Artikolu 1SuġġettDan ir-Regolament jistabbilixxi qafas legali komuni għall-iżvilupp, il-produzzjoni u d-disseminazzjoni ta’ statistika Ewropea dwar il-popolazzjoni u l-akkomodazzjoni.

Artikolu 2DefinizzjonijietGħall-fini ta’ dan ir-Regolament, għandhom japplikaw id-definizzjonijiet li ġejjin:(1)“ċittadinanza” tfisser ir-rabta legali partikulari bejn persuna fiżika u l-Istat tiegħu jew tagħha, miksuba bit-twelid jew bin-naturalizzazzjoni, kemm jekk b’dikjarazzjoni, b’għażla, bi żwieġ, b’adozzjoni jew b’xi mezz ieħor f’konformità mal-leġiżlazzjoni nazzjonali;(2)“residenza abitwali” tfisser il-post fejn persuna normalment tqatta’ l-perjodu tal-mistrieħ tagħha ta’ kuljum, irrispettivament mill-assenzi temporanji minħabba rikreazzjoni, vaganzi, żjarat lill-ħbieb u lill-qraba, negozju, trattament mediku jew pellegrinaġġi reliġjużi. Il-persuni li ġejjin biss għandhom jitqiesu bħala residenti abitwali ta’ żona ġeografika speċifika:(a)dawk li għexu fil-post tar-residenza abitwali tagħhom ħafna mill-ħin fit-12-il xahar qabel u fid-data ta’ referenza; jew(b)dawk li waslu fil-post tar-residenza abitwali tagħhom tul it-12-il xahar qabel u fid-data ta’ referenza, u li beħsiebhom jew jistennew li jibqgħu hemm għal ħafna mill-ħin għal mill-inqas 12-il xahar wara l-wasla;(3)“sinjali tal-ħajja” tfisser informazzjoni li tindika l-preżenza attwali u r-residenza abitwali ta’ persuna fit-territorju ta’ interess, inkluż informazzjoni miksuba mingħand kwalunkwe sors xieraq jew kombinament tagħhom, inkluż traċċi diġitali li jirrelataw mal-persuna;(4)▌(5)“migrazzjoni internazzjonali” tfisser l-avveniment biex persuna tistabbilixxi r-residenza abitwali tagħha fit-territorju ta’ Stat Membru jew ta’ pajjiż terz, u li qabel kienet abitwalment residenti fi Stat Membru jew pajjiż terz ieħor;(6)“immigrant” tfisser persuna li għaddiet minn migrazzjoni internazzjonali tul il-perjodu ta’ referenza biex tistabbilixxi r-residenza abitwali l-ġdida tagħha fil-pajjiż tar-rapportar;(7)“migrant” tfisser persuna li għaddiet minn migrazzjoni internazzjonali tul il-perjodu ta’ referenza biex tistabbilixxi r-residenza abitwali l-ġdida tagħha barra mill-pajjiż tar-rapportar, u li qabel kienet abitwalment residenti fil-pajjiż tar-rapportar;(8)“migrazzjoni interna” tfisser l-avveniment biex persuna tbiddel il-post tar-residenza abitwali tagħha fit-territorju tal-pajjiż tar-rapportar;(8a) “gruppi tal-popolazzjoni li huma diffiċli biex jintlaħqu” tfisser gruppi ta’ individwi li għalihom jeżisti ostaklu reali jew perċepit għall-inklużjoni jew l-identifikazzjoni sħiħa u rappreżentattiva fil-ġbir ta’ data statistika, jew minħabba nuqqas ta’ kopertura tal-gruppi rispettivi, jew minħabba nuqqas ta’ karatteristiċi speċifiċi biex jidentifikawhom;(9)“postijiet tal-għajxien” tfisser struttura temporanja jew permanenti, post ta’ kenn jew ta’ alloġġ fejn tkun qed tgħix persuna waħda jew aktar, irrispettivament minn jekk ikunx imfassal jew maħsub għall-abitazzjoni tal-bniedem;(10)▌ “abitazzjonijiet konvenzjonali” huma bini strutturalment separat u indipendenti f’postijiet fissi li huma mfassla għal abitazzjoni permanenti tal-bniedem u li fid-data ta’ referenza huma: (a)użati bħala residenza abitwali; (b)mhux okkupati; jew (c)użati bħala residenza sekondarja jew staġunali. (x)“bini separat” tfisser bini mdawwar b’ħitan u mgħotti b’bejt jew saqaf b’tali mod li persuna waħda jew aktar ikunu jistgħu jirrisjedu hemmhekk indipendentement minn oħrajn;(xx)“bini indipendenti” tfisser bini b’aċċess dirett minn triq jew taraġ, passaġġ, kuritur jew art;(11)“bini maħsub għall-abitazzjoni” tfisser struttura permanenti magħmula minn abitazzjoni konvenzjonali waħda jew aktar, jew li hija maħsuba għal akkomodazzjoni istituzzjonali jew kollettiva.(12)“unità domestika” tfisser grupp ta’ żewġ persuni jew aktar li jaqsmu post tal-għajxien ▌ jew persuna individwali li ma tifformax parti minn unità domestika oħra;(12a) “istituzzjoni” tfisser post tal-għajxien kollettiv għall-fini ta’ abitazzjoni u ta’ forniment ta’ servizzi fit-tul meħtieġa għall-ħajja ta’ kuljum lil grupp ta’ persuni;(13)“familja” tfisser grupp ta’ żewġ persuni jew aktar li jgħixu l-biċċa l-kbira taż-żmien fl-istess unità domestika u li huma relatati bil-paternità jew bi sħubija matrimonjali, reġistrata jew unjoni konsenswali;(14)“rekords amministrattivi” tfisser data ġġenerata minn sors nonstatistiku, normalment reġistru miżmum minn korp pubbliku, li l-għan ewlieni tiegħu ma jkunx il-forniment tal-istatistika;(15)“dominju” tfisser sett wieħed jew aktar tad-data li jkopri suġġetti speċifiċi;(16)“suġġett” tfisser il-kontenut tal-informazzjoni li trid tinġabar dwar l-unitajiet statistiċi, u kull suġġett ikun ikopri għadd ta’ suġġetti dettaljati;(17)“suġġett dettaljat” tfisser il-kontenut dettaljat tal-informazzjoni li trid tinġabar dwar l-unitajiet statistiċi relatati ma’ suġġett, u kull suġġett dettaljat ikun ikopri varjabbli wieħed jew aktar;(18)“sett tad-data” ▌tfisser varjabbli aggregat wieħed jew aktar organizzati f’forma strutturata;(19)“ċensiment tal-popolazzjoni u tal-akkomodazzjoni” tfisser is-settijiet tad-data u metadata dettaljati ta’ għaxar snin li jridu jiġu pprovduti skont dan ir-Regolament;(20)“unità statistika” tfisser membru wieħed ta’ univers ta’ entitajiet, jiġifieri persuni, oġġetti jew avvenimenti li dwarhom tinġabar id-data u fl-aħħar mill-aħħar tiġi ▌ kkompilata l-istatistika;(21)“varjabbli” tfisser karatteristika ta’ unità statistika li jista’ jkollha aktar minn sett wieħed ta’ valuri;(22)“diżaggregazzjoni” tfisser sett ta’ valuri predefiniti diskreti, eżawrjenti u reċiprokament esklużivi li jistgħu jiġu assenjati lil varjabbli li jikkaratterizzaw lil unitajiet statistiċi;(23)“livell nazzjonali” tfisser it-territorju ta’ Stat Membru;(24)“livell reġjonali” tfisser il-livell NUTS3 kif stabbilit fir-Regolament (KE) Nru 1059/2003;(25)“livell lokali” tfisser il-livell tal-unità amministrattiva lokali ▌ kif stabbilit fir-Regolament (KE) Nru 1059/2003;(26)“livell tal-grilja” tfisser grilja statistika kif stabbilit fir-Regolament (KE) Nru 1059/2003;(27)“oqfsa” tfisser lista, materjal jew apparat li jiddelimita u jidentifika l-elementi tal-popolazzjoni fil-mira u, skont l-użu, jistgħu jippermettu aċċess għal karatteristiċi addizzjonali tal-elementi u/jew jipprovduhom;(28)“data ta’ referenza” tfisser il-mument tal-ħin li għalih tirreferi l-istatistika;(29)“perjodu ta’ referenza” tfisser l-intervall taż-żmien li għalih tirreferi l-istatistika dwar l-avvenimenti;(30)“żmien ta’ referenza” tfisser data ta’ referenza jew perjodu ta’ referenza, skont jekk l-istatistika tkunx dwar avvenimenti jew dwar unitajiet statistiċi oħra;(31)“metadata” tfisser informazzjoni meħtieġa biex l-istatistika tkun tista’ tintuża u tiġi interpretata, u li tiddeskrivi s-settijiet tad-data b’mod strutturat;(32)“settijiet tad-data verifikati minn qabel” tfisser settijiet tad-data verifikati mill-Istati Membri, abbażi ta’ regoli komuni miftiehma ta’ validazzjoni;(33)“rapport tal-kwalità” tfisser rapport li jagħti informazzjoni dwar il-kwalità ta’ prodott jew proċess statistiku.

