Artikolu 1SuġġettDan ir-Regolament jistabbilixxi qafas legali komuni għall-iżvilupp, il-produzzjoni u d-disseminazzjoni tal-istatistika tas-suq tax-xogħol dwar in-negozji fl-Unjoni.

Artikolu 2DefinizzjonijietGħall-finijiet ta’ dan ir-Regolament, għandhom japplikaw id-definizzjonijiet li ġejjin:(1)“unità statistika” tfisser il-persuna fiżika jew l-entità ġuridika li dwarha tinġabar jew tiġi kkumpilata d-data;(2)“intrapriża” tfisser sett ta’ unitajiet legali kif definit fir-Regolament tal-Kunsill (KEE) Nru 696/93 Ir-Regolament tal-Kunsill (KEE) Nru 696/93 tal-15 Marzu 1993 dwar l-unitajiet tal-istatistika għall-osservazzjoni u l-analiżi tas-sistema ta’ produzzjoni fil-Komunità (ĠU L 76, 30.3.1993, p. 1), ANNESS-Taqsima III-A; Din tinkludi lill-produtturi mhux tas-suq u lil unitajiet istituzzjonali oħra li jappartjenu għas-settur tal-gvern ġenerali;(2a)“intrapriża soċjali” tfisser entità tal-liġi privata, li tista’ tiġi stabbilita f’varjetà ta’ forom legali, li tipprovdi oġġetti u servizzi għas-suq b’mod intraprenditorjali u f’konformità mal-prinċipji u l-karatteristiċi tal-ekonomija soċjali, b’objettivi soċjali jew ambjentali bħala r-raġuni għall-attività kummerċjali tagħha Rakkomandazzjoni tal-Kunsill tas-27 ta’ Novembru 2023 dwar l-iżvilupp ta’ kundizzjonijiet ta’ qafas tal-ekonomija soċjali (C/2023/1344) (ĠU C, C/2023/1344, 29.11.2023, ELI: http://data.europa.eu/eli/C/2023/1344/oj).;(3)“unità lokali” tfisser intrapriża jew parti minnha li tinsab f’post ġeografikament identifikat;(4)“intrapriża residenti”, rispettivament “unità lokali residenti”, tfisser intrapriża, rispettivament unità lokali, li twettaq attivitajiet ekonomiċi li jikkontribwixxu għall-prodott domestiku gross (PDG);(5)“impjegat” tfisser persuna irrispettivament min-nazzjonalità tagħha, mir-residenza tagħha jew minn kemm ilha taħdem fl-Istat Membru fejn għandha relazzjoni ta’ impjieg diretta ma’ intrapriża, stabbilita b’kuntratt formali jew ftehim informali, u tirċievi remunerazzjoni, irrispettivament mit-tip ta’ xogħol li tagħmel, in-numru ta’ sigħat maħduma (full-time jew part-time) u t-tul tal-kuntratt (fiss jew indefinit, inkluż staġjonali); ir-remunerazzjoni ta’ impjegat tista’ tieħu l-forma ta’ pagi u salarji, inkluż bonuses, ħlas għal xogħol bl-imqieta u bix-xift, gratifiki, miżati, kummissjonijiet u remunerazzjoni in natura; [Em. 4](6)“impjegatur” tfisser intrapriża jew unità lokali li għandha relazzjoni ta’ impjieg diretta ma’ impjegat, stabbilita b’kuntratt formali jew ftehim informali); [Em. 5](7)“dominju” tfisser sett tad-data wieħed jew aktar li jkopri tema waħda jew bosta temi partikolari;(8)“tema” tfisser il-kontenut tal-informazzjoni li trid tinġabar dwar l-unitajiet statistiċi waqt il-ġbir tad-data, u kull tema tkun tkopri għadd ta’ temi dettaljati;(9)“tema dettaljata” tfisser il-kontenut dettaljat tal-informazzjoni li trid tinġabar dwar l-unitajiet statistiċi relatati ma’ tema; kull tema dettaljata tkopri varjabbli wieħed jew aktar;(10)“varjabbli” tfisser karatteristika ta’ unità li tista’ tassumi aktar minn sett wieħed ta’ valuri, u li tista’ tkun ċifra assoluta, proporzjon, jew referenza għal pożizzjoni fi klassifikazzjoni;(11)“diżaggregazzjoni” tfisser sett ta’ valuri predefiniti diskreti, eżawrjenti u reċiprokament esklużivi li jistgħu jiġu assenjati lil varjabbli li jikkaratterizza unitajiet statistiċi;(12)“mikrodata” tfisser data li tikkonċerna unità statistika waħda biss, mingħajr identifikatur dirett;(13)“data aggregata” tfisser data li tikkonċerna sett ta’ diversi unitajiet statistiċi;(14)“popolazzjoni statistika” tfisser is-sett tal-unitajiet statistiċi li dwarhom tkun mixtieqa l-informazzjoni u ikunu meħtieġa l-istimi;(15)“qafas tal-kampjunar” tfisser lista, mappa jew speċifikazzjoni oħra tal-unitajiet li jiddeterminaw popolazzjoni statistika li trid tiġi kollha kemm hi numerata jew ikkampjunata;(16)“kampjun” tfisser subsett ta’ qafas tal-kampjunar li l-elementi tiegħu jintgħażlu abbażi ta’ proċess bi probabbiltà magħrufa tal-għażla, iddisinjat biex jippermetti derivazzjoni ta’ stimi validi għall-popolazzjoni statistika;(17)“rispondent” tfisser l-unità tar-rappurtar li tipprovdi informazzjoni lill-awtorità li tkun qed twettaq l-istħarriġ;(18)“data tal-istħarriġ” tfisser id-data miġbura minn kampjun ta’ rispondenti u estrapolata għall-popolazzjoni statistika b’metodi matematiċi xierqa;(19)“rekords amministrattivi” tfisser data ġġenerata minn entità amministrattiva, normalment korp pubbliku, li l-għan ewlieni tagħha ma jkunx li tipprovdi l-istatistika;(20)“sorsi oħra” tfisser data ta’ kwalità u affidabbli ġġenerata minn entità mhux amministrattiva li tinkludi rekords privati, siti web u bażijiet tad-data, li l-għan ewlieni tagħha ma jkunx li tipprovdi statistika uffiċjali;(21)“klassifikazzjoni statistika” tfisser lista ordnata, b’livell wieħed jew aktar ta’ dettall, ta’ kategoriji relatati iżda reċiprokament esklużivi, użati biex jagħtu struttura lill-informazzjoni f’dominju statistiku partikolari skont is-similaritajiet tagħha;(22)“perjodu ta’ referenza” tfisser perjodu li tirreferi għalih id-data;(23)“perjodu tal-ġbir tad-data” tfisser il-perjodu taż-żmien meta tinġabar id-data.(24)“metadata” tfisser informazzjoni meħtieġa biex l-istatistika tkun tista’ tintuża u tiġi interpretata, u li tiddeskrivi d-data b’mod strutturat;(25)“data verifikata minn qabel” tfisser data verifikata mill-Istati Membri abbażi ta’ regoli komuni miftiehma tal-validazzjoni;(26)“rapport tal-kwalità” tfisser rapport li jagħti informazzjoni dwar il-kwalità ta’ prodott jew proċess statistiku;(26a)“data b’lura” tfisser data li tkopri perjodu ta’ mill-inqas sentejn qabel id-data tal-applikazzjoni ta’ dan ir-Regolament.

