżguraw li r-restrizzjonijiet skont dan il-paragrafu jibqgħu fis-seħħ sakemm l-istituzzjoni ta’ kreditu appoġġata tkun ħallset lura lill-SGD l-istess ammont użat għall-miżuri preventivi.

5a.L-Istati Membri għandhom jiżguraw li fi żmien sitt xhur mill-għoti tal-appoġġ finanzjarju inizjali, l-istituzzjoni ta’ kreditu benefiċjarja tissottometti pjan ta’ riorganizzazzjoni tan-negozju lill-awtorità kompetenti. Meta l-awtorità kompetenti ma tkunx sodisfatta li l-pjan ta’ riorganizzazzjoni tan-negozju huwa kredibbli u fattibbli biex tiġi żgurata l-vijabbiltà fit-tul, il-miżuri preventivi lill-istituzzjoni ta’ kreditu kkonċernata għandhom jiġu sospiżi, u l-awtorità kompetenti għandha timplimenta miżuri xierqa biex tiżgura li l-vijabbiltà fit-tul tkun żgurata.

B’deroga mill-ewwel subparagrafu ta’ dan il-paragrafu, meta istituzzjoni ta’ kreditu tappartjeni għal IPS kif imsemmi fl-Artikolu 1(2), il-punt (c), il-pjan ta’ riorganizzazzjoni tan-negozju għandu jiġi approvat mill-IPS, wara konsultazzjoni mal-awtorità kompetenti.

6.▌L-Istati Membri għandhom jiżguraw li l-miżuri previsti fil-pjan ta’ riorganizzazzjoni tan-negozju msemmi fil-paragrafu 5a ikunu kompatibbli mal-pjan ta’ ristrutturar tal-istituzzjoni ta’ kreditu li jkun meħtieġ mill-Kummissjoni f’konformità mal-qafas tal-Unjoni dwar l-għajnuna mill-Istat.

6a.L-awtorità kompetenti għandha tipprovdi l-pjan ta’ riorganizzazzjoni tan-negozju lill-awtorità ta’ riżoluzzjoni. L-awtorità ta’ riżoluzzjoni tista’ teżamina l-pjan ta’ riorganizzazzjoni tan-negozju bil-ħsieb li tidentifika kwalunkwe azzjoni li jista’ jkollha impatt ħażin fuq ir-riżolvibbiltà tal-istituzzjoni u tista’ tagħmel rakkomandazzjonijiet lill-awtorità kompetenti rigward dawk il-kwistjonijiet. L-awtorità ta’ riżoluzzjoni għandha tikkomunika l-valutazzjoni u r-rakkomandazzjonijiet tagħha fil-perjodu ta’ żmien stabbilit mill-awtorità kompetenti.

“Artikolu 11c

Pjan ta’ rimedju

1.L-Istati Membri għandhom jiżguraw li meta l-istituzzjoni ta’ kreditu tonqos milli tissodisfa l-impenji deskritti fin-nota msemmija fl-Artikolu 11b(1), jew il-pjan ta’ riorganizzazzjoni tan-negozju msemmi fl-Artikolu 11b(5a), l-ewwel subparagrafu, jew tonqos milli tħallas lura l-ammont ikkontribwit skont il-miżuri preventivi mal-maturità jew li tikkonforma mal-istrateġija ta’ ħruġ skont l-Artikolu 11b(4), l-SGD tinforma lill-awtorità kompetenti b’dan mingħajr dewmien.

2.Fis-sitwazzjoni msemmija fil-paragrafu 1, l-Istati Membri għandhom jiżguraw li l-awtorità kompetenti titlob lill-istituzzjoni ta’ kreditu tissottometti pjan ta’ rimedju ta’ darba lill-awtorità maħtura u lill-SGD li jiddeskrivi l-passi li se tieħu l-istituzzjoni ta’ kreditu sabiex tiżgura ▌l-konformità mar-rekwiżiti superviżorji, sabiex tiżgura l-vijabbiltà fit-tul tagħha u sabiex tħallas lura l-ammont dovut ikkontribwit mill-SGD għall-miżura preventiva, kif ukoll il-perjodu ta’ żmien assoċjat. L-awtorità maħtura u l-SGD għandhom jikkonsultaw mal-awtorità kompetenti fir-rigward tal-miżuri previsti fil-pjan ta’ rimedju.

3.Meta l-awtorità kompetenti ma tkunx sodisfatta li l-pjan ta’ rimedju jkun kredibbli jew fattibbli jew meta l-istituzzjoni ta’ kreditu tonqos milli tikkonforma mal-pjan ta’ rimedju, l-SGD ma għandha tagħti l-ebda miżura preventiva ulterjuri lil dik l-istituzzjoni ta’ kreditu, u l-awtoritajiet rilevanti għandhom iwettqu valutazzjoni dwar jekk l-istituzzjoni hijiex qed tfalli jew hux probabbli li tfalli, f’konformità mal-Artikolu 32 tad-Direttiva 2014/59/UE.