Artikolu 3Bażi tal-popolazzjoni1.Għall-finijiet ta’ dan ir-Regolament, il-bażi tal-popolazzjoni tikkonsisti fil-persuni kollha li fid-data ta’ referenza jkollhom ir-residenza abitwali tagħhom fl-Unjoni f’unità territorjali speċifikata ta’ Stat Membru fil-livell nazzjonali, reġjonali, lokali jew tal-grilja.2.Il-bażi tal-popolazzjoni għandha tinkludi lill-persuni abitwalment residenti kollha, irrispettivament miċ-ċittadinanza jew minn jekk il-persuna hix jew kinitx qabel mingħajr Stat ▌.3.Il-bażi tal-popolazzjoni għandha teskludi lill-persuni li jkollhom ir-residenza abitwali tagħhom barra mit-territorju tal-Istat Membru irrispettivament mill-post tat-twelid jew taċ-ċittadinanza, u irrispettivament minn kull rabta familjari, soċjali, ekonomika jew ta’ proprjetà li l-persuna jista’ jkollha mal-Istat Membru.4.Il-persuni mingħajr residenza abitwali għandhom jiġu attribwiti, bħala post tar-residenza abitwali, il-post fejn ikunu fid-data ta’ referenza.5.L-Istati Membri għandhom japplikaw id-definizzjoni ta’ residenza abitwali prevista f’dan ir-Regolament għas-settijiet tad-data kollha mogħtija lill-Kummissjoni (Eurostat) skont dan ir-Regolament u għal-livell nazzjonali, reġjonali, lokali u tal-grilja.6.Meta japplikaw id-definizzjoni ta’ residenza abitwali, l-Istati Membri għandhom jużaw:(a)sors tad-data wieħed jew kombinament ta’ sorsi tad-data msemmija fl-Artikolu 9(1);(b)metodi ta’ stima bħal “sinjali tal-ħajja” kif ukoll metodi ta’ stima statistika oħrajn ibbażati fuq ix-xjenza, iddokumentati tajjeb u disponibbli pubblikament biex jikkoreġu l-preżenza proprja fil-post preżunt tar-residenza abitwali għal ħafna miż-żmien tul it-12-il xahar sad-data ta’ referenza, u ▌ biex jiġi stmat l-għadd ta’ persuni li jkun beħsiebhom jew jistennew li jibqgħu għal ħafna miż-żmien tul it-12-il xahar wara l-wasla.6a. Għall-fini tal-votazzjoni b’maġġoranza kwalifikata fil-Kunsill, il-Kummissjoni għandha tinforma lill-Kunsill dwar il-popolazzjoni totali tal-Istati Membri fi tmiem kull sena ta’ referenza kif disponibbli fil-Kummissjoni (Eurostat) fil-31 ta’ Awwissu tas-sena kalendarja ta’ wara s-sena ta’ referenza.

Artikolu 4Unitajiet statistiċiL-istatistika skont dan ir-Regolament għandha tiġi kkumpilata għall-unitajiet statistiċi li ġejjin:(a)persuni;(b)avvenimenti vitali;(c)familji;(d)unitajiet domestiċi;(e)binjiet maħsuba għall-abitazzjoni, postijiet tal-għajxien inkluż istituzzjonijiet, u abitazzjonijiet konvenzjonali.