Artikolu 3Sorsi u metodi1.Għall-fini tal-kumpilazzjoni tal-istatistika skont dan ir-Regolament, l-Istati Membri għandhom jużaw jew jerġgħu jużaw wieħed mis-sorsi li ġejjin jew kombinament tagħhom diment li jissodisfaw l-istandards tal-kwalità msemmija fl-Artikolu 8:(a)data tal-istħarriġ;(b)rekords amministrattivi;(c)sorsi oħra.1a.Il-Kummissjoni għandha s-setgħa li tadotta atti delegati f’konformità mal-Artikolu 13 biex tissupplimenta dan ir-Regolament billi tispeċifika minn liema sorsi oħra msemmija fil-paragrafu 1, il-punt (c), ta’ dan l-Artikolu, tista’ tinġabar u tiġi trażmessa d-data. Meta teżerċita s-setgħa li tadotta tali atti delegati, il-Kummissjoni għandha tiżgura li l-użu ta’ dawk is-sorsi l-oħra jkun meħtieġ u proporzjonat biex jintlaħaq l-objettiv skont dan ir-Regolament, filwaqt li titqies kif xieraq is-sensittività tad-data inkwistjoni u mingħajr preġudizzju għad-Direttiva 2002/58/KE. 2.L-istħarriġiet użati għall-fini tal-istatistika tas-suq tax-xogħol dwar in-negozji għandhom jiġu bbażati fuq kampjuni li jkunu rappreżentattivi tal-popolazzjoni statistika. Il-kampjuni tal-intrapriżi jew tal-unitajiet lokali għandhom jittieħdu mir-reġistri nazzjonali tal-istatistika dwar in-negozji kif definit fl-Artikolu 8(4) tar-Regolament (UE) 2019/2152.3.L-Istati Membri għandhom jipprovdu informazzjoni dettaljata lill-Kummissjoni (Eurostat) dwar is-sorsi u l-metodi użati fir-rapporti tal-kwalità msemmija fl-Artikolu 8(4).