4.Sa … [OP – jekk jogħġbok daħħal id-data = 24 xahar wara d-data tad-dħul fis-seħħ ta’ din id-Direttiva], l-ABE għandha toħroġ linji gwida li jistabbilixxu l-elementi tal-pjan ta’ ristrutturar li jakkumpanja l-miżuri preventivi msemmija fl-Artikolu 11b(3) sa (5a) u l-pjan ta’ rimedju msemmi fil-paragrafu 1 ta’ dan l-Artikolu.

“Artikolu 11d

Miżuri alternattivi

1.▌L-Istati Membri għandhom jippermettu l-użu ta’ fondi tal-SGD għall-miżuri alternattivi msemmijin fl-Artikolu 11(5). L-Istati Membri għandhom jiżguraw li meta l-SGD jiffinanzjaw miżuri bħal dawn, l-istituzzjonijiet ta’ kreditu jikkummerċjalizzaw, jew jagħmlu arranġamenti għall-kummerċjalizzazzjoni tal-assi, tad-drittijiet u tal-obbligazzjonijiet li dawk l-istituzzjonijiet ta’ kreditu jkollhom l-intenzjoni li jittrasferixxu. Mingħajr preġudizzju għall-qafas tal-Unjoni dwar l-għajnuna mill-Istat, it-tali kummerċjalizzazzjoni għandha tikkonforma ma’ dan kollu li ġej:(a)il-kummerċjalizzazzjoni tkun miftuħa u trasparenti u ma tirrappreżentax ħażin l-assi, id-drittijiet u l-obbligazzjonijiet li għandhom jiġu ttrasferiti;(b)il-kummerċjalizzazzjoni ma tiffavorixxix u lanqas ma tiddiskrimina bejn ix-xerrejja potenzjali u ma tagħti l-ebda vantaġġ lil xerrej potenzjali;(c)il-kummerċjalizzazzjoni tkun ħielsa minn kwalunkwe kunflitt ta’ interess;(d)il-kummerċjalizzazzjoni tqis il-ħtieġa li tiġi implimentata soluzzjoni rapida li tqis l-iskadenza stabbilita fl-Artikolu 3(2), it-tieni subparagrafu, għad-determinazzjoni msemmija fl-Artikolu 2(1), il-punt (8)(a);(e)il-kummerċjalizzazzjoni għandha l-għan li timmassimizza, kemm jista’ jkun, il-prezz tal-bejgħ għall-assi, għad-drittijiet u għall-obbligazzjonijiet ikkonċernati.

1a.L-Istati Membri għandhom jiżguraw li, meta l-SGD tintuża f’konformità mal-Artikolu 11(5) fir-rigward ta’ istituzzjoni ta’ kreditu, u dment li tali azzjoni tiżgura li l-persuni fiżiċi u l-intrapriżi mikro, żgħar u ta’ daqs medju jkompli jkollhom aċċess għad-depożiti tagħhom, sabiex jiġi pprevenut li jġarrbu telf, l-SGD li magħha tkun affiljata dik l-istituzzjoni ta’ kreditu għandha tikkontribwixxi l-ammonti li ġejjin:(i)l-ammont meħtieġ biex ikopri d-differenza bejn il-valur tad-depożiti koperti u tal-obbligazzjonijiet bl-istess klassifikazzjoni jew b’waħda ta’ prijorità ogħla, u l-valur totali tal-assi li għandhom jiġu ttrasferiti lil riċevitur; u(ii)fejn rilevanti, ammont meħtieġ biex tiġi żgurata n-newtralità tal-kapital tar-riċevitur wara t-trasferiment.

“Artikolu 11e

Test tal-anqas kost

1.Meta jikkunsidraw l-użu tal-fondi tal-SGD għall-miżuri msemmijin fl-Artikolu 11(2), (3) jew (5), l-Istati Membri għandhom jiżguraw li l-SGD jagħmlu paragun ta’ dawn li ġejjin:(a)il-kost stmat għall-SGD sabiex tiffinanzja l-miżuri msemmijin fl-Artikolu 11(2), (3) jew (5);(b)il-kost stmat tar-ripagament lid-depożitanti f’konformità mal-Artikolu 8(1).

