‘(3b) ciallaíonn ‘Sár-ríomhaire atá tiomnaithe don intleacht shaorga’ sár-ríomhaire a dheartar go príomha chun oiliúint a chur ar shamhlacha mórscála intleachta saorga ilchuspóireacha sibhialta agus feidhmeanna intleachta saorga atá ag teacht chun cinn, agus chun teicneolaíochtaí agus córais a fhorbairt;(3c)ciallaíonn ‘Monarcha na hIntleachta Saorga’ éiceachóras oscailte láraithe nó dáilte a sholáthraíonn bonneagar seirbhísí sár-ríomhaireachta Intleachta Saorga atá comhdhéanta de shár-ríomhaire atá tiomnaithe don Intleacht Shaorga nó cuid Intleachta Saorga de shár-ríomhaire, nó sár-ríomhaire EuroHPC arna uasgrádú le haghaidh na hIntleachta Saorga, lárionad gaolmhar sonraí, rochtain thiomnaithe agus seirbhísí sár-ríomhaire atá dírithe ar an intleacht shaorga a dhéanann tallann a fhorbairt, a mhealladh, a choinneáil agus a chomhthiomsú ar bhealach oscailte agus gníomhach chun na hinniúlachtaí, na scileanna agus an t-eolas is gá a sholáthar, a thugann cúnamh agus treoir d’úsáideoirí maidir le húsáid na sár-ríomhairí le haghaidh na hIntleachta Saorga, agus a sholáthraíonn na seirbhísí is gá chun iad a chothabháil;’;

‘(9) ciallaíonn ‘sár-ríomhaire EuroHPC’ aon chóras ríomhaireachta atá faoi úinéireacht iomlán an Chomhghnóthais nó atá faoi chomhúinéireacht le Stáit Rannpháirteacha eile nó le cuibhreannas comhpháirtithe príobháideacha, ar féidir leis a bheith ina shár-ríomhaire clasaiceach (sár-ríomhaire ardleibhéil, sár-ríomhaire de ghrád tionsclaíoch, sár-ríomhaire tiomnaithe don Intleacht Shaorga nó sár-ríomhaire lár-raoin), ina ríomhaire clasaiceach-candamach hibrideach, ina ríomhaire candamach nó ina ionsamhlóir candamach;’;

‘(h) Monarchana Intleachta Saorga a fhorbairt agus a oibriú chun tacú le héiceachóras Intleachta Saorga atá an-iomaíoch, inbhuanaithe, iontaofa agus eiticiúil agus éiceachóras Intleachta Saorga nuálach a fhorbairt a thuilleadh san Aontas’;

‘(h) colún Monarcha na hIntleachta Saorga le haghaidh Intleacht Shaorga iontaofa agus eiticiúil, lena gcumhdaítear gníomhaíochtaí chun bonneagar seirbhísí sár-ríomhaireachta atá dírithe ar an Intleacht Shaorga a sholáthar, arb é is aidhm dó cumais agus scileanna nuálaíochta éiceachóras na hIntleachta Saorga a fhorbairt a thuilleadh; tabharfaidh na gníomhaíochtaí sin aghaidh, inter alia, ar an méid seo a leanas:(i)fáil agus oibriú sár-ríomhairí atá tiomnaithe don Intleacht Shaorga arna gcomhshuíomh le ▌lárionaid sonraí nó atá nasctha le lárionaid sonraí trí líonraí fíor-ardluais;(ii)sár-ríomhairí EuroHPC atá ann cheana a bhfuil cumas Intleachta Saorga acu a uasghrádú;(iii)rochtain a sholáthar ar na sár-ríomhairí tiomnaithe don Intleacht Shaorga nó ar na sár-ríomhairí EuroHPC arna n-uasghrádú le cumais Intleachta Saorga, lena n-áirítear a n-úsáid a leathnú chuig líon mór úsáideoirí poiblí agus príobháideacha, lena n-áirítear gnólachtaí nuathionscanta, gnólachtaí atá ag méadú, FBManna, institiúidí ardoideachais agus an pobal eolaíochta i gcoitinne;(iiia) na deiseanna a chuireann na Monarchana Intleachta Saorga ar fáil do ghnólachtaí nuathionscanta, do ghnólachtaí atá ag méadú agus do phobail taighde agus nuálaíochta a chur in iúl go forleathan;(iv)lárionaid seirbhísí sár-ríomhaireachta láraithe nó dáilte atá dírithe ar an Intleacht Shaorga a oibriú chun tacú le héiceachóras nuathionscanta taighde agus nuálach na hIntleachta Saorga, chun cúnamh agus treoir a thabhairt d’úsáideoirí, chun taighde idirdhisciplíneach a chothú lena soláthraítear tacaíocht algartamach, tacaíocht chun samhlacha agus córais oiliúna Intleachta Saorga a fhorbairt tuilleadh, a chur faoi oiliúint, a thástáil, a mheas agus a bhailíochtú, agus tacaíocht chun forbairt feidhmeanna Intleachta Saorga ar mhórscála atá ag teacht chun cinn i réimsí straitéiseacha ▌;(v)saoráidí ríomhchláraithe atá fabhrach don sár-ríomhaire a oibriú, lena n-áirítear chun feidhmeanna Intleachta Saorga a chomhthreorú chun an úsáid is fearr a bhaint as cumais sár-ríomhaireachta, agus feidhmiú seirbhísí sár-ríomhaireachta eile lena gcumasaítear an Intleacht Shaorga;