Artikolu 3aIr-rekwiżit għall-protezzjoni tad-data personali1.Meta l-attivitajiet li jeħtieġ jitwettqu skont dan ir-Regolament jinvolvu l-ipproċessar ta’ data personali, tali proċessar għandu jkun proporzjonat u għandu jikkonforma mar-Regolament 2018/1725 tal-Parlament Ewropew u tal-Kunsill Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, http://data.europa.eu/eli/reg/2018/1725/oj). u r-Regolament (UE) 2016/679 tal-Parlament Ewropew u tal-Kunsill Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, http://data.europa.eu/eli/reg/2016/679/oj).. F’konformità mal-prinċipju tal-minimizzazzjoni tad-data stabbilit f’dawk ir-Regolamenti, id-data pprovduta skont dan ir-Regolament għandha tiġi aggregata sakemm l-individwi ma jkunux jistgħu jiġu identifikati.2.L-ipproċessar ta’ data personali għal finijiet ta’ statistika, li jitqies li huwa fl-interess pubbliku, għandu jkun soġġett għal salvagwardji xierqa f’konformità mal-Artikolu 89 tar-Regolament (UE) 2016/679 u l-Artikolu 13 tar-Regolament (UE) 2018/1725. B’mod partikolari, għandha tiġi żgurata l-konformità mal-prinċipju li d-data personali għandha ssir anonima.

Artikolu 4Rekwiżiti tad-data1.L-istatistika tas-suq tax-xogħol dwar in-negozji għandha tkopri d-dominji u t-temi li ġejjin:(a)l-introjtu:(i)l-istruttura tal-introjtu;(ii)id-differenza fil-pagi bejn il-ġeneri;(iii)il-kopertura tan-negozjar kollettiv;(iv)il-livell tal-paga minima statutorja, jekk applikabbli;(v)il-kopertura tal-paga minima statutorja, jekk applikabbli;(b)il-kostijiet lavorattivi:(i)l-istruttura tal-kostijiet lavorattivi;(ii)l-indiċi tal-kost lavorattiv;(c)id-domanda għax-xogħol:(i)il-postijiet tax-xogħol vakanti.L-indiċi tal-kost lavorattiv tat-temi, imsemmi fil-punt (b)(ii), u l-postijiet tax-xogħol vakanti, imsemmi fil-punt (c)(i), jinkludu l-istimi bikrija rispettivi tagħhom imsemmija fl-Artikolu 5.2.Għal kull tema elenkata fil-paragrafu 1, it-temi dettaljati, il-perjodiċità korrispondenti tagħhom, il-perjodi ta’ referenza u l-iskadenzi tat-trażmissjoni għandhom ikunu kif stabbilit fl-Anness.3.Il-Kummissjoni għandha tingħata s-setgħa li tadotta atti delegati f’konformità mal-Artikolu 13 biex temenda l-lista tat-temi dettaljati, il-perjodiċità, il-perjodi ta’ referenza u l-iskadenzi għat-trażmissjoni stabbiliti fl-Anness.4.Meta teżerċita s-setgħa li tadotta atti delegati skont il-paragrafu 3, il-Kummissjoni għandha tiżgura li dawk l-atti ma jimponux piż sinifikanti u sproporzjonat fuq l-Istati Membri u fuq ir-rispondenti. Għal dan il-għan, għandhom jinbdew studji tal-fattibbiltà kif stabbilit fl-Artikolu 9 u r-riżultati tagħhom għandhom jiġu vvalutati u kkunsidrati kif xieraq qabel l-adozzjoni tal-atti delegati.5.Id-data għandha tintbagħat lill-Kummissjoni (Eurostat) fil-forma ta’ data aggregata, għajr għat-tema tal-istruttura tal-introjtu, imsemmija fil-paragrafu 1, il-punt (a)(i), li għaliha għandha tintbagħat mikrodata għal impjegati u unitajiet lokali individwali.6.L-Istati Membri għandhom jipprovdu d-data verifikata minn qabel u l-metadata relatata b’format tekniku speċifikat mill-Kummissjoni (Eurostat) għal kull sett tad-data. Is-servizzi tal-punt uniku tad-dħul għandhom jintużaw biex jipprovdu d-data lill-Kummissjoni (Eurostat).7.Il-Kummissjoni għandha tadotta atti ta’ implimentazzjoni li jispeċifikaw l-elementi li ġejjin għal kull tema:(a)il-lista u d-deskrizzjoni tal-varjabbli;(b)klassifikazzjonijiet statistiċi u diżaggregazzjonijiet tad-data;(c)miri tal-preċiżjoni;(d)il-metadata trid tintbagħat bl-istess perjodiċità, perjodu ta’ referenza u skadenzi bħad-data li tirreferi għaliha;(e)il-perjodi tal-ġbir tad-data.Dawn l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 14(2) mill-inqas 12-il xahar qabel il-bidu tal-perjodu ta’ referenza rilevanti.