2.Għall-paragun, imsemmi fil-paragrafu 1, għandhom japplikaw dawn li ġejjin:(a)għall-istima tal-kostijiet imsemmijin fil-punt (a) tal-paragrafu 1, l-SGD għandha tqis il-qligħ mistenni, l-ispejjeż operatorji u t-telf potenzjali relatat mal-miżura;(b)għall-miżuri msemmijin fl-Artikolu 11(2) u (5), l-SGD għandha tibbaża l-istima tagħha tal-kost tar-ripagament lid-depożitanti, kif imsemmi fil-punt (b) tal-paragrafu 1, fuq il-valwazzjoni tal-assi u tal-obbligazzjonijiet tal-istituzzjoni ta’ kreditu msemmijin fl-Artikolu 36(1) tad-Direttiva 2014/59/UE u l-istima msemmija fl-Artikolu 36(8) ta’ dik id-Direttiva;(c)għall-miżuri msemmijin fl-Artikolu 11(2), (3) u (5), meta tistma l-kost tar-ripagament lid-depożitanti, kif imsemmi fil-punt (b) tal-paragrafu 1, l-SGD għandha tqis il-proporzjon mistenni tal-irkupri, il-kost▌ addizzjonali potenzjali tal-finanzjament għall-SGD u l-kost possibbli għall-SGD li jirriżulta minn instabbiltà ekonomika u finanzjarja potenzjali, inkluża l-ħtieġa li jintużaw fondi addizzjonali, fil-mandat tal-SGD, biex jiġi protetti d-depożitanti u l-istabbiltà finanzjarja, u biex jiġi evitat il-kontaġju;(d)għall-miżuri msemmijin fl-Artikolu 11(3), meta tistma l-kost tar-ripagament lid-depożitanti, l-SGD għandha timmoltiplika b’85 % il-proporzjon stmat tal-irkupri kkalkolat f’konformità mal-metodoloġija msemmija fil-punt b tal-paragrafu 5.

3.L-Istati Membri għandhom jiżguraw li l-ammont użat għall-finanzjament tar-riżoluzzjoni tal-istituzzjonijiet ta’ kreditu, kif imsemmi fl-Artikolu 11(2), għall-miżuri preventivi msemmijin fl-Artikolu 11(3), jew għall-miżuri alternattivi msemmijin fl-Artikolu 11(5), ma jaqbiżx l-ammont ta’ depożiti koperti fl-istituzzjoni ta’ kreditu.

4.L-Istati Membri għandhom jiżguraw li l-awtoritajiet kompetenti u ta’ riżoluzzjoni jipprovdu lill-SGD l-informazzjoni neċessarja kollha għall-paragun imsemmi fil-paragrafu 1. L-Istati Membri għandhom jiżguraw li l-awtorità ta’ riżoluzzjoni tipprovdi lill-SGD il-kost stmat tal-kontribuzzjoni tal-SGD għar-riżoluzzjoni ta’ istituzzjoni ta’ kreditu kif imsemmi fl-Artikolu 11(2).

4a.Mill-aktar fis possibbli wara li jimplimentaw il-miżuri alternattivi, l-Istati Membri għandhom jiżguraw li l-SGD tikkondividi mal-awtorità kompetenti, mal-awtorità ta’ riżoluzzjoni u mal-awtorità maħtura, sommarju tal-elementi ewlenin tal-kalkolu mwettaq skont dan l-Artikolu. Dak is-sommarju għandu b’mod partikolari jinkludi r-rata ta’ rkupru netta derivata mill-kost stmat tar-ripagamenti lid-depożitanti għall-SGD u ġustifikazzjoni ġenerali tal-preżunzjonijiet sottostanti relatati.

5.L-ABE, b’kont meħud tal-istandards tekniċi regolatorji adottati f’konformità mal-Artikolu 36(16) tad-Direttiva 2014/59/UE, għandha tiżviluppa abbozz ta’ standards tekniċi regolatorji sabiex tispeċifika:(a)il-metodoloġija għall-kalkolu tal-kost stmat imsemmi fil-punt (a) tal-paragrafu 1, li għandha tqis il-karatteristiċi speċifiċi tal-miżura kkonċernata;(b)il-metodoloġija għall-kalkolu tal-kost stmat tar-ripagament lid-depożitanti msemmi fil-paragrafu 1, il-punt (b), inklużi l-irkupri msemmijin fil-paragrafu 2, il-punt (c), il-kost addizzjonali potenzjali tal-finanzjament għall-SGD u l-kost possibbli għall-SGD li jirriżulta minn instabbiltà ekonomika u finanzjarja potenzjali, inkluża l-ħtieġa li jintużaw fondi addizzjonali, fil-mandat tal-SGD, biex jiġi protetti d-depożitanti u l-istabbiltà finanzjarja, u biex jiġi evitat il-kontaġju;(c)il-mod kif għandu jingħata rendikont, fil-metodoloġiji msemmijin fil-punti (a), (b) u (c), meta rilevanti, lill-bidla fil-valur tal-flus minħabba qligħ dovut potenzjali dovut maż-żmien.

Għall-kalkolu tal-kost addizzjonali potenzjali għall-SGD imsemmi fl-ewwel subparagrafu, il-punt (b), il-metodoloġija għandha tqis:(a)il-kostijiet amministrattivi marbuta mal-proċess ta’ ripagament;(b)il-kostijiet amministrattivi biex jitħallsu l-kontribuzzjonijiet skont l-Artikolu 10(8) jekk tali kontribuzzjonijiet ikunu meħtieġa biex id-depożitanti jitħallsu lura, u l-kostijiet tal-mobilizzazzjoni ta’ arranġamenti ta’ finanzjament alternattivi skont l-Artikolu 10(9) jekk dawn l-arranġamenti jiġu mmobilizzati; 

Għall-kalkolu tal-kost stmat tar-ripagament lid-depożitanti kif imsemmi fil-paragrafu 1, il-punt (b), fil-każ tal-miżuri msemmija fl-Artikolu 11(2), (3) jew (5), il-metodoloġija msemmija fil-punt (b) għandha tqis l-effetti ta’ kontaġju, ir-riskji ekonomiċi u finanzjarji u kwalunkwe ħsara reputazzjonali għas-sistema bankarja, inkluż, meta rilevanti, il-protezzjoni tat-trademark konġunta u l-importanza ta’ miżuri preventivi għall-mandat statutorju jew kuntrattwali tal-SGD, inkluża l-IPS imsemmija fl-Artikolu 1(2), il-punt (c).