▌(vii)trí phróiseas trédhearcach, comhionann agus oscailte lena ndéantar tallann a mhealladh, a chomhthiomsú, ▌a chur faoi oiliúint agus a choinneáil, lena n-áirítear mic léinn, forbróirí, taighdeoirí, eolaithe agus an pobal úsáideoirí chun a n-inniúlachtaí, ▌scileanna agus a n-eolasa fhorbairt maidir le húsáid na sár-ríomhairí EuroHPC le haghaidh na hIntleachta Saorga, chomh maith le cóitseáil shaincheaptha a sholáthar;(viii)idirghníomhú leis na Monarchana Intleachta Saorga eile, rochtain ar a seirbhísí a chur ar fáil ar fud na hEorpa, ag tabhairt aird leanúnach ar chothromaíocht thíreolaíoch agus inscne, agus comhoibriú le Lárionaid Inniúlachtaí agus Lárionaid Barr Feabhais EuroHPC, agus le tionscnaimh ábhartha Intleachta Saorga de chuid an Aontais, amhail moil na ngnólachtaí nuathionscanta um Intleacht Shaorga, na héiceachórais Intleachta Saorga agus sonraí, Saoráidí Tástála agus Turgnamhaíochta na hIntleachta Saorga, an t-ardán lárnach Eorpach um an Intleacht Shaorga, na Moil Nuálaíochta Digití atá dírithe ar an Intleacht Shaorga, Pobail Eolais agus Nuálaíochta na hInstitiúide Eorpaí um Nuálaíocht agus Teicneolaíocht a bhaineann leis an Intleacht Shaorga, na comhghnóthais agus na comhpháirtíochtaí le Fís Eorpach a bhaineann le hIntleacht Shaorga, bonneagair thaighde Eorpacha ábhartha agus tionscnaimh ghaolmhara eile.(viiia)sár-ríomhairí a bhfuil cumais intleachta saorga acu a chothabháil agus a bharrfheabhsú, ag áirithiú a n-iontaofachta agus a bhfeidhmíochta le haghaidh ardtascanna ríomhaireachtúla.’;