Artikolu 5Stimi bikrija1.L-istimi bikrija għall-indiċi tal-kost lavorattiv imsemmija fl-Artikolu 4(1), il-punt (b)(ii) u l-postijiet tax-xogħol vakanti msemmija fl-Artikolu 4(1), il-punt (c)(i) għandhom jintbagħtu:(a)mill-Istati Membri li l-għadd annwali ta’ impjegati tagħhom jirrappreżenta aktar minn 3% tat-total tal-UE, għal kull waħda mill-aħħar tliet snin konsekuttivi; u(b)mill-Istati Membri taż-żona tal-euro li l-għadd annwali ta’ impjegati tagħhom jirrappreżenta aktar minn 3% tat-total taż-żona tal-euro, għal kull waħda mill-aħħar tliet snin konsekuttivi;2.L-ishma tal-impjegati fit-total tal-UE u fit-total taż-żona tal-euro msemmija fil-paragrafu 1 għandhom jiġu vvalutati mill-Kummissjoni (Eurostat) abbażi tad-data annwali disponibbli tal-istħarriġ dwar il-forza tax-xogħol tal-UE.3.Jekk issir xi bidla fil-lista tal-Istati Membri li l-għadd annwali ta’ impjegati tagħhom ikun iżjed mil-limiti msemmija fil-punti (a) u (b) tal-paragrafu 1, il-Kummissjoni (Eurostat) għandha tinnotifika lill-Istati Membri kkonċernati fi żmien 6 xhur minn tmiem il-perjodu tal-valutazzjoni tal-limitu ta’ 3%. Jekk l-ishma aġġornati tal-impjegati jkunu inqas mil-limiti rispettivi msemmija fil-punti (a) u (b) tal-paragrafu 1, l-Istati Membri kkonċernati għandhom jitħallew jieqfu jibagħtu l-istimi bikrija mit-trimestru ta’ referenza tal-ewwel sena kalendarja wara d-data tan-notifika. Jekk l-ishma aġġornati jkunu iżjed minn dawk il-limiti, l-Istati Membri kkonċernati għandhom jibagħtu l-istimi bikrija mill-ewwel trimestru ta’ referenza tat-tielet sena kalendarja wara d-data tan-notifika.