L-ABE għandha tissottometti dawk l-abbozzi ta’ standards tekniċi regolatorji lill-Kummissjoni sa … [OP jekk jogħġbok daħħal id-data = 12-il xahar wara d-data tad-dħul fis-seħħ ta’ din id-Direttiva].

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmijin fl-ewwel subparagrafu f’konformità mal-Artikoli 10 sa 14 tar-Regolament (UE) Nru 1093/2010.”;

‘1. Il-kontribuzzjonijiet lill-SGD msemmija fl-Artikolu 10 għandhom ikunu bbażati fuq l-ammont ta’ depożiti koperti u l-ammont ta’ riskju mġarrab mill-membri rispettivi ta’ kwalunkwe SGD unika.

L-Istati Membri jistgħu jipprevedu kontribuzzjonijiet aktar baxxi għal setturi b’riskju żgħir ta’ istituzzjonijiet ta’ kreditu affiljati ma’ SGD li huma regolati mil-liġi nazzjonali.

L-Istati Membri jistgħu jiddeċiedu li membri ta’ IPS iħallsu kontribuzzjonijiet aktar baxxi lill-SGD.

L-Istati Membri jistgħu jippermettu li l-korp ċentrali u l-istituzzjonijiet ta’ kreditu kollha affiljati b’mod permanenti mal-korp ċentrali kif imsemmi fl-Artikolu 10(1) tar-Regolament (UE) Nru 575/2013 jkunu soġġetti b’mod ġenerali għall-piż tar-riskju li jkun ġie ddeterminat għal korp ċentrali u l-istituzzjonijiet affiljati tiegħu fuq bażi konsolidata.

L-Istati Membri jistgħu jiddeċiedu li l-istituzzjonijiet ta’ kreditu jħallsu kontribuzzjoni minima, irrispettivament mill-ammont tad-depożiti koperti tagħhom.”

2. L-SGD jistgħu jużaw il-metodi tagħhom stess ibbażati fuq ir-riskju għad-determinazzjoni u l-kalkolu tal-kontribuzzjonijiet bbażati fuq ir-riskju mill-membri tagħhom. Il-kalkolu tal-kontribuzzjonijiet għandu jkun proporzjonali għar-riskju tal-membri u għandu jieħu kont dovut tal-profili ta’ riskju tal-mudelli varji ta’ negozju. Dawk il-metodi jistgħu ukoll jieħdu kont tan-naħa tal-attiv tal-karta tal-bilanċ u l-indikaturi tar-riskju, bħall-adegwatezza tal-kapital, il-kwalità u l-likwidità tal-assi.

Kull metodu għandu jiġi approvat mill-awtorità kompetenti b’kooperazzjoni mal-awtorità maħtura. L-ABE għandha tiġi infurmata bil-metodi approvati.

3.Sabiex tiġi żgurata l-applikazzjoni konsistenti ta’ din id-Direttiva, l-ABE għandha tiżviluppa abbozz ta’ standards tekniċi regolatorji biex jiġu speċifikati l-metodi għall-kalkolu tal-kontribuzzjonijiet lill-SGD f’konformità mal-paragrafi 1 u 2 ta’ dan l-Artikolu.

L-ABE għandha tippreżenta dawk l-abbozzi ta’ standards tekniċi regolatorji lill-Kummissjoni sa … [12-il xahar wara d-data tad-dħul fis-seħħ ta’ din id-Direttiva emendatorja].

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1093/2010.”;

‘‘1. L-Istati Membri għandhom jiżguraw li l-SGD ikopru lid-depożitanti f’fergħat stabbiliti mill-istituzzjonijiet ta’ kreditu membri tagħhom fi Stati Membri oħrajn u lid-depożitanti li jinsabu fi Stati Membri fejn l-istituzzjonijiet ta’ kreditu membri tagħhom jeżerċitaw il-libertà li jipprovdu servizzi kif imsemmi fil-Kapitolu 3 tat-Titolu V tad-Direttiva 2013/36/UE.”;

“B’deroga mill-ewwel subparagrafu, l-Istati Membri għandhom jiżguraw li SGD tal-Istat Membru domiċiljari tkun tista’ tiddeċiedi li tħallas lura lid-depożitanti f’fergħat direttament meta jkunu japplikaw dawn kollha li ġejjin:(i)il-piż amministrattiv u l-kost ta’ tali ripagament ikunu anqas mir-ripagament minn SGD tal-Istat Membru ospitanti;(ii)L-SGD tal-Istat Membru domiċiljari tiżgura li d-depożitanti ma jiġux minn taħt meta mqabblin max-xenarju li fih ir-rimborż kien isir f’konformità mal-ewwel subparagrafu;(iia)ir-ripagament isir fl-istess munita li kien isir kieku r-rimborż sar f’konformità mal-ewwel subparagrafu.”;

