‘1a. Níl feidhm ag Teidil II agus III, cé is moite d’Airteagail 23a go 23c, ná ag Teidil IV agus VI ach amháin i leith tagarmharcanna criticiúla, tagarmharcanna suntasacha, Tagarmharcanna Aistrithe Aeráide AE agus Tagarmharcanna AE atá ailínithe le Comhaontú Pháras. Tá feidhm ag Airteagal 10 i dTeideal II agus Teidil III, IV agus VI maidir le tagarmharcanna tráchtearraí faoi réir Iarscríbhinn II.’;

‘(m) riarthóir atá údaraithe nó cláraithe de bhun Airteagal 34’;

‘Tagarmharcanna ráta úis’;

‘Ní bheidh feidhm ag Airteagal 25 maidir le tagarmharcanna ráta úis a sholáthar ná le rannchuidiú leo.’;

‘Ní bheidh feidhm ag Airteagal 25 maidir le tagarmharcanna tráchtearraí a sholáthar ná le rannchuidiú leo.’;

‘4. Riarthóirí nach bhfuil ar áireamh i gclár ESMA dá dtagraítear in Airteagal 36, ní dhéanfaidh siad an méid seo a leanas:(a)Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a sholáthar nó a fhormhuiniú;(b)a chur in iúl nó a thabhairt le fios, in ainm na dtagarmharcanna a chuireann siad ar fáil lena n-úsáid san Aontas nó sa doiciméadacht dhlíthiúil nó mhargaíochta le haghaidh na dtagarmharcanna sin, go gcomhlíonann na tagarmharcanna a chuireann siad ar fáil na ceanglais is infheidhme maidir le Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a sholáthar.’

4 a.Cuirfidh riarthóirí an téarma ‘EU-CTB’ in ainm Thagarmharcanna Aistrithe Aeráide AE agus an téarma ‘EU-PAB’ in ainm Thagarmharcanna AE atá ailínithe le Comhaontú Pháras.;

‘Airteagal 19d

Féachaint le Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a sholáthar

Riarthóirí atá lonnaithe san Aontas agus a sholáthraíonn tagarmharcanna suntasacha arna gcinneadh ar bhonn luach ceann amháin nó níos mó de shócmhainní nó de phraghsanna forluiteacha, féachfaidh siad le ceann amháin nó níos mó de Thagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a sholáthar.’;

‘Airteagal 24

Tagarmharcanna suntasacha

1.Tagarmharc nach tagarmharc criticiúil é, is tagarmharc suntasach a bheidh ann i gcás ina gcomhlíontar ceachtar de na coinníollacha seo a leanas:(a)úsáidtear an tagarmharc go díreach nó go hindíreach i dteaglaim de thagarmharcanna laistigh den Aontas mar thagairt le haghaidh ionstraimí airgeadais nó conarthaí airgeadais nó chun feidhmíocht cistí infheistíochta a thomhas, ag a bhfuil meánluach iomlán EUR 50 billiún ar a laghad, ar bhonn shaintréithe an tagarmhairc, lena n-áirítear:(i)raon aibíochtaí nó éirimí an tagarmhairc, i gcás inarb infheidhme, thar thréimhse 6 mhí;(ii)airgeadraí uile nó aonaid tomhais eile an tagarmhairc, i gcás inarb infheidhme, thar thréimhse 6 mhí; agus(iii)na modheolaíochtaí uile chun torthaí a ríomh, i gcás inarb infheidhme, thar thréimhse 6 mhí;(b)ainmníodh an tagarmharc mar thagarmharc suntasach i gcomhréir leis an nós imeachta a leagtar síos i míreanna 3, 4 agus 5 nó leis an nós imeachta a leagtar síos i mír 6.

2.Tabharfaidh riarthóir fógra láithreach do ESMA agus, má tá sé lonnaithe i mBallstát de chuid an Aontais, d’údarás inniúil an Bhallstáit sin ▌, i gcás ina sáraíonn ceann amháin nó níos mó de thagarmharcanna an riarthóra sin an tairseach dá dtagraítear i mír 1, pointe (a). Tar éis dó an fógra sin a fháil, foilseoidh ▌ESMA▌ ráiteas ar a shuíomh gréasáin lena sonrófar go bhfuil an tagarmharc sin suntasach i mBallstát amháin nó laistigh den Aontas.

Arna iarraidh sin do riarthóir, soláthróidh sé faisnéis do ESMA agus d’údarás inniúil an Bhallstáit ina bhfuil sé lonnaithe ▌a mhéid a bhaineann le cé acu a sáraíodh nó nár sáraíodh an tairseach dá dtagraítear i mír 1, pointe (a) go héifeachtach.

I gcás ina bhfuil forais shoiléire agus inléirithe ag údarás inniúil nó▌ ag ESMA chun a mheas go sáraíonn tagarmharc an tairseach dá dtagraítear i mír 1, pointe (a), féadfaidh an t-údarás inniúil nó ESMA fógra a eisiúint lena gcuirtear an méid sin in iúl. Leis an bhfógra sin, spreagfar na hoibleagáidí céanna ar an riarthóir tagarmharcanna agus a spreagfaí le fógra dá dtagraítear i mír 2. 10 lá oibre ar a laghad sula n-eiseofar an fógra sin, cuirfidh an t-údarás inniúil nó ESMA riarthóir an tagarmhairc lena mbaineann ar an eolas faoina thorthaí, agus iarrfaidh sé ar an riarthóir sin aon bharúil a chur faoina bhráid.

3.Féadfaidh údarás inniúil, tar éis dul i gcomhairle le ESMA i gcomhréir le mír 4 agus an chomhairle uaidh a chur san áireamh, tagarmharc arna sholáthar ag riarthóir atá lonnaithe san Aontas nach gcomhlíonann an coinníoll a leagtar síos i mír 1, pointe (a), a ainmniú mar thagarmharc suntasach i gcás ina gcomhlíonann an tagarmharc sin na coinníollacha uile seo a leanas:(a)níl aon ionadaí oiriúnach atá faoi stiúir an mhargaidh ag an tagarmharc, nó is fíorbheagán ionadaithe den sórt sin atá aige;(b)i gcás ina scoireann an tagarmharc de bheith á sholáthar nó gur ar bhonn sonraí ionchuir nach bhfuil lán-ionadaíoch a thuilleadh ar an mbunmhargadh nó ar an bhfíorchás eacnamaíoch nó gur ar bhonn sonraí ionchuir neamhiontaofa a sholáthraítear é, bheadh tionchair shuntasacha agus dhochracha▌ ar chobhsaíocht airgeadais, ar thomhaltóirí, ar an bhfíorgheilleagar, nó ar mhaoiniú teaghlach agus gnólachtaí ina Bhallstát nó san Aontas;(c)níor ainmnigh údarás inniúil Ballstáit eile nó ESMA an tagarmharc.