Artikolu 6Unitajiet statistiċi u popolazzjoni statistika1.L-istatistika skont dan ir-Regolament għandha tiġi kkumpilata għal waħda jew aktar mill-unitajiet statistiċi li ġejjin:(a)l-intrapriżi;(b)l-unitajiet lokali;(c)l-impjegati.2.Għat-temi tal-indiċi tal-kost lavorattiv, imsemmija fl-Artikolu 4(1), il-punt (b)(ii) u tal-postijiet tax-xogħol vakanti, imsemmija fl-Artikolu 4(1), il-punt (c)(i), il-popolazzjoni statistika għandha tikkonsisti mill-intrapriżi kollha jew mill-unitajiet lokali kollha li jkunu residenti fl-Istat Membru u li jissodisfaw il-kundizzjonijiet li ġejjin:(a)l-attività ekonomika ewlenija tagħhom tkun inkluża f’xi taqsima tal-klassifikazzjoni NACE Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1), għajr f’“Agrikoltura, forestrija u sajd”, “Attivitajiet ta’ persuni tad-dar bħala persuni li jħaddmu; attivitajiet mhux differenzjati li jipproduċu oġġetti u servizzi minn persuni tad-dar għall-użu individwali tagħhom” u “Attivitajiet ta’ organizzazzjonijiet u entitajiet ekstraterritorjali” u(b)ikollhom impjegat wieħed jew aktar.3.Għat-temi tal-istruttura tal-introjtu, imsemmija fl-Artikolu 4(1), il-punt (a)(i), u tad-differenza fil-pagi bejn il-ġeneri, imsemmija fl-Artikolu 4(1), il-punt (a)(ii), fir-rigward tad-data dwar l-impjegatur, il-popolazzjoni statistika għandha tikkonsisti mill-unitajiet lokali kollha li jkunu residenti fl-Istat Membru u li jissodisfaw il-kundizzjonijiet li ġejjin:(a)l-attività ekonomika tagħhom hi inkluża f’xi taqsima tal-klassifikazzjoni NACE, għajr f’“Agrikoltura, forestrija u sajd”, “Attivitajiet persuni tad-dar bħala persuni li jħaddmu u attivitajiet ta’ produzzjoni ta’ oġġetti – u servizzi – mhux differenzjati minn persuni tad-dar għall-użu tagħhom individwali” u “Attivitajiet ta’ organizzazzjonijiet u entitajiet ekstraterritorjali”; u(b)ikollhom impjegat wieħed jew aktar.Għat-temi tal-istruttura tal-introjtu u tad-differenza fil-pagi bejn il-ġeneri, fir-rigward tad-data dwar l-impjegat, il-popolazzjoni statistika għandha tikkonsisti mill-impjegati kollha li l-unità lokali tagħhom tappartjeni għall-popolazzjoni statistika definita fil-punti (a) u (b) tal-ewwel subparagrafu.4.B’deroga mill-punti (a) u (b) tal-paragrafu 3, fir-rigward tad-data dwar id-differenza fil-pagi bejn il-ġeneri għall-perjodu ta’ referenza 2026, it-trażmissjoni għandha tkopri l-unitajiet lokali kollha li jkunu parti minn intrapriżi b’10 impjegati jew aktar u li, minbarra l-attivitajiet esklużi fil-paragrafu 3, il-punt (a), ma jkunux jappartjenu għat-taqsima “Amministrazzjoni pubblika u difiża; sigurtà soċjali obbligatorja” tal-klassifikazzjoni NACE.5.Għat-tema tal-istruttura tal-kostijiet lavorattivi, imsemmija fl-Artikolu 4(1), il-punt (b)(i), il-popolazzjoni statistika għandha tikkonsisti mill-unitajiet lokali kollha li jkunu residenti tal-Istat Membru u li jissodisfaw il-kundizzjonijiet li ġejjin:(a)l-attività ekonomika tagħhom hi inkluża f’xi taqsima tal-klassifikazzjoni NACE, għajr f’“Agrikoltura, forestrija u sajd”, “Attivitajiet persuni tad-dar bħala persuni li jħaddmu u attivitajiet ta’ produzzjoni ta’ oġġetti – u servizzi – mhux differenzjati minn persuni tad-dar għall-użu tagħhom individwali” u “Attivitajiet ta’ organizzazzjonijiet u entitajiet ekstraterritorjali”; u(b)ikunu parti minn intrapriżi b’10 impjegati jew aktar.5a.Għat-temi kollha elenkati fl-Anness, l-Istati Membri għandhom jiġbru u jipprovdu data separata fir-rigward tal-intrapriżi soċjali.

Artikolu 7Rekwiżiti tad-data ad hoc1.Il-Kummissjoni għandha s-setgħa li tadotta atti delegati li jissupplimentaw dan ir-Regolament f’konformità mal-Artikolu 13 billi jispeċifikaw l-informazzjoni li jridu jagħtu l-Istati Membri b’bażi ad hoc meta, fil-kamp ta’ applikazzjoni ta’ dan ir-Regolament, il-ġbir ta’ data addizzjonali jitqies meħtieġ biex jiġu indirizzati ħtiġijiet addizzjonali ta’ data statistika li ma jistgħux jiġu ssodisfati b’mod ieħor. Dawk l-atti delegati għandhom jispeċifikaw:(a)it-temi dettaljati li jridu jingħataw fil-ġbir tad-data ad hoc relatat mad-dominji u t-temi speċifikati fl-Artikolu 4 u r-raġunijiet għal dawk il-ħtiġijiet addizzjonali;(b)il-perjodi ta’ referenza u l-iskadenzi tat-trażmissjoni.2.Il-Kummissjoni għandha s-setgħa li tadotta l-atti delegati msemmija fil-paragrafu 1 li jibdew bis-sena ta’ referenza 2028 u b’perjodu minimu ta’ sentejn bejn kull ġbir ad hoc.3.Il-Kummissjoni għandha tadotta atti ta’ implimentazzjoni biex tispeċifika l-informazzjoni ad hoc imsemmija fil-paragrafu 1 u l-metadata. Dawk l-atti ta’ implimentazzjoni għandhom jispeċifikaw l-elementi tekniċi li ġejjin, meta xieraq:(a)il-lista u d-deskrizzjoni tal-varjabbli;(b)klassifikazzjonijiet statistiċi u diżaggregazzjonijiet tad-data;(c)speċifikazzjonijiet dettaljati tal-unitajiet statistiċi koperti;(d)il-metadata li trid tintbagħat;(e)il-perjodi tal-ġbir tad-data.Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 14(2) fi żmien 24 xahar qabel jibda l-perjodu ta’ referenza rilevanti.