Artikolu 5Rekwiżiti tal-istatistika1.L-istatistika Ewropea dwar il-popolazzjoni u l-akkomodazzjoni għandha tkopri d-dominji li ġejjin:(a)id-demografija(b)l-akkomodazzjoni;(c)il-familji u l-unitajiet domestiċi.2.L-istatistika fid-dominji elenkati fil-paragrafu 1 ta’ dan l-Artikolu għandha tiġi organizzata f’settijiet tad-data skont is-suġġetti u s-suġġetti dettaljati kif stabbilit fl-Anness. Meta l-unità statistika tkun persuna, is-settijiet tad-data għandhom jiġu diżaggregati skont il-ġeneru u l-età, u meta rilevanti skont karatteristiċi oħrajn.3.Il-Kummissjoni għandha s-setgħa li tadotta atti delegati f’konformità mal-Artikolu 17 biex temenda l-lista tas-suġġetti dettaljati fl-Anness. Dawn l-atti delegati għandhom jiġu adottati mill-inqas 12-il xahar qabel il-bidu taż-żmien ta’ referenza rilevanti.4.Meta teżerċita s-setgħa li tadotta atti delegati skont il-paragrafu 3 ta’ dan l-Artikolu, il-Kummissjoni għandha tiżgura li dawk l-atti ma jixħtux piż sinifikanti u sproporzjonat fuq l-Istati Membri u fuq ir-rispondenti tal-istħarriġ. Kull suġġett dettaljat ġdid għandu jiġi vvalutat fuq il-fattibbiltà tiegħu bi studji pilota mwettqa mill-Kummissjoni (Eurostat) u mill-Istati Membri f’konformità mal-Artikolu 14.5.Il-Kummissjoni għandha tadotta atti ta’ implimentazzjoni biex tispeċifika l-karatteristiċi tekniċi tas-settijiet tad-data u tal-metadata li jridu jingħataw lill-Kummissjoni (Eurostat). Dawk l-atti ta’ implimentazzjoni għandhom jispeċifikaw l-elementi tekniċi li ġejjin, meta xieraq:(a)it-titoli tal-varjabbli, l-ispeċifikazzjonijiet tekniċi u d-diżaggregazzjonijiet tagħhom;(b)speċifikazzjonijiet dettaljati tal-unitajiet statistiċi u tal-metadata;(c)il-klassifikazzjonijiet statistiċi li jridu jintużaw;(d)l-iskadenzi tal-forniment;(e)il-formati tekniċi tas-settijiet tad-data u l-forniment tal-metadata;(f)il-kontenut, l-istruttura, il-perjodiċità, il-modalitajiet u l-iskadenzi tal-forniment tar-rapporti tal-kwalità, u speċifikazzjonijiet oħra meta dawn ikunu meħtieġa u ġustifikati.Dawk l-atti ta’ implimentazzjoni għandhom jiġu adottati skont il-proċedura tal-eżami msemmija fl-Artikolu 18(2) mill-inqas 12-il xahar qabel ma jibda l-perjodu ta’ referenza rilevanti, għajr għaċ-ċensiment tal-popolazzjoni u tal-akkomodazzjoni li għalih l-atti ta’ implimentazzjoni għandhom jiġu adottati mill-inqas 24 xahar qabel ma tibda s-sena meta taħbat id-data ta’ referenza.

Artikolu 6Perjodiċità u żminijiet ta’ referenza1.L-Istati Membri għandhom jipproduċu statistika Ewropea dwar il-popolazzjoni u l-akkomodazzjoni trimestrali, biannwali, annwali u pluriennali, u f’ċensiment tal-popolazzjoni u tal-akkomodazzjoni ta’ kull għaxar snin.2.Is-snin li jintemmu b’“1” għandhom ikunu s-snin ta’ referenza għaċ-ċensiment tal-popolazzjoni u tal-akkomodazzjoni ta’ kull għaxar snin.3.Is-snin li jintemmu bil-“1”, bil-“5” u bit-“8” għandhom ikunu s-snin ta’ referenza għall-istatistika pluriennali.4.Il-perjodiċità u ż-żmien ta’ referenza ▌għal kull suġġett dettaljat għandhom ikunu kif stabbilit fl-Anness.5.L-ewwel data ta’ referenza li għaliha trid tingħata l-istatistika annwali dwar is-suġġett “stokkijiet tal-popolazzjoni” għandha tkun il-31 ta’ Diċembru 2025. L-ewwel żmien ta’ referenza li għalih trid tingħata kull statistika oħra skont dan ir-Regolament għandu jkun fl-2026.6.Il-Kummissjoni għandha s-setgħa li tadotta atti delegati f’konformità mal-Artikolu 17 biex temenda l-Anness billi taġġorna l-perjodiċitajiet u ż-żminijiet ta’ referenza.

Artikolu 7Rekwiżiti tal-istatistika ad hoc1.L-Istati Membri għandhom jipprovdu settijiet tad-data ad hoc u metadata lill-Kummissjoni (Eurostat).2..Il-Kummissjoni għandha s-setgħa li tadotta atti delegati biex tissupplimenta dan ir-Regolament f’konformità mal-Artikolu 17 billi tispeċifika s-settijiet tad-data u l-metadata li jridu jagħtu l-Istati Membri fuq bażi ad hoc, meta l-ġbir ta’ statistika addizzjonali ikun jitqies meħtieġ biex jiġu indirizzati ħtiġijiet statistiċi addizzjonali skont dan ir-Regolament, filwaqt li tagħti prijorità lis-sorsi tad-data u r-rekords amministrattivi li għandhom jintużaw għall-ġbir tad-data mitluba.3.L-atti delegati msemmija fil-paragrafu 2 għandhom jispeċifikaw:(a)is-suġġetti dettaljati li jridu jingħataw fis-settijiet tad-data ad hoc u r-raġunijiet għal dawn il-ħtiġijiet statistiċi addizzjonali;(b)iż-żminijiet ta’ referenza.4.Il-Kummissjoni għandha s-setgħa li tadotta l-atti delegati kif imsemmi fil-paragrafu 2 li jibdew mis-sena ta’ referenza 2027 u bi intervall minimu ta’ sentejn bejn kull ġbir ad hoc.5.Il-Kummissjoni għandha tadotta atti ta’ implimentazzjoni biex tispeċifika l-proprjetajiet tekniċi tas-settijiet tad-data ad hoc u l-metadata imsemmija fil-paragrafu 2. Dawk l-atti ta’ implimentazzjoni għandhom jispeċifikaw l-elementi tekniċi li ġejjin, meta xieraq:(a)it-titoli tal-varjabbli, l-ispeċifikazzjonijiet tekniċi u d-diżaggregazzjonijiet tagħhom;(b)speċifikazzjonijiet dettaljati tal-unitajiet statistiċi u tal-metadata;(c)il-klassifikazzjonijiet statistiċi li jridu jintużaw;(d)l-iskadenzi tal-forniment.Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 18(2) fi żmien 12-il xahar qabel jibda ż-żmien ta’ referenza.