I gcás ina dtagann údarás inniúil ar an gconclúid go gcomhlíonann tagarmharc na critéir a leagtar amach sa chéad fhomhír, ullmhóidh an t-údarás inniúil dréachtchinneadh chun an tagarmharc a ainmniú mar thagarmharc suntasach agus tabharfaidh sé fógra faoin dréachtchinneadh sin don riarthóir lena mbaineann agus d’údarás inniúil Bhallstát baile an riarthóra i gcás inarb ábhartha. Rachaidh an t-údarás inniúil lena mbaineann i gcomhairle le ESMA maidir leis an dréachtchinneadh freisin.

Beidh 15 lá oibre ón dáta a thugtar fógra faoin dréachtchinneadh ón údarás inniúil ainmniúcháin lena mbaineann ag na riarthóirí lena mbaineann agus ag údarás inniúil Bhallstát baile an riarthóra chun barúlacha agus tráchtanna a thabhairt i scríbhinn. Cuirfidh an t-údarás inniúil ainmniúcháin lena mbaineann ESMA ar an eolas faoi na barúlacha agus na tuairimí a gheofar agus déanfaidh sé breithniú cuí ar na barúlacha agus na tráchtanna sin sula nglacfaidh sé cinneadh críochnaitheach.

Tabharfaidh an t-údarás inniúil ainmniúcháin fógra do ESMA faoina chinneadh, agus foilseoidh sé an cinneadh, lena n-áirítear na cúiseanna ar lena n-aghaidh a ndearnadh é agus iarmhairtí an ainmniúcháin sin, ar a shuíomh gréasáin gan moill mhíchuí.’;

4.I gcás ina rachaidh údarás inniúil i gcomhairle le ESMA maidir lena rún tagarmharc a ainmniú mar thagarmharc suntasach i gcomhréir le mír 3, an chéad fhomhír, déanfaidh ESMA, laistigh de 3 mhí, comhairle a eisiúint lena gcuirfear na tosca seo a leanas san áireamh, i bhfianaise shaintréithe sonracha an tagarmhairc lena mbaineann:(a)cé acu atá nó nach bhfuil cuí-réasúnú leormhaith déanta ag an údarás inniúil a théann i gcomhairle le ESMA ar a mheasúnú go bhfuil na coinníollacha dá dtagraítear i mír 3, an chéad fhomhír á gcomhlíonadh;(b)i gcás ina scoireann an tagarmharc de bheith á sholáthar nó gur ar bhonn sonraí ionchuir nach bhfuil lán-ionadaíoch a thuilleadh ar an mbunmhargadh nó ar an bhfíorchás eacnamaíoch nó gur ar bhonn sonraí ionchuir neamhiontaofa a sholáthraítear é, an mbeadh tionchair shuntasacha agus dhochracha▌ ar chobhsaíocht airgeadais, ar thomhaltóirí, ar an bhfíorgheilleagar, nó ar mhaoiniú teaghlach agus gnólachtaí san Aontas nó i mBallstáit seachas Ballstát an údaráis inniúil a théann i gcomhairle le ESMA.

Chun críoch phointe (b), tabharfaidh ESMA aird chuí, i gcás inarb ábhartha, ar an bhfaisnéis arna soláthar ag an údarás a théann i gcomhairle leis de bhun an tríú fomhír de mhír 3.

5.I gcás ina suífidh ESMA go gcomhlíonann tagarmharc na coinníollacha faoi mhír 3, an chéad fhomhír, pointí (a) agus (b), san Aontas nó i níos mó ná Ballstát amháin, cuirfidh sé údaráis inniúla na mBallstát lena mbaineann ar an eolas faoi sin. ▌

Ullmhóidh ESMA dréachtchinneadh chun an tagarmharc a ainmniú mar thagarmharc suntasach laistigh den Aontas agus tabharfaidh sé fógra faoin dréachtchinneadh sin don riarthóir lena mbaineann agus do na húdaráis inniúla ábhartha i gcás ina bhfuil feidhm ag pointe (b). Beidh 15 lá oibre ón dáta a thugtar fógra faoin dréachtchinneadh ó ESMA ag na riarthóirí lena mbaineann agus ag na húdaráis inniúla ábhartha chun barúlacha agus tráchtanna a thabhairt i scríbhinn. Déanfaidh ESMAbreithniú cuí ar na barúlacha agus na tráchtanna sin sula ndéanfaidh sé cinneadh críochnaitheach a ghlacadh agus a fhoilsiú.

6.Féadfaidh ESMA, arna iarraidh sin d’údarás inniúil, nó ar a thionscnamh féin, tagarmharc arna sholáthar ag riarthóir atá lonnaithe i dtríú tír nach gcomhlíonann an tairseach a leagtar síos i mír 1, pointe (a), a ainmniú mar thagarmharc suntasach i gcás ina gcomhlíonann an tagarmharc sin na coinníollacha uile seo a leanas:(a)níl aon ionadaí oiriúnach atá faoi stiúir an mhargaidh ag an tagarmharc, nó is fíorbheagán ionadaithe den sórt sin atá aige;(b)i gcás ina scoirfeadh an tagarmharc de bheith á sholáthar, nó gur ar bhonn sonraí ionchuir nach bhfuil lán-ionadaíoch a thuilleadh ar an mbunmhargadh ná ar an bhfíorchás eacnamaíoch nó gur ar bhonn sonraí ionchuir neamhiontaofa a sholáthrófaí é, bheadh tionchair shuntasacha agus dhochracha▌ ar chobhsaíocht airgeadais, ar thomhaltóirí, ar an bhfíorgheilleagar, nó ar mhaoiniú teaghlach agus gnólachtaí san Aontas nó i gceann amháin nó níos mó de na Ballstáit.

Roimh an gcinneadh ainmniúcháin agus a luaithe is féidir, cuirfidh ESMA riarthóir an tagarmhairc ar an eolas faoina rún, agus iarrfaidh sé ar an riarthóir sin ráiteas réasúnaithe a sholáthar do ESMA laistigh de 15 lá oibre ina mbeidh aon fhaisnéis ábhartha chun críoch an mheasúnaithe a bhaineann le hainmniúchán an tagarmhairc mar thagarmharc suntasach.

I gcás inarb infheidhme, iarrfaidh ESMA, a luaithe is féidir, ar údarás inniúil na dlínse ina bhfuil an riarthóir lonnaithe aon fhaisnéis ábhartha a sholáthar chun críoch an mheasúnaithe a bhaineann le hainmniúchán an tagarmhairc.

Tabharfaidh ESMA cúis le haon chinneadh ainmniúcháin agus cuirfidh sé san áireamh cé acu atá nó nach bhfuil fianaise leordhóthanach ann go bhfuil na coinníollacha dá dtagraítear sa chéad fhomhír den mhír seo á gcomhlíonadh, i bhfianaise shaintréithe sonracha an tagarmhairc lena mbaineann.