Artikolu 8Rekwiżiti tal-kwalità u rappurtar tal-kwalità1.L-Istati Membri għandhom jieħdu l-miżuri meħtieġa biex jiżguraw il-kwalità tad-data u l-metadata mibgħuta.2.L-Istati Membri għandhom jiżguraw li d-data, inkluża d-data b’lura, miksuba mis-sorsi stabbiliti fl-Artikolu 3 tipprovdi kopertura sħiħa tal-unitajiet statistiċi u l-popolazzjoni statistika definiti fl-Artikolu 6 u tagħti stimi eżatti tagħhom.3.Għall-finijiet ta’ dan ir-Regolament, għandhom japplikaw il-kriterji tal-kwalità definiti fl-Artikolu 12(1) tar-Regolament (KE) Nru 223/2009.4.L-Istati Membri għandhom jibagħtu rapporti tal-kwalità dwar is-sorsi u l-metodi għal kull wieħed mit-temi elenkati fl-Artikolu 4.5.Il-Kummissjoni għandha tadotta atti ta’ implimentazzjoni li jistabbilixxu l-arranġamenti prattiċi għar-rapporti tal-kwalità u l-kontenut tagħhom. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 14(2).6.L-Istati Membri għandhom jinfurmaw lill-Kummissjoni (Eurostat) dwar kull informazzjoni jew bidla rilevanti fir-rigward tal-implimentazzjoni ta’ dan ir-Regolament li jistgħu jinfluwenzaw il-kwalità tad-data trażmessa. L-informazzjoni għandha tingħata mill-aktar fis possibbli u fi żmien 3 xhur minn meta dik il-bidla tidħol fis-seħħ.7.Wara talba ▐tal-Kummissjoni (Eurostat), l-Istati Membri għandhom jipprovdu l-informazzjoni addizzjonali meħtieġa biex tiġi evalwata l-kwalità tal-informazzjoni statistika.8.Il-Kummissjoni (Eurostat) għandha tivvaluta l-kwalità tad-data mibgħuta, is-sorsi u l-metodi użati u l-oqfsa tal-kampjunar. Il-Kummissjoni (Eurostat) għandha tħejji u tippubblika rapporti dwar il-kwalità tad-data trażmessa, is-sorsi u l-metodi użati. F’dawk ir-rapporti, il-Kummissjoni (Eurostat) għandha tirrakkomanda kif għandhom jiġu ġestiti s-sorsi meqjusa ta’ kwalità baxxa, u d-data miġbura permezz ta’ dawk is-sorsi.

