P9_TA(2024)0363Leasú a dhéanamh ar Rialachán (AE) Uimh. 575/2013 maidir le ceanglais le haghaidh riosca creidmheasa, riosca coigeartaithe luachála creidmheasa, riosca margaidh agus bonn aschuirRún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle lena leasaítear Rialachán (AE) Uimh. 575/2013 a mhéid a bhaineann le ceanglais le haghaidh priacal creidmheasa, priacal um choigeartú luachála creidmheasa, priacal oibriúcháin, priacal margaidh agus an t íosráta aschuir (COM(2021)0664 – C9-0397/2021 – 2021/0342(COD))(An gnáthnós imeachta reachtach: an chéad léamh)Tá Parlaimint na hEorpa,

–ag féachaint don togra ón gCoimisiún chuig Parlaimint na hEorpa agus chuig an gComhairle (COM(2021)0664),

–ag féachaint d’Airteagal 294(2) agus d’Airteagal 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0397/2021),

–ag féachaint d’Airteagal 294(3) den Chonradh ar Fheidhmiú an Aontais Eorpaigh,

–ag féachaint do thuairim ón mBanc Ceannais Eorpach an 24 Márta 2022 IO C 233, 16.6.2022, lch. 14.,

–ag féachaint do thuairim ó Choiste Eacnamaíoch agus Sóisialta na hEorpa an 23 Márta 2022 IO C 290, 29.7.2022, lch. 40.,

–ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 6 Nollaig 2023 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–ag féachaint do Riail 59 dá Rialacha Nós Imeachta,

–ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A9-0030/2023),

1.ag glacadh a seasaimh ar an gcéad léamh mar a leagtar amach ina dhiaidh seo é;

2.ag cur sonrú sa ráiteas ón gCoimisiún atá i gceangal leis an rún seo, a fhoilseofar i sraith C d’Iris Oifigiúil an Aontais Eorpaigh;

3.á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

4.á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

P9_TC1-COD(2021)0342Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle lena leasaítear Rialachán (AE) Uimh. 575/2013 a mhéid a bhaineann le ceanglais le haghaidh riosca creidmheasa, riosca um choigeartú luachála creidmheasa, riosca oibriúcháin, riosca margaidh agus an t-íosráta aschuir(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2024/1623.)IARSCRÍBHINN A GHABHANN LEIS AN RÚN REACHTACHRáiteas ón gCoimisiún i ndáil le hAirteagal 1, pointe (253), de Rialachán (AE) 2024/1623 ó Pharlaimint na hEorpa agus ón gComhairle maidir le hAirteagal 518c de Rialachán (AE) Uimh. 575/2013

Geallann an Coimisiún go ndéanfaidh sé measúnú cothrom agus cóir ar staid an Mhargaidh Aonair don bhaincéireacht, agus ceanglais stuamachta á gcur san áireamh go háirithe, lena n-áirítear leibhéal chur i bhfeidhm an íosráta aschuir agus na forálacha maidir le tarscaoileadh ceanglas caipitil agus leachtachta. Cuirfidh sé an sainordú sin i gcrích bunaithe ar ionchuir ón Údarás Baincéireachta Eorpach agus ón mBanc Ceannais Eorpach/Sásra Maoirseachta Aonair, agus rachaidh sé i gcomhairle le páirtithe leasmhara chun a áirithiú go ndéanfar breithniú iomchuí ar na dearcthaí éagsúla. Tíolacfaidh an Coimisiún, i gcás inarb iomchuí, togra reachtach bunaithe ar an tuarascáil.