Artikolu 8Settijiet tad-data u l-metadata li trid tiġi trażmessa lill-Kummissjoni1.L-Istati Membri għandhom jittrażmettu lill-Kummissjoni (Eurostat) settijiet tad-data u metadata verifikati minn qabel f’konformità mal-Anness bil-format tekniku speċifikat mill-Kummissjoni (Eurostat). Is-settijiet tad-data u l-metadata għandhom jiġu trażmessi lill-Kummissjoni (Eurostat) permezz tas-servizzi tal-punt uniku ta’ dħul.2.Meta l-Istati Membri jippubblikaw id-data meħtieġa minn dan ir-Regolament fil-livell nazzjonali qabel l-iskadenzi tat-trażmissjoni stabbiliti f’konformità mal-Artikolu 5(5) u l-Artikolu 7(5), dawn għandhom jipprovduhom lill-Kummissjoni (Eurostat) mingħajr dewmien bla bżonn, mhux aktar tard minn 21 jum kalendarju mill-pubblikazzjoni nazzjonali.3.L-Istati Membri għandhom jittrażmettu lill-Kummissjoni (Eurostat):(a)settijiet tad-data u metadata riveduti jekk tkun saret xi reviżjoni wara li jkunu ngħataw inizjalment is-settijiet tad-data meħtieġa skont dan ir-Regolament;(b)settijiet tad-data u metadata riveduti għall-perjodu taż-żmien rilevanti jekk tkun saret xi reviżjoni fis-settijiet tad-data mogħtija lill-Kummissjoni (Eurostat) qabel l-applikazzjoni ta’ dan ir-Regolament.Is-settijiet tad-data u l-metadata riveduti għandhom jiġu trażmessi sa 14-il jum kalendarju mir-reviżjoni u jiġu kkomplementati b’rapportar tal-kwalità skont l-Artikolu 12.L-Istati Membri għandhom jinfurmaw lill-Kummissjoni dwar kwalunkwe deċiżjoni biex jiġu riveduti settijiet ta’ data u metadata mingħajr dewmien bla bżonn.

Artikolu 9Sorsi ta’ data u metodi1.L-Istati Membri u l-Kummissjoni (Eurostat) għandhom jużaw sors wieħed tad-data jew kombinament tagħhom minn dawn li ġejjin, diment li dawn ikunu jippermettu l-produzzjoni ta’ statistika li tissodisfa r-rekwiżiti tal-kwalità stabbiliti fl-Artikolu 12:(a)sorsi tad-data amministrattiva;(b)stħarriġiet statistiċi jew ġbir ieħor tad-data statistika;(c)sorsi oħra, inkluż data miżmuma privatament;(d)l-użu mill-ġdid ta’ data derivata mill-kondiviżjoni tad-data bejn l-awtoritajiet nazzjonali tal-istatistika u l-Kummissjoni (Eurostat) fl-ESS.2.L-Istati Membri għandhom jivvalutaw u jimmonitorjaw il-kwalità tas-sorsi tad-data tagħhom, inkluż tar-rekords amministrattivi u sorsi xierqa oħra użati.3.L-Istati Membri għandu jkollhom il-mira jiżviluppaw kontinwament sorsi u metodi innovattivi u jużawhom biex itejbu l-istatistika miġbura skont dan ir-Regolament, dment li dawn ikunu jippermettu l-produzzjoni ta’ statistika li tissodisfa r-rekwiżiti tal-kwalità stabbiliti fl-Artikolu 12. ▌4.L-istatistika miġbura skont dan ir-Regolament għandha tkun ibbażata fuq metodi statistikament sodi u dokumentati sew, filwaqt li jitqiesu r-rakkomandazzjonijiet internazzjonali u l-aqwa prattiki bħas-“sinjali tal-ħajja” ▌u metodi oħra ta’ stima statistika bbażati fuq ix-xjenza użati għall-kompilazzjoni tal-popolazzjoni abitwalment residenti fl-Istati Membri.5.Fuq talba debitament ġustifikata mill-Kummissjoni (Eurostat), l-Istati Membri għandhom jipprovdu lill-Kummissjoni (Eurostat) ir-riżultati tal-valutazzjoni tas-sorsi tad-data, id-dokumentazzjoni tal-metodi u l-kjarifiki meħtieġa.

Artikolu 10Aċċess fil-ħin u użu mill-ġdid tad-data amministrattiva1.F’konformità mal-Artikolu 17a tar-Regolament (KE) Nru 223/2009, l-awtoritajiet nazzjonali responsabbli għas-sorsi tad-data amministrattiva rilevanti għall-finijiet ta’ dan ir-Regolament għandhom jippermettu l-użu mill-ġdid ta’ din id-data fil-ħin u bi frekwenza biżżejjed biex jipproduċu u jissottomettu statistika sal-iskadenzi u konformi mar-rekwiżiti speċifiċi tal-kwalità skont dan ir-Regolament. L-awtoritajiet nazzjonali tal-istatistika u l-awtoritajiet nazzjonali responsabbli mir-rekords amministrattivi għandhom jistabbilixxu l-mekkaniżmi ta’ kooperazzjoni meħtieġa għall-aċċess f’waqtu u mingħajr ħlas għal dawk ir-rekords.1a. Għall-fini tal-produzzjoni ta’ statistika dwar is-suġġett dettaljat tal-karatteristiċi relatati mal-enerġija tal-bini, l-awtoritajiet nazzjonali tal-istatistika għandu jkollhom aċċess f’waqtu u regolari għall-bażijiet tad-data nazzjonali dwar ir-rendiment tal-bini fl-użu tal-enerġija skont id-Direttiva (UE) 2024/1275 u għandhom jitħallew jużaw mill-ġdid id-data amministrattiva minn dawk il-bażijiet tad-data.1b. Għall-fini tal-produzzjoni ta’ analiżi tal-popolazzjoni skont il-ġeneru, l-istituti nazzjonali tal-istatistika għandhom jużaw l-informazzjoni disponibbli fis-sorsi ta’ data amministrattiva nazzjonali.2.Għall-finijiet ta’ dan ir-Regolament, il-Kummissjoni (Eurostat) għandha titħalla, meta titlob dan, taċċessa u terġa’ tuża fil-ħin id-data u l-metadata rilevanti mill-bażijiet tad-data u s-sistemi tal-interoperabbiltà miżmuma mill-korpi u l-aġenziji tal-Unjoni, inkluż skont ir-Regolamenti (UE) Nru 910/2014, (UE) 2018/1724 u data statistika maħżuna fir-repożitorju ċentrali għar-rapportar u għall-istatistika (CRRS). B’mod partikolari, il-Kummissjoni (Eurostat) għandha taċċessa d-data mis-sistemi interoperabbli tal-IT fuq skala kbira (LSITs) fl-ispazju ta’ libertà, sigurtà u ġustizzja mis-CRRS, f’konformità mar-Regolamenti (UE) 2019/817 u (UE) 2019/818 u mar-Regolamenti li jistabbilixxu s-sistemi li d-data statistika tagħhom tinħażen fis-CRRS. Għaldaqstant, il-Kummissjoni (Eurostat) għandha tibqa’ tikkoopera mal-korpi u l-aġenziji rilevanti tal-Unjoni biex tispeċifika d-data statistika u l-metadata personalizzati meħtieġa, meta possibbli skont il-liġijiet tal-Unjoni, għal statistika Ewropea dwar il-popolazzjoni u l-akkomodazzjoni, il-modalitajiet operazzjonali għall-forniment tagħha u s-salvagwardji fiżiċi u loġiċi meħtieġa li jakkumpanjawha.