Artikolu 9Studji tal-fattibbiltà u studji pilota1.Biex ittejjeb l-istatistika tas-suq tax-xogħol dwar in-negozji jew biex tillimita l-piż amministrattiv u finanzjarju fuq l-intrapriżi, b’mod partikolari l-SMEs u l-mikrointrapriżi, il-Kummissjoni (Eurostat) tista’ tniedi studji tal-fattibbiltà u studji pilota. L-għan ta’ dawn l-istudji għandu jinkludi mill-inqas wieħed mill-elementi li ġejjin:(a)jittejbu l-kwalità u l-komparabbiltà tad-data;(b)l-esplorazzjoni ta’ possibbiltajiet ġodda u l-implimentazzjoni ta’ karatteristiċi ġodda skont il-ħtiġijiet tal-utenti;(c)it-titjib tal-integrazzjoni bejn l-istħarriġiet u sorsi oħra ta’ data;(d)it-tnaqqis tal-piż minn fuq ir-rispondenti;(e)it-titjib tal-kosteffettività tal-ġbir tad-data.L-istudji għandhom iqisu l-iżviluppi teknoloġiċi u diġitali.1a.Id-data miġbura bħala parti mill-istudji pilota msemmija fil-paragrafu 1 ta’ dan l-Artikolu għandha tkun limitata għall-oqsma u t-temi elenkati fl-Artikolu 4(1) u t-temi dettaljati speċifikati fl-Anness. 2.L-Istati Membri jistgħu jipparteċipaw f’dawk l-istudji b’mod volontarju. B’kooperazzjoni mal-Kummissjoni (Eurostat), dawn għandhom jiżguraw li l-istudji jkunu rappreżentattivi fil-livell tal-Unjoni.3.Ir-riżultati ta’ dawk l-istudji għandhom jiġu evalwati mill-Kummissjoni (Eurostat) b’kooperazzjoni mal-Istati Membri u l-partijiet ikkonċernati ewlenin, inklużi s-sħab soċjali. Il-Kummissjoni (Eurostat) għandha tħejji rapporti dwar is-sejbiet tal-istudji b’kooperazzjoni mal-Istati Membri. Dawk ir-rapporti għandhom ikunu disponibbli għall-pubbliku.Fir-rapporti msemmija fl-ewwel subparagrafu, il-Kummissjoni (Eurostat) tista’ tirrakkomanda kif l-istudji pilota għandhom jiġu integrati bħala soluzzjonijiet permanenti.3a.Il-Kummissjoni għandha s-setgħa li tadotta atti delegati f’konformità mal-Artikolu 13 biex tissupplimenta dan ir-Regolament billi tispeċifika r-rwoli u r-responsabbiltajiet tal-atturi li jwettqu l-istudji msemmija fil-paragrafu 1 ta’ dan l-Artikolu sa fejn l-ipproċessar ta’ data personali jsir għall-fini ta’ dawk l-istudji.

Artikolu 10Finanzjament1.Tista’ tingħata kontribuzzjoni finanzjarja mill-baġit ġenerali tal-Unjoni lill-istituti nazzjonali tal-istatistika u lil awtoritajiet nazzjonali oħra msemmija fl-Artikolu 5(2) tar-Regolament (KE) Nru 223/2009, biex itejbu:(a)is-sorsi, inkluż l-oqfsa tal-kampjunar, għall-istatistika tas-suq tax-xogħol dwar in-negozji, mid-data tad-dħul fis-seħħ ta’ dan ir-Regolament sa mhux aktar tard mill-31 ta’ Diċembru 2029;(b)il-metodi tal-istatistika tas-suq tax-xogħol dwar in-negozji, inkluż l-istudji tal-fattibbiltà u l-istudji pilota msemmija fl-Artikolu 9.L-Unjoni ma għandhiex tiffinanzja l-kostijiet għall-kumpilazzjoni regolari tal-istatistika li trid tintbagħat skont dan ir-Regolament.2.Il-kontribuzzjoni finanzjarja tal-Unjoni ma għandhiex taqbeż it-80% tal-kostijiet eliġibbli.

Artikolu 11Ħarsien tal-interessi finanzjarji tal-Unjoni1.Il-Kummissjoni għandha tieħu miżuri xierqa biex tiżgura li, meta jiġu implimentati l-azzjonijiet iffinanzjati skont dan ir-Regolament, l-interessi finanzjarji tal-Unjoni jitħarsu billi jiġu applikati miżuri preventivi kontra l-frodi, il-korruzzjoni u kull attività illegali oħra, u b’kontrolli effettivi, u jekk jinstabu irregolaritajiet, bl-irkupru tal-ammonti mħallsa bi żball u, meta xieraq, b’penali amministrattivi u finanzjarji li jkunu effettivi, proporzjonati u dissważivi.2.Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa tal-awditjar, abbażi ta’ verifiki tad-dokumenti u kontrolli fuq il-post, tal-benefiċjarji tal-għotja, tal-kuntratturi u tas-subkuntratturi kollha li jkunu rċevew fondi tal-Unjoni skont dan ir-Regolament.3.L-Uffiċċju Ewropew ta’ Kontra l-Frodi (OLAF) jista’ jwettaq investigazzjonijiet, inkluż kontrolli u spezzjonijiet fuq il-post, f’konformità mad-dispożizzjonijiet u l-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament (KE) Nru 1073/1999 tal-Parlament Ewropew u tal-Kunsill u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1). u r-Regolament tal-Kunsill (Euratom, KE) Nru 2185/96 Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra (ĠU L 292, 15.11.1996, p. 2)., biex jistabbilixxi jekk kienx hemm frodi, korruzzjoni jew xi attività illegali oħra li taffettwa l-interessi finanzjarji tal-Unjoni b’rabta ma’ xi ftehim ta’ għotja jew deċiżjoni ta’ għotja jew kuntratt iffinanzjat skont dan ir-Regolament.4.Mingħajr preġudizzju għall-paragrafi 1, 2 u 3, il-ftehimiet ta’ kooperazzjoni ma’ pajjiżi terzi u ma’ organizzazzjonijiet internazzjonali, il-kuntratti, il-ftehimiet ta’ għotja u deċiżjonijiet ta’ għotja li jirriżultaw mill-implimentazzjoni ta’ dan ir-Regolament għandhom jinkludu dispożizzjonijiet li b’mod espliċitu jagħtu s-setgħa lill-Kummissjoni, lill-Qorti tal-Awdituri, lill-Prosekutur Pubbliku Ewropew u lill-OLAF biex iwettqu dawn l-awditjar u l-investigazzjonijiet skont il-kompetenzi rispettivi tagħhom.