‘(g) i gcás na sár-ríomhairí tiomnaithe don Intleacht Shaorga, beidh feidhm ag na critéir roghnúcháin bhreise seo a leanas maidir leis na heintitis óstacha:(i)gaireacht nó nasc trí líonraí an-ardluais le lárionad sonraí pleanáilte nó bunaithe, i gcomhréir le hAirteagal 12 de Threoir (AE) 2023/1791;(ia)fís agus pleananna an eintitis óstaigh maidir le héifeachtúlacht fuinnimh agus inbhuanaitheacht chomhshaoil an sár-ríomhaire atá tiomnaithe don Intleacht Shaorga, ag baint úsáide as cur chuige saolré, infhaighteacht rochtana leordhóthanaí ar fhuinneamh glan inacmhainne, chomh maith le trí chomhaontuithe ceannaigh cumhachta a d’fhéadfadh a bheith bunaithe ar fhuinneamh in-athnuaite, agus úsáid leictreachais a ghintear go háitiúil;(ii)fís, pleananna agus cumas an eintitis óstaigh chun aghaidh a thabhairt ar dhúshláin éiceachóras nuathionscanta, taighde agus nuálach na hIntleachta Saorga agus phobal úsáideoirí na hIntleachta Saorga, éiceachóras den sórt sin a fheabhsú trí shineirgí agus nuálaíocht a chur chun cinn, lena n-áirítear infheistíochtaí i dteicneolaíochtaí na todhchaí, agus rannchuidiú le seirbhís tacaíochta láraithe nó dáilte sár-ríomhaireachta atá dírithe ar an Intleacht shaorga agus an tseirbhís sin a chur ar fáil;(iii)cáilíocht agus ábharthacht na taithí agus an tsaineolais atá ar fáil ag an bhfoireann atá beartaithe agus a bheadh i gceannas ar thimpeallacht thacúil na seirbhíse sár-ríomhaireachta atá dírithe ar an Intleacht Shaorga;(iv)pleananna le haghaidh idirghníomhaíochta agus comhair le Monarchana Intleachta Saorga eile, le Lárionaid Inniúlachta EuroHPC agus le Lárionaid Barr Feabhais EuroHPC agus le gníomhaíochtaí ábhartha Intleachta Saorga amhail moil ghnólachtaí nuathionscanta na hIntleachta Saorga, éiceachórais na hIntleachta Saorga agus na sonraí, Saoráidí Tástála agus Turgnamhaíochta na hIntleachta Saorga, agus ardán lárnach Eorpach maidir leis an Intleacht Shaorga, na Moil Nuálaíochta Digití atá dírithe ar an Intleacht Shaorga agus tionscnaimh ghaolmhara eile;(v)cumais atá ann cheana agus pleananna amach anseo de chuid an eintitis óstaigh chun rannchuidiú le forbairt, mealladh, oiliúint agus coinneáil na díorma tallainne agus cruthú scileanna, cumais agus inniúlachtaí chun na sár-ríomhairí a úsáid, lena n-áirítear i bhfoirm tacaíochta do ghnólachtaí nuathionscanta trí chláir ghorlainne nó luasaire.’;(ga)féadfaidh eintiteas óstála atá ann cheana arna roghnú ag an mBord Rialaithe trí phróiseas cóir agus trédhearcach, agus tar éis glao ar léirithe spéise, Monarcha Intleachta Saorga a bhunú má chomhlíonann sé na critéir dá dtagraítear in Airteagal 9(5), pointe (g).’;

‘(6a) I gcás na sár-ríomhairí atá tiomnaithe don Intleacht Shaorga dá dtagraítear in Airteagal 12a, agus i gcás na sár-ríomhairí EuroHPC dá dtagraítear in Airteagail 11, 12, 12a, 14, 15 chomh maith, cruthóidh na heintitis óstála ionad ilfhreastail do na gnólachtaí nuathionscanta, na gnólachtaí atá ag méadú, FBManna agus úsáideoirí eile chun rochtain ar a seirbhísí tacaíochta a éascú agus chun tacú le forbairt a gcuid scileanna agus inniúlachtaí.’;

‘(l) na coinníollacha sonracha is infheidhme nuair a oibríonn an t-eintiteas óstach sár-ríomhaire EuroHPC le húsáid san earnáil tionsclaíochta, ▌nó sár-ríomhaire atá tiomnaithe don Intleacht Shaorga nó do shár-ríomhaire EuroHPC atá ann cheana agus arna uasghrádú le cumais Intleachta Saorga.’;

‘Airteagal 12a

Fáil agus úinéireacht sár-ríomhairí tiomnaithe don Intleacht Shaorga

1.Gheobhaidh an Comhghnóthas sár-ríomhairí tiomnaithe don Intleacht Shaorga agus is é a bheidh ina úinéir orthu.