Artikolu 11Listi tal-pajjiżi u t-territorji1.Meta s-settijiet tad-data jkunu jinkludu informazzjoni skont il-pajjiż jew it-territorju, l-Istati Membri għandhom jużaw diżaggregazzjonijiet speċifiċi għall-finijiet ta’ dan ir-Regolament u tar-Regolament (KE) Nru 862/2007.2.Il-Kummissjoni għandha tadotta atti ta’ implimentazzjoni li jispeċifikaw jew jaġġornaw il-listi tal-pajjiżi u tat-territorji li għandhom japplikaw għad-diżaggregazzjoni tal-istatistika miġbura skont dan ir-Regolament. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 18(2) ta’ dan ir-Regolament. ▌3.L-atti ta’ implimentazzjoni li jemendaw aktar minn terz tal-kategoriji ta’ diżaggregazzjoni tal-pajjiżi jew tat-territorji għandhom japplikaw mhux qabel 12-il xahar wara d-dħul fis-seħħ tagħhom.

Artikolu 12Rekwiżiti tal-kwalità u r-rappurtar tal-kwalità1.L-Istati Membri għandhom jieħdu l-miżuri meħtieġa biex jiżguraw il-kwalità tas-settijiet tad-data u l-metadata trażmessi.2.L-Istati Membri għandhom jieħdu miżuri xierqa u effettivi biex:(a)jimplimentaw ir-regoli relatati mal-bażi tal-popolazzjoni kif stabbiliti fl-Artikolu 3, b’mod uniformi u indipendenti mis-sorsi tad-data użati;(b)jaqbdu jew jagħmlu stima tal-gruppi tal-popolazzjoni li huma diffiċli biex jintlaħqu;(c)jikkontrollaw l-eżawrjenza u l-eżattezza tal-popolazzjoni koperta f’konformità mal-Artikolu 3;(d)jistabbilixxu oqfsa li huma validi għall-finijiet ta’ dan ir-Regolament u tal-Artikolu 12 tar-Regolament (UE) 2019/1700;(e)jevitaw riskji possibbli ta’ qbiż jew ta’ duplikar relatati mal-moviment liberu tal-persuni fl-Unjoni, l-aċċess tal-persuni għas-servizzi transfruntieri relatati mal-avvenimenti vitali, u d-drittijiet tal-persuna li tixtri proprjetà transfruntiera, u li tippossjedi u tuża proprjetà għall-akkomodazzjoni fl-Unjoni, pereżempju permezz tal-introduzzjoni ta’ identifikaturi diġitali uniċi;(f)jevitaw riskji possibbli ta’ qbiż jew għadd doppju u jiżguraw komparabbiltà aħjar tal-flussi migratorji;(g)jipprovdu d-data meħtieġa kollha lill-Kummissjoni (Eurostat) biex tiżgura l-kompletezza tal-istatistika Ewropea ppubblikata.2a. Il-Kummissjoni (Eurostat) għandha tivvaluta l-kwalità tal-metadata dwar l-ispeċifikazzjonijiet, tad-data bil-ħsieb, fost l-oħrajn, li tippubblikaha b’mod faċli għall-utent fuq is-sit web tal-Kummissjoni (Eurostat).3.L-Istati Membri għandhom jibagħtu rapport tal-kwalità lill-Kummissjoni (Eurostat), għall-ewwel darba sal-31 ta’ Marzu 2027 u mbagħad kull sena li tintemm biż-“0”, bi “3” jew b’“7”, li jiddeskrivi l-kwalità tal-istatistika pprovduta u l-proċessi statistiċi għas-settijiet tad-data pprovduti tul il-perjodu. Dawk ir-rapporti ta’ kwalità għandhom jinkludu informazzjoni dwar is-sorsi tad-data u l-metodi użati, l-applikazzjoni tal-kunċetti u d-definizzjonijiet u l-effetti possibbli relatati fuq il-kwalità tas-sorsi tad-data magħżula, ir-reviżjonijiet tad-data u r-raġunijiet u l-impatti tagħhom u l-metodi tal-kontroll tal-iżvelar statistiku. Ir-rapporti tal-kwalità għandhom jagħtu dettalji wkoll dwar kif l-Istati Membri applikaw il-miżuri msemmija fil-paragrafu 1 u kif ġew issodisfati l-kriterji tal-kwalità msemmija fil-paragrafu 2.4.Il-Kummissjoni għandha tadotta atti ta’ implimentazzjoni li jistabbilixxu l-arranġamenti prattiċi għar-rapporti tal-kwalità u l-kontenut tagħhom.Dawk l-atti ta’ implimentazzjoni ma għandhomx jimponu piż jew spejjeż addizzjonali sinifikanti fuq l-Istati Membri.Dawn għandhom jiġu adottati f’konformità mal-proċedura ta’ eżami msemmija fl-Artikolu 18(2).4a. Kwalunkwe adattament kbir previst minn tali atti ta’ implimentazzjoni jista’ jkun is-suġġett ta’ appoġġ finanzjarju u tekniku skont l-Artikolu 15 jew deroga skont l-Artikolu 19(1a).5.L-Istati Membri għandhom jinfurmaw kemm jista’ jkun malajr lill-Kummissjoni (Eurostat) dwar kull informazzjoni jew bidla rilevanti b’rabta mal-implimentazzjoni ta’ dan ir-Regolament li jistgħu jaffettwaw il-kwalità tal-istatistika pprovduta u għandhom jieħdu azzjoni biex isolvu l-kwistjoni mingħajr dewmien bla bżonn.6.Fuq talba debitament ġustifikata mill-Kummissjoni (Eurostat), l-Istati Membri għandhom jipprovdu l-kjarifiki addizzjonali meħtieġa biex tiġi evalwata l-kwalità tal-informazzjoni statistika, bħar-riżultati tal-valutazzjoni tas-sorsi tad-data u d-dokumentazzjoni tal-metodi.