“2a. L-Istati Membri għandhom jiżguraw li SGD ta’ Stat Membru ospitanti tkun tista’, soġġetta għal ftehim ma’ SGD ta’ Stat Membru domiċiljari, taġixxi bħala l-punt ta’ kuntatt għad-depożitanti f’istituzzjonijiet ta’ kreditu li jeżerċitaw il-libertà li jipprovdu servizzi kif imsemmi fil-Kapitolu 3 tat-Titolu V tad-Direttiva 2013/36/UE, u għandha tiġi kkumpensata għall-kostijiet imġarrbin.

2b.Fil-każijiet imsemmijin fil-paragrafi 2 u 2a, l-Istati Membri għandhom jiżguraw li l-SGD tal-Istat Membru domiċiljari u l-SGD tal-Istat Membru ospitanti kkonċernat ikollhom ftehim fis-seħħ dwar it-termini u l-kundizzjonijiet tal-iżborż, inkluż dwar il-kumpens ta’ kwalunkwe kost imġarrab, il-punt ta’ kuntatt għad-depożitanti, l-iskeda ta’ żmien u l-metodu ta’ pagament.”; L-SGD ta’ Stat Membru domiċiljari għandha tipprovdi lill-SGD tal-Istat Membru ospitanti informazzjoni dwar l-għadd ta’ depożitanti, l-ammont ta’ depożiti koperti u l-bidliet rilevanti possibbli fihom.”;

“3. L-Istati Membri għandhom jiżguraw li meta istituzzjoni ta’ kreditu ma tibqax membru ta’ SGD u tingħaqad ma’ SGD ta’ Stat Membru ieħor, jew jekk xi wħud mill-attivitajiet tal-istituzzjoni ta’ kreditu jiġu ttrasferiti lil SGD ta’ Stat Membru ieħor, l-SGD ta’ oriġini għandha tittrasferixxi lill-SGD riċeventi ammont li jirrifletti l-obbligazzjonijiet potenzjali mġarrba mill-SGD riċeventi b’riżultat tat-trasferiment, filwaqt li jitqies l-impatt tat-trasferiment fuq is-sitwazzjoni finanzjarja kemm tal-SGD riċeventi u tal-SGD ta’ oriġini fir-rigward tar-riskji li jkopru. ▌

L-ABE għandha tiżviluppa abbozzi ta’ standards tekniċi regolatorji biex tispeċifika l-metodoloġija għall-kalkolu tal-ammont li għandu jiġi ttrasferit biex jiġi żgurat impatt newtrali tat-trasferiment fuq is-sitwazzjoni finanzjarja taż-żewġ SGD fir-rigward tar-riskji li jkopru.

L-ABE għandha tippreżenta dawk l-abbozzi ta’ standards tekniċi regolatorji lill-Kummissjoni sa ... [12-il xahar wara d-data tad-dħul fis-seħħ ta’ din id-Direttiva emendatorja].

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fit-tieni subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1093/2010 tal-Parlament Ewropew u tal-Kunsill.”;

“3a. Għall-finijiet tal-paragrafu 3, l-Istati Membri għandhom jiżguraw li l-SGD ta’ oriġini tittrasferixxi l-ammont imsemmi f’dak il-paragrafu fi żmien xahar wieħed (1) mill-bidla fis-sħubija mal-SGD.”;

“9. Sa ... [24 xahar mid-data tad-dħul fis-seħħ ta’ din id-Direttiva emendatorja], l-ABE għandha toħroġ linji gwida dwar ir-rwoli rispettivi tal-SGD domiċiljari u tal-SGD ospitanti kif imsemmi fil-paragrafu 2, inkluża lista ta’ ċirkostanzi u ta’ kundizzjonijiet li taħthom SGD tal-Istat Membru domiċiljari ▌tħallas lura lid-depożitanti f’fergħat li jinsabu fi Stat Membru ieħor kif stabbilit fil-paragrafu 2, it-tielet subparagrafu.”;

“Artikolu 15

Fergħat ta’ istituzzjonijiet ta’ kreditu li huma stabbiliti f’pajjiżi terzi

L-Istati Membri għandhom jirrikjedu li l-fergħat tal-istituzzjonijiet ta’ kreditu li jkollhom l-uffiċċju prinċipali tagħhom barra mill-Unjoni jissieħbu f’SGD fit-territorju tagħhom qabel ma jippermettu lil tali fergħat jieħdu depożiti eliġibbli f’dawk l-Istati Membri.