2.Cumhdóidh an ranníocaíocht airgeadais ón Aontas dá dtagraítear in Airteagal 5(1) suas le 50 % de na costais fála móide suas le 50 % de chostais oibriúcháin na sár-ríomhairí tiomnaithe don Intleacht Shaorga.

Costas iomlán úinéireachta na sár-ríomhairí tiomnaithe don Intleacht Shaorga a bheidh fágtha, cumhdóidh an Stát Rannpháirteach ina bhfuil an t-eintiteas óstach lonnaithe nó ag na Stáit Rannpháirteacha sa chuibhreannas óstach an costas sin, costas a fhéadfar a fhorlíonadh leis na ranníocaíochtaí dá dtagraítear in Airteagal 6.

3.Beidh roghnú sholáthróir an tsár-ríomhaire tiomnaithe don Intleacht Shaorga bunaithe ar shonraíochtaí tairisceana a bheidh bunaithe ar an éileamh, a chuirfidh san áireamh riachtanais an úsáideora agus sonraíochtaí ginearálta an chórais arna sholáthar ag an eintiteas óstála roghnaithe ina iarratas ar an nglao ar léiriú spéise. Tabharfar aghaidh sa roghnú freisin ar shlándáil an tslabhra soláthair.

4.Féadfaidh an Comhghnóthas feidhmiú mar chéad úsáideoir sár-ríomhairí tiomnaithe don Intleacht Shaorga lena gcomhtháthaítear teicneolaíochtaí a fhorbraítear go príomha san Aontas.

5.Féadfaidh an Bord Rialaithe cinneadh a dhéanamh sa chlár oibre, má tá údar cuí leis ar chúiseanna slándála, coinníoll a leagan síos do rannpháirtíocht soláthróirí agus na sár-ríomhairí tiomnaithe don Intleacht Shaorga á bhfáil i gcomhréir le hAirteagal 12(6) de Rialachán (AE) 2021/694, nó chun rannpháirtíocht soláthróirí a theorannú ar chúiseanna slándála nó gníomhaíochtaí a bhaineann go díreach le huathriail straitéiseach an Aontais, i gcomhréir le hAirteagal 18(4) den Rialachán sin.

6.Beidh na sár-ríomhairí tiomnaithe don Intleacht Shaorga lonnaithe in eintiteas óstach sár-ríomhaire EuroHPC atá lonnaithe san Aontas.

7.Gan dochar d’fhoirceannadh an Chomhghnóthais, dá dtagraítear in Airteagal 23(4) de na Reachtanna, cúig bliana ar a thúisce tar éis tástáil inghlacthachta rathúil an tsár-ríomhaire tiomnaithe don Intleacht Shaorga arna shuiteáil in eintiteas óstach, féadfar úinéireacht an tsár-ríomhaire tiomnaithe don Intleacht Shaorga a aistriú chuig an eintiteas óstach sin, é a dhíol le heintiteas eile nó a dhíchoimisiúnú ar chinneadh an Bhoird Rialaithe agus i gcomhréir leis an gcomhaontú óstach. I gcás aistriú úinéireachta sár-ríomhaire tiomnaithe don Intleacht Shaorga, déanfaidh an t-eintiteas óstach luach iarmharach an tsár-ríomhaire a aistrítear a aisíoc leis an gComhghnóthas. Mura ndéantar aon aistriú úinéireachta chuig an eintiteas óstach ach má chinntear é a dhíchoimisiúnú, roinnfear na costais ábhartha go cothrom idir an Comhghnóthas agus an t-eintiteas óstach. Ní bheidh dliteanas ar an gComhghnóthas maidir le haon chostas a thabhófar tar éis úinéireacht an tsár-ríomhaire tiomnaithe don Intleacht Shaorga a aistriú nó tar éis a dhíolta nó a dhíchoimisiúnaithe.’