Artikolu 12Derogi1.Meta l-applikazzjoni ta’ dan ir-Regolament, jew tal-atti delegati jew ta’ implimentazzjoni adottati skont dan, teħtieġ li jsiru bidliet kbar fis-sistema nazzjonali tal-istatistika ta’ Stat Membru, il-Kummissjoni tista’ tagħti derogi kif xieraq, permezz ta’ atti ta’ implimentazzjoni, lill-Istat Membru għal perjodu massimu ta’ sena. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 14(2).Meta tagħti d-derogi, il-Kummissjoni għandha tqis il-komparabbiltà tal-istatistika tal-Istat Membri u l-kalkolu fil-ħin tal-aggregati Ewropej rappreżentattivi u affidabbli meħtieġa. Il-Kummissjoni għandha tiżgura wkoll li r-rekwiżiti relatati mal-istatistika, il-metadata u l-kwalità koperti b’dan ir-Regolament, li qabel kienu koperti bir-Regolamenti mħassra, jibqgħu jiġu ssodisfati mingħajr interruzzjoni.2.L-Istat Membru rilevanti għandu jissottometti talba debitament ġustifikata lill-Kummissjoni fi żmien 3 xhur mid-data tad-dħul fis-seħħ ta’ dan ir-Regolament jew tal-atti delegati jew ta’ implimentazzjoni adottati skont dan.

Artikolu 13Eżerċizzju tad-delega1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.2.Is-setgħa ta’ adozzjoni ta’ atti delegati msemmija fl-Artikoli 3(1a), 4(3), 7(1) u 9(3a) għandha tingħata lill-Kummissjoni għal perjodu ta’ ħames snin minn [Uffiċċju tal-Pubblikazzjonijiet: jekk jogħġbok daħħal id-data eżatta tad-dħul fis-seħħ ta’ dan ir-Regolament]. Il-Kummissjoni għandha tfassal rapport fir-rigward tad-delega ta’ setgħa mhux aktar tard minn disa’ xhur qabel it-tmiem tal-perjodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjona għal tali estensjoni mhux aktar tard minn tliet xhur qabel it-tmiem ta’ kull perjodu.3.Id-delega ta’ setgħa msemmija fl-Artikoli 3(1a), 4(3), 7(1) u 9(3a) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.4.Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.6.Att delegat adottat skont l-Artikoli 3(1a), 4(3), 7(1) u 9(3a) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien tliet xhur min-notifika ta’ dak l-att lill-Parlament Ewropew u lill-Kunsill jew jekk, qabel jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż bi tliet xhur wara inizjattiva tal-Parlament Ewropew jew tal-Kunsill.

Artikolu 14Proċedura ta’ kumitat1.Il-Kummissjoni għandha tiġi assistita mill-Kumitat tas-Sistema Ewropea tal-Istatistika stabbilit bir-Regolament (KE) Nru 223/2009. Dak il-kumitat għandu jkun kumitat skont it-tifsira tar-Regolament (UE) Nru 182/2011.2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 15Tħassir1.Ir-Regolamenti (KE) Nru 530/1999, (KE) Nru 450/2003 u (UE) Nru 453/2008 qed jitħassru b’effett mill-1 ta’ Jannar 2026.2.Ir-referenzi għar-Regolamenti mħassra għandhom jitqiesu bħala referenzi għal dan ir-Regolament.

Artikolu 16Dħul fis-seħħ u applikazzjoniDan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.Għandu jibda japplika mill-1 ta’ Jannar 2026.Dan ir-Regolament għandu jorbot fl-intier tiegħu u japplika direttament fl-Istati Membri kollha.