L-Istati Membri għandhom jiżguraw li tali fergħat jikkontribwixxu għall-SGD, f’konformità mal-Artikolu 13.”;

“Artikolu 15a

Istituzzjonijiet ta’ kreditu membri li għandhom fergħat f’pajjiżi terzi

L-Istati Membri għandhom jiżguraw li l-SGD ma jkoprux lid-depożitanti f’fergħat li jkunu ġew stabbiliti f’pajjiżi terzi mill-istituzzjonijiet ta’ kreditu membri tagħhom, ħlief meta, soġġetti għall-approvazzjoni tal-awtorità maħtura, dawk l-SGD jiġġeneraw il-kontribuzzjonijiet korrispondenti mill-istituzzjonijiet ta’ kreditu kkonċernati.

L-ABE għandha toħroġ linji gwida li jispeċifikaw iċ-ċirkostanzi li fihom l-awtoritajiet maħtura għandhom japprovaw il-kopertura tad-depożitanti f’fergħat li jkunu ġew stabbiliti fil-pajjiżi terzi mill-istituzzjonijiet ta’ kreditu membri tal-SGD.”;

‘1. L-Istati Membri għandhom jiżguraw li l-istituzzjonijiet ta’ kreditu jipprovdu lid-depożitanti attwali u prospettivi bl-informazzjoni li dawk id-depożitanti jeħtieġ li jidentifikaw l-SGD li tagħhom l-istituzzjoni ta’ kreditu u l-fergħat tagħha jkunu membri fl-Unjoni. L-istituzzjonijiet ta’ kreditu għandhom jipprovdu dik l-informazzjoni fil-forma ta’ skeda ta’ informazzjoni mħejjija f’format li minnu tista’ tiġi estratta data kif definit fl-Artikolu 2, il-punt (3), tar-Regolament (UE) XX/XXXX tal-Parlament Ewropew u tal-Kunsill [ir-Regolament dwar l-ESAP]***.

_______________________________________________

*** Ir-Regolament (UE) XX/XXXX tal-Parlament Ewropew u tal-Kunsill ta’ jj xx ss li jistabbilixxi punt ta’ aċċess uniku Ewropew li jipprovdi aċċess ċentralizzat għal informazzjoni disponibbli pubblikament ta’ rilevanza għas-servizzi finanzjarji, għas-swieq kapitali u għas-sostenibbiltà.”;

“1a. L-Istati Membri għandhom jiżguraw li l-iskeda ta’ informazzjoni msemmija fil-paragrafu 1 ikun fiha dan kollu li ġej:(i)informazzjoni bażika dwar il-protezzjoni ta’ depożiti;(ii)id-dettalji ta’ kuntatt tal-istituzzjoni ta’ kreditu bħala l-ewwel punt ta’ kuntatt għal informazzjoni dwar il-kontenut tal-iskeda ta’ informazzjoni;(iii)il-livell ta’ kopertura għad-depożiti kif imsemmi fl-Artikolu 6(1) u 6(2) f’EUR jew, meta rilevanti, f’munita oħra;(iv)l-esklużjonijiet applikabbli mill-protezzjoni tal-SGD;(v)il-limitu ta’ protezzjoni fir-rigward ta’ kontijiet konġunti;(vi)il-perjodu ta’ rimborż f’każ ta’ falliment tal-istituzzjoni ta’ kreditu;(vii)il-munita ta’ rimborż;(viii)l-identifikazzjoni tal-SGD responsabbli għall-protezzjoni ta’ depożitu, inkluża referenza għas-sit web tagħha.”;

“2. L-Istati Membri għandhom jiżguraw li l-istituzzjonijiet ta’ kreditu jipprovdu l-iskeda ta’ informazzjoni msemmija fil-paragrafu 1 qabel ma jidħlu f’kuntratt dwar it-teħid ta’ depożiti u, wara dan, kull darba li jkun hemm bidla fl-informazzjoni pprovduta. Id-depożitanti għandhom jikkonfermaw ir-riċevuta ta’ dik l-iskeda ta’ informazzjoni, sakemm l-informazzjoni ma ssirx disponibbli għall-pubbliku.”;

“L-Istati Membri għandhom jiżguraw li l-istituzzjonijiet ta’ kreditu jikkonfermaw fir-rapporti tal-kontijiet tad-depożitanti tagħhom li d-depożiti jkunu depożiti eliġibbli, inkluża referenza għall-iskeda ta’ informazzjoni msemmija fil-paragrafu 1.”;

‘4. L-Istati Membri għandhom jiżguraw li l-istituzzjonijiet ta’ kreditu jagħmlu l-informazzjoni msemmija fil-paragrafu 1 disponibbli bil-lingwa li tkun ġiet miftiehma mid-depożitant u mill-istituzzjoni ta’ kreditu meta l-kont ikun infetaħ jew bil-lingwa jew bil-lingwi uffiċjali tal-Istat Membru li fih tkun stabbilita l-fergħa.”;

“6. L-Istati Membri għandhom jiżguraw li fil-każ ta’ fużjoni ta’ istituzzjonijiet ta’ kreditu, ta’ konverżjoni ta’ sussidjarji ta’ istituzzjoni ta’ kreditu f’fergħat, jew ta’ operazzjonijiet simili, l-istituzzjonijiet ta’ kreditu jinnotifikaw lid-depożitanti tagħhom b’dan tal-anqas xahar wieħed (1) qabel ma dik l-operazzjoni tidħol fis-seħħ legalment, sakemm l-awtorità kompetenti ma tippermettix skadenza iqsar fuq il-bażi tas-segretezza kummerċjali jew tal-istabbiltà finanzjarja. Dik in-notifika għandha tispjega l-impatt tal-operazzjoni fuq il-protezzjoni tad-depożitanti.