Artikolu 13Kondiviżjoni tad-data1.L-għan tal-kondiviżjoni tad-data bejn l-istituti nazzjonali tal-istatistika u awtoritajiet nazzjonali oħra fil-lista msemmija fl-Artikolu 5(2) tar-Regolament (KE) Nru 223/2009 (awtoritajiet nazzjonali tal-istatistika), u bejn dawk l-awtoritajiet nazzjonali tal-istatistika u l-Kummissjoni (Eurostat), għandhom ikunu esklużivament għall-finijiet ta’ żvilupp u produzzjoni tal-istatistika Ewropea li taqa’ fil-kamp ta’ applikazzjoni ta’ dan ir-Regolament u ▌biex titjieb il-kwalità tagħha.2.Fl-interess tal-kondiviżjoni sigura tad-data fl-ESS, għandhom jittieħdu s-salvagwardji kollha meħtieġa inkluż infrastruttura sigura għall-kondiviżjoni tad-data b’rabta mal-protezzjoni fiżika, teknika u loġika tad-data. Il-Kummissjoni (Eurostat) għandha tistabbilixxi infrastruttura sigura biex tiffaċilita l-kondiviżjoni tad-data msemmija fil-paragrafu 1. ▌L-awtoritajiet nazzjonali tal-istatistika jistgħu jużaw din l-infrastruttura sigura għall-kondiviżjoni tad-data għall-finijiet speċifikati fil-paragrafu 1. Il-Kummissjoni (Eurostat) u l-awtoritajiet nazzjonali tal-istatistika li jużaw din l-infrastruttura sigura għall-kondiviżjoni tad-data għall-ipproċessar ta’ data personali f’konformità mal-paragrafu 3 għandhom jitqiesu bħala kontrolluri konġunti għall-ipproċessar ta’ data personali fl-infrastruttura sigura għall-kondiviżjoni tad-data. Fil-każ li l-awtoritajiet nazzjonali tal-istatistika jużaw infrastruttura oħra għall-kondiviżjoni tad-data, huma għandhom jiżguraw li tali infrastruttura tipprevedi tal-anqas sigurtà ekwivalenti għal dik stabbilita mill-Kummissjoni (Eurostat).3.Meta d-data kkonċernata tkun data kunfidenzjali skont it-tifsira tal-Artikolu 3(7) tar-Regolament (KE) Nru 223/2009 jew data personali skont ir-Regolamenti (UE) 2016/679 u (UE) 2018/1725, il-kondiviżjoni ta’ dik id-data ▌ tista’ ssir b’mod volontarju diment li tkun:(a)ibbażata fuq talba li tiġġustifika l-ħtieġa li d-data tiġi kondiviża f’kull każ individwali, b’mod partikolari b’rabta ma’ kwistjonijiet tal-kwalità li jridu jiġu indirizzati speċifikament;(b)ibbażata ▌ fuq teknoloġiji li jsaħħu l-privatezza u mfassla speċifikament biex jimplimentaw il-prinċipji tar-Regolamenti (UE) 2016/679 u (UE) 2018/1725, b’attenzjoni partikolari għal-limitazzjoni tal-iskop, il-minimizzazzjoni tad-data, il-limitazzjoni tal-ħżin, l-integrità u l-kunfidenzjalità;(c)mingħajr preġudizzju għall-Kapitolu V tar-Regolament (KE) Nru 223/2009.3a. Għall-fini tal-kondiviżjoni tad-data msemmija fil-paragrafu 1, id-data mhux kunfidenzjali għandha tiġi kondiviża bejn l-istituti nazzjonali tal-istatistika u awtoritajiet nazzjonali oħra ta’ Stati Membri differenti u bejn dawn l-awtoritajiet nazzjonali tal-istatistika u l-Kummissjoni (Eurostat).4.Il-Kummissjoni (Eurostat) u l-Istati Membri għandhom iwettqu studji pilota biex jittestjaw u jivvalutaw l-infrastruttura għat-teknoloġiji rilevanti li jtejbu l-privatezza fil-kondiviżjoni tad-data, u l-adegwatezza tagħhom.5.Meta l-istudji pilota mwettqa skont il-paragrafu 4 ta’ dan l-Artikolu jidentifikaw soluzzjonijiet effettivi u siguri għall-kondiviżjoni tad-data għall-finijiet imsemmija fil-paragrafu 1 ta’ dan l-Artikolu, il-Kummissjoni tista’ tadotta atti ta’ implimentazzjoni li jistabbilixxu speċifikazzjonijiet tekniċi għall-kondiviżjoni tad-data u miżuri għall-kunfidenzjalità u s-sigurtà tal-informazzjoni. Dawn l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 18(2).

Artikolu 14Studji pilota u tal-fattibbiltà1.Il-Kummissjoni (Eurostat) għandha, meta meħtieġ u xieraq għall-finijiet ta’ dan ir-Regolament, tniedi studji pilota u tal-fattibbiltà bil-għan li:(a)tivvaluta d-disponibbiltà tas-sorsi tad-data u l-kwalità tagħhom, inkluż ta’ data miżmuma pubblikament u privatament fl-Istati Membri u fil-livell tal-Unjoni;(b)tiżviluppa u tivvaluta l-fattibbiltà tal-implimentazzjoni ta’ ▌ suġġetti dettaljati, unitajiet statistiċi, varjabbli ġodda u d-diżaggregazzjoniet tagħhom;(ba) tivvaluta d-disponibbiltà tas-sorsi tad-data u ttejjeb il-metodi għall-għoti ta’ statistika dwar id-diżabbiltà ta’ persuni u tittestja l-istatistika ta’ diżaggregazzjoni, inkluża l-komparabbiltà tagħha, f’konformità mad-dritt nazzjonali u l-prattika dwar il-protezzjoni tad-data u l-kontroll tad-divulgazzjoni;(c)tiżviluppa metodoloġiji u tekniki statistiċi ġodda biex issaħħaħ il-kwalità u ttejjeb l-informazzjoni dwar il-popolazzjonijiet diffiċli biex jintlaħqu;(d)tnaqqas id-diskrepanzi fid-data tal-flussi migratorji u tiżgura l-komparabbiltà aħjar tagħhom;(da) tnaqqas l-għadd baxx jew l-għadd doppju tan-nies possibbli;(e)tittestja u tivvaluta l-infrastruttura għat-teknoloġiji rilevanti li jsaħħu l-privatezza għal kondiviżjoni sigura tad-data fl-ESS f’konformità mal-Artikolu 13(4), u l-adegwatezza tagħhom.2.L-Istati Membri jistgħu jipparteċipaw f’dawk l-istudji iżda, flimkien mal-Kummissjoni (Eurostat), għandhom jiżguraw ir-rappreżentattività ta’ dawk l-istudji fil-livell tal-Unjoni.3.Ir-riżultati ta’ dawk l-istudji għandhom jiġu evalwati mill-Kummissjoni (Eurostat) b’kooperazzjoni mal-Istati Membri. Il-Kummissjoni (Eurostat) għandha tħejji rapporti b’kooperazzjoni mal-Istati Membri dwar is-sejbiet ta’ dawk l-istudji.