Foilseoidh ESMA an cinneadh réasúnaithe uaidh ar a shuíomh gréasáin agus tabharfaidh sé fógra don údarás inniúil iarrthach nó do na húdaráis inniúla iarrthacha gan moill mhíchuí.

6a.Riarthóirí tagarmharcanna nach gcomhlíonann na ceanglais lena meas mar thagarmharcanna criticiúla, tagarmharcanna suntasacha, tagarmharcanna tráchtearraí faoi réir Iarscríbhinn II, Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras, féadfaidh siad iarratas a dhéanamh dá ndeoin féin ar rochtain ar an gclár dá bhforáiltear in Airteagal 36 trí bhíthin údarú, clárú, aitheantas nó formhuiniú.

Riarthóirí a chineann an Rialachán seo a chur chun feidhme dá ndeoin féin, déanfaidh siad amhlaidh i scríbhinn lena n-údarás maoirseachta reatha, in aghaidh an tagarmhairc, agus measfar gach ceann de na tagarmharcanna sin a bheith ina dtagarmharcanna suntasacha faoin Rialachán seo.

Le tarscaoileadh deonach an chórais sin, ní chuirfear cosc ar na freagrachtaí riaracháin comhfhreagracha a fhorchur i gcás neamhchomhlíonadh Rialachán (AE) 2016/1011 nó sárú air le linn a rannpháirtíochta deonaí sa chlár dá bhforáiltear in Airteagal 36.

7.Forbróidh ESMA dréachtchaighdeáin theicniúla rialála chun an méid seo a leanas a shonrú:(i) an modh ríofa, lena n-áirítear foinsí sonraí a d’fhéadfadh a bheith ann, atá le húsáid chun an tairseach dá dtagraítear i mír 1, pointe (a), den Airteagal seo a chinneadh;(ii)na critéir chun measúnú a dhéanamh i dtaobh an sáraíonn tagarmharc an tairseach dá dtagraítear i mír 1, pointe (a,) d’Airteagal 24(1) i mBallstát amháin nó ar fud an Aontais;(iii)an fhaisnéis a chuirfidh na húdaráis inniúla ar fáil nuair a rachaidh siad i gcomhairle le ESMA mar a cheanglaítear de bhun Airteagal 24, mír 3;(iv)na critéir dá dtagraítear i mír 4, pointe (b), d’Airteagal 24 agus aon sonraí lena gcabhraítear le measúnú a dhéanamh ar an tionchar suntasach agus dochrach atá ag scor an tagarmhairc nó ag neamhiontaofacht an tagarmhairc ar shláine an mhargaidh, ar chobhsaíocht airgeadais, ar thomhaltóirí, ar an bhfíorgheilleagar, nó ar mhaoiniú teaghlach agus gnólachtaí i gceann amháin nó níos mó de na Ballstáit á chur i gcuntas.

Cuirfidh ESMA na dréachtchaighdeáin theicniúla rialála sin faoi bhráid an Choimisiúin faoin ... [12 mhí tar éis theacht i bhfeidhm an Rialacháin seo].

Tarmligtear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

7a.Faoin ... [2 bhliain tar éis dháta theacht i bhfeidhm an Rialacháin leasaithigh seo], cuirfidh an Coimisiún, i ndlúthchomhar le ESMA, tuarascáil faoi bhráid Pharlaimint na hEorpa agus na Comhairle maidir le leordhóthanacht na tairsí dá dtagraítear i bpointe (a) de mhír 1 den Airteagal seo i bhfianaise forbairtí sa mhargadh agus i bpraghsanna agus forbairtí rialála. Beidh togra reachtach ag gabháil leis an tuarascáil sin, i gcás inarb iomchuí. Déanfar an t-athbhreithniú sin gach 3 bliana ar a laghad.

7b.I gcás ina measann ESMA gur iomchuí athbhreithniú a dhéanamh ar an tairseach dá dtagraítear i mír 1, pointe (a) tráth is luaithe i bhfianaise forbairtí sa mhargadh agus i bpraghsanna agus forbairtí rialála, cuirfidh sé iarraidh faoi bhráid an Choimisiúin chun athbhreithniú a dhéanamh ar an tairseach. Ar an iarraidh sin a fháil dó, déanfaidh an Coimisiún athbhreithniú ar an ngá atá le athmheasúnú a dhéanamh ar an tairseach agus gníomhóidh sé i gcomhréir le mír 7a.;

‘Airteagal 24a

Ceanglais maidir le riarthóirí tagarmharcanna suntasacha(1)Laistigh de 60 lá oibre tar éis an fógra dá dtagraítear in Airteagal 24(2) a thabhairt, riarthóir tagarmhairc a chomhlíonann an critéar dá dtagraítear i mír (1), pointe (a), den Airteagal sin, lorgóidh sé údarú nó clárú le húdarás inniúil an Bhallstáit i gcás ina bhfuil an tagarmharc suntasach sa Bhallstát sin, nó le ESMA i gcás ina bhfuil an tagarmharc suntasach laistigh den Aontas. I gcás ina bhfuil an riarthóir sin lonnaithe i dtríú tír agus mura rud é go gcumhdaítear an tagarmharc lena mbaineann le cinneadh coibhéise arna ghlacadh de bhun Airteagal 30, déanfaidh an riarthóir sin, laistigh de 60 lá oibre tar éis an fógra dá dtagraítear in Airteagal 24(2) a thabhairt, iarratas chuig ESMA ar cheachtar de na nithe seo a leanas:(a)aitheantas ▌de bhun an nós imeachta a leagtar amach in Airteagal 32;(b)formhuiniú de bhun an nós imeachta a leagtar amach in Airteagal 33.(2)Laistigh de 60 lá oibre tar éis ainmniúchán dá dtagraítear in Airteagal 24(3), lorgóidh riarthóir an tagarmhairc lena mbaineann údarú nó clárú leis an údarás inniúil ainmniúcháin i gcomhréir le hAirteagal 34, mura rud é go bhfuil an riarthóir sin údaraithe nó cláraithe cheana féin ag údarás náisiúnta inniúil.(2a)Laistigh de 60 lá oibre tar éis ainmniúchán dá dtagraítear in Airteagal 24(5), lorgóidh riarthóir an tagarmhairc lena mbaineann údarú nó clárú le ESMA i gcomhréir le hAirteagal 34, mura rud é go bhfuil an riarthóir sin údaraithe nó cláraithe cheana féin. Má tá an riarthóir sin údaraithe nó cláraithe cheana féin i mBallstát, aistreofar an t-údarú nó an clárú sin chuig ESMA.(3)Laistigh de 60 lá oibre tar éis ainmniúchán dá dtagraítear in Airteagal 24(6), déanfaidh riarthóir an tagarmhairc lena mbaineann▌ iarratas chuig ESMA ar cheachtar de na nithe seo a leanas:(a)aitheantas ▌de bhun an nós imeachta a leagtar amach in Airteagal 32;(b)formhuiniú de bhun an nós imeachta a leagtar amach in Airteagal 33.