‘1. Féadfaidh an Comhghnóthas glao ar léirithe spéise a sheoladh chun na sár-ríomhairí EuroHPC a bhfuil sé ina úinéir nó ina chomhúinéir orthu a uasghrádú, chun leibhéal feidhmíochta an tsár-ríomhaire a ardú gar don eicsea-scálú, nó chun cumais Intleachta Saorga an tsár-ríomhaire a mhéadú, nó chun feidhmíocht oibríochtúil an tsár-ríomhaire a mhéadú ar bhealach ar bith eile, lena n-áirítear luasairí candamacha.’; scriostar mír 2;

‘5. Beidh céatadán ranníocaíocht airgeadais an Aontais le haghaidh chostais fála an uasghrádaithe mar an gcéanna leis an gcéatadán de ranníocaíocht airgeadais an Aontais don sár-ríomhaire EuroHPC bunaidh, arna dhímheas thar shaolré ionchasach an tsár-ríomhaire bunaidh. Beidh céatadán ranníocaíocht airgeadais an Aontais le haghaidh chostais oibríochtúla bhreise an uasghrádaithe mar an gcéanna leis an gcéatadán de ranníocaíocht airgeadais an Aontais don sár-ríomhaire EuroHPC bunaidh.’;

‘1b. Úsáidfear na sár-ríomhairí tiomnaithe don Intleacht Shaorga agus na sár-ríomhairí EuroHPC arna n‑uasghrádú le haghaidh cumais na hIntleachta Saorga go príomha chun samhlacha oiliúna mórscála ilchuspóireacha intleachta saorga agus feidhmeanna intleachta saorga atá ag teacht chun cinn a fhorbairt, a thástáil, a mheas agus a bhailíochtú, chomh maith le forbairt bhreise a dhéanamh ar réitigh intleachta saorga san Aontas a éilíonn Ríomhaireacht Ardfheidhmíochta agus algartaim mhórscála intleachta saorga a fhorghníomhú chun fadhbanna eolaíochta a réiteach.’;

‘2b. Saineoidh an Bord Rialaithe ▌coinníollacha speisialta rochtana do na sár-ríomhairí tiomnaithe don Intleacht Shaorga agus do shár-ríomhairí EuroHPC arna n-uasghrádú le haghaidh cumais intleachta saorga i gcomhréir le hAirteagal 17 agus riachtanais shonracha éiceachóras nuathionscanta agus taighde na hintleachta saorga á gcur san áireamh. Féadfaidh an Bord Rialaithe coinníollacha sonracha rochtana a shainiú le haghaidh cineálacha éagsúla úsáideoirí nó feidhmchlár, lena n-áirítear rochtain thiomnaithe ar ghnólachtaí nuathionscanta, ar ghnólachtaí atá ag méadú agus ar FBManna. Beidh slándáil agus cáilíocht na seirbhíse mar an gcéanna do na húsáideoirí go léir laistigh de gach catagóir úsáideora. Ní bheidh ach tograí chun samhlacha, córais agus feidhmchláir iontaofa agus eiticiúla um Intleacht Shaorga a fhorbairt atá i gcomhréir le rialacha agus luachanna an Aontais, go háirithe na cinn a chumhdaítear in Airteagal 2 den Chonradh ar an Aontas Eorpach agus i gCairt um Chearta Bunúsacha an Aontais Eorpaigh, incháilithe le haghaidh rochtana. Déanfar na critéir rochtana, na modheolaíochtaí agus an treoir maidir le tosaíochtaí rochtana a shainiú i gcomhréir leis an gcur chuige um Eitic Trí Dhearadh don Intleacht Shaorga agus le tacaíocht ón Sásra um Measúnú Eitice d’Fhís Eorpach.’;

‘1. Beidh an sciar d’aga rochtana an Aontais ar gach sár-ríomhaire EuroHPC ardleibhéil, candamach, agus tiomnaithe don Intleacht Shaorga i gcomhréir dhíreach leis an ranníocaíocht airgeadais ón Aontas dá dtagraítear in Airteagal 5(1) le costas iomlán úinéireachta an tsár-ríomhaire EuroHPC, agus dá bhrí sin ní rachaidh sé thar 50 % d’aga rochtana iomlán an tsár-ríomhaire EuroHPC.’