Artikolu 15Finanzjament1.Fir-rigward tal-implimentazzjoni ta’ dan ir-Regolament, il-kontribuzzjoni finanzjarja għandha ssir disponibbli mill-Programm tas-Suq Uniku stabbilit bir-Regolament (UE) 2021/690, f’konformità mar-Regolament (UE, Euratom) 2018/1046, lill-awtoritajiet nazzjonali l-oħra msemmija fl-Artikolu 5(2) tar-Regolament (KE) Nru 223/2009, għal:(a)adattamenti tal-infrastruttura u taħriġ fis-sistema nazzjonali tal-istatistika għall-iżvilupp u l-implimentazzjoni ta’ sorsi tad-data, metodoloġiji, kondiviżjoni tad-data, unitajiet statistiċi, suġġetti, suġġetti dettaljati, varjabbli ġodda jew imtejba, u d-diżaggregazzjonijiet tagħhom(aa) it-tħejjija u l- implimentazzjoni tal-ġbir tad-data ad hoc kif imsemmi fl-Artikolu 7;(b)il-parteċipazzjoni tal-Istati Membri fi studji pilota u tal-fattibbiltà rappreżentattivi msemmija fl-Artikolu 14.1a. L-ammont tal-kontribuzzjoni finanzjarja tal-Unjoni magħmula disponibbli skont dan l-Artikolu għandu jiġi stabbilit f’konformità mar-regoli tal-Programm tas-Suq Uniku bħala parti mill-proċedura baġitarja annwali, soġġett għad-disponibbiltà tal-finanzjament.Barra minn hekk, l-awtoritajiet nazzjonali tal-istatistika kif imsemmija fl-Artikolu 5(2) tar-Regolament (KE) Nru 223/2009 jistgħu japplikaw għal appoġġ minn programmi finanzjarji applikabbli oħrajn tal-Unjoni Ewropea f’konformità mar-regoli ta’ programmi bħal dawn. L-Istati Membri jistgħu japplikaw ukoll għall-appoġġ mill-Istrument ta’ Appoġġ Tekniku biex itejbu l-kwalità tal-istatistika u jiżviluppaw metodoloġiji skont ir-rekwiżiti ta’ dan ir-Regolament f’konformità mar-regoli tal-Istrument ta’ Appoġġ Tekniku u l-objettiv tiegħu li jrawwem il-produzzjoni, il-forniment u l-monitoraġġ tal-kwalità tad-data u tal-istatistika.2.Il-kontribuzzjoni finanzjarja tal-Unjoni ma għandhiex taqbeż id-90 % tal-kostijiet eliġibbli.

Aritkolu 16Ħarsien tal-interessi finanzjarji tal-UnjoniMeta pajjiż terz jipparteċipa fl-azzjonijiet iffinanzjati skont dan ir-Regolament b’deċiżjoni adottata skont ftehim internazzjonali jew abbażi ta’ xi strument ġuridiku ieħor, il-pajjiż terz għandu jagħti d-drittijiet u l-aċċess meħtieġa biex l-uffiċjal awtorizzatorju responsabbli, l-Uffiċċju Ewropew ta’ Kontra l-Frodi (OLAF), il-Qorti Ewropea tal-Awdituri u l-UPPE jeżerċitaw il-kompetenzi rispettivi tagħhom b’mod komprensiv. Fil-każ tal-OLAF, dawn id-drittijiet għandhom jinkludu d-dritt li jwettaq investigazzjonijiet, inkluż verifiki u spezzjonijiet fuq il-post, skont ir-Regolament (UE, Euratom) Nru 883/2013.

Artikolu 17Eżerċizzju tad-delega1.Is-setgħa ta’ adozzjoni ta’ atti delegati hija mogħtija lill-Kummissjoni soġġetta għall-kundizzjonijiet stabbiliti f’dan l-Artikolu.2.Is-setgħa ta’ adozzjoni ta’ atti delegati msemmija fl-Artikoli 5(3), 6(6) u 7(2) għandha tingħata lill-Kummissjoni għal żmien indefinit li jibda minn [OP: please insert the date of entry into force of this Regulation].3.Id-delega tas-setgħa msemmija fl-Artikoli 5(3), 6(6) u 7(2) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ xi att delegat li jkun diġà fis-seħħ.4.Qabel ma tadotta att delegat, il-Kummissjoni għandha tikkonsulta lill-esperti deżinjati minn kull Stat Membru f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet u għandha żżomm lill-Parlament Ewropew infurmat dwar il-ħidma preparatorja tiegħu .5.Malli tadotta att delegat, il-Kummissjoni għandha tinnotifikah fl-istess ħin lill-Parlament Ewropew u lill-Kunsill.6.Att delegat adottat skont l-Artikoli 5(3), 6(6) u 7(2) għandu jidħol fis-seħħ biss jekk ma ssirx oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhux se joġġezzjonaw. B’inizjattiva tal-Parlament Ewropew jew tal-Kunsill, dak il-perjodu għandu jiġi estiż b’xahrejn.

Artikolu 18Proċedura ta’ Kumitat1.Il-Kummissjoni għandha tkun assistita mill-Kumitat tas-Sistema Ewropea tal-Istatistika (ESSC) stabbilit mill-Artikolu 7 tar-Regolament (KE) Nru 223/2009. Dak il-Kumitat għandu jkun kumitat skont it-tifsira tar-Regolament (UE) Nru 182/2011.2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu19Derogi1.Meta l-applikazzjoni ta’ dan ir-Regolament ▌ tkun teżiġi xi adattamenti kbar fis-sistema nazzjonali tal-istatistika ta’ Stat Membru, il-Kummissjoni tista’ tagħti derogi, permezz ta’ atti ta’ implimentazzjoni, lil dak l-Istat Membru, għal żmien massimu ta’ seba’ snin.1a. Meta l-atti delegati jew ta’ implimentazzjoni adottati skont dan ir-Regolament jirrikjedu li jsiru adattamenti kbar fis-sistema nazzjonali tal-istatistika ta’ Stat Membru, il-Kummissjoni tista’ tagħti, permezz ta’ atti ta’ implimentazzjoni, derogi lil dak l-Istat Membru, għal perjodu massimu ta’ tliet snin. 2.Meta tagħti d-derogi skont il-paragrafu 1 ta’ dan l-Artikolu, il-Kummissjoni għandha tqis il-komparabbiltà tal-istatistika tal-Istat Membri u l-kalkolu fil-ħin tal-aggregati Ewropej rappreżentattivi u affidabbli meħtieġa. Meta tagħti dawk id-derogi, il-Kummissjoni għandha tiżgura wkoll li r-rekwiżiti relatati mal-istatistika, mal-metadata u mal-kwalità koperti minn dan ir-Regolament u li qabel kienu koperti mir-Regolament (UE) Nru 1260/2013 jew mill-Artikolu 3 tar-Regolament (KE) Nru 862/2007 jissoktaw bla interruzzjoni.3.L-Istat Membru għandu jippreżenta talba debitament ġustifikata għal deroga lill-Kummissjoni fi żmien xahrejn mid-data tad-dħul fis-seħħ tal-att ikkonċernat.4.Il-Kummissjoni għandha tadotta l-atti ta’ implementazzjoni msemmija fil-paragrafi 1, 1a u 3 ta’ dan l-Artikolu f’konformità mal-proċedura ta’ eżami msemmija fl-Artikolu 18(2).