Roghnóidh riarthóirí tagarmharcanna tríú tír riarthóir formhuiniúcháin san Aontas.(4)Bainfidh ESMA nó údaráis inniúla úsáid as na cumhachtaí maoirseachta agus smachtbhannaí a chuirtear ar a n-iontaoibh faoin Rialachán seo chun a áirithiú go gcomhlíonann na riarthóirí ábhartha a n-oibleagáidí.(5)Eiseoidh an t-údarás inniúil nó ESMA fógra poiblí lena sonrófar nach gcomhlíonann tagarmharc suntasach arna sholáthar ag riarthóir an Rialachán seo agus go bhfuil úsáideoirí le staonadh ón tagarmharc sin a úsáid i gcás ina gcomhlíontar aon cheann de na coinníollacha seo a leanas:(a)laistigh de 60 lá oibre tar éis an fógra dá dtagraítear in Airteagal 24(2) a thabhairt, tar éis an ainmniúcháin dá dtagraítear in Airteagal 24(3) nó tar éis an ainmniúcháin dá dtagraítear in Airteagal 24(6), níor thionscain an riarthóir lena mbaineann nósanna imeachta chun mír 2 den Airteagal seo a chomhlíonadh;(b)theip ar na nósanna imeachta um údarú, clárú, aitheantas nó formhuiniú;(c)rinne ESMA clárú an riarthóra a tharraingt siar i gcomhréir le hAirteagal 31;(d)rinne ESMA aitheantas an riarthóra lena mbaineann a tharraingt siar nó a chur ar fionraí i gcomhréir le hAirteagal 32(8);(e)tá formhuiniú an riarthóra lena mbaineann imithe in éag;(f)rinne an t-údarás inniúil údarú nó clárú an riarthóra lena mbaineann a tharraingt siar nó a chur ar fionraí.

Tabharfaidh údaráis inniúla fógra do ESMA faoi gach fógra poiblí arna eisiúint gan moill mhíchuí. Foilseoidh ESMA gach fógra poiblí arna eisiúint ar a shuíomh gréasáin. Bainfidh ESMA nó an t-údarás inniúil an fógra poiblí gan moill mhíchuí a luaithe nach mbeidh an chúis ar eisíodh é bailí a thuilleadh.;

‘2. Déanfaidh eintitis faoi mhaoirseacht, nach riarthóir amhail dá dtagraítear i mír 1 iad, a úsáideann tagarmharc, pleananna láidre i scríbhinn a chur ar fáil agus a chothabháil ina leagtar amach na gníomhaíochtaí a dhéanfaidís i gcás ina n-athraítear tagarmharc go hábhartha nó ina scoireann sé de bheith á sholáthar. I gcás inarb indéanta agus iomchuí sin, déanfar tagarmharc malartach amháin nó roinnt tagarmharcanna malartacha a ainmniú sna pleananna sin, ar tagarmharcanna iad a bhféadfaí tagairt dóibh chun teacht in ionad tagarmharcanna nach mbeadh á soláthar a thuilleadh, ina léirítear na cúiseanna maidir le hoiriúnacht tagarmharcanna malartacha den sórt sin. Soláthróidh na heintitis faoi mhaoirseacht, arna iarraidh sin orthu agus gan moill mhíchuí, na pleananna sin mar aon le haon nuashonruithe don údarás inniúil ábhartha agus déanfar iad a léiriú sna forálacha cúltaca conarthacha is infheidhme maidir le conarthaí airgeadais, ionstraimí airgeadais agus cistí infheistíochta.;

‘Úsáid tagarmharcanna criticiúla, tagarmharcanna suntasacha, tagarmharcanna tráchtearraí faoi réir Iarscríbhinn II, Tagarmharcanna Aistrithe Aeráide AE agus Tagarmharcanna AE atá ailínithe le Comhaontú Pháras’;

‘1. Ní chuirfidh eintiteas faoi mhaoirseacht tagairtí nua le tagarmharc criticiúil, le tagarmharc suntasach ná le teaglaim de thagarmharcanna den sórt sin san Aontas i gcás ina bhfuil an tagarmharc sin nó an teaglaim de thagarmharcanna sin ina ábhar nó ina hábhar d’fhógra poiblí arna eisiúint ag ESMA nó ag údarás inniúil i gcomhréir le hAirteagal 24a(5). Ní chuirfidh eintiteas faoi mhaoirseacht tagairtí nua le tagarmharc criticiúil, le tagarmharc tráchtearraí faoi réir Iarscríbhinn II, le Tagarmharc Aistrithe Aeráide AE, le Tagarmharc AE atá ailínithe le Comhaontú Pháras ná le teaglaim de thagarmharcanna den sórt sin san Aontas i gcás nach bhfuil riarthóir na dtagarmharcanna sin ar áireamh sa chlár dá dtagraítear in Airteagal 36.

Ceadóidh eintitis faoi mhaoirseacht an tIonad Eorpach Ilfhreastail Aonair (ESAP) dá dtagraítear in Airteagal 28a, nó clár ESMA dá dtagraítear in Airteagal 36, go tráthrialta chun fíorú a dhéanamh ar stádas rialála riarthóirí tagarmharcanna criticiúla, tagarmharcanna suntasacha, tagarmharcanna tráchtearraí faoi réir Iarscríbhinn II, Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a bhfuil sé beartaithe acu iad a úsáid.

De mhaolú ar an gcéad fhomhír, féadfaidh ESMA nó an t-údarás inniúil, de réir mar is iomchuí, úsáid tagarmhairc a cheadú faoi réir fógra poiblí arna eisiúint i gcomhréir le hAirteagal 24a(5) go ceann tréimhse 6 mhí tar éis an fógra poiblí a bheith foilsithe, agus a bheidh in-athnuaite uair amháin, i gcás inar gá chun míshocracht thromchúiseach sa mhargadh a sheachaint, nó go ceann tréimhse 24 mhí, nach mbeidh in-athnuaite, maidir leis an méid seo a leanas:(a)cruthú margaidh chun tacú le gníomhaíocht cliant a bhaineann le hidirbhearta arna ndéanamh ar dháta éifeachtach an toirmisc;(b)idirbhearta nó gníomhaíochtaí eile lena ndéantar neamhchosaint an eintitis faoi mhaoirseacht ar an tagarmharc toirmiscthe nó neamhchosaint aon chliaint de chuid an eintitis faoi mhaoirseacht air a laghdú nó a fhálú;(c)nuachan idirbheart;(d)idirbhearta arna ndéanamh ar mhaithe le rannpháirtíocht i nós imeachta ceant de chuid contrapháirtí lárnach i gcás mainneachtain comhalta, lena n-áirítear idirbhearta chun an neamhchosaint a thiocfaidh as sin a fhálú;(e)idirshuíomh nó úsáid eile dá bhforáiltear i socruithe cúltaca conarthacha i ndáil leis an tagarmharc toirmiscthe.’;

‘1b. Eintiteas faoi mhaoirseacht a úsáideann tagarmharc, ar tagarmharc is ábhar d’fhógra poiblí de bhun Airteagal 24a(5) é, i gconarthaí airgeadais atá ann cheana nó chun feidhmíocht cistí infheistíochta nó ionstraimí airgeadais a thomhas, cuirfidh sé rogha mhalartach iomchuí in ionad an tagarmhairc sin laistigh de 6 mhí tar éis an fógra sin a bheith foilsithe, nó eiseoidh agus foilseoidh sé ráiteas ar a shuíomh gréasáin lena gcuirfear míniú réasúnaithe ar fáil do chliaint maidir leis an gcúis nach féidir leis déanamh amhlaidh.’