L-Istati Membri għandhom jiżguraw li, meta bħala riżultat tal-operazzjonijiet imsemmijin fl-ewwel subparagrafu, id-depożitanti b’depożiti f’dawk l-istituzzjonijiet ta’ kreditu jkunu affettwati mill-protezzjoni mnaqqsa tad-depożiti, l-istituzzjonijiet ta’ kreditu kkonċernati jinnotifikaw lil dawk id-depożitanti li jistgħu jirtiraw jew jittrasferixxu lil istituzzjoni ta’ kreditu oħra d-depożiti eliġibbli tagħhom, inklużi l-imgħax u l-benefiċċji dovuti kollha, mingħajr ma jġarrbu penali sa ammont ugwali għall-kopertura mitlufa tad-depożiti tagħhom fi żmien 3 xhur wara n-notifika msemmija fl-ewwel subparagrafu.

7.L-Istati Membri għandhom jiżguraw li l-istituzzjonijiet ta’ kreditu li ma jibqgħux membri ta’ SGD jinfurmaw lid-depożitanti tagħhom b’dan tal-anqas xahar wieħed (1) qabel tali ċessjoni. Dik l-informazzjoni għandha tinkludi spjegazzjoni tal-impatt taċ-ċessjoni fuq il-protezzjoni tad-depożitanti. L-Istati Membri għandhom jiżguraw li d-depożitanti ta’ istituzzjoni ta’ kreditu li ma baqgħetx membru tal-SGD jistgħu jittrasferixxu d-depożiti tagħhom lil istituzzjoni oħra membru tal-istess SGD mingħajr ma jġarrbu kostijiet ta’ trasferiment.”;

“7a. L-Istati Membri għandhom jiżguraw li l-awtoritajiet maħtura, l-SGD u l-istituzzjonijiet ta’ kreditu kkonċernati jinformaw lid-depożitanti, inkluż permezz ta’ pubblikazzjoni fuq is-siti web tagħhom, dwar il-fatt li awtorità amministrattiva rilevanti tkun għamlet determinazzjoni kif imsemmi fl-Artikolu 2(1), il-punt (8)(a), jew awtorità ġudizzjarja tkun ħadet deċiżjoni kif imsemmi fl-Artikolu 2(1), il-punt (8)(b).”;

“8. L-Istati Membri għandhom jiżguraw li meta depożitant juża servizzi bankarji fuq l-internet, l-istituzzjonijiet ta’ kreditu jipprovdu l-informazzjoni li jridu jipprovdu lid-depożitanti tagħhom skont din id-Direttiva b’mezzi elettroniċi sakemm depożitant ma jitlobx li jirċievi dik l-informazzjoni stampata.”;

“9. L-ABE għandha tiżviluppa abbozzi ta’ standards tekniċi ta’ implimentazzjoni sabiex tispeċifika:(a)il-kontenut u l-format tal-iskeda ta’ informazzjoni, imsemmija fil-paragrafu 1a;(b)il-proċedura li għandha tiġi segwita għall-għoti tal-informazzjoni, u l-kontenut ta’ din, li għandha tiġi pprovduta fil-komunikazzjonijiet mill-awtoritajiet maħtura, mill-SGD jew mill-istituzzjonijiet ta’ kreditu lid-depożitanti, fis-sitwazzjonijiet imsemmijin fl-Artikoli 8b u 8c u fil-paragrafi 6, 7 u 7a ta’ dan l-Artikolu.

L-ABE għandha tissottometti dawk l-abbozzi ta’ standards tekniċi ta’ implimentazzjoni lill-Kummissjoni sa … [OP - jekk jogħġbok daħħal id-data = 12-il xahar wara d-data tad-dħul fis-seħħ ta’ din id-Direttiva].

Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmijin fl-ewwel subparagrafu f’konformità mal-Artikolu 15 tar-Regolament (UE) Nru 1093/2010.”;

“Artikolu 16a

Skambju ta’ informazzjoni bejn l-istituzzjonijiet ta’ kreditu u l-SGD, u rapportar mill-awtoritajiet

1.L-Istati Membri għandhom jiżguraw li l-SGD, ta’ kull sena u fi kwalunkwe ħin ▌fuq talba, jirċievu mingħand l-istituzzjonijiet ta’ kreditu affiljati tagħhom l-informazzjoni neċessarja kollha sabiex iħejju għal ripagament lid-depożitanti, f’konformità mar-rekwiżit ta’ identifikazzjoni stabbilit fl-Artikolu 5(4), inkluża l-informazzjoni għall-finijiet tal-Artikolu 8(5) u tal-Artikoli 8b u 8c.