Artikolu 20Emendi għar-Regolament (KE) Nru 862/2007Ir-Regolament (KE) Nru 862/2007 huwa emendat kif ġej:(1)it-titolu huwa sostitwit b’dan li ġej: “Ir-Regolament (KE) Nru 862/2007 tal-11 ta’ Lulju 2007 dwar l-istatistika Ewropea dwar il-proċeduri tal-ażil u dwar il-proċeduri amministrattivi u ġuridiċi relatati mal-leġiżlazzjoni dwar l-immigrazzjoni, u li jħassar ir-Regolament tal-Kunsill (KEE) Nru 311/76 dwar il-kumpilazzjoni ta’ statistika dwar ħaddiema barranin”;(2)fl-Artikolu 1, il-punti (a) u (b) jitħassru;(3)fl-Artikolu 2(1), jitħassru l-punti (a), (b), (c), (f) u (g);(3a) fl-Artikolu 2(1), il-punt (d) huwa sostitwit b’dan li ġej:

“(d) “ċittadinanza” tfisser ċittadinanza kif definita fl-Artikolu 2(1) tar-Regolament (UE) .../... tar-Regolament tal-Parlament Ewropew u tal-Kunsill*+ĠU: Jekk jogħġbok daħħal fit-test in-numru tar-Regolament li jinsab fid-dokument 2023/0008(COD) u daħħal in-numru, id-data, it-titolu u r-referenza tal-ĠU ta’ dak ir-Regolament fin-nota f’qiegħ il-paġna.”;

(4)l-Artikolu 3 jitħassar;(5)jiddaħħal l-Artikolu li ġej:

“Artikolu 9c

Aċċess fil-ħin għal u użu mill-ġdid tad-data amministrattiva

1.F’konformità mal-Artikolu 17a tar-Regolament (KE) Nru 223/2009, l-awtoritajiet nazzjonali responsabbli għas-sorsi tad-data amministrattiva rilevanti għall-finijiet ta’ dan ir-Regolament għandhom jippermettu l-użu mill-ġdid ta’ dik id-data fil-ħin u soġġett għal frekwenza biżżejjed biex jipproduċu u jissottomettu statistika sal-iskadenzi u f’konformità mar-rekwiżiti speċifiċi tal-kwalità skont dan ir-Regolament. L-awtoritajiet nazzjonali tal-istatistika u l-awtoritajiet nazzjonali responsabbli mir-rekords amministrattivi għandhom jistabbilixxu l-mekkaniżmi ta’ kooperazzjoni meħtieġa għall-aċċess għal dawk ir-rekords fil-ħin, mingħajr ħlas.

2.Għall-finijiet ta’ dan ir-Regolament, il-Kummissjoni (Eurostat) għandha titħalla, meta titlob dan, taċċessa u terġa’ tuża fil-ħin id-data u l-metadata rilevanti mill-bażijiet tad-data u s-sistemi tal-interoperabbiltà miżmuma mill-korpi u l-aġenziji tal-Unjoni, inkluż skont ir-Regolamenti (UE) Nru 910/2014, (UE) 2018/1724 u data statistika maħżuna fir-repożitorju ċentrali għar-rapportar u għall-istatistika (CRRS). B’mod partikolari, il-Kummissjoni (Eurostat) għandha taċċessa d-data mis-sistemi interoperabbli tal-IT fuq Skala Kbira (LSITs) fl-ispazju ta’ libertà, sigurtà u ġustizzja mis-CRRS f’konformità mar-Regolamenti (UE) 2019/817 u (UE) 2019/818 u mar-Regolamenti li jistabbilixxu s-sistemi li d-data statistika tagħhom tinħażen fis-CRRS. Għaldaqstant, il-Kummissjoni (Eurostat) għandha tibqa’ tikkoopera mal-korpi u l-aġenziji rilevanti tal-Unjoni biex tispeċifika d-data statistika u l-metadata personalizzati meħtieġa, meta possibbli skont il-liġijiet tal-Unjoni, għal statistika Ewropea dwar il-popolazzjoni u l-akkomodazzjoni, il-modalitajiet operazzjonali għall-forniment tagħha u s-salvagwardji fiżiċi u loġiċi meħtieġa li jakkumpanjawha.”

(6)jiddaħħal l-Artikolu li ġej:

“Artikolu 10a

Listi tal-pajjiżi u t-territorji

Il-listi tal-pajjiżi u t-territorji msemmija fl-Artikolu 11 tar-Regolament (UE) .../... *+ĠU: Jekk jogħġbok daħħal fit-test in-numru tar-Regolament li jinsab fid-dokument (2023/0008(COD)) u daħħal in-numru, id-data, it-titolu u r-referenza tal-ĠU ta’ dak ir-Regolament fin-nota f’qiegħ il-paġna. għandhom jiġu applikati għall-kompilazzjoni tal-istatistika skont dan ir-Regolament biex tkun żgurata l-komparabbiltà tad-dettalji speċifiċi għall-pajjiżi u għat-territorji fl-istatistika Ewropea kollha. L-Istati Membri għandhom japplikaw dawn il-listi għall-ewwel darba biex jikkompilaw l-istatistika dovuta skont dan ir-Regolament li tibda bit-trażmissjonijiet tad-data għas-sena ta’ referenza 2026.

________

* Ir-Regolament (UE) .../... tal-Parlament Ewropew u tal-Kunsill dwar l-istatistika Ewropea dwar il-popolazzjoni u l-akkomodazzjoni, li jemenda r-Regolament (KE) Nru 862/2007 u li jħassar ir-Regolamenti (KE) Nru 763/2008 u (UE) Nru 1260/2013 (ĠU ...).”.

Artikolu 21RevokaIr-Regolamenti (KE) Nru 763/2008 u (UE) Nru 1260/2013 huma revokati b’effett mill-1 ta’ Jannar 2026 mingħajr preġudizzju għall-obbligi stabbiliti f’dawk l-atti legali b’rabta mal-perjodi ta’ referenza li jaħbtu, kompletament jew parzjalment, qabel dik id-data.Referenzi għar-Regolamenti mħassra għandhom jinftiehmu bħala referenzi għal dan ir-Regolament.

Artikolu 22Dħul fis-seħħ u applikazzjoniDan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.Għandu jibda japplika mill-1 ta’ Jannar 2026.Dan ir-Regolament għandu jorbot fl-intier tiegħu u japplika direttament fl-Istati Membri kollha.