1ba.Ní fhéadfaidh eintiteas faoi mhaoirseacht úsáid a bhaint as tagarmharc lena maítear, ina dhoiciméadacht dhlíthiúil nó mhargaíochta, nó ina ainmníocht, go gcuirtear tosca comhshaoil, sóisialta nó rialachais san áireamh ina mhodheolaíocht, ach amháin i gcás ina nochtann a riarthóir an fhaisnéis dá dtagraítear in Airteagal 13(1), pointe (d), agus in Airteagal 27(2a). Le gach ceanglas maidir le nochtadh modheolaíochta, féachfar le comhleanúnachas le hAirteagal 10 de Rialachán (AE) 2019/2088 a bhaint amach.

Beidh feidhm ag an mír seo maidir le tagarmharcanna an Aontais agus tagarmharcanna nach de chuid an Aontais iad araon.

2. I gcás inarb é is cuspóir do réamheolaire atá le foilsiú faoi Threoir 2003/71/CE nó faoi Threoir 2009/65/CE ná urrúis inaistrithe nó táirgí infheistíochta eile a dhéanann tagairt do thagarmharc criticiúil, tagarmharc suntasach, tagarmharc tráchtearraí faoi réir Iarscríbhinn II, Tagarmharc Aistrithe Aeráide AE nó Tagarmharc AE atá ailínithe le Comhaontú Pháras, déanfaidh eisitheoir, tairgeoir nó an duine a iarrann go ligfí isteach chun trádála ar mhargadh rialáilte é a áirithiú, nuair a bheidh fógra poiblí faoin tagarmharc a úsáidtear ar áireamh sa chlár dá dtagraítear in Airteagal 36 den Rialachán seo, laistigh de 9 mí tar éis an fógra a bheith foilsithe, go n-áireofar an fhaisnéis sin sa réamheolaire freisin ar bhealach soiléir agus feiceálach.

2a. Féachfaidh riarthóirí tagarmharcanna a úsáidtear san Aontas le cód aitheantóra arna chomhaontú go domhanda a iarraidh le haghaidh gach ceann de na tagarmharcanna a sholáthraíonn siad lena n-úsáid san Aontas.’;

‘2. Riarthóir atá lonnaithe i dtríú tír a bhfuil sé beartaithe aige aitheantas a fháil dá dtagraítear in Airteagal 24a(1) agus (3), comhlíonfaidh sé an Rialachán seo, cé is moite d’Airteagal 11(4) agus d’Airteagail 16, 20, 21 agus 23. Féadfaidh an riarthóir atá lonnaithe i dtríú tír an coinníoll sin a chomhlíonadh trí phrionsabail IOSCO le haghaidh tagarmharcanna airgeadais nó prionsabail IOSCO le haghaidh GTPanna a chur i bhfeidhm, de réir mar is infheidhme, ar choinníoll go bhfuil cur i bhfeidhm den sórt sin coibhéiseach le comhlíonadh an Rialacháin seo, cé is moite d’Airteagal 11(4), agus d’Airteagail 16, 20, 21 agus 23.

Le linn do ESMA a chinneadh an bhfuil an coinníoll dá dtagraítear sa chéad fhomhír á chomhlíonadh agus le linn dó measúnú a dhéanamh ar chomhlíonadh phrionsabail IOSCO le haghaidh tagarmharcanna airgeadais nó phrionsabail IOSCO le haghaidh GTPanna, de réir mar is infheidhme, féadfaidh sé an méid seo a leanas a chur san áireamh:(a)measúnú ar an riarthóir atá lonnaithe i dtríú tír arna dhéanamh ag iniúchóir seachtrach neamhspleách;(b)deimhniú arna sholáthar ag údarás inniúil an tríú tír ina bhfuil an riarthóir sin lonnaithe.

I gcás ina bhfuil riarthóir tríú tír in ann a léiriú, agus a mhéid atá sé in ann a léiriú, gurb é atá i dtagarmharc a sholáthraíonn sé tagarmharc sonraí rialáilte nó tagarmharc tráchtearraí nach bhfuil bunaithe ar aighneachtaí ó rannchuiditheoirí arb eintitis faoi mhaoirseacht a bhformhór, ní chuirfear d’oibleagáid ar an riarthóir na ceanglais nach infheidhme maidir le soláthar tagarmharcanna sonraí rialáilte agus tagarmharcanna tráchtearraí, de bhun Airteagal 17 agus Airteagal 19(1), a chomhlíonadh.

3.Beidh ionadaí dlíthiúil ag riarthóir atá lonnaithe i dtríú tír a bhfuil sé beartaithe aige aitheantas a fháil. Is é a bheidh san ionadaí dlíthiúil duine ▌dlítheanach atá lonnaithe san Aontas, agus arna cheapadh go sainráite ag an riarthóir sin chun gníomhú thar ceann an riarthóra sin a mhéid a bhaineann le hoibleagáidí an riarthóra faoin Rialachán seo. Déanfaidh an t-ionadaí dlíthiúil, i gcomhar leis an riarthóir, an fheidhm formhaoirseachta a chomhall maidir le soláthar na dtagarmharcanna a dhéanann an riarthóir faoin Rialachán seo agus▌ beidh sé cuntasach do ESMA. Féadfaidh ESMA beart maoirseachta a fhorchur, i gcomhréir le hAirteagal 48e, ar an ionadaí dlíthiúil agus ar an riarthóir as ceann de na sáruithe a liostaítear i bpointe (a) d’Airteagal 42(1) nó i ndáil le haon chás de neamh-chomhoibriú nó neamhchomhlíonadh maidir le himscrúdú, le hiniúchadh nó le hiarraidh a chumhdaítear le Roinn 1 de Chaibidil 4.';

‘Riarthóir atá lonnaithe i dtríú tír a bhfuil sé beartaithe aige aitheantas a fháil dá dtagraítear i mír 2, déanfaidh sé iarratas ar aitheantas le ESMA. Soláthróidh an riarthóir is iarratasóir an fhaisnéis uile is gá chun go bhféadfaidh ESMA a bheith deimhin de go mbeidh bunaithe aige, tráth an aitheantais, na socruithe uile is gá chun na ceanglais a leagtar síos i mír 2 a chomhlíonadh i ndáil lena thagarmharc nó lena thagarmharcanna a ainmníodh i gcomhréir le hAirteagal 24. I gcás inarb infheidhme, tabharfaidh an riarthóir is iarratasóir le fios an t-údarás inniúil sa tríú tír atá freagrach as maoirseacht a dhéanamh air.