2.L-Istati Membri għandhom jiżguraw li l-istituzzjonijiet ta’ kreditu, mill-anqas darba fis-sena u fi kwalunkwe ħin fuq talba▌ jipprovdu lill-SGD li tagħha jkunu membri informazzjoni dwar:(a)id-depożitanti f’fergħat ta’ dawk l-istituzzjonijiet ta’ kreditu;(b)id-depożitanti li huma riċevituri ta’ servizzi pprovduti mill-istituzzjonijiet membri fuq il-bażi tal-libertà li jipprovdu servizzi.

L-informazzjoni msemmija fil-punti (a) u (b) għandha tindika l-Istati Membri li fihom jinsabu dawk il-fergħat jew id-depożitanti.

3.L-Istati Membri għandhom jiżguraw li, sal-31 ta’ Marzu ta’ kull sena, l-SGD jinformaw lill-ABE bl-ammont ta’ depożiti koperti fl-Istat Membru tagħhom fil-31 ta’ Diċembru tas-sena preċedenti. Sal-istess data, l-SGD għandhom jirrapportaw ukoll lill-ABE u lill-SRB l-ammont tal-mezzi finanzjarji disponibbli tagħhom, inkluż is-sehem ta’ riżorsi meħudin b’self, l-impenji ta’ pagament u l-iskeda ta’ żmien sabiex jintlaħaq il-livell fil-mira wara żborż tal-fondi tal-SGD kif imsemmi fl-Artikolu 10(2).

4.L-Istati Membri għandhom jiżguraw li l-awtoritajiet maħtura jinnotifikaw lill-ABE u lill-SRB, mingħajr dewmien żejjed, dwar dan kollu li ġej:(a)id-determinazzjoni ta’ depożiti mhux disponibbli skont iċ-ċirkostanzi msemmijin fl-Artikolu 2(1), il-punt (8);(b)jekk ġietx applikata kwalunkwe waħda mill-miżuri msemmijin fl-Artikolu 11(2), (3) u (5) u l-ammont ta’ fondi użati f’konformità mal-Artikolu 8(1) u mal-Artikolu 11(2), (3) u (5), u, meta applikabbli u ladarba jkun disponibbli, l-ammont ta’ fondi rkuprati, il-kost li jirriżulta għall-SGD u d-durata tal-proċess ta’ rkupru;(c)id-disponibbiltà u l-użu ta’ arranġamenti alternattivi ta’ finanzjament kif imsemmi fl-Artikolu 10(3);(d)kwalunkwe SGD li waqfet topera jew l-istabbiliment ta’ kwalunkwe SGD ġdida, inkluż bħala riżultat ta’ fużjoni jew tal-fatt li SGD bdiet topera fuq bażi transfruntiera.

In-notifika msemmija fl-ewwel subparagrafu għandu jkun fiha sommarju li jiddeskrivi dawn kollha li ġejjin:(a)is-sitwazzjoni inizjali tal-istituzzjoni ta’ kreditu;(b)il-miżuri li għalihom intużaw fondi tal-SGD, inklużi l-istrumenti speċifiċi li ntużaw għall-miżuri msemmija fl-Artikolu 11(2), (3) u (5);(c)l-ammont mistenni ta’ mezzi finanzjarji disponibbli użati.

5.L-ABE għandha tippubblika l-informazzjoni li tirċievi f’konformità mal-paragrafi 2 u 3 u s-sommarju msemmi fil-paragrafu 4 mingħajr dewmien żejjed.

6.L-Istati Membri għandhom jiżguraw li l-awtoritajiet ta’ riżoluzzjoni tal-istituzzjonijiet ta’ kreditu li jkunu membru ta’ SGD jipprovdu lil dik l-SGD kull sena bis-sommarju tal-elementi ewlenin tal-pjanijiet ta’ riżoluzzjoni kif imsemmijin fl-Artikolu 10(7), il-punt (a), tad-Direttiva 2014/59/UE ▌.

7.L-ABE għandha tiżviluppa abbozzi ta’ standards tekniċi ta’ implimentazzjoni sabiex tispeċifika l-proċeduri li għandhom jiġu segwiti meta tiġi pprovduta l-informazzjoni msemmija fil-paragrafi 1 sa 4, il-mudelli għall-għoti ta’ dik l-informazzjoni, u sabiex tispeċifika aktar il-kontenut ta’ dik l-informazzjoni, filwaqt li tqis it-tipi ta’ depożitanti.

L-ABE għandha tissottometti dawk l-abbozzi ta’ standards tekniċi ta’ implimentazzjoni lill-Kummissjoni sa …. [OP - jekk jogħġbok daħħal id-data = 12-il xahar wara d-data tad-dħul fis-seħħ ta’ din id-Direttiva].

Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmijin fl-ewwel subparagrafu f’konformità mal-Artikolu 15 tar-Regolament (UE) Nru 1093/2010.”;