Laistigh de 15 lá oibre ón iarratas a fháil, déanfaidh ESMA measúnú ar an bhfuil an t-iarratas comhlánaithe ina iomláine agus tabharfaidh sé fógra don iarratasóir dá réir. I gcás ina bhfuil an t-iarratas neamhiomlán, cuirfidh an t-iarratasóir isteach an fhaisnéis bhreise atá de dhíth ar ESMA. Beidh feidhm ag an teorainn ama dá dtagraítear san fhomhír seo ón dáta a sholáthraíonn an t-iarratasóir an fhaisnéis bhreise sin.’;

‘1. Riarthóir atá lonnaithe san Aontas agus atá údaraithe nó cláraithe i gcomhréir le hAirteagal 34, ag a bhfuil ról soiléir dea-shainithe faoi chreat rialaithe nó cuntasachta riarthóra tríú tír, atá in ann faireachán éifeachtach a dhéanamh ar sholáthar tagarmhairc, féadfaidh sé iarratas a dhéanamh chuig ESMA ar thagarmharc nó fine tagarmharcanna arna soláthar i dtríú tír a fhormhuiniú lena n-úsáid san Aontas, ar choinníoll go gcomhlíontar na coinníollacha uile seo a leanas:

3. Laistigh de 90 lá oibre ón iarratas ar fhormhuiniú dá dtagraítear i mír 1 a fháil, scrúdóidh ESMA an t-iarratas agus glacfaidh sé cinneadh chun an formhuiniú a údarú nó a dhiúltú.

6. I gcás ina bhfuil cúiseanna a bhfuil bunús maith leo ag údarás inniúil an riarthóra formhuiniúcháin lena mheas nach bhfuil na coinníollacha a leagtar síos faoi mhír 1 den Airteagal seo á gcomhlíonadh a thuilleadh, beidh an chumhacht aige a cheangal ar an riarthóir formhuiniúcháin scor den fhormhuiniú agus cuirfidh sé an méid sin in iúl do ESMA. Beidh feidhm ag Airteagal 28 i gcás ina scoirfear den fhormhuiniú.

‘1. Duine nádúrtha nó dlítheanach atá lonnaithe san Aontas a ghníomhaíonn nó a bhfuil sé ar intinn aige gníomhú mar riarthóir, déanfaidh sé iarratas chuig an údarás inniúil atá ainmnithe faoi Airteagal 40 den Bhallstát ina bhfuil an duine sin lonnaithe nó chuig ESMA, chun go bhfaighidh an duine sin:(a)údarú i gcás ina soláthraíonn sé innéacsanna nó i gcás ina bhfuil sé ar intinn aige iad a sholáthar, ar innéacsanna iad a úsáidtear nó atá beartaithe lena n-úsáid mar thagarmharcanna criticiúla, mar thagarmharcanna suntasacha, mar thagarmharcanna tráchtearraí faoi réir Iarscríbhinn II, mar Thagarmharcanna Aistrithe Aeráide AE nó mar Thagarmharcanna AE atá ailínithe le Comhaontú Pháras;(b)clárú i gcás inar eintiteas faoi mhaoirseacht é, seachas riarthóir, a sholáthraíonn innéacsanna nó a bhfuil sé ar intinn aige iad a sholáthar, ar innéacsanna iad a úsáidtear nó atá beartaithe lena n-úsáid mar thagarmharcanna suntasacha, mar Thagarmharcanna Aistrithe Aeráide AE nó mar Thagarmharcanna AE atá ailínithe le Comhaontú Pháras, ar choinníoll nach bhfuil gníomhaíocht an tsoláthair tagarmhairc faoi chosc ag an disciplín earnálach is infheidhme maidir leis an eintiteas faoi mhaoirseacht agus nach gcáileodh aon cheann de na hinnéacsanna arna soláthar mar thagarmharc criticiúil.’;

1a. I gcás ina gcáileodh ceann amháin nó níos mó de na hinnéacsanna arna soláthar ag an duine dá dtagraítear i mír 1 mar thagarmharcanna criticiúla dá dtagraítear in Airteagal 20(1), pointí (a) agus (c), nó mar thagarmharcanna suntasacha dá dtagraítear in Airteagal 24(2), (5) agus (6), nó i gcás ina mbeartaíonn an duine tagarmharcanna dá dtagraítear in Airteagal 33 a fhormhuiniú, cuirfear an t-iarratas faoi bhráid ESMA.

‘3. An t-iarratas dá dtagraítear i mír 1, déanfar é laistigh de 30 lá oibre ó aon chomhaontú a dhéanfaidh eintiteas faoi mhaoirseacht chun innéacs arna sholáthar ag an iarratasóir a úsáid mar thagairt in ionstraim airgeadais nó i gconradh airgeadais nó chun feidhmíocht ciste infheistíochta a thomhas, nó laistigh de na teorainneacha ama a leagtar amach in Airteagal 24a(2) agus (3), de réir mar is infheidhme.’;

‘1. Bunóidh agus cothabhálfaidh ESMA clár poiblí ina mbeidh an fhaisnéis seo a leanas:(a)céannachtaí na riarthóirí atá údaraithe nó cláraithe de bhun Airteagal 34, lena n-áirítear, i gcás ina bhfuil fáil orthu, Aitheantóir Eintitis Dhlítheanaigh (LEI) na riarthóirí sin, agus na húdaráis inniúla atá freagrach as maoirseacht a dhéanamh orthu;(b)céannachtaí na riarthóirí a chomhlíonann na coinníollacha a leagtar síos in Airteagal 30(1), lena n-áirítear, i gcás ina bhfuil fáil orthu, LEI na riarthóirí sin, an liosta de thagarmharcanna dá dtagraítear i bpointe (c) d'Airteagal 30(1), lena n-áirítear, i gcás ina bhfuil fáil orthu, uimhreacha aitheantais urrús idirnáisiúnta (ISINanna) na dtagarmharcanna sin, agus na húdaráis inniúla tríú tír atá freagrach as maoirseacht a dhéanamh orthu;(c)céannachtaí na riarthóirí a fuair aitheantas i gcomhréir le hAirteagal 32, lena n-áirítear, i gcás ina bhfuil fáil orthu, LEI na riarthóirí sin, an liosta de thagarmharcanna dá dtagraítear in Airteagal 32(7), lena n-áirítear, i gcás ina bhfuil fáil orthu, ISINanna na dtagarmharcanna sin, agus, i gcás inarb infheidhme, na húdaráis inniúla tríú tír atá freagrach as maoirseacht a dhéanamh orthu;(d)na tagarmharcanna atá formhuinithe i gcomhréir leis an nós imeachta a leagtar síos in Airteagal 33, céannachtaí riarthóirí na dtagarmharcanna sin, agus céannachtaí na riarthóirí formhuiniúcháin nó na n-eintiteas formhuiniúcháin faoi mhaoirseacht.;

‘(e) na tagarmharcanna, lena n-áirítear, i gcás ina bhfuil fáil orthu, ISINanna na dtagarmharcanna sin, atá faoi réir ráiteas arna fhoilsiú ag ESMA nó ag údarás inniúil de bhun Airteagal 24(2), agus na hipearnaisc chuig na ráitis sin;(f)na tagarmharcanna, lena n-áirítear, i gcás ina bhfuil fáil orthu, ISINanna na dtagarmharcanna sin, atá faoi réir ainmniúcháin ag údaráis inniúla a dtugtar fógra fúthu do ESMA de bhun Airteagal 24(4), agus na hipearnaisc chuig na hainmniúcháin sin;(g)na tagarmharcanna, lena n-áirítear, i gcás ina bhfuil fáil orthu, ISINanna na dtagarmharcanna sin, atá faoi réir ainmniúcháin ag ESMA, agus na hipearnaisc chuig na hainmniúcháin sin;(h)na tagarmharcanna, lena n-áirítear, i gcás ina bhfuil fáil orthu, ISINanna na dtagarmharcanna sin, atá faoi réir fógraí poiblí arna n-eisiúint ag ESMA agus ag údaráis inniúla de bhun Airteagal 24a(5), agus na hipearnaisc chuig na fógraí poiblí sin;(i)an liosta de Thagarmharcanna Aistrithe Aeráide AE agus de Thagarmharcanna AE atá ailínithe le Comhaontú Pháras, lena n-áirítear, i gcás ina bhfuil fáil orthu, ISINanna na dtagarmharcanna sin, atá ar fáil lena n-úsáid san Aontas;(j)an liosta de thagarmharcanna criticiúla, lena n-áirítear, i gcás ina bhfuil fáil orthu, ISINanna na dtagarmharcanna sin.’;

‘(ja) an liosta de thagarmharcanna tráchtearraí faoi réir Iarscríbhinn II, lena n-áirítear, i gcás ina bhfuil fáil orthu, ISINanna na dtagarmharcanna sin, atá ar fáil lena n-úsáid san Aontas.;

‘1. Chun críoch an Rialacháin seo, beidh ESMA ina údarás inniúil le haghaidh na riarthóirí seo a leanas:(a)riarthóirí tagarmharcanna criticiúla dá dtagraítear in Airteagal 20(1), pointí (a) agus (c);(b)riarthóirí na dtagarmharcanna dá dtagraítear in Airteagal 32;(c)riarthóirí na dtagarmharcanna atá suntasach laistigh den Aontas dá dtagraítear in Airteagal 24(2), (5) agus (6);(d)riarthóirí a fhormhuiníonn tagarmharcanna arna soláthar i dtríú tír i gcomhréir le hAirteagal 33;(e)riarthóirí Thagarmharcanna Aistrithe Aeráide AE agus Thagarmharcanna AE atá ailínithe le Comhaontú Pháras dá dtagraítear in Airteagal 3(23a) agus (23b).;

‘(k) tagarmharc a ainmniú mar thagarmharc suntasach de bhun Airteagal 24(3);(l)i gcás forais réasúnacha le bheith in amhras faoi shárú ar aon cheann de na ceanglais a leagtar síos i gCaibidil 3A, a cheangal go scoirfidh riarthóir de na nithe seo a leanas a dhéanamh, go ceann uastréimhse 12 mhí:(i)Tagarmharcanna Aistrithe Aeráide AE nó Tagarmharcanna AE atá ailínithe le Comhaontú Pháras a sholáthar;(ii)tagairt a dhéanamh do Thagarmharcanna Aistrithe Aeráide AE nó do Thagarmharcanna AE atá ailínithe le Comhaontú Pháras in ainm na dtagarmharcanna a chuireann siad ar fáil lena n-úsáid san Aontas, nó sa doiciméadacht dhlíthiúil nó mhargaíochta le haghaidh na dtagarmharcanna sin;(iii)tagairt a dhéanamh do chomhlíonadh na gceanglas is infheidhme maidir le soláthar na dtagarmharcanna sin in ainm na dtagarmharcanna a chuireann siad ar fáil lena n-úsáid san Aontas, nó sa doiciméadacht dhlíthiúil nó mhargaíochta le haghaidh na dtagarmharcanna sin;’;

‘(a) aon sárú ar Airteagail 4 go 16, ar Airteagail 19a, 19b, 19c agus 21, ar Airteagail 23 go 29 nó ar Airteagal 34 i gcás ina bhfuil feidhm ag na hAirteagail sin; agus’;

‘(i) i gcás sáruithe ar Airteagail 4 go 10, ar Airteagal 11(1), pointí (a), (b), (c) agus (e), ar Airteagal 11(2) agus 3, ar Airteagail 12 go 16, ar Airteagal 21, ar Airteagail 23 go 29 agus ar Airteagal 34, EUR 500 000 nó sna Ballstáit sin nach é an euro an t-airgeadra oifigiúil iontu, an luach comhfhreagrach san airgeadra náisiúnta an 31 Nollaig 2023; nó’;

‘(i) i gcás sáruithe ar Airteagail 4 go 10, ar Airteagal 11(1), pointí (a), (b), (c) agus (e), ar Airteagal 11(2) agus 3, ar Airteagail 12 go 16, ar Airteagal 21, ar Airteagail 23 go 29 agus ar Airteagal 34, EUR 1 000 000 nó, sna Ballstáit sin nach é an euro an t-airgeadra oifigiúil iontu, an luach comhfhreagrach san airgeadra náisiúnta an 31 Nollaig 2023, nó 10 % dá láimhdeachas bliantúil iomlán de réir na gcuntas is déanaí atá ar fáil agus atá formheasta ag an gcomhlacht bainistíochta, cibé acu is airde; nó’;

Más rud é, i gcomhréir le hAirteagal 48i(5), go bhfaigheann ESMA go ndearna duine ceann amháin nó níos mó de na sáruithe a liostaítear i bpointe (a) d’Airteagal 42(1), d’aon ghnó nó le faillí, nó nár chomhoibrigh duine le himscrúdú, le hiniúchadh nó le hiarraidh a chumhdaítear le Roinn 1 den Chaibidil seo nó nár chomhlíon sé iad, glacfaidh ESMA cinneadh lena ngearrfar fíneáil i gcomhréir le mír 2 den Airteagal seo. Measfar go ndearnadh sárú d’aon ghnó má thagann ESMA ar thosca oibiachtúla lena léirítear gur ghníomhaigh duine d’aon ghnó chun an sárú a dhéanamh. ;

‘Más rud é, i gcomhréir le hAirteagal 48i(5), go bhfaigheann ESMA go ndearna aon duine ceann amháin nó níos mó de na sáruithe a liostaítear i bpointe (a) d’Airteagal 42(1), d’aon ghnó nó le faillí, nó aon chás de neamh-chomhoibriú nó neamhchomhlíonadh maidir le himscrúdú, le hiniúchadh nó le hiarraidh a chumhdaítear le Roinn 1 den Chaibidil seo, glacfaidh ESMA cinneadh lena ngearrfar fíneáil i gcomhréir le mír 2 den Airteagal seo. Measfar go ndearnadh sárú d’aon ghnó má thagann ESMA ar thosca oibiachtúla lena léirítear gur ghníomhaigh duine d’aon ghnó chun an sárú a dhéanamh.;

‘7a. Faoin 31 Nollaig 2028, déanfaidh an Coimisiún, tar éis dó dul i gcomhairle le ESMA, tuarascáil a chur faoi bhráid Pharlaimint na hEorpa agus na Comhairle maidir leis an ngá atá le rialáil a dhéanamh ar thagarmharcanna lena ndéantar éilimh a bhaineann le tosca comhshaoil, sóisialta nó rialachais, i dteannta Thagarmharcanna Aistrithe Aeráide AE agus Thagarmharcanna AE atá ailínithe le Comhaontú Pháras, agus staid agus infhaighteacht tagarmharcanna comhshaoil, sóisialta agus rialachais i margaí Eorpacha agus domhanda agus a nglacadh sa mhargadh á gcur san áireamh, anailís á déanamh i dtaobh an measfaí iad a bheith ina dtagarmharcanna suntasacha, agus staidéar á dhéanamh ar na costais agus ar na héifeachtaí ar infhaighteacht an mhargaidh agus ar chineál athraitheach na dtáscairí inbhuanaithe agus na modhanna a úsáidtear chun iad a thomhas. Cuirfear san áireamh sa tuarascáil freisin an gá atá le comhleanúnachas agus comhsheasmhacht le dlí eile an Aontais, go háirithe Rialachán (AE) 2019/2088, Treoir 2011/61/AE agus Treoir 2009/65/CE, chomh maith le Treoirlínte ESMA maidir le hainmneacha cistí a úsáideann téarmaí a bhaineann le tosca comhshaoil, sóisialta nó rialachais nó le hinbhuanaitheacht. Beidh measúnú tionchair agus, i gcás inarb iomchuí, togra reachtach ag gabháil leis an tuarascáil sin.;

‘2. Déanfar an chumhacht chun gníomhartha tarmligthe a ghlacadh dá dtagraítear in Airteagail 3(2), 13(2a), 19a(2), 19c(1), 20(6), 24(7), 27(2b), 33(7), 51(6) agus 54(3) a thabhairt don Choimisiún go ceann tréimhse 5 bliana ón 30 Meitheamh 2024. Déanfaidh an Coimisiún, tráth nach déanaí ná an 31 Nollaig 2028, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí breise comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagail 3(2), 13(2a), 19a(2), 19c(1), 20(6), 24(7), 27(2b), 30(2a), 30(3a), 33(7), 48i(10), 48l(3), 51(6) agus 54(3) a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Beidh éifeacht aige an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar ann. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana féin.’;

‘6. Gníomh tarmligthe a ghlactar de bhun Airteagail 3(2), 13(2a), 19a(2), 19c(1), 20(6), 24(7), 27(2b) 30(2a), 30(3a), 33(7), 48i(10), 48l(3), 51(6) nó 54(3), ní thiocfaidh sé i bhfeidhm ach amháin mura mbíonn aon agóid curtha in iúl ag Parlaimint na hEorpa nó ag an gComhairle laistigh de thréimhse 3 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle, nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 3 mhí ar thionscnamh Pharlaimint na hEorpa nó na Comhairle.’.

‘4c. Maidir le húdaráis náisiúnta inniúla a bhfuil sé ar intinn acu tagarmharc arna sholáthar ag riarthóir a áiríodh i gclár ESMA an [dáta theacht i bhfeidhm an Rialacháin leasaithigh seo – 1 lá] a ainmniú, agus le ESMA a bhfuil sé ar intinn aige tagarmharc a áiríodh i gclár ESMA nó ar áiríodh a riarthóir i gclár ESMA an [dáta theacht i bhfeidhm an Rialacháin leasaithigh seo – 1 lá] a ainmniú, déanfaidh siad amhlaidh faoin ... [9 mí tar éis dháta theacht i bhfeidhm an Rialacháin leasaithigh seo].

Riarthóirí tagarmharcanna a údaraíodh, a cláraíodh, a formhuiníodh nó ar tugadh aitheantas dóibh an [dáta theacht i bhfeidhm an Rialacháin leasaithigh seo], coinneoidh siad an stádas sin go ceann 9 mí tar éis dháta theacht i bhfeidhm an Rialacháin leasaithigh seo. I gcás ina ndéantar ceann amháin nó níos mó dá dtagarmharcanna a ainmniú laistigh de 9 mí tar éis [dáta theacht i bhfeidhm an Rialacháin leasaithigh seo], ní bheidh sé d’oibleagáid ar na riarthóirí ainmnithe iarratas a dhéanamh an athuair ar údarú, clárú, aitheantas ná formhuiniú de bhun Airteagal 24a(1), (2), nó (3), de réir mar is infheidhme.

Riarthóirí tagarmharcanna suntasacha a údaraíodh, a cláraíodh, a formhuiníodh nó ar tugadh aitheantas dóibh an [dáta theacht i bhfeidhm an Rialacháin leasaithigh seo], ní bheidh sé d’oibleagáid orthu iarratas a dhéanamh an athuair ar údarú, clárú, aitheantas ná formhuiniú de bhun Airteagal 24a(1) i gcás ina bhfuil ceann amháin nó níos mó dá dtagarmharcanna suntasach de bhun Airteagal 24(1)(a).’

Riarthóirí tagarmharcanna a údaraíodh, a cláraíodh, a formhuiníodh nó ar tugadh aitheantas dóibh an [dáta theacht i bhfeidhm an Rialacháin leasaithigh seo], a chineann an Rialachán seo a chur chun feidhme dá ndeoin féin faoin ... [9 mí tar éis dháta theacht i bhfeidhm an Rialacháin leasaithigh seo], ní bheidh sé d’oibleagáid orthu iarratas a dhéanamh an athuair ar údarú, clárú, aitheantas ná formhuiniú. ;